Post: #2
Title: Re: معلومة تاريخية مهمة عن السودان أهملها الم
Author: هاشم احمد ادم
Date: 09-29-2019, 12:04 PM
Parent: #1
سلام إسماعيل
لم يهمل المؤرخون قصة (الأورطع السودانية )وهناك عدد من الكتب عنها ، وفى رأى هذا أهمها
A Black Corps d'Elite: An Egyptian Sudanese Conscript Battalion with the French Army in Mexico, 1863-1867, and its Survivors in Subsequent African History
By Richard Hill
Peter Hogg
وهو حديث حيث نشر 1995 , وهو شامل حيث استعان
بالبتوثيق من الوثائق المكسيكية والفرنسية والمصرية
وسوف تجد متفرقات منة على النت ، لكن انصح بالسعى لتملكه ،
وهو متوفر ك e book .
وبخصوص الفيديو اعلاة يبدو كفيديو دعائى،
وبه بعض معلومات تم تحويرها ،
مثالا ان مقولة ان " الجنودكانوا من كل قبايل السودان " .... وغيرها
المهم ان هذة "الاورطة السودانية " فعلا هى من النقاط
المهمة التى شكلت وعى (السودان الوطن ) المستقبلي .
وفى اعتقادى مازالت احدثها تتداعى للان .
ولدى معلومة غير متاكد منها ان هناك ترجمة لهذا الكتاب .
|
Post: #3
Title: Re: معلومة تاريخية مهمة عن السودان أهملها الم
Author: هاشم احمد ادم
Date: 09-29-2019, 12:13 PM
Parent: #2
Quote: 1. The Sudanese Battalion
The African soldiers who fought so gallantly in Mexico were,
in one sense, pawns in a Euro-American imperial conflict.
But they were not demeaned by it.
Their story not only highlights some of the differing perceptions
that prevailed about the institution of slavery—Egyptian, French, American—
it also shows how the men themselves transcended their narrow lot.
In Mexico, and in their later service in Africa, they took pride in all they did.
They had been converted to and shared the faith of Islam,
but their origins were African. |
|
Post: #4
Title: Re: معلومة تاريخية مهمة عن السودان أهملها الم
Author: adil amin
Date: 09-29-2019, 12:29 PM
Parent: #2
ابدا يا اسماعيل مشكلة التعليم والاعلام في السودان بعد الاستقلال مستلب ومشوه يكرس للدونية والشعور بالعدمية حيال مصر ام الدنياااااااااااااااااااااااااااااااااااااااااااااااااااااااااا وبسبب اقليات وفقا لنظرية كانديرا
دي مرة واحدة لمح للامر ده ابراهيم نايل ايدام في برنامج تلفزيوني
في التسعينات
https://up.top4top.net/
واليو تويب مليان برنامج ترفع رارس السودانيين وترجع اعتزازهم بنفسهم ليه ما تعرض في 20 فضائية سودانية مملة ويضجر من نفسه فيها الضجر
والسودانيين شعب الله المحتار
|
Post: #6
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-29-2019, 12:48 PM
Parent: #4
أستاذ عادل أمين سلامات
| Quote: ابدا يا اسماعيل مشكلة التعليم والاعلام في السودان بعد الاستقلال مستلب ومشوه يكرس للدونية والشعور بالعدمية حيال مصر ام الدنياااااااااااااااااااااااااااااااااااااااااااااااااااااااااا وبسبب اقليات وفقا لنظرية كانديرا |
جبت الزيت زي ما بقولو
(الإســــــــــــــــــــــــتلاب)
ولا شيء غير الاستلاب,,
|
Post: #5
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-29-2019, 12:45 PM
Parent: #2
أخي الكريم هاشم أحمد آدم
لك التحية و السلام,,
| Quote: لم يهمل المؤرخون قصة (الأورطع السودانية )وهناك عدد من الكتب عنها |
نعم , وشكراً على رفدنا بالمرجع,,
لكن السؤال الاستفهام المنطقي يقول:
لماذا أهملت كتب تاريخ السودان المقررة على طلاب المدارس هذا الحدث التاريخي المهم؟
|
Post: #7
Title: Re: معلومة تاريخية مهمة عن السودان أهملها الم
Author: محمد نور عودو
Date: 09-29-2019, 03:11 PM
Parent: #5
سلامات يا سمعة
(لكن السؤال الاستفهام المنطقي يقول:
لماذا أهملت كتب تاريخ السودان المقررة على طلاب المدارس هذا الحدث التاريخي المهم؟)
انا في تقديري دا تجاهل من المؤخرين السودانيين لهؤلاء الابطال.
لكن الأورطع السودانية ديل لو كلهم جدهم العباس كما يدعيها بعض السودانيين اكيد ما بلقو تجاهل واهمال لهذه الدرجة,
|
Post: #8
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-29-2019, 03:50 PM
Parent: #7
| Quote: لكن الأورطع السودانية ديل لو كلهم جدهم العباس كما يدعيها بعض السودانيين اكيد ما بلقو تجاهل واهمال لهذه الدرجة, |
صدقت يا عزيزي محمد نور
تاريخ السودان كتب بدون حياد ..
يجب تنقيحه وإعادة كتابته
ويجب تضمين الأحداث المهمة مثل هذه في مقررات كتب التاريخ للمراحل الدراسية المختلفة..
ماممكن نوثق للغازي عبدالله بن أبي السرح و نهمل الرموز السودانيين أصحاب الجلد والرأس..
|
Post: #9
Title: Re: معلومة تاريخية مهمة عن السودان أهملها الم
Author: نعمات عماد
Date: 09-29-2019, 06:54 PM
Parent: #8
سلام عليكم
وين أحفاد و أسر هولاء الجنود؟ و هل الأسر محتفظة بالنياشين و أنواط الجدارة ؟
حقو كلنا نشترك و نعمل وثائقي روعة عن القوة السودانية في المكسيك، أكيد ح
يربح جوائز عالمية و القصة ح تدهش السودانيين قبل الأجانب. مش؟
|
Post: #10
Title: Re: معلومة تاريخية مهمة عن السودان أهملها الم
Author: أبوبكر عباس
Date: 09-29-2019, 07:04 PM
Parent: #9
شنو الفرق بين القوات دي والقوات الحالية باليمن؟
|
Post: #13
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-29-2019, 08:07 PM
Parent: #10
Quote:
شنو الفرق بين القوات دي والقوات الحالية باليمن؟ |
الفرق انو القوات الحالية ذهبت تحت ظل حكم سوداني... وديك مشت في ظل استعمار..
يقال انو استقلال السودان جاء مكافأة من الانجليز للسودانيين لدور مماثل لكتيبة من أولاد النوبة شارك بها الانجليز في الحرب العالمية الثانية فحققت انتصارات من أجل الإمبراطورية التي لا تغيب عنها الشمس..
|
Post: #11
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-29-2019, 07:07 PM
Parent: #9
Quote:
وين أحفاد و أسر هولاء الجنود؟ |
حسب ما ورد في البرنامج أن والد البطل عبد الفضيل الماظ هو قائد هذه المجموعة..
|
Post: #12
Title: Re: معلومة تاريخية مهمة عن السودان أهملها الم
Author: أبوبكر عباس
Date: 09-29-2019, 07:15 PM
Parent: #11
والد عبد الفضيل يساعد على أسر الشعوب!
عبد الفضيل يحاول فك أسر شعبه!!
لا أعتقد أن الإنسان حقيقي عندو مبادي
القصّة كلها بتكون مربوطة بظروفك الراهنة
|
Post: #14
Title: Re: معلومة تاريخية مهمة عن السودان أهملها الم
Author: أبوبكر عباس
Date: 09-29-2019, 08:42 PM
Parent: #12
السؤال يا سمعة هو:
شنو البخليك تنظر ليها بفخر؟
|
Post: #24
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-30-2019, 07:25 AM
Parent: #14
| Quote: شنو البخليك تنظر ليها بفخر؟ |
ذات المنظور الذي جعل الآخرين ينظرون إلى مشاركة الجيش السوداني في حرب 67 وعبورهم لخط بارليف, بالفخر.
|
Post: #15
Title: Re: معلومة تاريخية مهمة عن السودان أهملها الم
Author: Mohamed Adam
Date: 09-29-2019, 09:04 PM
Parent: #12
يا ود ابوك سمعة .. نعم كما قال المستنير هؤلاء ومن ارسلوهم للمكسيك مرتزقة كاملي الدسم!
الأهم في الأمر يتقدم السودان برفع دعوي رسمية ضد فرنسا وحلفائها لتعويض كل اسر هؤلاء المرتزقة' خصوصا ال 7 الجدعوهم من الباخرة للحيتات و ال 68 الماتوا فطائس في ساحة الوغي!
من حيث العلاقات الدولية شيء متعارف عليه ان بعض الدول تدعم اقتصادها بالجنود المرتزقة. كمثال لذلك:
في الماضي:
كانت الدول تستعين في حروبها بالمرتزقة ... تابع حروب اوربا بعد معاهدة ويستفالي حتي معاهدة بريتوونوود... تجد شمال افريقيا, وغربها وشرقها واوروبا واسيا والشرق الاوسط ... الخ ساهموا بجنود في تلك الحروب العبثية!
في الحاضر:
نجد الهند, بنغلاديش, الباكستان, يوغندا, اثيوبيا ... الخ هذه الدول لديها جيوش متخصصة في حروب الاسترزاق لدعم اقتصادها بالواضح والمفتوح كدا!!
يبقي ماعيب كونه الجيش السوداني(الماضي او الحالي) يحارب من اجل المال ولكن العيب كل العيب في ان يحارب فقط من اجل نياشين واوسمه تمنح له من قبل الخواجات او من اجل اموال تدفع له لكنها لاتدخل خزينة الدولة وانما تدخل في جيوب افراد!
اطالب حكومة السودان(بعدما تكون مدنية) ان تتقدم بمقاضاة تلك الدول الغربية وماضاع حقا وراءه مُطالب.. والحقوق لا يمحاها الزمن!!
محمد آدم سعيد.
الأحد/ 29/سبتمر/2019
|
Post: #16
Title: Re: معلومة تاريخية مهمة عن السودان أهملها الم
Author: محمد نور عودو
Date: 09-29-2019, 11:24 PM
Parent: #15
(وين أحفاد و أسر هولاء الجنود؟ و هل الأسر محتفظة بالنياشين و أنواط الجدارة ؟
حقو كلنا نشترك و نعمل وثائقي روعة عن القوة السودانية في المكسيك، أكيد ح
يربح جوائز عالمية و القصة ح تدهش السودانيين قبل الأجانب. مش؟)
.....................................................................
دكتورة نعمات
جابت اقتراح جيد جدا وطرحت اسئلة مهمة .
ح نعلق علي كلام دكتورة نعمات لاحقا ان شاءالله
|
Post: #17
Title: Re: معلومة تاريخية مهمة عن السودان أهملها الم
Author: ترهاقا
Date: 09-30-2019, 00:35 AM
Parent: #16
Quote:
تاريخ السودان كتب بدون حياد ..
يجب تنقيحه وإعادة كتابته |
فعلا يا سمعة ، بدل المهدية وعبد الله التعايشي والكلام الفارغ اللي ملوا بيهو راسنا ده
|
Post: #18
Title: Re: معلومة تاريخية مهمة عن السودان أهملها الم
Author: Biraima M Adam
Date: 09-30-2019, 03:10 AM
Parent: #17
ول أبا سماعين
وليس هي الحرب الوحيد خارج وطنا أقحمتنا فيها مصر .. وين تأريخ الحرب العالمية الثانية .. هزيمة الطليان في ليبيبا .. (ورومل ثعلب الصحراء في الجزائر ..ما متأكد من هذه المعلومة بعد)
ووين حرب 67 .. عبور خط بارليف بالأورطة السودانية .. تجاه إسرائيل ..وتخاذل الجيش المصري بل العربي ..
وأكثر من مئة معركة قادها الزبير باشا .. في بحر الغزال وهزيمته للسلطان أبراهيم وتسليم دارفور للحكم المصري الأنجليزي .. وطردنا نحن البقارة له في معركة أم وريقات .. وخروج إبنه رابح كبير وأعمامه .. وتأسيس دولة في تشاد الحالية .. هزمها ذات الفرنسيون لتداخلها مع مصالحهم الأستعمارية ضدمصالح الأنجليز الذين يواليهمم أحفاد الزبير باشا.
أوريك حاجة .. أفضل لينا حاجة نجمع جيوش كل الحركات بعد السلام .. وجيش حميدتي وجيشنا القومي .. ح يكون جيش كبير فائض عن حاجة حماية الدولة .. ونشارك به في قوات الأممم المتحدة في حفظ السلام حول العالم .. يدخلوا لينا دولار حبطرش .. بدل نقاتل للأخرين معاركهم.
بريمة
|
Post: #19
Title: Re: معلومة تاريخية مهمة عن السودان أهملها الم
Author: muntasir
Date: 09-30-2019, 03:38 AM
Parent: #18
كيف ما ذكروها مش كان بقول ليك زمان غزو السودان من أجل المال والرجال
|
Post: #20
Title: Re: معلومة تاريخية مهمة عن السودان أهملها الم
Author: adil amin
Date: 09-30-2019, 04:25 AM
Parent: #19
Quote:
أوريك حاجة .. أفضل لينا حاجة نجمع جيوش كل الحركات بعد السلام .. وجيش حميدتي وجيشنا القومي .. ح يكون جيش كبير فائض عن حاجة حماية الدولة .. ونشارك به في قوات الأممم المتحدة في حفظ السلام حول العالم .. يدخلوا لينا دولار حبطرش .. بدل نقاتل للأخرين معاركهم.
بريمة |
بس يا بريمة الامم المتحدة ذاتا دايرة اصلاح كوشي والسودانيين فعلا ينفعو في الامم الحرة وليس الامم المتحدة والحروب الاخلاقية لنشر الديمقراطية والحرية وليس مشاريع البنك الدولي وحروب اسرة روتشلد اوالعالم الرسمالي القبيح
ويبقى التاريخ تاريخ
وايضا جنود البقط لم يكونو عبيد كما يقول التاريخ مشين قانو مقاتلين اشداء رمات حدق واستخدمو في الفتوحات الاسلامية من الصين الي الاندلس
وثاور في خلافة المعتصم واعيدو الي السودان وهم اهلنا الجعليين اما الشايقية كانو جنود في الدولةا الفاطمية ايضا وعادو الي السودان مسلمين ويتحدثون اللغة العربية بطلاقة مش ذى الدناقلة اللسانهم اغلف لحدي هسة
وايضا تراهاقا هزم الاشوريين في معركة اورشليم
هذا التاريخ مسؤلية الجيش السوداني توثيقه
قد يغيب البعض وعي الناس ولكن لن يمحو الحقائق من التاريخ
وكلام اسماعيل واضح ...ليه ما يدرس تاريخ السودان عن السودان بصورة ومحترمة والتاريخ وجهات نظر
هل انتصر من لاساس الكوز عبدالله بن بي السرح على ملك النوبة عشان يديه عبيد وعبيد من وين مثلا
الزول ده عجبو الجنود النياشين ديل وعمل اتفاقية وشالهم عبر 12 سنة تقريبا ورجال بس اكيد اتزوجو من غير السودانيات وصنعو الناس في جنوب العراق والخليج والسعودية السمر ديل
|
Post: #21
Title: Re: معلومة تاريخية مهمة عن السودان أهملها الم
Author: محمد عبد الله الحسين
Date: 09-30-2019, 06:00 AM
Parent: #20
الأخ اسماعيل و ضيوفه
لكم التجلة
عنوان البوست(معلومة تاريخية مهمة عن السودان أهملها المؤلرخون)
من هم المؤرخون و أين هم؟؟
يا جماعة انتو بتتكلموا عن التاريخ بتاع السودان و تنتقدوا في الآخرين لتقصيرهم ..و نحن كلنا مقصّرين.. معظم تاريخنا لم نكتبه نحن..كتبه اجانب..
....فلننظر أولا في تقصيرنا نحن...
أكتر من 75% من تاريخنا إن لم أكن مخطئا مكتوب بأقلام أجنبية...
و أكثر من نصف ما كّتب عن السودان لا زال مكتوبا بلغات أجنبية ...
و أكثر ما كتب عن المهدية من مراجع نعتد بها لا زلنا اهتم بترجمته المصريون حتى و إن كانت حصتهم فيها قليلة...لكنهم اهتموا بتاريخهم...
يا جماعة وجعنا كبير..كبير...
لا تمسكوا الموضوع من المنتصف.....
..............أبدأوا بدراسة تاريخكم بأنفسكم..لا بأس أن تقرأوا ما كتبه الآخرون...
أسألوا أنفسكم كم عدد دارسي التاريخ و الآثار مقارنة بدارسي العلوم و الطب و علوم المختبرات و الكمبيوتر...رغم أهمية هؤلاء؟؟
أسألوا أنفسكم كم عدد المؤرخين السودانيين و كم عدد علماء التاريخ السودانيين؟
كيف عايزين تكتبوا تاريخكم و أنتم لم تكتبوه و لم تقرأوها و ليس لديكم دارسين متخصصين؟؟
|
Post: #22
Title: Re: معلومة تاريخية مهمة عن السودان أهملها الم
Author: محمد عبد الله الحسين
Date: 09-30-2019, 06:02 AM
Parent: #21
لو حُقّ لي أن أتكلم عن هذا الموضوع ...
أو لتعديل العنوان لقلت: دعوة لقراءة التاريخ ثم كتابة التاريخ...
و ذلك حتى يستقيم الأمر...
شكرا يا اسماعيل لطرح الموضوع
|
Post: #23
Title: Re: معلومة تاريخية مهمة عن السودان أهملها الم
Author: نعمات عماد
Date: 09-30-2019, 06:57 AM
Parent: #22
يا آمنة مختار و يا بشاشا مطلوب حضوركم هنا.
و يا أستاذ عثمان موسى هل في المكسيك بعض من سلالة هولاء الجنود؟
في العام 1861اندلعت الحرب الأهلية في أمريكا مع بداية حكم إبراهام لنكلون،
هل يعتبر هولاء الجنود السودانيين أوفر حظاً من السودانيين الذين باعهم الخديوي
و انتهى بهم الأمر مستعبدين في حقول القطن و التبغ بأمريكا ؟
|
Post: #28
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-30-2019, 07:47 AM
Parent: #21
الخ محمد عبد الله الحسين
تحية و سلام
Quote: أبدأوا بدراسة تاريخكم بأنفسكم..لا بأس أن تقرأوا ما كتبه الآخرون...
أسألوا أنفسكم كم عدد دارسي التاريخ و الآثار مقارنة بدارسي العلوم و الطب و علوم المختبرات و الكمبيوتر...رغم أهمية هؤلاء؟؟
أسألوا أنفسكم كم عدد المؤرخين السودانيين و كم عدد علماء التاريخ السودانيين؟ |
كلامك منطقي و استفهامك في محلو.
علينا بافساح المجال لاعادة كتابة التاريخ باقلام وطنية خالصة غير مرتهنة للجهوية ولا للاجنبي.
|
Post: #27
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-30-2019, 07:42 AM
Parent: #18
Quote: أوريك حاجة .. أفضل لينا حاجة نجمع جيوش كل الحركات بعد السلام .. وجيش حميدتي وجيشنا القومي .. ح يكون جيش كبير فائض عن حاجة حماية الدولة .. ونشارك به في قوات الأممم المتحدة في حفظ السلام حول العالم .. يدخلوا لينا دولار حبطرش .. بدل نقاتل للأخرين معاركهم.
بريمة |
مقترح ممتاز يا ول أبا
لكن السعال!!!!؟؟؟؟؟ لماذا يحارب هؤلاء النوبة و البقارة داخلياً و خارجياً؟
ولماذا تستثمر طاقاتهم الجبارة و روحهم المحبة للفروسية و ركوب الخيل داخلياً و خارجياً؟
أما آن الأوان لأن يتجهوا نحو التعليم و التعلم و يتركوا مهمة الدفاع عن السودان و العالم لأهل السودان و لسكان العالم؟
|
Post: #26
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-30-2019, 07:36 AM
Parent: #17
| Quote: فعلا يا سمعة ، بدل المهدية وعبد الله التعايشي والكلام الفارغ اللي ملوا بيهو راسنا ده |
يا ترهاقا المهدية ليست كلاماً فارغاً بل تاريخ تم تحريفه و اعتمدنا على كتاب المخابرات الاجنبية والجواسيس في كتابته.
مثلاً سلاطين باشا رجل قام الخليفة ببتر غلفته , ماذا تنتظر منه أن يقول بحق الخليفة و المهدية؟
|
Post: #35
Title: Re: معلومة تاريخية مهمة عن السودان أهملها الم
Author: د.محمد بابكر
Date: 09-30-2019, 04:00 PM
| Quote: مثلاً سلاطين باشا رجل قام الخليفة ببتر غلفته , ماذا تنتظر منه أن يقول بحق الخليفة و المهدية؟ |
و الله انجاز
|
Post: #36
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 10-01-2019, 08:41 AM
Parent: #35
Quote: Quote: مثلاً سلاطين باشا رجل قام الخليفة ببتر غلفته , ماذا تنتظر منه أن يقول بحق الخليفة و المهدية؟
و الله انجاز |
تذكيري بهذه الحادثة لم يأت من باب ذكر منجزات الثورة و الدولة المهدية.
وإنما جاء كلفت إنتباه لحقد و انتقام من بتر أكثر الاجزاء في جسمه حساسية و إستحالة أن يقول المبتور حديثاً محايداً عن الباتر.
كسرة: رأيك شنو في بتر رقبة غردون باشا؟
ألم يكن إنجازاً؟
|
Post: #38
Title: Re: معلومة تاريخية مهمة عن السودان أهملها الم
Author: د.محمد بابكر
Date: 10-01-2019, 12:07 PM
Parent: #36
Quote: كسرة: رأيك شنو في بتر رقبة غردون باشا؟
ألم يكن إنجازاً؟ |
بلحيل انجاز و انجاز كبير ، غردون طعمه شنو ما جلابى سجمان ساكت...
|
Post: #45
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 10-01-2019, 02:45 PM
Parent: #38
Quote:
بلحيل انجاز و انجاز كبير ، غردون طعمه شنو ما جلابى سجمان ساكت |
غردون ماجلابي..رغم إنه عدو وغازي أجنبي إلا أنه ركز إلى أن قطعت رقبته ما زي الجلابي الشهير المرقا في اثيوبيا..
ما تتسلبط في غردون ساكت
|
Post: #48
Title: Re: معلومة تاريخية مهمة عن السودان أهملها الم
Author: د.محمد بابكر
Date: 10-02-2019, 05:47 PM
Parent: #45
Quote: ما زي الجلابي الشهير المرقا في اثيوبيا..
ما تتسلبط في غردون ساكت |
كلامك صاح..رايك شنو تقوم بكتابة تاريخ السودان منها تتفشى فى الجلابة و كمان ينوبك ثواب..
|
Post: #49
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 10-02-2019, 08:51 PM
Parent: #48
Quote:
كلامك صاح..رايك شنو تقوم بكتابة تاريخ السودان منها تتفشى فى الجلابة و كمان ينوبك ثواب.. |
التاريخ له متخصصون جديرون بإعادة تنقيحه وكتابته ..
اما العبد لله اذا اراد ان يفش غبينته فبورض بكري موجود والزيك يمثل عينة نموذجية تجسد دور فأر التجربة في البورض..
|
Post: #50
Title: Re: معلومة تاريخية مهمة عن السودان أهملها الم
Author: د.محمد بابكر
Date: 10-06-2019, 04:30 PM
Parent: #49
| Quote: والزيك يمثل عينة نموذجية تجسد دور فأر التجربة في البورض.. |
انت من زمن فيران التجارب ياخى انت زول قديم شديد..يا زول اعصابك و فى اى وقت عايز تتفشى تعال للفيران الجلابة و لا تأخذك بهم رحمة ولا بأس بين الفينة و الاخرى انك تركب مكنة مفكر و ناقد..لا بأس
|
Post: #32
Title: Re: معلومة تاريخية مهمة عن السودان أهملها الم
Author: محمد نور عودو
Date: 09-30-2019, 01:49 PM
Parent: #16
|
Post: #33
Title: Re: معلومة تاريخية مهمة عن السودان أهملها الم
Author: محمد نور عودو
Date: 09-30-2019, 02:41 PM
Parent: #32
سلامات سمعة وضيوفك
اسئلة الأخت الدكتورة نعمات تقودنا لسؤال مهم.
هل الجنود السودانيين ديل عادوا الي السودان بعد العملية البطولية دي وتكريم الفرنسي،
لانو هؤلاء الجنود قاتلوا في المكسيك بعد طلب نابليون من الخديوي بدعمه بجنود سودانيين يعني السودان زاتو كان تحت الحكم المصري علي ما اعتقد وعلي حسب ما جاء في التقرير .هؤلاء الجنود اذا عادوا الي السودان اكيد أسرهم وأحفادفهم محتفظين بهذه الأنواط مع ذكريات موثقة وبالتالي يسهل عملية توثيق تاريخهم بصورة أكبر.
من المفترض اسر هؤلاء الجنود يستفيدوا من القانون ولا اتفاقية ولا بند الفرنسي بالنسبة للمحاربين القدماء أو حاجة بشكل دا .الأفارقة الفرانكوفونيين في غرب افريقيا وناس شمال المغرب تونس جزائر المغرب موريتانيا الذين قاتلوا ودافعوا عن فرنسا قبل الحرب العالمية وفي الحرب العالمية هناك بند ولا اتفاقية ولا قانون ما عارف لكن يحق ليهم جلب أسرهم الي فرنسا والعيش فيها لقد صادفت ناس كثار جاءؤ الي فرنسا بي لم شمل جدهم الذي دافع عن فرنسا سواء كان حيا أو ميتا وأكثر المستفيدين من هذا الكلام الجالية الجزائرية والمغربية والسنغالية والمالية نسبة لمشاركتهم بإعداد كبيرة في القتال للدفاع عن فرنسا في ذاك الوقت.
اعتقد هؤلاء الجنود السودانيين لم يشملهم هذه الامتيازات لأنهم ليسوا فرانكفون ثم دافعوا عن فرنسا عن طريق وسيط اذا صح التعبير لأنهم لم يرسلهم حكومة سودانية مستقلة والسودان لم تكن من المستعمرات الفرنسية لذلك تم تكريمهم واعادتهم الي بلدهم دون أي اتفاقات مستقبلية كحافظ لهم كبقية دول المستعمرات الفرنسية.
دول المستعمرات الفرنسية مستفيدة من مشاركة اجدادهم في الدفاع عن فرنسا بالذهاب الي فرنسا للعمل والإقامة فيها وجلب الأسرة.
لا أعتقد لهؤلاء الجنود اولاد أو احفاد في المكسيك لأنهم لم يمكثوا في المكسيك بعد العمليات البطولية طويلا.
ثم اعتقد ليس هناك سود في المكسيك وعندي اصدقاء مكسيكيين ومكسيكيات قالوا مافي مكسيكي black وقالو حتي الملونين بسيطين جدا.
يعني زي الارجنتين وشيلي.
|
Post: #25
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-30-2019, 07:30 AM
Parent: #15
شكراً محمد آدم سعيد على المداخلة القيّمة,,
|
Post: #29
Title: Re: معلومة تاريخية مهمة عن السودان أهملها الم
Author: بابكر قدور
Date: 09-30-2019, 10:00 AM
Parent: #25
| Quote: و يا أستاذ عثمان موسى هل في المكسيك بعض من سلالة هولاء الجنود؟ |
الأخ إسماعيل وضيوفه الكرام
لكم الود والتحايا الطيبات
لقد أثارت الأخت الدكتورة نعمات عماد مسألة غاية في الأهمية وتستحق البحث
والغريب في الأمر أنه مر علي قبل أيام قلائل موضوع الإورطة السودانية في
المكسيك وأنهم تركوا ذرية هناك وتكاثروا وهم الآن يعرفون أن أصولهم من
السودان ويحاولون البحث عن تحديد أكثر لهويتهم وأن هذا الموضوع قد تطرقت
إليه بالنشر إحدى المجلات السعودية ومازلت أبحث وراء هذا الموضوع .......
يعني بالبلدي كدا عندنا تيراب سودانيين في البرازيل ....
|
Post: #31
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-30-2019, 12:48 PM
Parent: #29
أخي قدور
لك التحية
| Quote: يعني بالبلدي كدا عندنا تيراب سودانيين في البرازيل |
ياخي انحنا السودانيين ديل ماساهلين. في كل بلد عندنا ولد.
ديل غايتو إلا يمرقم لينا الدي أن ايه...
|
Post: #30
Title: Re: معلومة تاريخية مهمة عن السودان أهملها الم
Author: محمد محمد قاضي
Date: 09-30-2019, 12:42 PM
Parent: #1
Quote: أستاذ عادل أمين سلاماتجبت الزيت زي ما بقولو (الإســــــــــــــــــــــــتلاب)
ولا شيء غير الاستلاب,, |
يلا شوف إستلاب (الأستاذ) عادل
Quote: وهم اهلنا الجعليين اما الشايقية كانو جنود في الدولةا الفاطمية ايضا وعادو الي السودان
مسلمين ويتحدثون اللغة العربية بطلاقة مش ذى الدناقلة اللسانهم اغلف لحدي هسة |
طبعا غير بريمة وعادل ما في واحد في البوست جاب سيرة قبيلة غيرهم عشان تعرفوامرض القبلية
المعشعش في دماغهم الإتنين وأنا وأعوذ من كلمة أنا وراهم وراهم في أي بوست وكمان التابع بإحسان
فرحان أهله رجعوا (مسلمين) ومتحدثين العربية بطلاقة ههههههه
| Quote: يا ود ابوك سمعة .. نعم كما قال المستنير هؤلاء ومن ارسلوهم للمكسيك مرتزقة كاملي الدسم! |
كأنهم ذهبوا للمكسيك بإرادتهم ؟؟؟ ورجعوا يحملون الدولارات وسبائك الذهب إلي أهاليهم ؟؟؟
تسائل وربط وقارن بين مرتزقة الدعم السريع في اليمن وبين جنود أبطال سطروا الأمجاد للجندي
السوداني تحت إمرة قوات الاحتلال والمستعمرين ثم أشار بأن القصة كلها بتكون مربوطة بظروفك الراهنة ههههه
يا سمعة يا آخي no hard feeling
|
Post: #34
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 09-30-2019, 03:12 PM
Parent: #30
| Quote: سمعة يا آخي no hard feeling |
ود القاضي سلامات
على قولك وقول الخواجة no hard feelings
|
Post: #37
Title: Re: معلومة تاريخية مهمة عن السودان أهملها الم
Author: Abdullah Idrees
Date: 10-01-2019, 09:20 AM
Parent: #34
لا يوجد ما يدعو للفخر ابدا ، بل الكثير جدا مما يدعو للرثاء ، يا سماعين
هي نفس الاسطورة القديمة منذ عصر البقط الى حرب اليمن الحالية التي نعايشها
محمد علي باشا احتل السودان ليشكل جيش قوي من السود ، كاحد اهم اسباب الغزو
نابليون بونابيرت طلب من السلطان عبدالرحمن الرشيد الفي عبد ممن تجاوزا ال16 عاما
يرسلهم له مع اول قافلة ليجندهم ، هذه الاورطة التي نتحدث عنها تم ارسالها الى المكسيك
ليس بسبب شجاعة الجنود فقط ، بل لتفشي حمى في المكسيك تفتك بالاوربيين ، فقالوا يرسلوا
ليها "اولاد الحرام ديل" لانهم بقاوموا الحمى .. شفت كيف ؟ وبالمناسبة جزء كبير منهم بالاساس
عبيد او ابناء عبيد تم صيدهم من السودان والحاقهم بجيش الخديوية ..
جيش كتشنر كان يضم عدة كتائب من السود ، ولواء ماكدونالد الذي قام بدور هام جدا في كرري
اغلبه من السودانيين !
فلمن تجي تحسب : سودانيين في جيش محمد علي او الخديوية بشكل عام - نابليون - كتشنر-
والان في اليمن ، كلها حروب لا ناقة لنا فيها ولا جمل وبعضها كان ضد بني جلدتنا !
|
Post: #41
Title: Re: معلومة تاريخية مهمة عن السودان أهملها الم
Author: Abdullah Idrees
Date: 10-01-2019, 12:32 PM
Parent: #37
Quote: مثلاً سلاطين باشا رجل قام الخليفة ببتر غلفته , ماذا تنتظر منه أن يقول بحق الخليفة و المهدية؟
|
وبابكر بدري الانصاري الى وفاته ماذا نسمي ما كتبه ؟
قد يكون سلاطين ونيوفلد واوهرولدر مغبونين او حاقدين ، هذا شيء طبيعي
لكن يظل ما كتبوه في الغالب وقائع وهناك مؤرخين سودانيين معاصرين للمهدية بل حاربوا في صفوفها
مثل بابكر بدري ومحمد عبدالرحيم الذي اصيب في كرري وهنالك علماء سودانيين ايضا مثل مكي شبيكة
والقدال وهم كثر ايضا ، حققوا وكتبوا ولم تختلف كتاباتهم جوهريا عن كتابات الاجانب ..
الادعاء بأن تاريخنا مزور وكتبه الاجانب الخ الخ هو اعتراف غير مباشر بفظاعة بعض فصوله
وكما يقال "الشينة منكورة" ، ولذا ينحو البعض لمغالطة حقائق التاريخ بهذه الذرائع الغير مؤسسة
لان التاريخ علم مترابط ، تاريخنا مرتبط بتاريخ مصر وانجلترا والخلافة العثمانية وهناك تداخل
مع قوى خارجية في كل حقبة من حقبه ، وفي كل حقبة كتب مؤرخون من خلفيات مختلفة بعضهم
مثل الامريكان لا علاقة لهم بتاريخنا وليست لديهم اي ايديولوجيا استعمارية حتى يزيفوا ما يريدون!
كما المنهج العلمي ايضا يضع المؤرخ ، بالذات الاكاديمي، في موقف يجعله يتحرى الموضوعية
الى اقصى درجة .
الان لو اخذنا كاتب سوداني مثل عصمت حسن زلفو كاتب السفر القيم كرري ، بالرغم من المجهود
الجبار الذي بذله في اعداد الكتاب وبالرغم من القيمة العالية لما كتب ، الا انه في الكثير من المواقف
تجده ينحو نحو الذاتي ويظهر سودانيته بصورة واضحة جدا وهذا قصور في منهجه بدون شك.
لو كتب نفس هؤلاء المؤرخين كتبا تمدح في المهدية لمجدناهم مثلما تمجدون الان لاورطة مرتزقة
ارخ لها كتاب اجانب اولهم حفيد محمد علي باشا عمر طوسون !
اي زول يتكلم عن اعادة كتابة التاريخ ده زول عايز تاريخ يتفصل على مزاجو ..
|
Post: #44
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 10-01-2019, 02:39 PM
Parent: #41
| Quote: اي زول يتكلم عن اعادة كتابة التاريخ ده زول عايز تاريخ يتفصل على مزاجو .. |
عايزنا نتقبل كتب تاريخ تصف غزو الخرطوم بواسطة الاجنبي بالفتح..
لا لا لا زمان الغتغتة الدسديس إنتهى..
|
Post: #39
Title: Re: معلومة تاريخية مهمة عن السودان أهملها الم
Author: Ali Alkanzi
Date: 10-01-2019, 12:14 PM
Parent: #1
شكرا ليك كتير يا اسماعيل
فحقيقة هناك جوانب مخفية عنا نحن اهل هذا الوطن المتفرد بالكثير من القيم ولكن متى نجد القيادة التي تحرك ايجابياتنا
واكثر ما افرحني
هو ان القائد الثاني هو محمد ...
الكنزي القادم من جنوب السودان
شكرا مرة ثانية وثالثة
ولهذا سيكون لنا حظا مع الفرنسيس ونطالب بانواط اجدادنا وحقوقهم المالية والادبية
|
Post: #42
Title: Re: معلومة تاريخية مهمة عن السودان أهملها الم
Author: Ali Alkanzi
Date: 10-01-2019, 12:43 PM
Parent: #39
رسالة ولفت نظر للاخوين اسماعيل وبريمة
خط بارليف لم يتم تجاوزه في ٦٧ وهي ابشع هزيمة لحقت بالجيوش العربية
واسم الدلع حقها (النكسة)
اما حرب رمضان واكتوبر ٧٣ هي التي عبرت فيها القوات المصرية السودانية خط برليف
للتصحيح
مع مودتي
|
Post: #46
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 10-01-2019, 02:52 PM
Parent: #42
Quote:
شكرا ليك كتير يا اسماعيل |
لا شكر على واجب أخي علي الكنزي..
Quote: رسالة ولفت نظر للاخوين اسماعيل وبريمة
خط بارليف لم يتم تجاوزه في ٦٧ وهي ابشع هزيمة لحقت بالجيوش العربية
واسم الدلع حقها (النكسة)
اما حرب رمضان واكتوبر ٧٣ هي التي عبرت فيها القوات المصرية السودانية خط برليف |
ومشكور على تصحيح المعلومة..
|
Post: #43
Title: Re: معلومة تاريخية مهمة عن السودان أهملها الم
Author: امتثال عبدالله
Date: 10-01-2019, 12:45 PM
Parent: #39
اسماعيل ..
شكرا..شكرا ...
بوست أوسكار الف نجمة...
جعلتنا نشعر بالفخر باننا ننتمي لسودان العزة والمجد.....فعلا معلومة مهمة كنا نجهلها تماما..
مع تحياتنا النواضر ....
|
Post: #47
Title: Re: معلومة تاريخية مهمة عن السودان أهملها الم
Author: اسماعيل عبد الله محمد
Date: 10-01-2019, 02:57 PM
Parent: #43
| Quote: جعلتنا نشعر بالفخر باننا ننتمي لسودان العزة والمجد.....فعلا معلومة مهمة كنا نجهلها تماما.. |
ياهو دا السودان يا امتثال..تاريخ كتب على طريقة الخيار والفقوس..
|
Post: #51
Title: Re: معلومة تاريخية مهمة عن السودان أهملها الم
Author: نعمات عماد
Date: 10-06-2019, 07:06 PM
Parent: #47
سلام عليكم اسماعيل و الضيوف
التحية و الشكر للأساتذة محمد نور عودو و بابكر قدور، للإهتمام بتسالي.
كيف يمكن الحصول على المزيد من المعلومات عن هولاء المحاربين؟
هل يمكن أن ننشئ قروب في الفيس او الواتس، و أستقطاب الباحثين
في تاريخ السودان، لجمع المعلومات عن أسماء هولاء المحاربين؟
بروفسير هيل الذي أنشأ أرشيف السودان في جامعة ديرهام - بريطانيا
ألف كتاب عن الأورطة (بالإشتراك مع مؤلف آخر)
Richard Leslie Hill, Peter C. Hogg.
A Black corps d'élite: an Egyptian Sudanese conscript battalion with the French Army in Mexico, 1863-1867,
السجلات الفرنسية و دار الوثائق المصرية ربما تضم وثائق عن المحاربين
السودانيين. خسارة ان تكون هذه هي نهاية معرفتنا بجزء من تاريخنا القريب.
|
Post: #52
Title: Re: معلومة تاريخية مهمة عن السودان أهملها الم
Author: نعمات عماد
Date: 10-06-2019, 07:12 PM
Parent: #51
تساؤلي و ليس تسالي ☺
|
|