Post: #1 Title: كتب عبدالرحمن الامين يادكتور حمدوك ماكتبه أحمد البلال عنك اليوم ينطوي علي درس هام لك ولمكتبك الإع Author: زهير عثمان حمد Date: 09-19-2019, 05:04 AM
يادكتور حمدوك ماكتبه أحمد البلال عنك اليوم ينطوي علي درس هام لك ولمكتبك الإعلامي !🛑
عبدلرحمن الامين mailto:[email protected]@journalist.com واشنطن الأربعاء 18 سبتمبر 2019
أتمني أن يتعلم حمدوك ويعي درسه كاملا غير منقصوص من مثل المنشور الفضيحة الذي أطلقه احمد البلال الطيب اليوم ملخصا محادثة هاتفية قال أنه تلقاها من السيد رئيس الوزراء . نعم ، د. حمدوك رئيس وزراء لكل السودان لكنه ، من الجهة المقابلة ، رئيس وزراء أتت به ثورة شعبية لهذا المنصب وكلفته الثورة تنفيذ إستحقاقات محددة ليس من بينها التطبيع مع حلاقيم النظام الباطش الذي أسقطه شعب السودان . وعليه ، ولأن حمدوك يحتاج لكل ثانية لتنفيذ مطلوبات الشعب فإن إنصرافه لمهاتفة أحد رموز صحافة التدليس والتكسب الرخيص من أزلام نظم البطش والجبروت والديكتاتورية ، يمثل توظيفا غير رشيد لوقته الثمين ، علي أسوأ الافتراضات ، وتطبيعا غير مقبول مع صحافة شاركت في جرائم عمر البشير والتنكيل بنا ، من منظور تجريم مباشر للتصرف . ورغم عدم إنعقاد آهلية التخصص القانوني لنا ، وعدم ملائمة التوقيت الآن ، لعقد محاكمات تكشف وتعاقب جرائم الإعلام السادن في العهد البائد ، إلا أننا نعتقد بأن السيد رئيس الوزراء بحاجة عاجلة لمراجعة الضوابط التي تستهدي به إدارة الاعلام التابعة له في ترتيب مقابلاته الاعلامية . فليس سرا أن "مجرد" ظهور رئيس الوزراء مصافحا او متحدثا مع زائر في مكتبه ، أي زائر ، تصبح تلك الصورة الصماء والبكماء موقفا سياسيا ذي دلالات ومعاني عميقة وربما يترتب عنها تأثير مباشر علي سياستنا الخارجية ومصالحنا . هذا ان كان الزائر أجنبيا ، اما إن كان سودانيا فإن ذلك الظهور مع رئيس الوزراء سوف يُفسر كمحاولة توصيل رسالة هامة لجهة داخلية معينة ! لذلك يتعين أن يُحسن من يتولون جدول مقابلات رئيس مجلس الوزراء إختيار مُجالسيه ويتدبرون الامر من منظور موازنات سياستنا الداخلية والخارجية المعقدة . فمثلا، إختيار التحاور مع محطة شبكة تلفزيون " المسيرة" اليمنية الشيعية المؤيدة لإيران والتابعة للحوثيين بإمكانه ، وفي لحظة واحدة ،أن يقلب علاقاتنا مع بلدان محور السعودية / الامارات رأسا علي عقب ، بينما حوار مع قناة "الميادين" اللبنانية ذات الصلة بحزب الله الشيعي المؤيد لإيران أيضا سوف لن يتجاوز أثره عكننة مزاج ذات الخليجيين !! وعليه ، نأمل أن ينأي مكتب حمدوك الإعلامي من رص الصحافيين وإختيارهم وفق المزاج أو بطريقة " يا إيدي شيليني ". فهنا لا مكان للعشوائية إذ يجب إخضاع المقابلات ، أو حتي الاتصالات الهاتفية الإجتماعية بالصحافيين ، لحزمة عناصر أهمها لماذا هذا الصحفي دون غيره ولماذا هذا الوسيط الإعلامي دون غيره ؟ إستطرادا نقول لا بأس ، مطلقا ، أن يكون من بين المعايير موقف تلك الشخصيات او الوسائل الاعلامية التي ينتسبون لها من ثورة الشعب السوداني العظيم . فيمكن إعتماد معيار بسيط هو مزيج من الموضوعية وتقدير الشخصي للموقف ولنمسه معيار " المعقولية "! إحتكامنا لهذا المعيار البسيط من شأنه ان يمنع الدكتور حمدوك من دعوة مخرج مسلسل "خفافيش الظلام" لتناول قهوة المساء معه في باحة القصر الجمهوري ، وذات المعيار سيمنعه من إلغاء إجتماع مع وزير المالية ليحاور جرو الصحافة الهندي عزالدين أو يلبي عشاء مشويات في حديقة منزل حسين خوجلي الفخيم الذي إشتراه من عرق سمسرته في ترتيب عقود نفط إستفاد منها 98% من شعب السودان من عضوية الكيزان ! إجمالا نقول أن رئيس وزرائنا عندما "يمنح" صحافيا بعضا من وقته لمحاورته فإن بضعة عناصر أخلاقية ومهنية لابد من إعتبارها . فأخلاقيا مثل هذا التشريف يستحقه صحفي عاش قلمه بين شعبه لا من فقدوا الحياء فزادوا فوق ماسطروا من سير القوادة الاعلامية مجاهرات عن مضاجعتهم للسلطان ! اما المعايير المهنية فهي أعرض وأكثر تنوعا وتظل مرهونة في النهاية بمقدار الفائدة المرجوة من بث الحديث او نشره عبر الوسيلة المختارة وفق القيود المهنية التي تم الإتفاق عليها كأن يكون النشر لكل الحديث On the Record ، أو إحكام سرية كاملة علي الحديث والالتزام بأخذ موافقة الضيف اذا كان لابد من إستخدام بعض الاجتزاءات النصية وضرورة الاتفاق علي الجهة التي تُنسب لها وفق مرئياته Off the Record أو تبعيض نسب بعض الإجتزاء النصية لجهة ثالثة والتعتيم التام علي الضيف وهويته وكل مايمكن أن يكشف عن مكانه او عمله Deep Background. الان ، ماذا يمكن ان نسمي عصيدة احمد البلال الطيب مما قرأنا هذا الصباح " والأستاذ الكبير " يفاخر بخدمته أربعين عاما في هذه المهنة بينما يفشل في ان يتخير أبسط القواعد التقاليد الصحفية الراسخة فينشر حديثا هاتفيا عبر مكالمة ذات دواعي إجتماعية ، فيما يبدو ، لكن الحاوي الإعلامي أخرجها كحوار سياسي أجراه معه السيد حمدوك ! عبدالرحمن الامين mailto:[email protected]@journalist.com واشنطن
Post: #2 Title: Re: كتب عبدالرحمن الامين يادكتور حمدوك ماكتب� Author: Biraima M Adam Date: 09-19-2019, 05:19 AM Parent: #1
ول أبا زهير سلام .. أنت مش عبد الرحمن الأمين .. هو الصحفي الذي عايش في من يوم حفروا البحر ..
لو هو .. كان الترابي كلما يجئ أمريكا .. يناديه لزيارته .. ويذهب معه إلي المطاعم ويخصه ببعض الأحداث .. بالله كشكشه .. خليهو ينكت لينا المدسوس.
بريمة
Post: #3 Title: Re: كتب عبدالرحمن الامين يادكتور حمدوك ماكتب� Author: زهير عثمان حمد Date: 09-19-2019, 05:27 AM Parent: #2
يا بريمه سلام زول بقارة أنت ما بتعرف الصحفي عبدالرحمن الامين دا شيخ الصحفيين السودانيين في أميركا دا كاشف أخطرملفات الفساد للكيزان
Post: #4 Title: Re: كتب عبدالرحمن الامين يادكتور حمدوك ماكتب� Author: محمد حيدر المشرف Date: 09-19-2019, 05:44 AM Parent: #1
كلام مهم
شكرا زهير
Post: #5 Title: Re: كتب عبدالرحمن الامين يادكتور حمدوك ماكتب� Author: زهير عثمان حمد Date: 09-19-2019, 05:51 AM Parent: #4
تحياتي يا دكتور كيفك أنشالله بخيرانت والاسرةالكريمة
Post: #6 Title: Re: كتب عبدالرحمن الامين يادكتور حمدوك ماكتب� Author: Biraima M Adam Date: 09-19-2019, 05:53 AM Parent: #4
Quote: يا بريمه سلام زول بقارة أنت ما بتعرف الصحفي عبدالرحمن الامين دا شيخ الصحفيين السودانيين في أميركا دا كاشف أخطرملفات الفساد للكيزان
ههههاي يا وأبا زهير .. ما تقول لي قصة طائرة سودانيز العايزين يبيعوها في ال ebay وكده .. دا ترف سياسي ..
المهم أنا خبري في بطني بعد ما وجهتني الوجهة الصحيحة ..
مشكور .. علي المعلومة ..
بريمة
Post: #7 Title: Re: كتب عبدالرحمن الامين يادكتور حمدوك ماكتب� Author: Yasir Elsharif Date: 09-19-2019, 06:11 AM Parent: #6
سلام يا زهير وشكرا على وضع هذا المقال المهم.
ويا بريمة الصحفي المهني لا يعيبه ما قلته عنه اللهم إلا إذا كنت تملك معلومات أنه كان يدافع عن سياسة الجبهة الإسلامية أو يروج لها، وهذا ما لا أظنه قد حدث.
Post: #8 Title: Re: كتب عبدالرحمن الامين يادكتور حمدوك ماكتب� Author: دفع الله ود الأصيل Date: 09-19-2019, 08:15 AM Parent: #7
معليسش صاحبي أبو الزهور . بس جابني كلام أخوي بريمة دا شايفو داخل كَتَّافي ساي شكلو مِشبِّه. Quote: ول أبا زهير سلام .. أنت مش عبد الرحمن الأمين .. هو الصحفي الذي عايش في من يوم حفروا البحر ..لو هو .. كان الترابي كلما يجئ أمريكا .. يناديه لزيارته .. ويذهب معه إلي المطاعم ويخصه ببعض الأحداث .. بالله كشكشه .. خليهو ينكت لينا المدسوس.
بريمة
ول اأبا بريمة ، علا تكون قاصد لك زولن تاني . إذا عبد الرحمن اللمين الواحد البعرفو داك: صحيح آخر عهدي بيه كان برلوم يتلمس دربه في جريدة الأيام تحت أعمامنا بشير محمد سعيد و الراحل ابن العباسية/ حيدر عبد الحميد إمام. كان كملان من لحم الدنيا ؛ و ياهي خلقتو دي المابتغباني و حسيسو المقروش دا التقو بالع لو (سِنَّة بَرِك) كان يسعى بيننا بساقين رفيعيتن متتل ابن مسعود بين عتاولة الصحابة ( رضوان الله عليهم) و لكنه كان عنيداً و عبارة عن كتلة نضافة تمشيعلى كرعين. و كان محسوب على أية حاجة عدا بين كوز. اقرب لشلة ناس النحاس (قبال يتكوزن) و محمد لطيف ( قبال يناسب المخلوع ) . آخر أخبارو معاي إنو بقى رئيستحرير واحدة من الجرايد لكن المفاجئة الليلة و ريتونا إنو طفش معاكم واستقر بيه المقام أخيرن غادي في بلاد العم سام .
Post: #9 Title: Re: كتب عبدالرحمن الامين يادكتور حمدوك ماكتب� Author: بلال زكريا Date: 09-19-2019, 08:44 AM Parent: #8
Quote:
أخوي بريمة دا شايفو داخل كَتَّافي ساي شكلو مِشبِّه.
باين انت أيضاً داخل كتافي، انت بتحكي عن عبد الرحمن الامين تاني،!!! ،لطيف شنو ! ونحاس شنو! عبد الرحمن الامين كاتب المقال المنقول - لما انت ومن ذكرتهم بتدربوا في جريدة الأيام ! كان صحفياً نخب اول في جريدة السياسة الكويتية،، ثم مُراسلاً لمحطة(CNN)- بالشرق الأوسط من مدينة الرياض!! قبل ان يعودّ صاداً لمكان إقامته بي واشنطن دي سي،، لا تتعجلّ في النقل وسبق سويتا مع متداخلّ كنت تظنه برلوم لكّ، طلع لما تخرج - إنت كُنت في المدارس المتوسطة!!!
Post: #10 Title: Re: كتب عبدالرحمن الامين يادكتور حمدوك ماكتب� Author: Yasir Elsharif Date: 09-19-2019, 09:14 AM Parent: #9
سلام للجميع وتحية خاصة للأخ بلال زكريا عبد الرحمن الأمين الصحفي داخل السودان هو الذي يظهر في هذا الفيديو
Quote: عبد الرحمن الأمين: البيان دون طموحات المحتجين وتسليم البشير للمحكمة الجنائية غير وارد حاليا 6.347 Aufrufe •Am 11.04.2019 veröffentlicht 27 3 Teilen Speichern قناة الحرة - Alhurra 234.000 Abonnenten قال رئيس تحرير صحيفة الصيحة عبد الرحمن الأمين في حوار مع قناة الحرة أن بيان وزير الدفاع السوداني عوض بن عوف "دون طموحات المحتجين وتسليم البشير للمحكمة الجنائية غير وارد حاليا"
وعبد الرحمن الأمين الذي يعرف أيضا بالصحفي الاستقصائي هو الذي ظهر في هذا الفيديو
Quote: الصحفي عبد الرحمن الأمين متحدثا" عن بيع الطائرة السودانية في ebay 1.685 Aufrufe •Am 05.12.2016 veröffentlicht 16 1 Teilen Speichern مظاهرات السودان والعصيان المدني 17.500 Abonnenten
Post: #11 Title: Re: كتب عبدالرحمن الامين يادكتور حمدوك ماكتب� Author: دفع الله ود الأصيل Date: 09-19-2019, 09:47 AM Parent: #10
Quote: باين انت أيضاً داخل كتافي، انت بتحكي عن عبد الرحمن الامين تاني،!!! ،لطيف شنو ! ونحاس شنو! عبد الرحمن الامين كاتب المقال المنقول - لما انت ومن ذكرتهمبتدربوا في جريدة الأيام !كان صحفياً نخب اول في جريدة السياسة الكويتية،، ثم مُراسلاً لمحطة(CNN)- بالشرق الأوسط من مدينة الرياض!! قبل ان يعودّ صاداً لمكان إقامته بي واشنطن دي سي،، لا تتعجلّ في النقل وسبق سويتا مع متداخلّ كنت تظنه برلوم لكّ، طلع لما تخرج - إنت كُنت في المدارس المتوسطة!!!
برضو معليش يا أستاذ بلال زكريا؛ ظنيت إنت ذاتك داخل كتافي و شايت ضفاري كمان. لانو المعلومات الأنا ذكرتها كلها صحيحة عن عبد الرحمن الذي أعنيه و الذي أورد صورته د. ياسر الشريف ؛ و هو قاعد معانا جوة هنا . عشان كدا شايفني استغربت من بريمة للمن حشر اسمه مع الترابي و في أمريكا كمان . فهون عليك ياخ ؛ و لا أرى داعياً لقومة النفس على فاضي. وخلينا حبايب
Post: #12 Title: Re: كتب عبدالرحمن الامين يادكتور حمدوك ماكتب� Author: Kostawi Date: 09-19-2019, 10:23 AM Parent: #11
Post: #13 Title: Re: كتب عبدالرحمن الامين يادكتور حمدوك ماكتب� Author: جمال ود القوز Date: 09-19-2019, 10:39 AM Parent: #12
عبد الرحمن الأمين بتاع واشنطون غير عبد الرحمن الأمين الصحفي بالداخل ..
Post: #14 Title: Re: كتب عبدالرحمن الامين يادكتور حمدوك ماكتب� Author: Biraima M Adam Date: 09-19-2019, 11:03 AM Parent: #13
شكراً ول أبا ود الأصيل، شكراً بلال .. وشكراً دكتور ياسر وشكراً حبيبنا ود القوز .. كلكم ساهمتم إيجاباً
أنا ليس صحفياً .. عشان كده شهادتي دائماً تقتصر إلي شيئين إما سماع مباشر أو سماع من أنسان ثقة لا قدح فيه .. وهنا سماعي سماع مباشر وحتى المقدمة سمعتها كذلك مباشر من خشم صاحب الشيئ نفسه ..
وزولي هو زول طيارة سودانير ..وول أبا زهير يأتي يفك أشتباك المقال .. أنا لم أقرأ المقال فقط من الأسم لم أقرأ بقية المقال .. وأنا حقيقة لا أقدح نهائياً في عبد الرحمن .. فقط مطالب بالمزيد.
بريمة
Post: #15 Title: Re: كتب عبدالرحمن الامين يادكتور حمدوك ماكتب� Author: دفع الله ود الأصيل Date: 09-19-2019, 11:31 AM Parent: #14
والله بالعكس و ل أبا بريمة ولض آدم إنت الفكيت الشِبكة و أصلك من يومك ضو قبايل و حلال شِبَك. و لستُ أنا بصحفيٌّ و إن كنتُ أدندن قريباً من أهلها (مترجماً) بقاعة الصداقة . و لكن ما يهمني شخصياً من دا كلو، سعة صدرك لاحتواء الخلاف خسوسن إذا تعلق الأمر بقضيةٍ لا ناقة للناس فيها ولا جمل (كمجرد الخلط بين نفرين يحملان نفس الاسم) . و لا أبالغ إذا قلتُ إنك من القلائل لامن ألقاك قدامي أدخل طوالي توشك بقدمي اليُمنى و بدون إحم ولادستور يا أسيادي . ثم قوللهم : مالا ياخي البرلمة هي حاجة يعيرو بيها؟! و الله يا ريت الواحد لو يرجع في كل ليلة طفلاً معجزة.
Post: #17 Title: Re: كتب عبدالرحمن الامين يادكتور حمدوك ماكتب� Author: adil amin Date: 09-20-2019, 04:37 AM Parent: #16
Quote: فمثلا، إختيار التحاور مع محطة شبكة تلفزيون " المسيرة" اليمنية الشيعية المؤيدة لإيران والتابعة للحوثيين بإمكانه ، وفي لحظة واحدة ،أن يقلب علاقاتنا مع بلدان محور السعودية / الامارات رأسا علي عقب ، بينما حوار مع قناة "الميادين" اللبنانية ذات الصلة بحزب الله الشيعي المؤيد لإيران أيضا سوف لن يتجاوز أثره عكننة مزاج ذات الخليجيين !!
ان لابي حنيفة ان يمدد رجله انا في اليمن وهو في امريكا هذا الشخص جاهل وسيضر بجهله السودان علي مدي القريب جدا قناة المسيرة مفروض يشاهدا كل السودان والسودانيين ونحن ما شحاديت عشان نرضي شخصين بس في الخليج محمد بن سلمان ومحمد وبن زايد علي حساب شعبهم وعلي حساب اليمن حرب اليمن حرب امريكية خلفها البنك الدولي ومشروع ابادة شارك فيه سودان العار بتاع الانقاذ ومن بؤسكم وبؤس السودان العالق مع العرب بعد الازلال المصري المزمن جانا الازالا الخليجي كمان من دول بنها السودانيين الاذكياء اول حاجة بعيد عن النافق السياسي غير المفيد حمدوك معيين عشان يوصلنا الانتخابات بس ذى الحركة الشعبية يعني حاجة داخلية لا موجودة في مصر ولا الامارات ولا السعودية ولا قطر ولا تركيا ولا البنك الدولي ولا امريكا ولا الامم التي ما تحدت يوما انا في السودان عندي موارد تكفي كل العالم وعندي الارض وعندي البشر فقط عندي حثالة في المركز مشوهة ومازومة حتي الان باللهث وار الخارج ليه ...قبل ارتب الداخل وا فضائية المسيرة شرف لان يناله احد او سوداني الا يكون حر في مستوى المحجوب وابو رنات البعرفو قيمة اليمن واليمنيين واتمني من كل شعب السودان مشاهدة المسيرة والساحات اليمنية والتواصل معها الدنيا مدنياوو والو قعد قرد شمبانزي في امريكا مليون سنة ضوئية وما بقى انشتاين يا اهل الرث ثمود ومن يفرمل ثورة الشباب هو مصر والسعودية والامارت عشان مصالحم الضيقة واستثمارتهم المشوهة في السودان والمجحفة والجنود الرخيسين الباعوهم في سوق النخاسية الخليجي ذى بلاك ووتر والرنجرز وتجار المخدرات الكولمبيين حرب اليمن عار وسيقضي علي الزيف الفي السودان عما قريب وتروح ق ح ت دي ذاتا الي مذبلة التاريخ اذا بتراهن لينا علي مصرالسيسي وسعوية بن سلمان وامارات بن زايد..ادوات امريكا الرخيصة والحمد الله الوعي البصيرة وصلت جماهير الهلال واليافطة دي كفاية جدا يا النخبة السودانية وا\مان الفشل كلام منصور خالد فيكم اصلو ما وقع واطا بالله ده قاعد في امريكا كيف ياخ ايران دي كانت في السودان من 1989-2014..مالو ما فتح خشمو ده هو امريكا بتاعتو دي وعملو عاصفة الجذم ضد السودان ؟؟
الذكرى تنفع المؤمنين الطلقة ما بكتل بكتل سكات الزول حرب اليمن عار تقوده امريكا في المنطقة ومفضوح تماما
Post: #18 Title: Re: كتب عبدالرحمن الامين يادكتور حمدوك ماكتب� Author: adil amin Date: 09-20-2019, 04:45 AM Parent: #17
Quote: أثره عكننة مزاج ذات الخليجيين !!
عليكم الله شوفو الرخصة بلد تنتج 600 طن ذهب في حقبة الانقاذ 300 زمن الترابي و300 زمن البشير ونفط من 1998-2011 وثروة حيوانية وزرعية غير قلة الاصل دايرين من مصر والخليج شنو ؟؟ ومؤتمر المانحين شنو عايزين يقولو ليكم عرب ذى ما قال محمد بن زياد للبشير وكلاهما يقتل العرب في اليمن ... طيب خلي الصحفي التحفة ده يفسر لينا دي
Quote: لا يوجد حتي سفير ايراني في ليبيا ولا يوجد حوثيين ايضا من الذي يدمر ليبيا بمساعدة حل النيتو من 2011 ؟ يا اهل الذكاء والفطن ولماذا ...اذا اعتبرنا جدلا ان ايران موجودة بقضها وقضيضه في بعض الدول العربية ومن يدمر افغانستان بطالبان ونجيريا بي بوكو حرام والصومال بالشباب المعتوه ؟
وينكر دي يقول امريكا الوسخة ما كده https://up.top4top.net/
وينو اعلام ق ح ت الان ؟؟؟ في السودان مش في ثورة وفي ديمقراطية ومدنياو ليه يكون في الفضائيات خيار وفقوس الت############ة للخليجيين شنو ؟؟ الطلقة ما بتكتل بكتل سكات الزول والساكت عن حرب الابادة في اليمن شيطان اخرص والمشارك فيها منافق مصيره الدرك الاسفل من النار
Post: #19 Title: Re: كتب عبدالرحمن الامين يادكتور حمدوك ماكتب� Author: Biraima M Adam Date: 09-21-2019, 12:43 PM Parent: #18
الوزيرد عادل أمين سلام ..
Quote: والو قعد قرد شمبانزي في امريكا مليون سنة ضوئية وما بقى انشتاين يا اهل الرث ثمود
----------------------------------------------------------------------------- رفعت الكوكلس كلان .. إلي مرتبة أعلي في أدبيات العنصريين البيض .. تسمي ال Wizard .. وبعد الوزيرد .. جاييكم ال "قراند وزيرد" .. لما يصل مرحلة "وزيرد أمبريالي" .. يكون وصل القمة.
Quote: History In 1915, the Knights of the Ku Klux Klan were created along the lines of a fraternal organization. The highest-ranking leader of that latter-day organization was the Imperial Wizard. National officers were styled "Imperial" officers. State or "Realm" officers were styled "Grand" officers. A "Grand Dragon", for example, was the highest-ranking Klansman in a given state.
Following World War II, dozens of people have assumed the "Wizard" title as leaders of the numerous, independent, Klan-oriented organizations that have existed since then, the majority of which lack historical significance.
Quote: أنت مش عبد الرحمن الأمين .. هو الصحفي الذي عايش في من يوم حفروا البحر ..
لو هو .. كان الترابي كلما يجئ أمريكا .. يناديه لزيارته .. ويذهب معه إلي المطاعم ويخصه ببعض الأحداث .. بالله كشكشه .. خليهو ينكت لينا المدسوس.
يا بريمة عبد الرحمن الأمين رجل اعلامي من طراز فريد و اعرفه من 24 سنة حينما كان مديراً لشركة اعلامية في السعودية يملكها الصحفي عثمان العمير و تقابلنا في برنامج مباشر حيث تمت استضافتي من داخل الاستوديو وهو كان متداخل من الخرطوم إبان المحاولة الفاشلة للكوز ود ابراهيم و حتى لوقابل الترابي فهو صحفي و الترابي سياسي ,هذا الأمر لا يضيره و لا يعني انتماؤه للنظام فلا تبهت الرجل
Post: #21 Title: Re: كتب عبدالرحمن الامين يادكتور حمدوك ماكتب� Author: Biraima M Adam Date: 09-21-2019, 02:46 PM Parent: #20
ول أبا خضر،
Quote: يا بريمة عبد الرحمن الأمين رجل اعلامي من طراز فريد و اعرفه من 24 سنة حينما كان مديراً لشركة اعلامية في السعودية يملكها الصحفي عثمان العمير و تقابلنا في برنامج مباشر حيث تمت استضافتي من داخل الاستوديو وهو كان متداخل من الخرطوم إبان المحاولة الفاشلة للكوز ود ابراهيم و حتى لوقابل الترابي فهو صحفي و الترابي سياسي ,هذا الأمر لا يضيره و لا يعني انتماؤه للنظام فلا تبهت الرجل
دائماً أنتم تتوجسون .. الرجل بجعبته الكثير .. تعيبه أستضافة الترابي له أو لا .. متروك لتقدير أي إنسان .. نحن في ديمقراطية وحوار حر .. ما فيه أي دسدسة ..
نحن في عهد جديد .. كل العارفنه .. وأنت ذاتك خضر .. بالتفاصيل المملة أنكتوه هنا .. وأنا أديتكم رأس الخيط .. ولكن ما قلت به أنا حقيقة سماعية من فم عبد الرحمن الأمين. نقطة وسطر جديد.
بريمة
Post: #22 Title: Re: كتب عبدالرحمن الامين يادكتور حمدوك ماكتب� Author: Deng Date: 09-21-2019, 03:14 PM Parent: #21
Quote: ول أبا زهير سلام .. أنت مش عبد الرحمن الأمين .. هو الصحفي الذي عايش في من يوم حفروا البحر ..
لو هو .. كان الترابي كلما يجئ أمريكا .. يناديه لزيارته .. ويذهب معه إلي المطاعم ويخصه ببعض الأحداث .. بالله كشكشه .. خليهو ينكت لينا المدسوس.
بريمة
العبار بريمة بلل.
شايفك لسه مصر تكتب معلومات مغلوطة عن ناس واشنطن. عبد الرحمن الامين رجل إعلامي ودرس الإعلام في الولايات المتحدة منذ نهاية السبعينياتـ وأنا تعرفت عليه في عام 90 أو 91، ومنذ تلك الفترة وأنا أعرفه جيدا. معلوماتك عنه وأنه كان يستضيف حسن الترابي ده كلام فارغ ساكت منك ومصدر معلوماتك مازال يعمل على تضليلك. رغم أن عبد الرحمن الامين رجل إعلامي إلا أنه من المعارضين لنظام الإنقاذ وله خط واضح جدا في ذلك. لو كنت قلت إن عبد الرحمن الامين كان يتعايش اجتماعيا مع قيادات المعارضة (التجمع الوطني الديمقراطي) والتي كانت تزور العاصمة واشنطن باستمرار في التسعينيات لكنت قلت لك أنك على حق. ولكني أراك مازالت تعمل على نقل معلومات مغلوطة عن الناس، ولقد فعلت ذلك في الامس عن الاخ عمر قمر الدين ايضا.
مشكلتك يا عبار أنت عايش في فرجنيا ولكنك لا تخالط السودانيين كثيرا وحضورك للمناسبات العامة وخصوصا التجمعات السياسية شبه معدومة، وذلك يعود الى خلفيتك السياسية ككوز طبعا.
Post: #23 Title: Re: كتب عبدالرحمن الامين يادكتور حمدوك ماكتب� Author: Biraima M Adam Date: 09-21-2019, 09:00 PM Parent: #22
العبار دينق،
Quote: معلوماتك عنه وأنه كان يستضيف حسن الترابي ده كلام فارغ ساكت منك ومصدر معلوماتك مازال يعمل على تضليلك.
عكست الأية .. الزائر يستضيف المقيم ...
وأنا سمعت سماع من الرجل نفسه .. ما عجبك كلامي أمشي له .. كون رجل أعلامي متمكن .. ويكشف أسرار خطيرة نعم بشهادة الجميع هنا وناس ثقاة .. أنا هنا قلت لزهير يكشكشو عن عشان يطلع لينا المدسوس .. العمر ماشي يا دينق وعايزين نوثق.
