عيون اهلنا في السودان كلها تترقب دخول نجم الثورة حمدوك لي دي البناية التاربخية المبهجة . واكيد حمدوك المتلفح بي هموم الكادحين والمليان بي الدموع من مشاهدات صور شهداء المتاريس حيقول من هناك الكلام البجيب الزيت .
Post: #2 Title: Re: حمدوك يحمل اختامنا الي البناية new york ny 10017 � Author: walid taha Date: 09-26-2019, 10:47 AM Parent: #1
فوق
Post: #3 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-26-2019, 11:04 AM Parent: #2
اخونا الكريم وليد سلامات بحب دي البناية المنصفة حب شديد . ولي الليلة ولي باكر بحبها . ما تتخيل يا وليد عدد الكيلو مترات السجتها كداري بين دي البناية وجاراتها والبنايات التاريخيات الانيقات . ما تتخيل كمية السواجة وانا البايع المتجول الهارب من جحيم الانقاذ في سنة 1995 . كنت يا وليد بحس بي حسناوات شارع ال 74 الحنينات يشترن الجينز مني مجاملة وانا المجامل الاكبر القادم من بلاد النيل المنهوب .
Post: #4 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-26-2019, 11:54 AM Parent: #3
ارتفاع البناية الانيق المطلة علي النهر الشرقي 39 طابق . الشابين المهندسين في داك الزمن البعيد (المهندسين اوسكار نيماير ) و ( لو كوربو زييه ) ابدعوا بعد كشف الخمار عنها يوم الافتتاح الرهيب سنة 1951 .
Post: #5 Title: Re: حمدوك يحمل اختامنا الي البناية new york ny 10017 � Author: walid taha Date: 09-26-2019, 01:02 PM Parent: #3
Quote: بحس بي حسناوات شارع ال 74 الحنينات يشترن الجينز مني مجاملة
بل هو الإعجاب بذلك الفتى الأسمر القادم من بلاد النيلين .
مافى صورة يا عصمان للفتوات ديل ؟ :))))))
Post: #6 Title: Re: حمدوك يحمل اختامنا الي البناية new york ny 10017 � Author: خضر الطيب Date: 09-26-2019, 01:23 PM Parent: #5
مرحب حبيبنا ود موسى و وليد طه مرحب بيك بعد الغياب يا وليد عثمان ما بجيب صورة بخليها على القراء عذبنا والله بالبحث هههههه هو يقصد مبنى الأمم المتحدة في الصورة التحت دي https://www.0zz0.com
Post: #7 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-26-2019, 03:27 PM Parent: #5
يا شيخ وليد انا هنا وبي مساعدة الاخوان بحاول اكتب عن البناية بناية الامم المتحدة البازخة الجمال . البناية الما بقدر اعتب ناحية المدخل حقها . البركة في ابن الوطن البار حمدوك . حمدوك يا الوليد ح يقضي الليلة في في دي النواحي في فندق خمسة نجوم وانت عارف الفرق بين الخمسة نجوم في بلاد نجمات شارع ال 74 والخمسة نجوم في بلاد الحرابة . حمدوك ح يتضرع ويقدل وهو يتمتم بي اغنية ( الاماني العذبة تتراقص حيالي ) والملايين الاربعين تشيل معاو . .. اجدع صور المكان ده بلاي .
Post: #8 Title: Re: حمدوك يحمل اختامنا الي البناية new york ny 10017 � Author: walid taha Date: 09-26-2019, 03:37 PM Parent: #7
Quote: حمدوك يا الوليد ح يقضي الليلة في في دي النواحي في فندق خمسة نجوم وانت عارف الفرق بين الخمسة نجوم في بلاد نجمات شارع ال 74 والخمسة نجوم في بلاد الحرابة . حمدوك ح يتضرع ويقدل وهو يتمتم بي اغنية ( الاماني العذبة تتراقص حيالي ) والملايين الاربعين تشيل معاو .
كلنا حمدوك
Post: #9 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-26-2019, 06:56 PM Parent: #8
اخونا الفنان خضر سلامات وتحيات من نواحي شارع ال 74 . من ديك النواصي المترعة بي الحيوية والحركة . في ديك النواصي ممكن جدا تلمح السيد جو بايدن وممكن علي بعد امتار تلاقي د. حمدوك و حقيبتو تقنت من ملفات الاماني العذبة . ولو ما خليت بالك يا خدر في الدرب كويس حتقوم تقع تكسر سنك زي ما حصل لي عمر البشير قبل 60 سنة لمان وقع من العجلة . لكن يا خدر في شارع ال 74 سبب وقعتك بكون سببو معروف . بس السبب التاني داك لما سالت واحد من الزهجانين . قال لي المكان داك مسكون بي الجن . ... عان جاي لو سمت ظروفك يا فنان حاول جيب لينا صور البناية من الجهات الاربعة . انقل لينا كل الجمال . ولابد من كنداكات اليانكي وهن يقدلن بي احذية الكعوب الهاي هيل والفلات .. مع التحية
Post: #10 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-26-2019, 08:56 PM Parent: #9
نعم كلنا حمدوك . من حلفا لي نمولي ننتظر . كلنا نرحل ساحة التايم اسكوير . جالسين علي كنب وعتبات التايم قدام الشاشات العملاقة ننتظر كلمات الرجل الطيب المتواضع حمدوك .
Post: #11 Title: Re: حمدوك يحمل اختامنا الي البناية new york ny 10017 � Author: Amira Hussien Date: 09-26-2019, 10:06 PM Parent: #9
البناية فخمة فى معناها ومحتواها احرص فى كل زيارة لىمدينة نيويورك أنى أزورا فهى متاحة من خلال تور ومرشد يشرح ويوضح . هذا العام الجولة كانت أجمل لاحظت التغييرات والتجديدات، ودايما كنت اجد اخوانا من ابناء دارفور فى مسيرة هادرة امام المشن السودان القريب من مبنى الأمم المتحدة ، والبشير to icc شهدت وشاركت كم مرة فى مسيرة لاهلنا
Post: #12 Title: Re: حمدوك يحمل اختامنا الي البناية new york ny 10017 � Author: خضر الطيب Date: 09-26-2019, 10:27 PM Parent: #11
مرحب بيك حبيبنا ود موسى طبعاً التصوير الفوتغرافي اقصى حد ليهو زاويتين او التصوير بواسطة الدرون بكون من خمسة زواية بالتتابع بالنسبة للجرافيك ممكن يكون برضو من خمسة زواية هنا فيديو و معلومات عن مبنى الامم المتحدة
Post: #13 Title: Re: حمدوك يحمل اختامنا الي البناية new york ny 10017 � Author: خضر الطيب Date: 09-26-2019, 10:29 PM Parent: #12
Post: #14 Title: Re: حمدوك يحمل اختامنا الي البناية new york ny 10017 � Author: خضر الطيب Date: 09-26-2019, 10:40 PM Parent: #13
يا ود موسى ال Time Square فوق البيعة :) دي مناطق نشاطك
انا ما حصل مشيت امريكا و لا عندي رغبة دي بلد نسبة الأمن فيها زيرو مقارنة ببريطانيا اصحابي دعوني اكتر من مرة لكن ما استجبتا للدعوة قلت ليهم تعالوا بريطانيا جوني في الكريسماس كان انطباعم انو بريطانيا دي بلد ميتة ما صاخبة ذي امريكا قلت ليهم انا ما بحب الضجيج في منطقتنا من الساعة خمسة مساء المحلات في التاون سنتر بتقفل و بعدها بتفتح الديسكوهات و الاخيرة دي كمان ما بحبها لكن الحارات بتكون ساكنة ذي سكون المقابر
Post: #15 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-27-2019, 06:51 AM Parent: #11
مرحبتين حباب بنتنا الاميرة اميرة في ربوع ال 74 . اليوم تتجه عيون ملايين السودانيين الي ده البكان المبهر والمنصف . دعواتنا معاك .
Post: #16 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-27-2019, 09:26 AM Parent: #15
دفتر يوميات د. حمدوك يوم امس الخميس كان مستف اجتماعات . كلها كانت عالية المستوي . شغل مرتب ما زي جلفقة الحرامية . اشتغل في اربعة شغل الستين سنة الفاتت . جد ما كانت تلاتين سنة . الملاحظ و الواضح انو حمدوك زول مقبول جدا و متحدث من الدرجة الاولي . وهاكم بعض من الاجتماعات المهمة .
Post: #17 Title: Re: حمدوك يحمل اختامنا الي البناية new york ny 10017 � Author: خضر الطيب Date: 09-27-2019, 09:46 AM Parent: #16
الدكتور عبدالله حمدوك يتحدث عن حرية الصحافة الكلمة في الدقيقة 2:12
Post: #18 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-27-2019, 10:26 AM Parent: #17
بلاي يا دكتور حمدوك قومتك من عنقريب فندقك امشي افتح الستاره الشرقية . و اجبد نفس عميق وعاين جهات منتزه عمك فرانكلين روزنفلت . عاين شديد لي ال freedoms park . منتزه الحريات والتسامح . اجبد نفس من داك الهمبريب العجيب . عشان بي جاي راجياك لملمة عربيات الكيزان المسروقة من عرق ده الشعب الفتران . اجبد نفس برضو تاني قبال ما تمرق .
Post: #19 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-27-2019, 01:52 PM Parent: #18
في صفحات دفتر يوم امس الخميس من الاجتماتعات الكاربة جدا كان اجتماع د. حمدوك بي وكيلة وزارة الخزانة الامريكية . قابل الوكيلة سيجال ماندلكر . كان من الاجتماعات المهمة اتناولت في الاجتماع مع حمدوك كيفية المساعدة في الاصلاح الهيكلي للبنوك السودانية . بجانب المساعدة في برامج رفع القدرات في مكافحة تمويل الارهاب . وتعهدت الوكيلة في الاجتماع بالعمل الجاد لرفع اسم السودان من قايمة الدول الراعية للارهاب .
Post: #20 Title: Re: حمدوك يحمل اختامنا الي البناية new york ny 10017 � Author: Basamat Alsheikh Date: 09-27-2019, 03:01 PM Parent: #19
خضر الطيب تحية طيبة في مدينتين في العالم اذا انت ما زرتهم كانك ما شفت الدنيا...المدينة الأولى عطبرة في السودان ،أم المدائن، والمدينة الثانيةنيويورك ، عاصمة العالم ... اجمل مدينة في العالم ..انا زرت قبل كده مدن كثيرة في العالم وفي السودان ،،،في العالم زرت مدن زي برلين ، باريس ، لندن،تورنتو ، مونتريال الدوحة، دبي ، وفي السودان زرت مدن كثيرة زي الخرطوم، سنار، كسلا ، مدني، بورتسودان ، الدامر ، بركات ، ،،، لكن ما شفت زي عطبرة ونيويورك .... لندن مدينتكم ، مدينة كئيبة ومملة ، والناس تنوم من الساعة ٨ مساء،،، أما نيويورك ما في ليل ونهار ..كله نهار ...فهي المدينة التي لا تنام ..
Post: #21 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-27-2019, 06:22 PM Parent: #20
ساعات قليلة ويطل علي العالم حامل اختامنا نجمنا المحبوب د. حمدوك من عاصمة الدنيا . كلنا حمدوك
Post: #22 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-27-2019, 09:21 PM Parent: #21
والله عافي منك يا حمدوك . كلامك كان مرتب في كل الاجتماعات
Post: #23 Title: Re: حمدوك يحمل اختامنا الي البناية new york ny 10017 � Author: خضر الطيب Date: 09-28-2019, 11:22 AM Parent: #22
حبابك الراكزة الشيخة بسمات بت الشيخ
Quote: خضر الطيب تحية طيبة في مدينتين في العالم اذا انت ما زرتهم كانك ما شفت الدنيا...المدينة الأولى عطبرة في السودان ،أم المدائن، والمدينة الثانيةنيويورك ، عاصمة العالم ... اجمل مدينة في العالم ..انا زرت قبل كده مدن كثيرة في العالم وفي السودان ،،،في العالم زرت مدن زي برلين ، باريس ، لندن،تورنتو ، مونتريال الدوحة، دبي ، وفي السودان زرت مدن كثيرة زي الخرطوم، سنار، كسلا ، مدني، بورتسودان ، الدامر ، بركات ، ،،، لكن ما شفت زي عطبرة ونيويورك .... لندن مدينتكم ، مدينة كئيبة ومملة ، والناس تنوم من الساعة ٨ مساء،،، أما نيويورك ما في ليل ونهار ..كله نهار ...فهي المدينة التي لا تنام ..
اتفق معاك انو بريطانيا بلاد ينوم اهلها الساعة ثمانية عموماً بحب المدن الهادئة و الساحلية على وجه التحديد عطبرة الجميلة و الجميلين اهلها كنت في طريقي لكسلا بالقطار في رحلة مع اصدقائي لزيارة صديق في السواقي الجنوبية في كسلا وقف القطار في عطبرة لمدة اربعة ساعات و كما هو معروف بأن عطبرة هي المحطة الرئيسية للقطارات في الشمال و فيها رئاسة السكة الحديد ولا بديل للسكة الحديد الا السكة الحديد يجب على الحكومة الانتقالية اعاد هيبة السكة الحديد و تأهيلها كما ينبغي تنسمت عبيرها و عبق تاريخها النضالي و الانساني و ترابط اهلها من الداخلة حتى حي ام الطيور الفاضلاب جاني صاحبي عطبراوي هو عبد الرحيم الفاضلابي بعربية لفينا نص عطبرة و الوكت كان بعد منتصف الليل البلد هادية و جميلة و نسيم الصباح , عشقتا عطبرة و اتمنيت اني اعيش فيها اما امريكا من حجم الجرائم البسمع عنها عمري ما اتمنيت ازورا رغم وجودي في بريطانيا و امريكا تبعد سبعة ساعات و دعوات الاصدقاء غلبني ازورا , وهسي من الدوحة 16 ساعة تقريبا , ما بحب السفر الطويل حدي 6 ساعات من اوربا للخليج وبالعكس
Post: #24 Title: Re: حمدوك يحمل اختامنا الي البناية new york ny 10017 � Author: Osman Musa Date: 09-28-2019, 06:18 PM Parent: #23
اخونا خضر سلام ومشكور كتير علي صور السيتي البديعة . ليلة البارحة كانت بحق ليلة السودان بعد ان توهج د. حمدوك . لكن قبل ما نرجع لاحديث عن حديث حمدوك المصيري بالنسبة للامة . دايرك تحدف ناحية السنترال بارك . وتكب صور ديك الجنات .
Post: #25 Title: Re: حمدوك يحمل اختامنا الي البناية new york ny 10017 � Author: خضر الطيب Date: 09-28-2019, 09:12 PM Parent: #24
انت تامر يا ودموسى دي ال Central Park
Post: #26 Title: Re: حمدوك يحمل اختامنا الي البناية new york ny 10017 � Author: امتثال عبدالله Date: 09-28-2019, 10:56 PM Parent: #25
يا سلام على السنترال بارك ...وهي على ما اظن أكبر وأوسع حديقة عامة في مدينة نيويورك ...اذا ما قلنا في أمريكا... وبالمناسبة ، المراكب دي في الحديقة جربناها لكن من مكانا ما اتحركنا لأننا ما قدرنا نجدف غير خطوتين أو ثلاثة خطوات وما قدرنا نرجع المركب للمرسى في شاطئ البحيرة....لولا مساعدة الآخرين الاتفضلوا ولزوا المركب بمجاديفهم ....
