تنقل قناة Sky News Arabia مباشرة خطاب حمدوك مباشرة في الجلسة الخاصة حول السودان. قنوات السودان كلها عامةو بقروشنا، و خاصة وكأن الأمر لا يعنيها و لم تنقل أهم حدث. انت شخص ضعيف و لا تمثل هذه الثورة. كنا نكن لك تقدير و لكن اتضح و بالرغم من التنبيهات انك لا تمثل هذه الثورة. غلبك ، أمشي و بس.
Post: #2 Title: Re: فيصل محمد صالح ...لا انت و لا القنوات تمثل ا Author: Nasser Amin Date: 09-27-2019, 06:55 PM Parent: #1
أضعف حلقة قي الحكومة الانتقالية هو اداء وزارة اعلام الثورة ممثلة في وزيرها. تخيلوا جلسة خاصة حول السودان يخاطبها حمدوك ينال التصفيق و الاعجاب و تحجب عن الاعلام السوداني و تنقلها قنوات اجنبية. من الآخر كدا....فيصل فاشل و ضعيف ولا يرتقي لمستوى ثورتنا. الثورة لن تؤتى الا من الاعلام يبدو وزارة الاعلام تحتاج مليونية للتقويم و الاصحاح.
Post: #3 Title: Re: فيصل محمد صالح ...لا انت و لا القنوات تمثل ا Author: Hamid Elsawi Date: 09-27-2019, 07:19 PM Parent: #2
بالتأكيد نقل حدث زي دة من أمريكا عاوز امكانيات و تصريح و سماح ل كاميرا تلفزيونية بالدخول يعني الموضوع ما ساهل. كدي خليهم يدخلوا استاد الخرطوم و ينقلوا كورة من هناك اعتقد الاحد مباراة الهلال و في امدرمان ما عاوزة قطعة بحر. بعدين الرزق تلاقيط. ما يقوموا ناس قناة الهلال يقولوا حصرياً
Post: #4 Title: Re: فيصل محمد صالح ...لا انت و لا القنوات تمثل ا Author: احمد حمودى Date: 09-27-2019, 07:21 PM Parent: #2
يجب اقالة هذا الوزير ويجب تعيين كنداكة ثورية فى هذا المنصب
Post: #5 Title: Re: فيصل محمد صالح ...لا انت و لا القنوات تمثل ا Author: علاء سيداحمد Date: 09-27-2019, 07:28 PM Parent: #4
فيصل محمد صالح مسئول من قناة السودان والقنوات الاخرى قنوات خاصة ووزير الاعلام لا يستطيع ارغامهم على نقل كلمة رئيس الوزراء من امريكا . وبالنسبة لقناة السودان على ما اعتقد ضعف الامكانيات سبب عدم سفر وفد التلفزيون مع رئيس الوزراء الى امريكا .
Post: #6 Title: Re: فيصل محمد صالح ...لا انت و لا القنوات تمثل ا Author: احمد حمودى Date: 09-27-2019, 07:31 PM Parent: #5
Post: #7 Title: Re: فيصل محمد صالح ...لا انت و لا القنوات تمثل ا Author: Asim Ali Date: 09-27-2019, 07:52 PM Parent: #6
ياجماعه انتو خطاب السودان فى (الجمعيه العامه)مش مفروض لسه ؟ 11 ونص مساء بتوقيت السودان
Post: #8 Title: Re: فيصل محمد صالح ...لا انت و لا القنوات تمثل ا Author: Nasser Amin Date: 09-27-2019, 08:29 PM Parent: #7
Quote: ياجماعه انتو خطاب السودان فى (الجمعيه العامه)مش مفروض لسه ؟ 11 ونص مساء بتوقيت السودان
صااااح يا عاصم ،بس دي (جلسة خاصة بالسودان) وفيها الامين العام للامم المتحدة و موسى فكي و اصدقاء السودان.
اجزم بأن هناك اجندة وراء حجب أنشطة رئيس الوزراء و فيصل م صالح هو المسؤول الاول عن ذلك. الزول دا ضعييييييف.
Post: #9 Title: Re: فيصل محمد صالح ...لا انت و لا القنوات تمثل ا Author: محمد البشرى الخضر Date: 09-27-2019, 09:25 PM Parent: #8
دقيقة يا ناصر براحة علينا مالك عايز تبقى لينا زي ضراير قحت كمان الما بعجبهم العجب ولا صيام رجب!
يا الصاوي فعلا الكورة حصريا على قناة الهلال :)
Post: #10 Title: Re: فيصل محمد صالح ...لا انت و لا القنوات تمثل ا Author: محمد جبره Date: 09-27-2019, 09:27 PM Parent: #8
سلام يا حامد
ما شرط تمشي بكاميراتك ممكن تنقل من اي قناة اخرى بتكلفة اقل من تكلفة سفر مصورين بمعداتهم
تلفزيونا ساجوره عاصي
Post: #11 Title: Re: فيصل محمد صالح ...لا انت و لا القنوات تمثل ا Author: Nasser Amin Date: 09-27-2019, 10:34 PM Parent: #10
Quote: دقيقة يا ناصر براحة علينا مالك عايز تبقى لينا زي ضراير قحت كمان الما بعجبهم العجب ولا صيام رجب!
لا و الله يا محمد...بس عايزك تتنبه انو هناك نهج ممنهج لغياب فعاليات رئيس الوزراء انا شخصيا لا اهتم باخبار البرهان و لا حميدتي ولا رفقائهم من العسكريين لأنهم طاريئييين على المشهد السياسي. حكومة حمدوك المدنية و الانحنا كلنا وراها هناك جهات عديدة تسعى لفشلها واولهم عساكر السيادي و دي الخطة B بتاعتهم... وفي احزاب من داخل ق ح ت و اولهم حزب الامة لاسباب تخصهم و يسعون لانتخابات مبكرة لاجهاض الحكومة الانتقالية. فيصل م صالح غير مؤتمن على التغيير في الاعلام. و رسلت ليهو بوستي و بوست خالد عباس بعد ما لقيت انو عمل لي unfriend بعد بوست سابق عن قناة السودان. فيصل باهت و يجب ان يذهب ولا يشبه الثورة.
Post: #12 Title: Re: فيصل محمد صالح ...لا انت و لا القنوات تمثل ا Author: النذير حجازي Date: 09-27-2019, 11:01 PM Parent: #11
سلام يا ناصر، اتفق معك بأن فيصل ضعيف جداً جداً، شكلو بخاف من الكيزان، ما بعيد يكونوا ماسكين عليهو حاجة، أي حاجة يقول ليك دي ما من صلاحيتي.
كسرة: إنت ناصر الأمين ولدنا بتاع ابو ظبي؟ غيرت الاسم؟ وللا ناصر تاني؟
Post: #13 Title: Re: فيصل محمد صالح ...لا انت و لا القنوات تمثل ا Author: Nasser Amin Date: 09-27-2019, 11:50 PM Parent: #12
Quote: كسرة: إنت ناصر الأمين ولدنا بتاع ابو ظبي؟ غيرت الاسم؟ وللا ناصر تاني؟
لا يا النزير انا زول تاني، و رد الله غربة وقلم ناصر الامين
Post: #14 Title: Re: فيصل محمد صالح ...لا انت و لا القنوات تمثل ا Author: adil amin Date: 09-28-2019, 04:30 AM Parent: #13
وقبل بعضهم علي بعض يتلاومون ق ح ت لمة بلا مشروع https://up.top4top.net/
Post: #15 Title: Re: فيصل محمد صالح ...لا انت و لا القنوات تمثل ا Author: Nasser Amin Date: 09-28-2019, 10:25 AM Parent: #14
... .. .
Post: #16 Title: Re: فيصل محمد صالح ...لا انت و لا القنوات تمثل ا Author: حسن ادم محمد العالم Date: 09-29-2019, 05:45 AM Parent: #15
يبدو ان وزير الثقافة والإعلام صحفي متميز ويفتقر للإدارة وهذا واضح منذ خطابه الاول في الثورة الذي تحدث فيهو بلغة الصحفي المحايد لا بلغة الثوري وها هو يواصل في المسلسل عبر الاداء الباهت لمؤسسات الاعلام
Post: #17 Title: Re: فيصل محمد صالح ...لا انت و لا القنوات تمثل ا Author: خضر الطيب Date: 09-29-2019, 06:11 AM Parent: #16
سلام ناصر امين الاخ فيصل محمد صالح صحفي متميز و متحدث لبق ما في ذلك شك هو دفعتنا في عالم الاعلام و لكن تراخيه في حسم الكثير من المسائل جعلنا نتسآل كنا الاسبوع الفائت في ندوة مع مجموعة من الاعلاميين تحدثنا عن آداء الاستاذ فيصل محمد صالح و الذي راهنا عليه وصلنا الى ان فيصل صحفي و لا غبار عليه لكن من خطابه الاستسلامي الاول فقدنا فيه الأمل هذه الفترة ليست فترة ديمقراطية هي فترة الحسم و الحزم لتصفية كل اعلاميي الانابيب و المطبلاتية للنظام البائد اذا استجاب فيصل لمطالبنا العادلة فليستمر و اذا لم يستجيب فليذهب و ياتي غيره لدينا زملاء اعلاميين ثوريين مثل السليك و زميل المنبر صلاح شعيب و سعيد من نواحي فرنسا وهم من قوى التغيير و مشهودة مواقفهم
Post: #18 Title: Re: فيصل محمد صالح ...لا انت و لا القنوات تمثل ا Author: Nasser Amin Date: 09-30-2019, 05:56 PM Parent: #17
شكرا لكل الاخوة المتداخلين الاخ خضر الطيب اتفق معه تماما في ان السيد/فيصل من جهة انه مهني و متمكن ولكن اداءه التنفيذي ضعيف.
*الان مؤتمر صحفي مشترك بين ماكرون و حمدوك و منقول مباشرة على الجزيرة مباشر.
وقناة "السودان" الما حقتنا تنقل في برنامج طبي. لو سكتنا الثورة سوف تجهض.
االشغلة دي مقصووووودة.
Post: #19 Title: Re: فيصل محمد صالح ...لا انت و لا القنوات تمثل ا Author: Nasser Amin Date: 09-30-2019, 06:20 PM Parent: #18
الآن صحت القناة "الما حقتنا لسه" وتنقل وقائع المؤتمر الصحفي.
الاعلام دا ما بنتهاون فيهو قناة بأسم السودان الاولوية نقل فعاليات رئيس وزراء الثورة. و الذي اخترناه جميعا.
Post: #20 Title: Re: فيصل محمد صالح ...لا انت و لا القنوات تمثل ا Author: Nasser Amin Date: 09-30-2019, 08:36 PM Parent: #19
الصحفي الكوز حسين ملاسي تكلم عن تلفزيون السودان حديث المشفق عليه. (و لا تعليق) ابتسام سنهوري و قالت الوثيقة الدستورية تعطي الحق القانوني في امكانية عمل ما يمكن عمله للوزراء يعني فيصل م صالح عندو كل الحق يعمل ما يمليه الشارع.
