تصريحات وزير المالية حول رفع الدعم عن الخبز والبنزين وتعويم الجنيه

06:09 AM September, 24 2019

سودانيز اون لاين
زهير عثمان حمد-السودان الخرطوم
مكتبتى
رابط مختصر

قال وزير المالية إبراهيم البدوي أمس الاثنين، إن الحكومة الانتقالية في السودان ستطلق خطة إنقاذ اقتصادي مدتها 9 أشهر، لكبح التضخم مع ضمان توافر السلع الأساسية، كما ستطلب دعما من البنك الدولي بقيمة ملياري دولار. وأوضح البدوي أن الإجراءات ستتضمن ترشيد الإنفاق ومعالجة التضخم، مضيفا أن دعم أسعار الخبز والبنزين سيستمر حتى يونيو 2020م. وقال البدوي للصحفيين إن البرنامج الاسعافي سيبدأ في أكتوبر ويشمل إعادة هيكلة الموازنة ومعالجة التضخم، مضيفاً أن دعم أسعار الخبز والبنزين سيستمر على الأقل حتى يونيو 2020م. وأضاف أن البرنامج يهدف إلى إعادة هيكلة الجهاز المصرفي وترشيد الإنفاق الحكومي ومعالجة الجهد المالي للدولة ومراجعة الإعفاءات الضريبية، لأن 60 في المئة من الأنشطة الاقتصادية معفاة من الضرائب، ومحاربة الفساد المستشري بشكل فردى ومؤسسي.

وأضاف نسعى للانتقال من الدعم السلعي إلى الدعم النقدي المباشر للأسر الفقيرة، ونتوقع أن يتم ذلك بعد تنفيذ البرنامج الإسعافي (خطة الإنقاذ)“. وقال البدوي ”رئيس الوزراء موجود في نيويورك وسيلتقي برئيس البنك الدولي وسيطلب دعما بقيمة ملياري دولار للسودان. وأضاف طلبنا من البنك الدولي دعما لانتقال ثلاثة خبراء سودانيين يعملون خبراء في البنك الدولي لانتدابهم للعمل في السودان مع القطاع الاقتصادي مع استمرار البنك الدولي في دفع رواتبهم. وقال البدوي أُبلغنا من مسؤولين أمريكيين أن رفع السودان من القائمة الأمريكية للإرهاب هو أمر معقد لأنه مرتبط بالكونجرس ولذلك ربما ترفع بعد فترة تتراوح بين تسعة أشهر وعام. وأضاف أن الخطة الاقتصادية الجديدة تهدف أيضا لمعالجة ضعف قيمة الجنيه السوداني. ويبلغ السعر الرسمي للدولار 45 جنيها سودانيا، لكن جرى تداول الدولار في السوق السوداء يوم الاثنين عند 69 جنيها. وقال البدوي سيتم توحيد سعر صرف الجنيه السوداني بعد نهاية البرنامج الإسعافي بعد يونيو 2020م وبعد رفع السودان من قائمة الإرهاب.

كلامو ساي كده حتى لي الزول الما فاهمو كلام مليان وبستند على فهم علمي للمشكلة
حتى وان كان تطبيق نظام الدعم المباشر يحتاج لامكانيات ونظام معلومات محترم
يحسب له انه شخص طموح متجاوز للافكار التقليدية الكسولة
يجب دعم الرجل واعطاءه مساحة كافية للعمل

Quote: قال وزير المالية إبراهيم البدوي أمس الاثنين، إن الحكومة الانتقالية في السودان ستطلق خطة إنقاذ اقتصادي مدتها 9 أشهر، لكبح التضخم مع ضمان توافر السلع الأساسية، كما ستطلبدعما من البنك الدولي بقيمة ملياري دولار

الزول ده ما عنده فرق من عبدالرحيم حمدي وواطاتكم اصحبت
1- لا عايز يقلص الولايات ال18 ويرجع الااقليم الخمسة
2- لا عايز يراجع الاستمثمارات المشنية للامارات والسعودية ومصر المشنية في السودان
3- لا عايز يفعل القضاء الدستوري العالي عشان يعمل تسويات ترجع قروش الفاسدين بتاعين الانقاذ وهي 64 مليار دولار
عايز يقاقمن اوضاع السودان بالمزيد من الاستدانة من البنك الدولي (شليوك تاجر البندقية)
ابسط اشكال الاقتصاد
1- الذهب موجود اي قطعة ذهب تجي البنك المركزي فقط ولا تهرب للامارات وروسيا ذى ال300 طن ذهب الشهيرة كل ذهب السودان في بنك السودان والمعدنين الشرفاء موجودين
2- اي دولار في البيوت يوضع في البنك المركزي او يلحقهم المرحوم مجدي محجوب
وجود الذهب الله خلقو في السودان لي شعب السودان في البنك المركزي وايضا اموال الفاسدين الفي البيوت وفي الخارج تحت شعار السترة والقضحية متباريات
بترجع اكثر من من 2مليار دولار العايز يسندينا من البنك الدولي علي حساب الشعب السوداني
3- يفعل الاتفاقيات الاقتصادية مع دولة جنوب السودان وهي جيدة جدا ويرجع النفط من جديد عبر الانبوب والجيلي مقابل الذرة والطعام والسكر مع دولة جنوب السودان =الصفقات المتكافئة
في ستة شهور سكون الجنيه السوداني = 6دولار امريكي
وفقا لمعطيات السوق الان
قوة العملة في احتياط الذهب والعملة الحرة الموجودة في البنك المركزي في الخرطوم وليس في بيوت اهل الرجس المعفنين ولا في حساباتهم في الخارج
هذا الوزير ايضا مخلب للامارات في السودان وسيحمي مصالحها مع حميدتي
https://up.top4top.net/

هسة ركزو معاي شوية
دي 64 مليار دولار موثقة في صحيفة المدينة والاندبنت
اين توجد هذه الاموال المجنبة ( اي بنك في العالم )
لماذا لا تعاد الي السودان بي الانتربوال مع تسوية مع عوض الجاز= هذا حق عام يرجع للبنك المركزي اما الزول العندو مشكلة شخصية مع عوض الجاز او مشكلة جنائية يمشي يفتح بلاغ ثاني
ال64 مليار دولار دي اذا رجعت بنك السودان ....ما محتاجين للبنك الدولي لي يوم القيامة
ويا ريت الكيزان الفي ازرل العمر ديل يرجعوها براهم جربو افتحو حسابات علنية في بنك السودان مع السويفت دولي من اي مكان اي زول يرجع الاموال العنده ويتحلل منها دنيا واخرة كان في البيت وفي بنك تجنيب في بنما او في سويسرا
الكفن ما فيهو جيوب
وذكر بالقران من يخاف وعيد


۞ يَا أَيُّهَا الَّذِينَ آمَنُوا إِنَّ كَثِيرًا مِّنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَن سَبِيلِ اللَّهِ ۗ وَالَّذِينَ يَكْنِزُونَ الذَّهَبَ وَالْفِضَّةَ وَلَا يُنفِقُونَهَا فِي سَبِيلِ اللَّهِ فَبَشِّرْهُم بِعَذَابٍ أَلِيمٍ (34) يَوْمَ يُحْمَىٰ عَلَيْهَا فِي نَارِ جَهَنَّمَ فَتُكْوَىٰ بِهَا جِبَاهُهُمْ وَجُنُوبُهُمْ وَظُهُورُهُمْ ۖ هَٰذَا مَا كَنَزْتُمْ لِأَنفُسِكُمْ فَذُوقُوا مَا كُنتُمْ تَكْنِزُونَ (35)

انا قصدي انزل الصورة دي بخصوص عوض الجاز
https://up.top4top.net/

64 مليار دولار
قاعدة وين وترجع كيف دي مسؤلية الحكومة الانتقالية
لا يجب ان يتحمل الشعب مزيد من السفالا ت الاقتصادية وسياسيات البنك الدولي والراسمالية الطفيلية في السودان
ولي الثورة دي حتخستك قريب وتتحول لي فضيحة
نحن قلنا لابد من ساسات واضحة ومتاكملة اول حاجة تمشي في الانقاذ دي بالاستيكة وترجع الوضع الاقليمي قبل 30 يونيو 1989
الاقليم ويحكمها ابناهها بالانتخابات حاكم اقليم وبرلمان اقليم لادارة الموارد في الاقاليم بواسطة ناس منتخبين
تفيعل المحكمة الدستورية بي تسعة قضاة نظيفين
اصلاح القضاش ثم اصلاح الادراي يقود الي الاصلاح الاقتصادي وليس العكس صحيح

Quote: دي 64 مليار دولار موثقة في صحيفة المدينة والاندبنت

مافي توثيق ولا اي حاجة دي مجرد احلام يقظة ، حاجة زي دي يوثقوها كيف بس ؟
حترسل لي بنوك العالم تسألهم من ارصدة لصوص (لدى البنك هو عميل وليس لص) ، ولا ح يعبروك ..
يا عادل المبلغ ده كبير جدا جدا ونظرا لانتشار الفساد على نحو غير مسبوق يجعل من الصعب جدا تقدير
الثروات و الاموال التي نتجت من الفساد ، على الاقل بتحتاج زمن طويل والاف الساعات من التحقيقات واكثر
والاف الساعات من العمل الاداري .
ديل مافيات بكل ما تعني الكلمة

Quote: مافي توثيق ولا اي حاجة دي مجرد احلام يقظة ، حاجة زي دي يوثقوها كيف بس ؟ حترسل لي بنوك العالم تسألهم من ارصدة لصوص (لدى البنك هو عميل وليس لص) ، ولا ح يعبروك .. يا عادل المبلغ ده كبير جدا جدا ونظرا لانتشار الفساد على نحو غير مسبوق يجعل من الصعب جدا تقدير الثروات و الاموال التي نتجت من الفساد ، على الاقل بتحتاج زمن طويل والاف الساعات من التحقيقات واكثر والاف الساعات من العمل الاداري . ديل مافيات بكل ما تعني الكلمة

انا واعي بما اكتب تماما
في ذهب كثير وفي دولارات كثيرة قاغدة في البيوت وفي بنوك اقليمية ودولية والعالم فيه قانون يتيح استراداها
وزير مالية المحاصصة فاشل ما تبرر ليه يمشي البنك الدولي الناس بتعمل ثورة عشان تتحرر من اصر البنك الدولي وما اول مرة اكتب عن الاقتصاد هنا
كلامي وووااااااااااااااضح وعلمي
الكيزان ديل لمن جو نشفو البلد بقوانين تعسفية ازلو نهبو الشعب السوداني
هسة هم في السجون وعندهم دورالات في البيوت يهربو فيها لي تركيا والامارات عبر منافذ السودان وما خجلانيين حتي من رب العالمين و هم علي حافة القبر
نجرب نرجع القروش دي بي لطائف الاحسان...بفتح حسابات استرجاع داخل وخارج السودان (ارقام حساب تعلن في الاجهوة الاعلامية) ويقول الاعلام نزلت كده وكده في فترة الثلاث شهور بدون التشهير بالشخص النزلا
بعد داك ياتي القانون يسد ثغرات التربية ..والقانون معروف ديرنو اسلامي القطع من خلاف=تخريب الاقتصاد.. دايرنو علماني يقعدو يتعفنو في السجون لحدي ما يكوهيم بها الله سبحانه وتعالي يوم القيامة
https://up.top4top.net/

موضوع تعويم الجنيه واستبدال العملة و رفع الدعم عن الخبز والمحروقات .. الخ
ده برنامج لابد منه لإعادة الحياة للاقتصاد السوداني
وحتى الدعم النقدي ما في ليه داعي لأنه ما متوفرة ليه أدوات نزاهة ومعرفة عادلة ..
تبقى فترة ال9 شهور مناسبة جدا لتنفيذ هذه الحزمة ولكن بشرط
ان يتوجه كل الدعم للإنتاج وتحقيق الوفرة
أما موضوع الاستدانة النقدية من صندوق النقد الدولي دي مجرد
طعن في الظلام وامعان في السير في طريق الهلاك

Quote: وأضاف نسعى للانتقال من الدعم السلعي إلى الدعم النقدي المباشر للأسر الفقيرة

ههههه دي نكة ولا شنو؟
حساب المواطن السوداني
ياخي الزول ما اظنو بطول في الوزارة دي

كلام فارغ وسياسة نقل عبء الاقتصاد وإلقاءه على كاهل المواطن ومعاقبته كونه سودانيا ..
والنهب من جيبه وافقاره واذلاله نحن خلااااااص مللنا هذه الاسطوانة المشروخة الغبية والممجوجة ..
كدي في الأول يبدأ لينا بتقليل الصرف الحكومي وتقليل المنصرف الكمالي للمستورد ..
وتسريح الجيش الجرار للوزارات والخدمة المدنية العطالى بتاعين الكيزان ديل ..
اللسه قاعدين وبيصرفوا مستحاقتهم كاملة ولازالوا عالة على جيب المواطن ..
وبياكلوا ويشؤبوا ويسافروا ويتفسحوا وبي عرباتهم على حساب المواطن..
وبلا أي مقابل يقدمونه يبدا بتقليص عجز ميزان المدفوعات لأقل مدى ممكن ..
بتقليل الاستيراد البذخي وعديم الجدوى والفائدة يضع خطط يقنعنا انه فعلا اقتصادي جهبز ..
مش يجري لاسهل الحلول ويعلق عجزه وعجز الاقتصاد فوق ظهر المواطن المسكين ..
نريده يفعل كل مايجعله يبتعد عن جيب المواطن المكلوم الذي عاني ما عاني ..
ثم بعدها يمكن الانتقال لرفع الدعم واثقال كاهل المواطن بالاعباء بتاعة الدولة العايزه ..
تعيش عالة على قفا المواطن ابدا ما مبشرين بي خير الناس ديل وجوابهم باين من عنوانه ..
منتهى الضعف والعجز والهوان وقلة الحيلة والتسويف والمط والمماطلة واللف والدوران ..
والله فعلا طلعوا ناس تنظير فارغ وبتاعين حشد مظاهرات وصبات ووقفات احتجاجية ليس إلا ..
يا هو ده الغريق قدامهم اليورونا عومهم ده أف لقد ضاعت اعمارنا مع ساسة السودان الفشلة ..
لا كيزانهم نافين ولا شيوعييهم فيهم رجا .. النرجا الجاينا من السما والله في ..

ناس فريق أهلي مدني مشوا لفكي في سنار عشان يهزموا المريخ
الفكي بعد شال قروشم قال ليهم: شوتو شديد وبالزاويات

دحين حمدوك والبدوي ما عندهم لينا سحر، الخزينة خاوية وما بقدروا يدعموا كل السكان بترول وقمح،
دايرين يشوتو شديد وبالزاويات

الحل شنو؟

- الكلام عن رفع الدعم مفروض يكون بعد الحكومه (متضامنه) تسعى فى استرداد حقوق الشعب المنهوبه كان فى الداخل او فى بنوك الخارج وتشجيع الانتاج والتصدير وخفض الجبايات والضرائب
-الكلام عن الدعم النقدى المباشر يوزع عن طريق الرقم الوطنى والدفع الالكترونى .مشكله الناس الدايرا تطبق حاجات زى كاننا اوروبا او امريكا حيجو يكحلوها يعموها