الخريف ... حين تموت اوراق الشجر ... و تهاجر عصافير الخريف ... و الخريف الذي يصفونا به ( من لا رحمة في قلوبهم ) نحن من نشارف على الستينات فيسمونه خريف العمر ...
ابت هذه الورده في حديقة بيتي الأمامية الا ان تخالف قوانين الطبيعة ... تقلب علينا الجو قليلا ... فخرجت وردة واحدة حمراء اللون تقول ها أنذا ... و من حولها اصفرار الاوراق يقول لها انه الخريف ايتها المجنونة
غازلتها ... فزادت احمراراً ... و قالت لي ... انا لست هي ... فقلت ... اعرف .. و لكن ما احلاكي و انتي في يدها ... و في مخدعها ...
هي وردتي التي احبها ... و ان طال الزمن ...
Post: #2 Title: Re: وردة في عز الخريف !!! Author: يحي قباني Date: 10-02-2019, 09:42 PM Parent: #1
Post: #3 Title: Re: وردة في عز الخريف !!! Author: يحي قباني Date: 10-02-2019, 10:00 PM Parent: #2
ليه يا عصافير الخريف خضرة مشاعرى اشيلا صيف تحت الغمام شايف مواكب الهجرة اتلاشت سراع ليه يا عصافير ليه الاسف مين علمك أسف الوداع وعارف دا ما اول سفر
Post: #4 Title: Re: وردة في عز الخريف !!! Author: Hamid Elsawi Date: 10-02-2019, 10:42 PM Parent: #3
Quote: غازلتها ... فزادت احمراراً ... و قالت لي ... انا لست هي ... فقلت ... اعرف .. و لكن ما احلاكي و انتي في يدها ... و في مخدعها
شكل الثيرمومتر بتاع الرومانسية عندك عالي شوية الليلة هاك الكلام المنقول ده مع إني عارفك بتكره اللفحي
زهرة التيوليب الحمراء ترمز لــ لحب والعاطفة وتخاطب المرأة الجميلة *زهرة اللاوند تخاطب المرأة الرقيقة والمرهفة الحس *وترمز زهرة البنفسج لــ لحب الصامت المتأجج وتخاطب المرأة الخجولة *وأما الورد الاحمر فــ يخاطب المرأة ذات العاطفة البركانية * الوردة الصفراء ..تخاطب المرأة النرجسية *الورد الأزرق .. يخاطب المرأة ذات المكانة العالية *الوردة الروز .. تخاطب المرأة الوفية ذات العاطفة الثابتة *والياسمين الابيض لــ لمرأة الرقيقة * والقرنفل الابيض يخاطب المرأة المتشككة ويقول لها ثقي في حبي * والقرنفل الوردي .. لــ لغزل ويقول أنا معجب بشدة بك * والقرنفل الاحمر يقول لــ لفتاة انا مؤمن بــ إخلاصك *وزهرة الكامليليا البيضاء فــ تقول أنك تحتقرين الحب * والكاميليا الحمراء فــ تقول لــ لمرأة أنك أجمل نساء العالم أقوال عن الورود
تحياتي العَطِرة
Post: #5 Title: Re: وردة في عز الخريف !!! Author: يحي قباني Date: 10-02-2019, 10:49 PM Parent: #4
Quote: شكل الثيرمومتر بتاع الرومانسية عندك عالي شوية الليلة هاك الكلام المنقول ده مع إني عارفك بتكره اللفحي
صاوينا يا جميل ...
دايماً عالي .. طول ما الجمال من حولك ... ههه
Quote: *وأما الورد الاحمر فــ يخاطب المرأة ذات العاطفة البركانية
أنا اشهد ... هو كذلك يا صديقي ... :)
Post: #6 Title: Re: وردة في عز الخريف !!! Author: Hamid Elsawi Date: 10-02-2019, 11:28 PM Parent: #5
في إحدي زياراتي لاثيوبيا مشيت مشتل بتاع زهور غاية في الروعة و الجمال. علمت انه يتم تصديرها لبريطانيا بشكل يومي. من الدول التي ترعي الورود هولندا بت عمسيب رد الله غربتها اتحفتنا ب بوست كامل عن الورود و الزهور مشفوع ب صور بديعة ------------------------ انا في الشغل الان لو مشيت البيت بي الروح بتاعة البوست ده الرومانسية ح أكون (عُرضَه للشَمْ)
Post: #7 Title: Re: وردة في عز الخريف !!! Author: امتثال عبدالله Date: 10-03-2019, 00:43 AM Parent: #5
ما دام جابت ليها لفحي يا ود الصاوي ...اها ده كمان لفحي تاني ::: الورد من أكثر الأشياء التي ترسم البسمة على الوجه وتبعث الراحة والتفاؤل بألوانها الزاهية ورائحتها الزكية .. فعندما نهدي شخصا وردة فهذا يدل على مكانته في قلوبنا، ودائما ما يدل الورد على الذوق الرفيع عند اختياره هدية لمن نحب.. الورود هي الطبيعة الصامتة النابضة بكل انواع الحياة،، الورود لغة يتداولها جميع البشر في العالم ولا تحتاج إلى مترجم، ، إذا كان معك جنيهان فاشتري بواحد رغيفا والأخر وردة ،، هناك من يتذمر لان للورد شوك،،وهناك من يتفاءل لان فوق الشوك وردة،، إذا شعرت بالتشاؤم فتامل وردة فسوف تشعر بالتفاؤل ...... والتحية والسلام لصاحب البوست والورد ود قباني ..
Post: #8 Title: Re: وردة في عز الخريف !!! Author: يحي قباني Date: 10-03-2019, 03:29 AM Parent: #7
Quote: انا في الشغل الان لو مشيت البيت بي الروح بتاعة البوست ده الرومانسية ح أكون (عُرضَه للشَمْ)
ربنا يستر عليك ياخ ههههههه....
انت بس ادعي ... اللهم اشغل أعداءنا بأنفسهم ....:)
Post: #9 Title: Re: وردة في عز الخريف !!! Author: يحي قباني Date: 10-03-2019, 04:02 AM Parent: #8
Post: #10 Title: Re: وردة في عز الخريف !!! Author: بدر الدين الأمير Date: 10-03-2019, 05:13 AM Parent: #9
قبانى ياود الحى البريطانى وردتك دى زكرتنى قصة حكاها لى مصطفى سيد احمد قال فى أحد جلسات الاستماع غنى اغنية يامطر عز الحريق وبعد الانتهاء من أداء الاغنية قام احد الشباب واعترض بقوله ياستاذ مفروض ما يكون يامطر عز الحريق بل يامطر عز الخريف فكان رد مصطفى لوكانت يامطر عز الخريف ماكان غنيتها لانو الامر بكون عادى
Post: #11 Title: Re: وردة في عز الخريف !!! Author: محمد عبد الله الحسين Date: 10-03-2019, 05:31 AM Parent: #10
قباني يا وردة عز الربيع
صباح الورد و الرومانسيات رغم المشارف التي ذكرتها..
انسى مشارف الستين و أفرح بي شبابك
و أغنية المرحوم ابن البادية تقول:
مادمت انت سعيد وعاجبك شبابك كالزهرة لسة جديد فتحت دابك كل يوم في عمرك عيد صباح الورد على كل ورود المنبر
Post: #12 Title: Re: وردة في عز الخريف !!! Author: علي عبدالوهاب عثمان Date: 10-03-2019, 09:33 AM Parent: #11
حبيبنا قباني .. تحياتي .. يا جميل .. يا سلام عليك .. الزهور .. ووردي الله يرحمه .. أيقونات الجمال أغرب حاجة الحبيب قباني .. الترابلة لا يحبون الزهور لأن أكبر الآفات التي تصيب الزراعة هي نباتات ذات زهور جميلة جداً هناك نبتة لها زهرة بنفسجية في غاية الجمال تنمو مع الذرة في موسم الصيف هي مضرة جداً جداً بالنسبة للزرة .. ويستخدم لعلاج الجروح في ظهور الحمير أفتكر بالعربي ( الدبر) وهناك الجرجير ذات الأوراق الخشنة وزهرتها ( صفراء ) وهي في غاية الجمال عكس الجرير العادي قابل للأكل ذو زهرة (بيضاء) وهذه النبتة قاتلة للقمح أنها تنمو بسرعة هائلة وتغطي على القمح وتقضي عليها وتسمى بالنوبية ( Teber تيبر ) وأزهارها صفراء وأكثر ما يثير غضب المزارع عندما تتفتح زهور الخضروات الورقية ( ملوخية ، ورق .. أوريق .. إلخ ) معناها هذه الخضروات شاخت وغير قابلة للأكل ..
وحسب التفكير الاقتصادي للتربال .. أنه يرى الجمال في شكل الثمرة والمحصول والعائد المادي
تحياتي الحبيب قباني .. اليوم جيل الاحفاد .. طبعاً تبدلت الصورة داخل المنازل من الباب ريحان وزهور وأشجار فواكه ( الكلام ده في البلد ضواحي الدنيا )
مودتي الحبيب .. شكراً كثير كثير يا جميل .. خليتنا نستحضر هذه المعلومة
Post: #13 Title: Re: وردة في عز الخريف !!! Author: يحي قباني Date: 10-03-2019, 10:09 AM Parent: #12
Quote: قبانى ياود الحى البريطانى وردتك دى زكرتنى قصة حكاها لى مصطفى سيد احمد قال فى أحد جلسات الاستماع غنى اغنية يامطر عز الحريق وبعد الانتهاء من أداء الاغنية قام احد الشباب واعترض بقوله ياستاذ مفروض ما يكون يامطر عز الحريق بل يامطر عز الخريف فكان رد مصطفى لوكانت يامطر عز الخريف ماكان غنيتها لانو الامر بكون عادى
صحي و الله ...
لكن المعنى الاجمل لما تكون لاعب (حريق) و البلية ماشة معاك و المطر صابي ... ياهو ده مطر عز الحريق هههههه
Post: #14 Title: Re: وردة في عز الخريف !!! Author: بدر الدين الأمير Date: 10-03-2019, 11:56 AM Parent: #13
ود قبانى كلامك اعلاه ماكلام زول كان ساكن الحى البريطانى دا كلام زول كان ساكن المزاد او ود ازرق
وبجى راجع لعلى عبدالوهاب وزهرة البودة وزجر خالى قريب الله لى بسبب البودة
Post: #15 Title: Re: وردة في عز الخريف !!! Author: امتثال عبدالله Date: 10-03-2019, 01:27 PM Parent: #14
بس في دي "بتنا " أجمل وارق من " وردة" ..وش باسم ... ونتمنى حياتنا تكون كلها مفروشة بالورود والزهور ...ولكن !!! قمت الصباح بدري استعداد ليوم جديد وعاينت من الشباك ،،ورأيت منظر جميل جدا ،،وردة صفراء كبيرة وهي وردة عباد الشمس ،،ذات اللون الأصفر الباهي ، وهو اللون الذي قال الله فيه أنه لون يسر الناظرين ،،،وقلت في نفسي ..إذا كده اليوم حيكون جميل وسهل ومفروش فعلا بالورود...ولكن ..واعوذ بالله من كلمة ولكن ،،، فتحت سودانيز اون لاين وقرأت الخبر الكاتبو ابو الزهور عن ان المجلس السيادي قرر تعيين حميدتي نائب رئيس المجلس، ،،وقلت يا ساتر يا رب ..من اول الصباح خبر كابوس ..وهذا يعني أن اليوم حيكون يوم أسود وملئ بالمشاكل والعقبات... ..معليش قلبنا ليك البوست الجميل ده سياسة ...والله ينجينا من السياسة.... وان شاء الله تكون قريت خبر الوزير السابق في نظام اللصوص والحرامية ومطاردة الشرطة له حتى القبض عليه وكأنه فلم أمريكي...فلم شنو ...قول وكأنه منظر من مناظر نيويورك والشرطة تطارد أحد المجرمين في سباق سيارات عنيف.... مع التحيات النواضر..
Post: #16 Title: Re: وردة في عز الخريف !!! Author: يحي قباني Date: 10-03-2019, 03:49 PM Parent: #15
صابحتها وسط زخات المطر و وجدت الدموع في عينيها ... فقلت لها يا وردتي لماذا اراكِ حزينة ؟ قالت لي .. كل شئ حولي بارد .. و انا وحيدة ... فقلت لها و لكنك اخترتي الزمان و المكان ... فقالت لي .. كنت اخاله الربيع ... فوجدته شتاء باردا جدا ... و تنهدت و قالت و الدموع في عينيها تحاول ان تمسكها عنوة ... انا أشتاق الى دفئك ... فقلت لها ... اردتي ان تخالفي الطبيعة ... فتركتك ... و لكني دائما من حولك ... اعطيك من دفئي متى احتجتي و لكني لا املك ان اغير المواسم ... ساكون معك حتى يأتي الربيع ... و ستجديني ... و انا اعرف انك ستعودين ...
Post: #17 Title: Re: وردة في عز الخريف !!! Author: يحي قباني Date: 10-03-2019, 09:27 PM Parent: #16
Quote: قباني يا وردة عز الربيع
صباح الورد و الرومانسيات رغم المشارف التي ذكرتها..
انسى مشارف الستين و أفرح بي شبابك
محمد يا جميل ...
العمر يا صديقي ليس سوى رقم لحفظ الاشياء و ترتيبها ... :)
Age is just a number what matters is how you feel , not how old you are
Post: #18 Title: Re: وردة في عز الخريف !!! Author: muntasir Date: 10-03-2019, 09:33 PM Parent: #17
هسي لو زرعت ليك رجلة مش كان أحسن ليك
Post: #19 Title: Re: وردة في عز الخريف !!! Author: سلمى عبد العزيز Date: 10-03-2019, 09:35 PM Parent: #16
سلام اخي قباني
ربنا يحفظ لك كل الورود الحولك ان شاء الله. وداع جميل لصيف جميل ..كلها اسبوعين تلاتة و تبدا معركتنا مع الصقيع, ربنا يهون .
Post: #20 Title: Re: وردة في عز الخريف !!! Author: يحي قباني Date: 10-03-2019, 09:57 PM Parent: #19
Quote: حبيبنا قباني .. تحياتي .. يا جميل .. يا سلام عليك .. الزهور .. ووردي الله يرحمه .. أيقونات الجمال أغرب حاجة الحبيب قباني .. الترابلة لا يحبون الزهور لأن أكبر الآفات التي تصيب الزراعة هي نباتات ذات زهور جميلة جداً هناك نبتة لها زهرة بنفسجية في غاية الجمال تنمو مع الذرة في موسم الصيف هي مضرة جداً جداً بالنسبة للزرة .. ويستخدم لعلاج الجروح في ظهور الحمير أفتكر بالعربي ( الدبر) وهناك الجرجير ذات الأوراق الخشنة وزهرتها ( صفراء ) وهي في غاية الجمال عكس الجرير العادي قابل للأكل ذو زهرة (بيضاء) وهذه النبتة قاتلة للقمح أنها تنمو بسرعة هائلة وتغطي على القمح وتقضي عليها وتسمى بالنوبية ( Teber تيبر ) وأزهارها صفراء وأكثر ما يثير غضب المزارع عندما تتفتح زهور الخضروات الورقية ( ملوخية ، ورق .. أوريق .. إلخ ) معناها هذه الخضروات شاخت وغير قابلة للأكل ..
وحسب التفكير الاقتصادي للتربال .. أنه يرى الجمال في شكل الثمرة والمحصول والعائد المادي
تحياتي الحبيب قباني .. اليوم جيل الاحفاد .. طبعاً تبدلت الصورة داخل المنازل من الباب ريحان وزهور وأشجار فواكه ( الكلام ده في البلد ضواحي الدنيا )
مودتي الحبيب .. شكراً كثير كثير يا جميل .. خليتنا نستحضر هذه المعلومة
عم علي يا ملك الجمال ...
حتى هنا ... الزهور البرية و ال weeds and dandelions مخربة جدا للزرع حتى النجايل ...
انت عارف المصيبة الصفراء دي ورقها قابل للطبخ ؟
غايتو محاربتها صعبه و هنا منعوا مننا الكيماويات عشان الانفايرومنت ...
تحياتي مرة تاني يا بديع ...
Post: #21 Title: Re: وردة في عز الخريف !!! Author: يحي قباني Date: 10-03-2019, 10:06 PM Parent: #20
Quote: ود قبانى كلامك اعلاه ماكلام زول كان ساكن الحى البريطانى دا كلام زول كان ساكن المزاد او ود ازرق
اهااااا داير تنط من عزومة كاس العالم خلاس ؟
Post: #22 Title: Re: وردة في عز الخريف !!! Author: يحي قباني Date: 10-04-2019, 03:13 AM Parent: #21
Quote: هسي لو زرعت ليك رجلة مش كان أحسن ليك
العاقل لا يأكل (رجله) ...
Post: #23 Title: Re: وردة في عز الخريف !!! Author: يحي قباني Date: 10-05-2019, 02:15 PM Parent: #22
Quote: سلام اخي قباني
ربنا يحفظ لك كل الورود الحولك ان شاء الله. وداع جميل لصيف جميل ..كلها اسبوعين تلاتة و تبدا معركتنا مع الصقيع, ربنا يهون .
سلمى الجميلة ...
آسف على التأخير في الرد ... عارفه البلد دي و شغلتها :)
صيف جميل لكن كان قصير جدا ... و ربك يهونها على الجاي ...
اخوك داخل على الشتاء رقم 26 ... خلاص الجسم استسلم هههه
Post: #24 Title: Re: وردة في عز الخريف !!! Author: Osman Awoda Date: 10-05-2019, 02:41 PM
قال ليك في حي الدباغة جماعة جنهم حريق وفي واحد نحس مصاقر ليك عمك يوسف،،و طوالي يجي يقعد وراهو مكرهو حياتو،،يوم وزعوا الورق صاحبك جاء تووش جرا كرسيهو وقعد وراء عمك يوسف،، طقوهو ليك الهبابة الاولى والتانية ،،،عمك يوسف في التوزيعة التالتة مسك ورقه وقلبه علي الجماعة، ،،صاحبنا قال ليه يا عم يوسف الجماعة بيشوف ورقك،،،،قال ليهو خليهم يشوفوهو بس علي الطلاق لا انت لا انا ما نشوفو،، دا بمناسبة الحريق ،،،تعال قول لي اقدم من ( صلعة) ود المدير.🤨☹
Post: #25 Title: Re: وردة في عز الخريف !!! Author: يحي قباني Date: 10-05-2019, 07:44 PM Parent: #24
Quote: وقعد وراء عمك يوسف،، طقوهو ليك الهبابة الاولى والتانية ،،،عمك يوسف في التوزيعة التالتة مسك ورقه وقلبه علي الجماعة، ،،صاحبنا قال ليه يا عم يوسف الجماعة بيشوف ورقك،،،،قال ليهو خليهم يشوفوهو بس علي الطلاق لا انت لا انا ما نشوفو،، دا بمناسبة الحريق
متأكد ده كان عمك يوسف ؟
Post: #26 Title: Re: وردة في عز الخريف !!! Author: Osman Awoda Date: 10-06-2019, 00:51 AM Parent: #25
ايوا متاكد
Post: #27 Title: Re: وردة في عز الخريف !!! Author: يحي قباني Date: 10-07-2019, 03:57 AM Parent: #26
وردتي الجميلة ...
غدا سانقلها الى داخل المنزل ...
اسقيها و اراعيها ... حتى تقول لي ضمني اليك فروحي بين يديك ...
لا اعرف كم من الزمن ستعيش على ذاك الحال ... و لكني معها و اساندها ... حتى يآتي الربيع ...
