بالله لو في واحد هنا تاجر تياب سودانية في سوق ليبيا أو سعد قشرة أو سوق ستة الحاج يوسف أو السوق الشعبي .. بالله عايز 35 توب سوداني من مختلف الألوان ما عدا اللون الأبيض .. ضع هذه التياب بطريقة منظمة في كرتونة دبلوماسية وأذهب إلى القصر الجمهوري وهناك سوف تجد إمرأة طاعنة في السنة لابسة توب أبيض .. دي إسمها أسماء محمد عبدالله وهي وزيرة الخارجية السودان .. بالله سلمها هذه التياب الـ35 وقول ليها ( دي هدية من الأستاذ علي عبدالله حسن وهو سوداني غيور على وطنه السودان ويقول ليك ذبحتينا بالتوب الأبيض ده .. بالله ألبسي التياب ديل بدل توبك الأبيض عبدالواحد ده) ..
بالله مستعجل جداً .. قبل أي زيارة خارجية وقبل أي مؤتمر صحفي ..
وإذا ما قدرت تصل القصر الجمهوري .. أرسل هذه التياب بالبريد على العنوان التالي:
إلى: الإسم : أسماء محمد عبدالله المهنة : وزيرة الخارجية العمر : 74 عاماً المواصفات : دائماً لابسة التوب الأبيض عبدالواحد العنوان : مجلس الوزراء - الخرطوم - شارع النيل
Post: #2 Title: Re: يا ناس سوق ليبيا عايز 35 توب من مختلف الألو� Author: Hafiz Bashir Date: 09-22-2019, 00:26 AM Parent: #1
Post: #4 Title: Re: يا ناس سوق ليبيا عايز 35 توب من مختلف الألو� Author: Hafiz Bashir Date: 09-22-2019, 00:34 AM Parent: #2
طبعاً الكوز صاحب البوست ولعدم إرتباطه بالثقافة السودانية ما فاهم إنو التوب الأبيض في الثقافة السودانية هو الزي القومي الذي ترتديه موظفات الدولة
Post: #3 Title: Re: يا ناس سوق ليبيا عايز 35 توب من مختلف الألو� Author: احمد حمودى Date: 09-22-2019, 00:30 AM Parent: #1
يا كووز هوى يا معفن انت ارعى بى قيدك انت تخطيت الخط الاحمر خلاص وسوف اردمك ردم الماشفتو ا من الله خلقك شوف بالله الكووز المعفن دة انت دخلت اوربا عن طريق اللجوء واتعلمت ليك شوية انجليزى وشوية هولندى ومعاها VIPقايل نفسك اتنطفتا
Post: #5 Title: Re: يا ناس سوق ليبيا عايز 35 توب من مختلف الألو� Author: اخلاص عبدالرحمن المشرف Date: 09-22-2019, 01:16 AM Parent: #3
من اسوأ ما قرأت في سودانيزونلاين . إسأة بالغة للمرأة العاملة في السودان وليتك رأيت صورة سيدة الهند أنديرا غاندي بزيها الوطني البسيط وهي تقدم العشاء لضيوفها من رؤساء الدول . ما كتبته هنا تجسيد لفكر الإنقاذ الذي خرجت ضده كنداكات بلادي
اختشي
Post: #6 Title: Re: يا ناس سوق ليبيا عايز 35 توب من مختلف الألو� Author: اخلاص عبدالرحمن المشرف Date: 09-22-2019, 01:31 AM Parent: #5
معقولة الزول ده من كتم ودرس في جامعة الخرطوم !!!!!
Post: #7 Title: Re: يا ناس سوق ليبيا عايز 35 توب من مختلف الألو� Author: دينق عبد الله Date: 09-22-2019, 01:40 AM Parent: #1
انت ولد كنابي جاهل و متخلف و ناسي روحك انت منو
لو عندك ذرۃ نخوۃ خلي الوزيرۃ و اشتري التياب لي خالاتك و عماتك و اخواتك العاملات في حواشات الجزيرۃ باليوميۃ
Post: #8 Title: Re: يا ناس سوق ليبيا عايز 35 توب من مختلف الألو� Author: muntasir Date: 09-22-2019, 02:03 AM Parent: #7
Post: #9 Title: Re: يا ناس سوق ليبيا عايز 35 توب من مختلف الألو� Author: صديق مهدى على Date: 09-22-2019, 02:53 AM Parent: #8
الثوب الابيض دا حشمة نساء السودان يا كوز يا جربان يا ضهبان
Post: #10 Title: Re: يا ناس سوق ليبيا عايز 35 توب من مختلف الألو� Author: مرتضي عبد الجليل Date: 09-22-2019, 03:37 AM Parent: #9
من أحقر كيزان المنبر ... ماخد لجوء وتلقاهو استغل انو مولود فى كتم .. اسى الزول يجى ويفضحك... اكيد قال ليهم من ضحايا حرب النظام الذى تناصره .. والله يا كوز .ضفر الوزيرة دى انضف من ضميرك .
Post: #11 Title: Re: يا ناس سوق ليبيا عايز 35 توب من مختلف الألو� Author: محمد نور عودو Date: 09-22-2019, 08:33 AM Parent: #10
Ali Abdalla Hassan انا ملاحظ انك دايما تكتب بوستات استفزازية ومهينة وشايفك الايامات دي شاني حملة عنيفة ضد وزيرة الخارجية السودانية يا تري لماذا؟ وزيرة الخارجية السودانية سيدة اسماء هي سودانية وام وأخت وخالة وجدة لكل سوداني سودانية قبل أن تكون وزيرة وهي ما محتاجة تياب ملونة ولا غير ملونة منك ولا من أي شخص آخر وثم الثوب الأبيض للمراءة في السودان ثوب الموظفات في الخدمة المدنية ومعلمات وهذا معروف في السودان ولا انت ما عارف الكلام دا ؟ . سيدة اسماء هي موظفة سودانية بتخدم في بلدها بثوبها السوداني غض النظر عن أداءها ويجب احترامها بكل ادب واحترام بعيدا عن اغتيال الشخصية لأسباب السياسة ثم عندها اخوات اخوان احفاد معنا في هذا المنبر يجب احترامهم ايضا. ثم العمر ليس عيب عشان انت تشيل حالها وتجري تفتح بوست كل يوم .ما يهم الجميع هو العمل وليس العمر. ليس منا من لا يحترم كبيرنا.فارجوك اوقف هذا الهراء واحترم زملاءك وزميلاتك في هذا الفضاء. الناس ليس في حوجة لمثل كلامك هذا في هذا الوقت .
Post: #12 Title: Re: يا ناس سوق ليبيا عايز 35 توب من مختلف الألو� Author: Ali Abdalla Hassan Date: 09-22-2019, 08:40 AM Parent: #10
الإخوة الكرام
أنا أعترض بشدة أن تلبس وزيرة الخارجية الثوب الأبيض دائماً وأبداً في كل المناسبات والمؤتمرات الصحفية والزيارات الخارجية .. وأقول إن ظهور وزير الخارجية بزي واحد وبلون واحد فقط في كل وسائل الإعلام بدعة جديدة ما سبقها أحد من وزراء الخارجية في السودان أو في بقية بلدان العالم ..
كما إنني أعترض بشدة تعيين إمرأة في عمر 74 سنة وزيرة للخارجية .. والمعلوم أن وزارة الخارجية أكثر الوزارات حركة وعملاً وسفراً ..
أنا أتساءل هل إعتراضي هذا ضد الثورة ؟
هل إعتراضي هذا ضد الدستور أم ضد القانون أم ضد أعرافنا وأخلاقنا وعاداتنا ؟
أليست هذه هي الديمقراطية وحرية التعبير التي تنادون بها ؟
لماذا إذن هذه الحملة الجائرة والظالمة ضدي؟
هنالك الآن بعض الأعضاء تخصصوا في ملاحقتي في كل بوستاتي .. لا يهمهم محتوى البوست سياسي ثقافي ديني .. المهم عندهم أنا كاتب البوست .. ويقومون على الفور بكتابة تعليقات مسيئة لشخصي كلها سباب وشتائم لا تليق أبداً بأي منبر سوداني محترم .. ودائماً وأبداً يقومون بإلصاق تهم باطلة لشخصي الضعيف .. مثل تهمة إنني ( كوز ) .. وفي هذه التهمة أنا هددت شخص بأنني سوف ألجأ إلى القضاء ضده .. لأنه هو مصدر هذه التهمة .. وسوف ترون قريباً ..
عليه أنا لن أستطيع أن أستمر في هذا المنبر إذا إستمرت هذه الحملة الجائرة الظالمة ضدي .. سوف أتوقف عن الكتابة في هذا المنبر .. لأن المنبر أصبح يفتقد إلى أبسط مقومات الحوار الموضوعي المحترم .. أنا والحمدلله عضو في مجموعات كثيرة جداً على الفيسبوك والواتساب واليوتيوب .. والحمدلله لدي الكثير جداً من المعجبين بأرائي وأفكاري وأطروحاتي في هذه المجموعات .. فلا أرى أي داعي للكتابة في منبر يتعرض فيه الكاتب إلى الإساءات والسباب والشتائم ..
بالله إتفرجوا على هذه التعليقات .. ما هو رأي العقلاء منكم؟
Quote: يا كووز هوى يا معفن انت ارعى بى قيدك انت تخطيت الخط الاحمر خلاص وسوف اردمك ردم الماشفتو ا من الله خلقك شوف بالله الكووز المعفن دة انت دخلت اوربا عن طريق اللجوء واتعلمت ليك شوية انجليزى وشوية هولندى ومعاها VIPقايل نفسك اتنطفتا
Quote: انت ولد كنابي جاهل و متخلف و ناسي روحك انت منو
لو عندك ذرۃ نخوۃ خلي الوزيرۃ و اشتري التياب لي خالاتك و عماتك و اخواتك العاملات في حواشات الجزيرۃ باليوميۃ
Quote: الثوب الابيض دا حشمة نساء السودان يا كوز يا جربان يا ضهبان
Quote: من أحقر كيزان المنبر ... ماخد لجوء وتلقاهو استغل انو مولود فى كتم .. اسى الزول يجى ويفضحك... اكيد قال ليهم من ضحايا حرب النظام الذى تناصره .. والله يا كوز .ضفر الوزيرة دى انضف من ضميرك .
Post: #13 Title: Re: يا ناس سوق ليبيا عايز 35 توب من مختلف الألو� Author: كمال عباس Date: 09-22-2019, 01:54 PM Parent: #12
هل سمع هذا الكوز - ببدلة الدمور الخاصة بالزعيم الأزهري ؟ أم إنه لازال أسير للبدلة الأفرنجية والعبايات والثياب النسائية الفارهة ) المستوردة والمشتراة من عرق ودم الشعب السوداني والتي كان يتزين بها قادة وسيدات المشروع الحضاري والدولة الرسالية القاصدة ؟
Post: #14 Title: Re: يا ناس سوق ليبيا عايز 35 توب من مختلف الألو� Author: Deng Date: 09-22-2019, 02:00 PM Parent: #13
الكوز Ali Abdalla Hassan
كد سيبك من الوزيرة دي وبتلبس شنو، أنت جزمتك الكموش لسه موجودة في النشاط بجامعة الخرطوم بعد أن أطلقت لساقيك الرياح من طلبة الحركة الشعبية انذاك؟
Post: #15 Title: Re: يا ناس سوق ليبيا عايز 35 توب من مختلف الألو� Author: Gafar Bashir Date: 09-22-2019, 02:27 PM Parent: #14
Quote: أنا أعترض بشدة أن تلبس وزيرة الخارجية الثوب الأبيض دائماً وأبداً في كل المناسبات والمؤتمرات الصحفية والزيارات الخارجية .. وأقول إن ظهور وزير الخارجية بزي واحد وبلون واحد فقط في كل وسائل الإعلام بدعة جديدة ما سبقها أحد من وزراء الخارجية في السودان أو في بقية بلدان العالم ..
كما إنني أعترض بشدة تعيين إمرأة في عمر 74 سنة وزيرة للخارجية .. والمعلوم أن وزارة الخارجية أكثر الوزارات حركة وعملاً وسفراً ..
وانا ايضا اعترض
Post: #16 Title: Re: يا ناس سوق ليبيا عايز 35 توب من مختلف الألو� Author: عمر التاج Date: 09-22-2019, 02:46 PM Parent: #15
الفقر للوزير ليس عيبا، العيب في الكسب (من تحت) الوظيفة
Post: #17 Title: Re: يا ناس سوق ليبيا عايز 35 توب من مختلف الألو� Author: النذير حجازي Date: 09-22-2019, 02:58 PM Parent: #16
يا ريت بكري يثبت هذا الپوست، علشان الناس تعرف الكيزان ديل سطحيين وهايفين ووضيعين قدر شنو؟! وما تنسى برضو ترسل جلاليب ملونة لعلي الحاج برضو الفرق شنو بين الجلابية والتوب يا قنيط
Post: #18 Title: Re: يا ناس سوق ليبيا عايز 35 توب من مختلف الألو� Author: Ali Alkanzi Date: 09-22-2019, 03:10 PM Parent: #17
الأخ النذير حجازي سلام اعتقد ان استخدام هذه المفردة لا يليق بلقلمك ولا بمن قيلت في حقه:
Quote: الفرق شنو بين الجلابية والتوب يا قنيط
يا قنيط[ فيتوجب عليك الاعتذار لمن قيلت في حقه ولقرائك الكرام مودتي أما بالنسبة لاختيار الوزيرة فهذه سقطة وكبوة يجب اصلاحها ومن في عمرها يضاف للمجلس السيادي او تبقى حيث كانت وارجو ان لا نضيق بالرأي الاخر لانه ليس بالضرورة ان يكون متفق مع ما نرى وهنا نعرف الحرية والسلام والعدالة
Post: #19 Title: Re: يا ناس سوق ليبيا عايز 35 توب من مختلف الألو� Author: Ali Alkanzi Date: 09-22-2019, 03:10 PM Parent: #17
الأخ النذير حجازي سلام اعتقد ان استخدام هذه المفردة لا يليق بلقلمك ولا بمن قيلت في حقه:
Quote: الفرق شنو بين الجلابية والتوب يا قنيط
يا قنيط[ فيتوجب عليك الاعتذار لمن قيلت في حقه ولقرائك الكرام مودتي أما بالنسبة لاختيار الوزيرة فهذه سقطة وكبوة يجب اصلاحها ومن في عمرها يضاف للمجلس السيادي او تبقى حيث كانت وارجو ان لا نضيق بالرأي الاخر لانه ليس بالضرورة ان يكون متفق مع ما نرى وهنا نعرف الحرية والسلام والعدالة
Post: #20 Title: Re: يا ناس سوق ليبيا عايز 35 توب من مختلف الألو� Author: بلدى يا حبوب Date: 09-22-2019, 03:13 PM Parent: #17
Quote: اذالقيتو سياسي مدني او عسكري يلهث ويهرول الي الخارج الي قرود السيرك الامريكي الخمسة او الي امريكا شخصيا او البنك الدولي ولا يلتفت الي ترتيب الداخل والعودة للديمقراطية العميقة بتاعة 1يناير 1956 او ما قبل 30 يونيو 1989 علي الاقل
يكون احسن قرار كوز كان يكون منذ فترة اما عن وزيرة الخارجيه وعن الثوب الابيض والذى يمثل اناقة المراة السودانية وعزتها حتى لو تكلمنا عنه فالرجال ليس من شؤوننا فهى شأن نسائي تحياتى
Post: #21 Title: Re: يا ناس سوق ليبيا عايز 35 توب من مختلف الألو� Author: نادر الفضلى Date: 09-22-2019, 04:23 PM Parent: #20
الأناقة مطلوبة لشاعلى مناصب وزارية وسيادية ودبلوماسية وللمرآة تشمل أيضا أناقتها نوعا ما من الميكب (مناسب مع العمل الرسمى) التوب الأبيض أنيق وتقليد إحتفظت به المرآة السودانية، بينما الرجال لم ينحتفظوا بتقليد القميص الأبيض فى العمل.
لا مانع من ثياب ملونة للمرآة العاملة أو الوزيرة
(طاعن فى السن) دى أبدا ما مهضومة .. إحترموا السيدة التى تصدت لمهام عمل كبير وأكيد هلا على قدر المسؤولية .. الأناقة دا شغل له متخصصينه فى الجكومة ومفروض تطبيقه على كل الوزراء نساء ورجال
وزيرات السودان ليتخذن الأناقة والحكمة من أختهن الناهى بنت مكناس
Post: #22 Title: Re: يا ناس سوق ليبيا عايز 35 توب من مختلف الألو� Author: احمد حمودى Date: 09-22-2019, 04:44 PM Parent: #21
Quote: وزيرات السودان ليتخذن الأناقة والحكمة من أختهن الناهى بنت مكناس
تحياتى نادر طبعا بكون موجود ات ناس المكب اب وكل حاجة فى الوزارة واى وزيرة عارفة الكلام دة كويس لان جميع الوزيرات ديل متحضرات ومتعلمات ومن العاصمة لكن كوز VIP كل يوم شانى حملة فى هذه الوزيرة بالذات ونحنا ما ضد النقد لكن كمان جات لى حكاية يرسل للوزيرة من سوق ليبيا وسعد قشرة هذا الجاهل المتعنظز
Post: #23 Title: Re: يا ناس سوق ليبيا عايز 35 توب من مختلف الألو� Author: Amira Hussien Date: 09-22-2019, 09:10 PM Parent: #1
التوب الأبيض هو الزى الرسمي للنساء العاملات وطالبات الجامعات والمدارس الثانوية ، زمان .......عديييل لما قبلونا فى الثانوي رسلو خطابات لاولياء الأمور بان الزى المدرسى فستان وتوب ابيض وطرحة بيضاء نرتديها اثناء اليوم الدراسى السيدة الوزيرة خريجة جامعة الخرطوم زمن مجدها وعزها أكيد بتعرف متين تلبس ابيض ومتين تلبس الملون .......راجياها رسبشنات وحفلات استقبال وكتير ، أكيد حتغير الأبيض فيه . لكن يوم العمل الأبيض ضرورى ........
Post: #24 Title: Re: يا ناس سوق ليبيا عايز 35 توب من مختلف الألو� Author: ولياب Date: 09-24-2019, 06:49 AM Parent: #23
الناس في العروض ما تقيسها بي تيبانا ،،، لا يغرك لباسهم والعروض عريانــــــه
أما الذين أشتهروا بكثرة الثياب الفاخرة في العهد البائد نقول :-
Post: #25 Title: Re: يا ناس سوق ليبيا عايز 35 توب من مختلف الألو� Author: Amira Hussien Date: 09-24-2019, 12:35 PM Parent: #24
وكان جديد عليهم التياب السمحة وجديد عليهم كل انيق وجميل عشان كده جاطوا وطلعو بأقبح منظر طبعا غير قباحة الجوهر
Post: #26 Title: Re: يا ناس سوق ليبيا عايز 35 توب من مختلف الألو� Author: محمد محمد قاضي Date: 09-24-2019, 01:29 PM Parent: #1
Quote: لو عندك ذرۃ نخوۃ خلي الوزيرۃ و اشتري التياب لي خالاتك و عماتك و اخواتك العاملات في حواشات الجزيرۃ باليوميۃ
كلام صاحب البوست قبيح جدا في حق وزيرة الخارجية السيدة أسماء فياخد علي رأسه كيفما شاء لكن ما دخل الخالات والعمات والأخوات العاملات وهم يعملن باليومية فلهن التحية والتقدير والمحبة والإحترام
Post: #27 Title: Re: يا ناس سوق ليبيا عايز 35 توب من مختلف الألو� Author: MOHAMMED ELSHEIKH Date: 09-24-2019, 08:14 PM Parent: #26
زمان نحن في الجامعة بنشوف البنات نوعين في اللبس:
اما موضة (فستان- نطلون-سكيرت) ومافي طرح وجلهن من نات المدن الكبرى او : التو ب الأبيض ومنهم شقيقتنا فاطمة اللكان عندها توبين بيض تغيرهم ببعض.
معظم او كل موظفات الدولة بالثوب الأبيض
لو كان حضرت الزمن داك رد فعلك شنو ؟
الحديث عن العمر ماعندي ليك رد مناسب
لان اي رد استهجاني انت اقل قامة منه
Post: #29 Title: Re: يا ناس سوق ليبيا عايز 35 توب من مختلف الألو� Author: احمد حمودى Date: 09-24-2019, 10:45 PM Parent: #27
Quote: كلام صاحب البوست قبيح جدا في حق وزيرة الخارجية السيدة أسماء فياخد علي رأسه كيفما شاء لكن ما دخل الخالات والعمات والأخوات العاملات وهم يعملن باليومية فلهن التحية والتقدير والمحبة والإحترام
تحياتى محمد قاضى الاستاذ عبد الله دينق ما قاصد يسىء العمات والخالات الفى الكنابى والزارعة هو قاصد السيدة الوزيرة ما محتاجة تياب بجميع الوانها لانها هى بنت الخارجية نعم المحتاجين مساعدة هن خالتنا وعماتنا والشقيانات فى الزراعة والحواشات فى الجزيرة او فى الشمالية او فى الغرب او فى الشرق محتاجات مساعدة وهو اى عبد الله دينق ما عاير او شتم المهنة لانه هو ذاتو امه وعمته وخالته مزارعين
Post: #28 Title: Re: يا ناس سوق ليبيا عايز 35 توب من مختلف الألو� Author: عماد الدين الطيب عمر Date: 09-24-2019, 10:17 PM Parent: #1
Quote: عليه أنا لن أستطيع أن أستمر في هذا المنبر إذا إستمرت هذه الحملة الجائرة الظالمة ضدي .. سوف أتوقف عن الكتابة في هذا المنبر .. لأن المنبر أصبح يفتقد إلى أبسط مقومات الحوار الموضوعي المحترم .. أنا والحمدلله عضو في مجموعات كثيرة جداً على الفيسبوك والواتساب واليوتيوب .. والحمدلله لدي الكثير جداً من المعجبين بأرائي وأفكاري وأطروحاتي في هذه المجموعات .. فلا أرى أي داعي للكتابة في منبر يتعرض فيه الكاتب إلى الإساءات والسباب والشتائم ..
و الله خيرا فعلت ذاتو عشان تتفرغ لمجموعاتك دي و للمتابعين و المعجبين غور قشة ما تعتر ليك
Post: #30 Title: Re: يا ناس سوق ليبيا عايز 35 توب من مختلف الألو� Author: Shueib Medani Date: 09-25-2019, 06:01 AM Parent: #1
الجهل بالتاريخ مصيبة.
للثوب السوداني الأبيض تاريخ في الخدمة المدنية والمؤسسات العلمية في السابق، عد الى التاريخ. لهذه الثائرة فلسفتها الخاصة في ارتداء الثوب الابيض ورمزيته للهوية السودانية الأصيلة فيجب احترامها. يقاس الانسان بعطائه وليس بعمره ،،، راجع المراجع قد تجد من قادت الطائرة في سن ال 80 وحكت في مؤتمر صحفي الفرق بين الطائرة المقاتلة التي قادتها سابقا والحالية ، وقد تجد أن هناك طبيبة تمارس المهنة بمهنيةعالية وهي في ال80
السودان يعاني من افتي المداد الكثير المسكوب بدون فائدة والتنظير المميت
Post: #31 Title: Re: يا ناس سوق ليبيا عايز 35 توب من مختلف الألو� Author: اسماعيل عبد الله محمد Date: 09-25-2019, 07:44 AM Parent: #30
دي إسمها (وقاحة) يا ود دور..
Post: #32 Title: Re: يا ناس سوق ليبيا عايز 35 توب من مختلف الألو� Author: Moawia Mohammed Date: 09-25-2019, 08:55 AM Parent: #31
بالله عايز 35 توب سوداني من مختلف الألوان ما عدا اللون الأبيض **لا اظن انك تقدر تشتري هذا الكم من الثياب و ان كان فالاولي تكسي اهل بيتك و ارحامك. ضع هذه التياب بطريقة منظمة في كرتونة دبلوماسية ** أضحكتني يا رجل مافي حاجة اسمها كرتونة دبلوماسية. تجد إمرأة طاعنة في السنة ** طاعنة في السن و ليست السنة. دي هدية من الأستاذ علي عبدالله حسن ** أول مرة يلاقيني زول يقول علي نفسه أستاذ( نرجسية ). ويقول ليك ذبحتينا بالتوب الأبيض ده ** و إنت ما قاعد تذبح فينا كل يوم ( إشمعنا ). بالله ألبسي التياب ديل بدل توبك الأبيض عبدالواحد ده ** عرفتو كيف عبد الواحد و هو أبيض. أرسل هذه التياب بالبريد على العنوان التالي ** ما كتبته لا يمت لفورمات المراسلات البريدية بصلة. أنا أعترض بشدة ** من أنت و من أين أتيت لتعترض. الثوب الأبيض ** ما أجمله فهو الرمز الوطني والزي الرسمي للخدمة المدنية. بدعة جديدة ** البدعة يا ها حقتك إنت الهجمتنا بيها دي. أنا أتساءل هل إعتراضي هذا ضد الثورة ؟ ** أكيد ما في أي شك. أليست هذه هي الديمقراطية وحرية التعبير التي تنادون بها ؟ ** كلمة حق أردت بها باطل. لماذا إذن هذه الحملة الجائرة والظالمة ضدي؟ ** حملة مره واحدة. زول شغال بيك مافي. ودائماً وأبداً يقومون بإلصاق تهم باطلة لشخصي الضعيف ** هنا صدقت إنت فعلا ضعيف. عليه أنا لن أستطيع أن أستمر في هذا المنبر ** عليك يسهل و علينا يمهل و القشة ما تعتر ليك. قطر عجيب و الباب يفوت جمل و ادينا عجاج كرعينك. سوف أتوقف عن الكتابة في هذا المنبر ** عليك الله لا يا عجب الفيا. والحمدلله لدي الكثير جداً من المعجبين بأرائي وأفكاري وأطروحاتي في هذه المجموعات ** معجبين فارنوهات و دقوسات أو ما عندهم شغلة يقضوها.