Post: #1
Title: ماذا يحدث فى بورتسودان؟ كتاب تاريخ الصف الخامس
Author: Abureesh
Date: 09-30-2019, 05:50 PM
05:50 PM September, 30 2019 سودانيز اون لاين
Abureesh-أمريكا
مكتبتى
رابط مختصر
ظهر كتاب تاريخ للصف الخامس فيه مملكة البلو و الفونج.. فيه البنى عامر ما عندهم مملكة.
الوالى جمع الكتاب من المدارس و حظر الأساتذة.
ارجو من ناس بورتسودان التحقق من هذه الاشاعات .. كن كتب الكتاب و من طبعه؟ و على حساب
من؟ و لماذا ذكر البنى عامر بالذات بانهم لم تكن لهم مملكة؟
و هل صحيح طلعت مظاهرات تنادى (شرق بلا بنى عامر)
ماذا يحدث يا اهل الشرق؟
|
Post: #2
Title: Re: ماذا يحدث فى بورتسودان؟ كتاب تاريخ الصف ا�
Author: Asim Ali
Date: 09-30-2019, 07:55 PM
Parent: #1
سلام عليكم
اعتقد انو وزير التربيه كان فى زياره لبورتسودان وموضوع منهج التاريخ كان اساسى فيما طرح.لكن الظاهر الحكايه ماشه ابعد من كدا وعوده لاسعال بورتسودان والشرق.فاليوم قرات عده تغريدات حول توتر الاوضاع فى السوق اليوم بسبب حمله ضد الباعه الجائلين تصاعدت .لكن تتضارب الاقوال عن رد فعل القوات النظاميه .
ربنا يسلم الشرق واهلو ويقيهم شر مايحاك من فتنه
تحياتى
|
Post: #3
Title: Re: ماذا يحدث فى بورتسودان؟ كتاب تاريخ الصف ا�
Author: Abureesh
Date: 10-01-2019, 00:16 AM
Parent: #2
يا عاصم أنا أعتقد ما يجرى فى بورتسودان أخطر مما يتصور الناس.. و أرى نواطير الخرطوم و قد نامت عن ثعالبها. بورتسودان ليست مدينة أخرى من مدن السودان، وإنما هى حجر الأساس لما يسمى بالدولة السودانية،
وإن سقطت سقط السودان عن بكرة أبيه.. و بصورة مدوية أكبر من إنفصال الجنوب. السياسيون السودانيون من طائفيين و غيرهم إستمرأوا الوضع القائم الموروث من الإنجليز.. لم يساهموا فى صيانة الدولة إلا بالتمرجح فى الكراسى
الدوارة و إطلاق الكلام الفارغ. اليوم أيادى خارجية و ايادى داخلية إما عميلة أو جاهلة تعبث بثغر السودان و من خلفهم جهات دولية تحركهم مثل الدمى. و الحكومة لا ترى أبعد من أرنبة أنفها..
أعتقد المسؤولية الان تصير الى الشعب السودانى مباشرة، وعلى الجميع تخطى الحكومة و فتح أعينهم لما يحاك ضدهم و يراد بهم. الموضوع خطير.. خطير.. خطير.
|
|