#دجينا زي ناس المسيد هتفنا لي دم الشهيد واجهنا دوشكا و اربيجي شان نبني سوداننا الجديد وهمسنا في طرف الخلق اريتو كان حميد شديد كان غز حرفو على الرصيف كان ترع الساحات قصيد كان هز بي سيف النصر كان مد للكنداكه ايد هسع كتبنالك جواب شالوهو هزاع والوليد
يا امي لازم تعفي لي شان زغت خليتكم نيام كان بالي في الترس الهناك صايمين وبايتين في الخيام جات طلقه في نص كبدتي ورمتني لا حس لا كلام لا تبكي لا تحدي لي يوم واقريلي للترس السلام وتكتبو فوق لتربتي مدنيه .. حريه سلام وعداله
Post: #3 Title: Re: *** مناحة الشعب السودانى لفض الاعتصام لازم Author: احمد حمودى Date: 09-22-2019, 02:42 PM Parent: #2
تسلم حبيبنا دكتور ياسر لازم المناحة دى تكون متقدة وحية وانت ماشايف امهات الشهداء اتحرق حشاهنويددن هذه المناحة عن ظهر قلب