|
Re: البارح قبضوا وزير المالية الاسبق بعد مطا� (Re: خضر الطيب)
|
اخونا خضر سلامات ياخ حاجة تكيف . انا بكون مبسوط جدا لي زنابير عربيات المطاردة . كيف شديد والدوشكات كاشحة في الشوارع المالاقية صيانية من سنة دوو . المدهش يا خضر اليومين الفاتو ديل كلهم مطاردات عنيفة . قبض زي القبض . كمش . زي الكمش . برضو تم القبض علي وزير سابق ليه سنكيت . اسمو عبدالباقي عطا الفضيل . برضو كان شغال غسيل ومكوة تقيلة . وقالوا كان ممكن يحول ممتلكات اي زول بدون وجه حق لي روحو . زول سفساف سفسفة السنين . قاليك ده الزول الخطري جدا الكان بيحفر لي يبيع جامعة الخرطوم . وهو من قام بي الفتنة المعروفة في جروف بري المحس . الزول ده قبضوهو والان هو متهم في يد العدالة .
| |
|
|
|
|
|
|
Re: البارح قبضوا وزير المالية الاسبق بعد مطا� (Re: Osman Musa)
|
حقو يا جماعة اليومين دي في العاصمة ومع كعوبية الشوارع وطين الخريف . والناس عارفين انو اليومين دي ايام قبض ومطاردات . حقو الناس تتفهم الحاصل وتساعد الشرطة بي البركنة في طرف الشارع لحظة المطاردة . تفادي للحوادث وتسهيل لي عملية القبض علي الفارات المتينة .
| |
|
|
|
|
|
|
Re: البارح قبضوا وزير المالية الاسبق بعد مطا� (Re: عمر أبوعاقلة)
|
Osman Musa سلام شيل شيلتك مع الزملاء الاعزاء Kabar و محمد الامين احمد و غيرهم الذين سوف ينظرون الي المسألۃ برمتها مجرد استهداف لأحد ابناء الغرب
نصيحتي لك آخد ليك اجازۃ من البورد ليومين او ٣ ايام
و لما ترجع ابدأ ببوست جديد عن الدور الذي تلعبه قوات الدعم السريع في استقرار اوروبا و تماسك حلف الشمال الاطلسي احتمال يخفف عليك الهجوم
| |
|
|
|
|
|
|
Re: البارح قبضوا وزير المالية الاسبق بعد مطا� (Re: دينق عبد الله)
|
الاخ الكريم دينق عبدالله سلامات يا اخوي الايام ايام مطاردات هولويودية . الظاهر وزير المالية الجديد بعد العودة من امريكا . رجع بي خطة 4 اتنين 4 . خطة كاسحة لي لملمة فلوس الامة المشتتة . دحين يا اخوي ركز معانا في البوست وابعدنا عن كلام الجهوية . صباح الليلة برضو قالوا كانت في مطاردة عنيفة جهات كافوري .
| |
|
|
|
|
|
|
Re: البارح قبضوا وزير المالية الاسبق بعد مطا� (Re: Osman Musa)
|
Oaman Musa اخوي انا ابعد الناس عن العنصريۃ و الجهويۃ لكن مداخلتي تلك اسلوب من الاساليب التي احارب بها الجهويۃ كل الشرفاء السودانيين من ام واحدۃ و اب واحد . همهم رفعۃ هذه الرقعۃ المباركۃ المسماۃ بالسودان - بالتأكيد الاخوين المذكورين ضمن هٶلاء الشرفاء لكن قصدت بهما التنبيه لبعض مواقفهما الموغلۃ في الجهويۃ غير المبررۃ
و كذا اللصوص ملۃ واحدۃ . هم ابناء ام واحدۃ و لو اختلفت الاقاليم التي انحدروا منها.
اذا انت و انا و Kabar و ياسر الشريف في مركبۃ واحدۃ مع البدوي لمطارۃ اللصوص --------
يا ولد شغل النجدۃ
| |
|
|
|
|
|
|
Re: البارح قبضوا وزير المالية الاسبق بعد مطا� (Re: Osman Musa)
|
النيلين ((القت السلطات القبض على “علي محمود” وزير المالية الأسبق في الحكم البائد ودونت في مواجهته بلاغاً بالرقم “123” بنيابة الفساد تحت المادة “177/2” والخاص بالنقل النهري وامتلاكه مبلغ “38” مليون دولار و”10″ مليارات و”300″ مليون جنيه.
وكشفت “زيرو فساد” ان محمود متهم ببيع مواعين النقل النهري, وأكد المراجع العام بحسب صحيفة اليوم التالي ان المبلغ لم يورد بخزينة الدولة منذ العام 2007 عندما كان وزيراً للمالية في ذاك الوقت.)))
| |
|
|
|
|
|
|
Re: البارح قبضوا وزير المالية الاسبق بعد مطا� (Re: دينق عبد الله)
|
اخونا دينق عليك الله خلي اخونا كبر يشرح لينا المادة 177/2 : وهل الوزير ده بيتحاكم بي ( فوليني ) ولا ( ميزدامينا ) طبعا لو اتحاكم بي فوليني والفوليني خشم بيوت لكن ممكن يكون فيها اعدام . ولو المحامي حقو شاطر و عفريت وطلعلو الحكم بي ميزدامينا ممكن يتحاكم علي خفيف والشعب المسكين يكون اكل نيم . لكن عند ربنا مافي شي بيضيع . كدي يا استاذ كبر قولك شنو ؟
| |
|
|
|
|
|
|
Re: البارح قبضوا وزير المالية الاسبق بعد مطا� (Re: Osman Musa)
|
سلام Osman المفروض تدفع شيء علي تبني البوست
اما عن سيارات توسان:- بالرجوع الي كتاب الخاٸب لشيخنا بلۃ الغاٸب: اصل الاسم كان توهان لكن مع مجيء حكومۃ الثورۃ تدخل الجن و غير السين ب الهاء تكريما للبرهان رٸيس مجلس السيادۃ و الذي حقن الدماء بإنحيازه للثورۃ.
هذه السيارات تتوقف تلقاٸيا بعد اعادۃ كل الاموال المنهبۃ الي الخارج.
--------------- الصفحۃ ١١١ من كتاب الخاٸب وهي تحمل نفس رقم الصواريخ التي ضربت مصنع الشفاء
السطر الاخير من عندي
| |
|
|
|
|
|
|
Re: البارح قبضوا وزير المالية الاسبق بعد مطا� (Re: Osman Musa)
|
يحكي لي صديق عن اللمة و الدوشة الحصلت والتصوير ومنع التصور لحظة القبضة ولحظة سرحان المقبوض في الافاق البعيدة . دشليونات دشليونات من حبات العرق النزلت من الكادحين راحت ساكت . النقل النهري الكان محسوب للسياح من معجزات الدنيا السبعة . الحاجات دي كلها راحت هبوب في هبوب . لحظة القبضة جات حبوبة عجوز ماشه . وقفت وقالت لكن التوسان ما عندك . في الليلة ديك الواحد لا يعرف يضحك لا يعرف يبكي لا يقدر يتحمل اساهو . حلوة اساهو دي .
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|