Quote: أين دور وزيرة الرياضة .. ومنتخبات بناتنا الأمورات .. عملت ضربة البداية بالكعب العالي لكن ما شاء الله عليها عندها حضور .. وشايف كمال شداد مبسوط منها .. يا سلام على بناتنا إن شاء الله الفترة دي تكون تعويض لما ضاع من حقهن أيام الكيزان |
▪ دوري الصيف و إحراج الضيف
{ من أرشيف ديربي كرة القدم لكنداكات بلادي }
-----------
الأبو مستعجلاً : يا اولاد أمكم وينا ، جهزت الاكل ولا لسه ؟
انا اتصلت بيها وقلت ليها جاي معاي ضيف
- أمي طلعت من قبيل عصىز بدرييييي ...
- خير اللهم اجعلو خير، في زول مات ، و لا زول مابي العيش في المستشفى ...
- لا يا أبوي : جاها تلفون من صاحباتا خالتو نفيسة وخالتوالسارة قالن ليها ماشات يحضرن كورة فريق القومية و فريق الشلال في أستاد الخرطوم في دوري الصيف .
- و هي مالا و مال القومية و الشلال و الثعالب ، مش هي بتشجع فريق الدجاجات؟!! .
- قالت الدجاجات ماجن( كاكن) معها عزنها في أبوها عشان كدا قلبت ثعالب.
----------{ تخريمة}-----------
▪ نطالب بعودة (حكمة) من جيل البطولات يقال لها أظن:
منيرة عبد الساوي. يوم كانت حاكمة هلال مريخ. فقام كمال
عبد الوهاب بعزف انفرادي جرجر ليك دفاع الهلال رماهم
أرضن (انبطاح)؛ لامن جاء للسيرد باك عبد الله موسى جدعو
هناك زي الترتيب. لكن زولك بالمغسة عمل ليه حركة بايخة
(جر ليه لباسو). فكمال أصلو ما مقق ليه قشطو طالوش بنية
جابو الواطة فقامت الحكمة بدل تصفر فاول مسلن ؛ قلبتا
مناحة و شغل حكامات عدييل؛ و هاك يا ردحي و سكليب:
و " مالك عليهو ضاربو يايابا يضربك الضريبي" و كدي.