ما يحدث في الفاشر وصمة عار في جبين كل ثوري وثورية!!!!

09:32 PM September, 29 2019

سودانيز اون لاين
محمود الدقم-England
مكتبتى
رابط مختصر

ملاريا تخصصت في قضم وسحق عظام عيال المدراس والاطفال، قبل ان تنتقل الي الكبار، كوليرا مضغت امعاء من تطاله حتي الكادر الطبي، لا توجد حقن، او شاش، او امكان للمرضي بعد ان امتلاءت المشافي، وزارة الصحة مشكورة لم تقم بالواجب وتعلن ان المنطقة منكوبة، ملك الموت يتبختر يمنا وشمالا، والناس شغالة شيير لتامين المعدات الطبية البسيطة، والاعلام غائب كالعادة يا سادة وياسيدات ما يحصل في الفاشر وصمة عار في جبين كل انسان ذو ضمير حي

الحبيب محمود ..
تحياتي .. إذا الأمر كذلك لا بد من حملة قومية
اللهم احفظ أهلنا في الفاشر وعموم السودان
لا بد من الاستعانة بمنظمات دولية
ورثة الكيزان الدمار

لا بد من صحوة وطنية

الاخ علي عبدالوهاب سلامات نعم الوضع كارثي واعتقد ان د كرم وزير الصحة قد اخطر منظمة الصحة العالمية عند بدء تفشي هذه الامراض لكن اعلان المرض ليس كافيا بل المطلوب ان تتداعي بقية الاجسام الطبية الاخري
في السودان لمساعدة هؤلاء الناس ولاسيما ان عدد االضحايا في ازدياد، وايضا علي الاطباء بالخارج عمل حملة استنفار واسعة لمساعدة المستشفيات بالفاشر شكرا لك كثيرا

لسة ما خلصوا من الاولويات
والمؤتمرات العالمية
وقضايا المريسة
وصندوق النقد
وووو

ده موضوع ما وقته الان يمكن يكون بعد تلاتة سنة

لاسف الشديد اخي جعفر دا الحاصل، علي المستوي الرسمي والشعبي، لمن كانت الناس صابينها في القيادة العامة ناس الفاشر وعموم دارفور ما قصروا جاءوا بالبصات واللواري من اقاصي دارفور كي يؤدي فرض العشق للوطن واستشهد منهم من استشهد في الخيم والان للاسف الشديد مافي زول من ناس البندر عايز يقلع الشوك من ضهرم، الناس اهالي المرضي بقو يلجاءو الي الحرجل واللالوب والقرض عشان يدواي اطفالهم، والاطباء بقوا زي الانبياء لمن يدخلوا علي القرية، وضع كارثي وعنددك اجهزة التفلزة السودانية دي بطينة ودي بعجينة
ان الكرامة الانسانية لا تتجزا وان الاخوة الانسانية ما فيها انتم ونحنو الهم واحد، تسلم اخي جعفر

والله اخي عاصم الواحد ما عارف يقول شنو بعد الكلام الفي فيديو دا، الشاب مشي للطبيب عشان يتعالج والطبيب يقول ليهو ارجع نوم في بيتكم واشرب عرديب؟ والشاب في كلاموا قال وجد اربعة اطفال توفوا امامه من المرض
دا كلوا كوم واطلاق النار والرصاص في بعض المحليات، يعني يا تموت بالملاريا يا بالبرصاص!! حسبي الله
شكرا علي المادة اخي عاصم