Post: #1
Title: امريكا فتحت حظكم
Author: Osman Musa
Date: 09-29-2019, 11:57 AM
11:57 AM September, 29 2019 سودانيز اون لاين
Osman Musa-
مكتبتى
رابط مختصر
(adsbygoogle = window.adsbygoogle || []).push({});
زيارة حمدوك دي ما كانت خجة . دي كانت زلزال . حوالي 13 اجتماع في مانهاتن انقرش فيهن صوت حمدوك وهو يشرح بي كل اللغات انجليزي فرنسي عربي . الملايين الاربعين في البلد شافت حمدوك قاعد ومدير البنك الدولي واقف جمبو . ونسة تقيلة عن الدينيرو . من جانت مدير البنك . وحمدوك يحيرو في الونسة عن جبال الدهب في قبقبة وضمانات السمسم والقطن واللحوم والربيت والجلود . وكتيرين اتكلموا عن اللقاء الحميم بين ابو امريكا بريزدنت كارتر وحمدوك . وكيف كان بريزدنت كارتر ماسك حمدوك من يدو مسكان الوالد لي ولدو وحمدوك يشرح . نفس اللقاء اتكرر مع ال ف بريزدنت جو بايدن . و وكيلات و وكلاء من وزارة الخزانة والصحة والتعليم والزراعة . كلها علامات بتقوليكم امريكا فتحت . دحين يا ناس مضاربنا في بروكلن بي النص كل واحد اليطوطو برشو .
والبلاد مهما باعوا ولكلكوا فيها ناس كرتي وفرتي ما زالت رحيبة .
و مازالت يسيل من شعرها الذهب .
وما زالت تترحم علي الراحلين و تتعشم في القادمين . والله حي .
|
Post: #2
Title: Re: امريكا فتحت حظكم
Author: adil amin
Date: 09-29-2019, 12:38 PM
Parent: #1
لاشيء يعدل الوطن
https://up.top4top.net/
نحن ما رقاصات مصريات تمشي تلد ولدا في امريكا عشان يتخذ جنسية امريكية
حمدوك يزح امريكا والبنك ودالاينها من راسنا مصر والسعودية والامارات وقطر وتركيا ويرجع لينا سودان وست منستر بس وسيعه مشكور
الحياة خارج السودان لا تطاق
وكل الارض منفي
|
Post: #3
Title: Re: امريكا فتحت حظكم
Author: Osman Musa
Date: 09-29-2019, 01:49 PM
Parent: #2
الامريكان من اصول سودانية موعودين بي انبلاجة تاريخية في الستة
شهور الجايات . يعني مثلا لو شغال موظف صغير في بانك اوف اميريكا في اتلانتا جورجا
طوالي حتكون مدير بانك اوف اميركا فرع الحصاحيصا .
ولو في البترول اسكت ساكت .
|
Post: #5
Title: Re: امريكا فتحت حظكم
Author: Osman Musa
Date: 09-29-2019, 05:38 PM
Parent: #2
يا شيخ عادل امين
ياخ لا تسخر من الرقاصات . الرقص فن . واصبح عندو كليات وشهادات ومسارح .
والرقص عموما فن محبب . ومافيه عيب .
حتي في زعيم بلد اتقبض ولمان بيتحاكم في المحكمة اتحاكم بي القتل وغسيل ومكوة
الاموال ما اتحاكم بي القلتو ده .
يا شيخ عادل الخيط مفتوح للحديث عن نتايج زيارة بينتظرها الشعب ويحلم بي
انو بجي منها فرج .
ما تتخيل يا اخ عادل تعب زولة بتبيع تبش في سوق 6 في الحاج يوسف وعندها 6
اطفال ابوهم مات . اتهايلت فوقو بير الدهب في كردفان .
الزولة دي وزيها عشرة مليون منتظرين حمدوك .
257 ام شهيد منتظرات حمدوك .
اي مزارع زراعتو ماتت بي العطش من شح الجاز منتظر حمدوك .
|
Post: #4
Title: Re: امريكا فتحت حظكم
Author: walid taha
Date: 09-29-2019, 02:22 PM
Parent: #1
نحن بلادنا نتحدابا
وبخير الوفير وشبابا
لو ننهض جميع بصلابة
ما بتلقونا تاني غلابة
مرحبتين بلدنا حبابا
|
Post: #6
Title: Re: امريكا فتحت حظكم
Author: adil amin
Date: 09-30-2019, 04:13 AM
Parent: #4
| Quote: اي مزارع زراعتو ماتت بي العطش من شح الجاز منتظر حمدوك . |
ما منتظر حمدوك ولم ينتخبه احد من الاساس وليس الحل نهاجر امريكا من الاساس
ركز معانا شوية
الحل نمشي امريكا ونخلي السودان فاضي ونطفي النور ؟؟
السودان ثاني احتياط ذهب في افريقيا ونفط وثروات
وفي مدرسين عالميات
البنك الدولي وامريكا وقحابا من العرب في المنطقة والمركز القذر والفاسد في السودان والدولة المركزية والمشاريع المنتهية الصلاحية علم مايو 1969
الصين ودول بريكس الاشتراكية وطريق الحرير وعلم الاستقلال 1956والديمقراطية العميقة واساس الدولة الحديثة الجيدة جدا 1938-1956 دولة المؤسسات والاحزاب الوطنية السودانية بالتجي بي صناديق الاقتراع
يتلزم حمدوك بي بي برنامج الحركة الشعبية المعروف والواضح الدولة الديمقراطية الفدرالية الاشتراكية ام ستة اقاليم والمضبوطة بي المحكمة الدستورية
كان حمودك بتاعك ده رايحي ليه درب
بس دي خارطة طريق اساسية تضع الجميع في مواجهة مسؤلياتهم في تصفية نظام الانقاذ دستورياا بالمحكمة الدستورية الاباها ساطع الحاج
https://up.top4top.net/
زولك ده رايح ليه درب
لمن مشا الجنوب استبشرنا خير والله بس مش المشي بل الالتزام باعلي وارقى برنامج فدرالي في السودان موثق الحركة الشعبية 2005-2010
|
Post: #7
Title: Re: امريكا فتحت حظكم
Author: Osman Musa
Date: 10-03-2019, 12:10 PM
Parent: #6
زي ما بقول اخونا دينق .
الزول ده شايت في اي الجهات ؟
|
|