Post: #1
Title: حكاية يكون في مكتب اراضي داخل الفندق الكبير دي حاجة مفترية جدا
Author: Osman Musa
Date: 09-21-2019, 03:44 PM
03:44 PM September, 21 2019 سودانيز اون لاين
Osman Musa-
مكتبتى
رابط مختصر
زي البوزعوا في اراضي في بفرلي هيلز . ناس قاعدين
في كندشة عجيبة مكتب بيضاوي ما يقل عن مكتب الشيخ محمد في دبي
والفطاير وشرايح الدجاج بي البادنجان وعصير الليمون ما تديك الدرب .
ليه الترف ده ؟
وعلي حساب منو ؟
يا جماعة الاراضي دي مش ملك الشعب السوداني ؟
افتكر الحكومة لو ما التفتت لي ده اللعب الناس ما حتسكت .
انا والله السبب الجابني تاخير رحلة طيران قعدتنا في الفندق
يومين . والله فساد يبكي .
تكلفة ايجار المكتب الفسبح ده في اليوم الواحد .
ممكن تجيب لي معلم مسكين قطعة ارض
300 متر في شرق النيل . ده خلاف الليمون وتوابع العضة المدنكلة .
والله حرام .
اي نوع من البشر ديل ؟
|
Post: #2
Title: Re: حكاية يكون في مكتب اراضي داخل الفندق الكب�
Author: Osman Musa
Date: 09-21-2019, 06:36 PM
Parent: #1
حاجة مفترية جدا وفيها استفزار للشعب صاحب الارض .
كان ممكن نفس الموظفين ابان جضوم وجاكتات ديل يكونوا في مكتب
محترم فاتح في شارع للعامة وبدون تكاليف وقومة وقعدة . عشان في
النهاية القطعة هي القطعة بدون صرف صحي وبدون شوارع مرصوفة
وبدون موية وبدون كهرباء .
لي دي الاسباب مافي شي بخليكم تضربوا الكندشة . يوم الحساب
قريب .
|
Post: #3
Title: Re: حكاية يكون في مكتب اراضي داخل الفندق الكب�
Author: Dr. Ahmed Amin
Date: 09-21-2019, 07:08 PM
Parent: #2
موضوع الأراضي في العاصمة بالذات محتاج فلفله كبيرة من الحكومة .
مدخل خطير لغسيل الأموال ..
ارجو الإنتباه !!!!
تحياتي عثمان موسى ..
|
Post: #4
Title: Re: حكاية يكون في مكتب اراضي داخل الفندق الكب�
Author: Osman Musa
Date: 09-22-2019, 09:05 AM
Parent: #3
الاخ د. احمد سلامات
الناس ح تعرف كيف انو في اراضي للبيع ؟
مالو لو كان المكتب ده في مكان اسهل واكتر شعبية ؟
طالما هم في النهاية حيدوك قطعة سجمانة لا كهرباء لا ماء لا مجاري في المستقبل .
شغل زي ده ما محتاج لي مكتب في فندق تاريخي و من اعظم الفنادق في
في السودان . الشغلة فيها عطرابة سرقة مع فلهمة مع عدم خجلة مع عدم وطنية .
|
|