دبابيس من صحف اليوم 23 سبتمبر 2019 م

05:22 PM September, 23 2019

سودانيز اون لاين
Abdulhaleem Osman-Sudan
مكتبتى
رابط مختصر

.
.
يا ساااارية الجبل
الى متى ستستمر شركات التعدين في هلاك الزرع والضرع
ونشر السرطانات في محلية أبوحمد بواسطة السيانيد والزئبق
.
.
📄 أخبار سمحة :
👈 جاري حاليا التعاقد علي شراء (13) طائرة بوينج موديلات مختلفة ... (777) و (737) واميركا وافقت والسداد من الارباح علي مدي 24 سنة
👈 جاري التفاوض عن السكة الحديد والتكلفة (6.5) مليار دولار وهنالك موافقة مبدئية من الاتحاد الاوروبي الذي سيدخل كشريك
👈 (شمبرقير) قادمة للسودان وباصرار وهي اكبر من شيفرون وقد ارسلت اكثر من طلب للحكومة ووزارة النفط وحول الطلب لحمدوك
📌 يا عديلة يا بيضاء ويا ملايكة سيري معاه الليلة شويم بي قدرة الله....
.
.
📄 خبر سمح تاني:
👈 حسين خوجلي يبيع سيارته لتفادي السجن وملاحقة الضرائب
أبلغت مصادر موثوقة صحيفة الانتباهة أن رئيس تحرير صحيفة ألوان الأستاذ حسين خوجلي باع سيارته صباح اليوم لتفادي السجن وملاحقة الضرائب.
📌 قبل مـا تـغـــيــر دروبــك كـنــا بنمـاسيـك نصابحك ، رحت ترخص بى مقامنا يلا بيعنا وشوف مصالحك
.
.
📄 خبر عجيب:
👈 أفاد السيد المراجع العام في تقريره السنوي أن هنالك أكثر من مائة رجل في وزارة الرعاية الإجتماعية مقيدون بوظيفة مرضعة....
📌 والله ياسعادتك نحن ما عندنا مشكلة في انهم مقيدين كمرضعات بس ان شاء الله مايكونوا قاعدين يصرفوا بدل أولويز وستيانات وبدل طحنية ومديدة حلبة.......
.ه.
.ه.
📰 التيار:
👈 مدير المخابرات لـ”التيّار” سلطة الاعتقال24 ساعة فقط
📌 دا فهمناهو لكن جماعة (اتكلم كويس يازول) ديلاك موجودين والا اختفوا
.
📰 التيار:
👈 خلافات حادّة بين الحركات المسلّحة بسبب مقرّ التفاوض
📌 ماشاء الله عليهم ، نعم القيادات والله
.
📰 التيار:
👈 وزير الإعلام لـ”التيّار”: لا يحق لأيّ سلطة مواجهة الاحتجاجات بعنفٍ
📌 المشكلة في ال (متعودااا دايمنننن)
.
📰 التيار:
👈 أسرة موسى هلال تضرب عن الطعام بـ”مستريحة” لإطلاق سراحه
📌 موسى هلال دا بقى زي الشنطة الفيها صوت قنبلة زمنية كل زول خايف يقرب منها
.
📰 التيار:
👈 شركة التواصل للتجارة والاستثمار: لم يتم فتح بلاغ في المدير العام
📌 حا يتم ان شاءالله
.
📰 التيار:
👈 تصاعد التوتر بمنطقة ود رملي وتحذيرات بسرعة التدّخل
📌 انتو الدعم السريع خلى التدخل والا شنو؟
.
📰 الجريدة:
👈 خمسة شوارع مغلقة جنوب الخرطوم بأمر عبد الرحيم محمد حسين
📌 هسع تلقوهو أغلقها بالنظر ساكت
.
📰 الجريدة:
👈 جعفر خضر يتهم والي القضارف بالتورّط في أحداث النهب
📌 أممممك.... لكن بصراحة الوالي لو ما شفط والا نهب ذاتو مابيكون والي
.
📰 الجريدة:
👈 فساد بالهيئة الفرعية لعمال الغابات واختفاء 5 مليار
📌 الله يلعن أبو المليار ال كدي بقى هامل
.
📰 الجريدة:
👈 الجبهة الثورية: سنحتفظ بقواتنا حتى تتمّ هيكلة القوات المسلّحة
📌 برضو وجهة نظر
.
📰 الجريدة:
👈 تجاوزات في عقد شركة مواصلات الخرطوم وكورنيس الصينية
📌 التجاوزات دي زمان كانت من البنود الأساسية لأي عقد
.
📰 الجريدة:
👈 الصحة: ارتفاع عدد وفيات الكوليرا إلى”8″ أشخاص
📌 الله يستر ، مالها كل يوم زايده واحد
.
📰 الجريدة:
👈 تجمّع المهنيين يحذّر من تأخير تعيين الولاة المدنيين بالولايات
📌 بل تعيين حكومات مدنية في كل الولايات
.
📰 آخر لحظة:
👈 قرارات اقتصادية مرتقبة والمركز يستدعي الولاة
📌 قبل القرارات غيروا اللواءات
.
📰 آخر لحظة:
👈 توقف مطاحن دقيق وتفاقم أزمة الخبز
📌 مطاحن الكيزان دي خليها تقيف
.
📰 آخر لحظة:
👈 نيالا .. إطلاق نار واعفاءات ومطالبات بإقالة الوالي
📌 يقيلو ميتينو ذاتو
.
📰 الانتباهة:
👈 العثور على أموالٍ ضخمة بمرحاض طائرة بمطار الخرطوم
📌 تاني؟ انتو الناس ال بي يخروا قروش ديل ما تجيبوهم نستفيد منهم
.
📰 الانتباهة:
👈 حظر سفر”29″ من قيادات الحكومة السابقة وتجميد أرصدتهم
📌 جاروا أهلك وجورهم أمر في ديارهم حظروا القمر
.
📰 الانتباهة:
👈 السفير الإيطالي لـ”الانتباهة”: “70” مليون دولار لدعم السودان
📌 قراتسي سينيور قراتسي
.
📰 الانتباهة:
👈 جدول لقاءات عالي المستوى ينتظر حمدوك في نيويورك
📌 عالي قدرك ياسامي المقام ، ياملهم رماحك سناها الصدام ، ام در والطوابي في صدرك وسام
.
📰 الانتباهة:
👈 استجواب معتمد سابق بمحكمة الفساد
📌 عقبال معتمد الطواحين والكرتة
.
📰 السوداني:
👈 “قوى الحرية”: لن نناقش موضوع الشريعة الإسلامية في الوقت الراهن
📌 تناقشوا الخلاء ، هو في شريعة عشان تناقشوها
.
📰 السوداني:
👈 الشرطة تتصدى لتظاهراتٍ بنيالا والدقير يطالب بإقالة الوالي فورًا
📌 الشرطة فاكرة النظام زي زمان ؟
.
📰 السوداني:
👈 عرمان: نبحث بمصر إمكانية تأسيس جيش سوداني مهني وموحّد
📌 في مصر؟ يخسي عليكم ياقول سعاد الفاتح
.
📰 السوداني:
👈 “الشعبي”: ما وجده الأصم من قبول بسبب”شكله وصورته”
📌 قام عليكم الضرس؟
.
📰 الصيحة:
👈 قوات جنوبية تعتدي على منطقة”أبو نوارة” بجنوب كردفان
📌 ديل زهجانين ساكت
.
📰 الصيحة:
👈 مبارك الفاضل: هذه بعض نماذج الفساد داخل نظام الإنقاذ
📌 كانوا دفعتك والا معارف ساكت ؟
.
📰 الصيحة:
👈 دفاع البشير: مندوب”طيبة” سيمثّل الجلسة القادمة
📌 الله لي يا عبدالحي
.
📰 الصيحة:
👈 تغييرات جذرية بالمؤتمر الوطني تطيح بـ”الحرس القديم”
📌 هانت عليه عشرة زمان راح الوفا وين الأمان ياما بإيدي داويت حبيبي اللي نسى كل اللي كان
.
📰 الصيحة:
👈 وزير الطاقة والتعدين يدعو شركات النفط العالمية للعودة إلى البلاد
📌 قول لهم جماعة (حقنا وين) خلاص راحوا
.
📰 الصيحة:
👈 وزير العدل يقدم بيان السودان أمام مجلس حقوق الإنسان بجنيف
📌 إن شاء الله بيان خالي دغمسة
.
📰 الصيحة:
👈 أبو رأس: على الثّوار حماية مكتسبات الثورة من محاولاتٍ اختراق الدولة العميقة
📌 والله ياخي الدولة العميقة شغالين بي يديهم وكرعيهم لكن ان شاءالله يخيب فألهم
.
📰 أخبار اليوم:
👈 في أول رد فعل رسمي : وزير الخارجية المصري يعلق على المظاهرات الأخيرة
📌 أوع يكون عاوزين البنبان بتاعهم راجع
.
📰 أخبار اليوم:
👈 القبض علي تشكيل اجرامي متخصص في السرقات المنزلية بأم درمان
📌 أها هسع ديل يودوهم كوبر مع ناس تخصصاتهم مستواها أعلى منهم والا يودوهم وين
.
📰 أخبار اليوم:
👈 وزير الاوقاف يؤكد ادارة التنوع الديني والمذهبي خلال المرحلة القادمة ..
📌 وزير الأوقاف دا لابد له فوق رأي
.
.....
📌ابووضاح 📌