دبابيس من صحف اليوم 25 سبتمبر 2019 م

03:57 PM September, 25 2019

سودانيز اون لاين
Abdulhaleem Osman-Sudan
مكتبتى
رابط مختصر

.
.
الى الجماعة اياهم:
شوفتونا ونحن في الأمم المتحدة ونحن بي نعمل لقاءات جانبية مع زعماء العالم؟
شوفتونا ونحن في جنيف بنحضر الدورة ال42 لحقوق الإنسان ؟
حقو تكونوا عرفتوا انه كوبر كتيره عليكم
.
.
📄 خبر سمح:
👈 من داخل سجن كوبر
أكد مصدر مطلع بأن النزلاء السياسيين من رموز الانقاذ طالبوا بإدخال الصحف إليهم حتى يستطيعوا متابعة الأخبار المحلية والعالمية لأن عدم اطلاعهم على الصحف تعني انقطاعهم عن العالم الخارجي، وهم يعانون من معرفة أخبار العالم الخارجي لعدم وجود الصحف اليومية والتلفزيون.
كما أكد المصدر بأن شكاويهم من المرض أصبحت كثيرة للغاية، وعند قيام أي من إدارة السجن بالمرور على العنابر الشرقية التي يتواجدون بها يتم تسليمهم عدة طلبات لنقلهم للعلاج خارج السجن.
ومن ضمن الذين يشكون من المرض بحسب صحيفة الدار، النائب السابق للرئيس المخلوع علي عثمان محمد طه وأبو هريرة حسين وآدم الفكي ومأمون حميدة وعبد الرحيم محمد حسين، ويقوم طبيب السجن الاتحادي بالمرور على النزلاء والتوجيه بالنقل إلى مستشفى علياء بأم درمان السلاح الطبي.
📌 حمادة العباسية يسلم عليكم ويهديكم واحدة من أشهر أغنياته......
.
.
📄 خبر عجيب:
👈 حسن إسماعيل : نصف وزراء الحكومة عنقالة
وصم وزير سابق من النظام المباد وزراء الحكومة الانتقالية بـ (العنقالة) بحسب وصفه. وقال وزير الإعلام السابق حسن إسماعيل في حوار مع صحيفة (الإنتباهة) الصادرة اليوم إن الصادق المهدي في تحالف نداء السودان يمسك (حبالاً بلا بقر)...
📌 بت الكلب يا الطرحة أقصد بت الكلب يا الشعيرية.....
.ه.
.ه.
📰 التيار:
👈 كباشي لـ”التيّار”: تعيين رئيس القضاء والنائب العام الأسبوع القادم
📌 يا اخواننا خبر زي دا أدوهو زول غير الكباشي يجيبوا لينا
.
📰 التيار:
👈 التاج لـ”التيّار”: أخطأنا في تجمّع المهنيين بعدم المشاركة وما زلنا ندفع الثمن
📌 هسع انتو بلا تشاركوا الكيزان يزغرتوا كان شاركتوا كان (أغمن عليهم) يا قول عادل امام
.
📰 التيار:
👈 الأبيّض: الإضراب يوقف جميع معامل المستشفى
📌 يا شماتة احمد هارون فينا
.
📰 الجريدة:
👈 انشقاق بالوطني بعد إعلان أمانة غندور
📌 اريتو بي شقاق الشقيق والتعب والضيق ونشاف الريق
.
📰 الجريدة:
👈 تدخلات المخلوع وحرمه توقف ضبط”14″ فحم”طلح”
📌 المخلوع لي عند الطلح وصل الحمدلله الخلعناهو دا كان حا يدخلنا في حتات ضيقة
.
📰 الجريدة:
👈 الخارجية تستدعي أحد ديناصورات البعثات الدبلوماسية في الأردن
📌 أممممك ... كان دافن دقن ؟
.
📰 الجريدة:
👈 رئيس اللجنة القانونية بـ”زيرو فساد” يجمّد عضويته بالمنظمة
📌 لازم زيرو فساد ذاتها تبقى زيرو فساد
.
📰 الجريدة:
👈 تجار يتعرّضون لنهب بالشمالية ويحذّرون من تكرار الظاهرة
📌 لسع يا ما نشوف هوايل في الأيام الجاية دي
.
📰 الوطن:
👈 حميات مجهولة تضرب قرى في البحر الأحمر
📌 مجهولة كيف يعني؟
.
📰 الوطن:
👈 حملة إعفاءات تطال مديري شركات الكهرباء
📌 أكنس أمسح ما عاوزين عبء اداري
.
📰 الوطن:
👈 نيابة كسلا تلاحق “جماع” وتدعو المواطنين للمساعدة في القبض عليه
📌 اوع يكون شرد بالعربية الجديدة الأهدوها ليه ناس كسلا
.
📰 الوطن:
👈 مفصولو التأمين الصحى يرفضون قرارات فصلهم
📌 مفصولين زمان والا هسع ؟
.
📰 الانتباهة:
👈 سحب بلاغات قتلى مليونية 30 يونيو
📌 اشمعنى ؟
.
📰 الانتباهة:
👈 1.5مليون شخص بلا وسيلة مواصلات بالعاصمة
📌 فيكم الخير ، زيدو الرقم شوية
.
📰 الانتباهة:
👈 انهيار وشيك لـ”جسر” في جوبا
📌 يا ساتر .... اوع يكون بانياهو الانقاذ ؟
.
📰 الانتباهة:
👈 عبد العزيز عشر: لم نناقش قضية تقرير المصير بشكلٍ رسمي في أي منبر
📌 بس النيه كيف؟
.
📰 الانتباهة:
👈 مفوضية حقوق الإنسان: لا اتهام لأيّة جهة بالتورّط في فضّ الاعتصام
📌 يمكن فضتو صاقعة وباقعة من السماء جات واقعة
.
📰 الانتباهة:
👈 الحكومة: لجان لمراقبة الدقيق بالأحياء
📌 أوعكم من الكيزان في اللجان
.
📰 الانتباهة:
👈 القبض على وزير سابق بالبحر الأحمر
📌 اللهم زيد وبارك
.
📰 السوداني:
👈 في أوّل حوار صحفي..وزير المالية يكشف لـ”السوداني” تفاصيل الدعم النقدي للمواطنين
📌 ترانا متفائلين والله
.
📰 السوداني:
👈 البدوي: لا تشريد لأيّ موظف كفء بسبب الانتماء السياسي
📌 موافقين لأنه أصلا مافي كوز كفء
.
📰 السوداني:
👈 وزير الدفاع جمال عمر في أوّل حوار لـ”القوات المسلّحة”: هنالك إمكانية لدمج الحركات في المؤسسة العسكرية
📌 كله صابون
.
📰 السوداني:
👈 السيسي وتميم يدعوان لرفع السودان من قائمة الإرهاب
📌 شكرا ليهم لكن الاتنين ما يجيبوا مريسة تام زين
.
📰 السوداني:
👈 توقيف عصابة اعتدت على سودانيين بالسعودية
📌 تطير عيشتهم السودانيين ديل محل ما يطيروا العصابات وراهم
.
📰 السوداني:
👈 شاهد اتهام يروي تفاصيل مؤلمة بشأن تعذيب معلم خشم القربة
📌 ياريت تجيبوا مدير الشرطة يسمع الافادات دي
.
📰 الصيحة:
👈 متظاهرون يقتحمون”بيت الوالي” ويهشمون عربة شرطة بنيالا
📌 ما يهشموا الوالي العربية ذنبها شنو ؟
.
📰 الصيحة:
👈 أوامر بالقبض على مسؤولين في وزارة المالية بالبحر الأحمر
📌 بالمناسبة دي زول البحر الأحمر القبضوهو في شقة اركويت في رمضان بيلعب أحيه داك خبره شنو؟
.
📰 الصيحة:
👈 اتجاه لهيكلة قطاع الكهرباء ودمج شركاته الخمس
📌 هو عليكم الله كهرباء ما قادره تنور خمسة بيوت يعملوا ليها خمسة شركات لي شنو؟
.
📰 الصيحة:
👈 "تيار نصرة الشريعة”: الخيارات مفتوحة للوقوف أمام إلغاء الشريعة
📌 هي الشريعة وينها عشان يلغوها يلغي ملفكم من الدنيا
.
📰 الصيحة:
👈 الإمدادت تفتتح”3″ صيدليات مركزية جديدة بولاية الخرطوم
📌 موت يا حميدة بغيظك
.
📰 الصيحة:
👈 “حقوق الإنسان”: مجهولون ارتدوا الزي الرسمي فضّوا الاعتصام
📌 عرفتهم ، ديل الناس ال لابسين الكاكي بتاع الدعم السريع وسايقين تاتشرات وشايلين كلاشات ودوشكات وسيطان وخراطيش من سوق ليبيا وقاعدين يعملوا تجاوزات عشان يخربوا سمعة الدعم السريع...
.
📰 أخبار اليوم:
👈 الكشف عن حقائق صادمة صاحبت فض الاعتصام وبينة لتقديم المتورطين للعدالة
📌 من وين بينه ومن وين مجهولون
.
📰 أخبار اليوم:
👈 لليوم الرابع .. تواصل التظاهرات في نيالا لتوفير الخبز ووقف الانفلات الأمني
📌 يا ناس طولوا بالكم جماعة السيادي ماشين عليكم
.
📰 أخبار اليوم:
👈 مجلس الوزراء : تقارير تؤكد وفرة الدقيق والوقود واجراءات حاسمة لمعالجة مشاكل التوزيع والنقل والتهريب
📌 ان شاءالله تبقى تقارير صحيحة
.
......
📌ابووضاح 📌

الأوسكار ما في الأخبار ولكن الأوسكار في التعليق على كل خبر .....
كل تعليق على كل خبر اوسكار خمس نجوم..
التحيات النواضر لابي وضاح