Something wrong

00:14 AM September, 18 2019

سودانيز اون لاين
النصرى أمين-كالغرى, كندا
مكتبتى
رابط مختصر

صاحبى ، اثيوبى ، مسلم ؛ منتصف الخمسينيات لكن محافظ جدا و وجيه، يتكلم العربية ما بطال ، وضعه المالى كويس.
اجد صعوبة شديدة فى تحقيق رغبته فى الزواج من سودانية .
المشكلة انه حبشى

زولك ما عندو موضوع و النوع العينو زايغة.
If you know what I mean :)
____________
سلامات يا غرابي

Quote: اجد صعوبة شديدة فى تحقيق رغبته فى الزواج من سودانية . المشكلة انه حبشى

اخ النصري، المشكلة ما في إنو حبشي، المشكلة في مفهومه عن الزواج نفسه

مهجوب يا هبيب
زوجته حبشية كرهته الحياة و عنده تصور انه السودانيات ملائكة 😂
يشيل و يشكر كيف انهن يقدسوا الحياة الزوجية و انا اهز راسى موافقا.
الزول عنده تصور بديع عن الشعب السودانى لكن طلعنا اى كلام يا قدع

ابدا يا ترهاقا

اتخايل بيكون مر بتجربة قاسية موش عايز يكررا و انطباعه عن الشعب السودانى
افتكر الحل فيه ..

------

تقريبا صرفت النظر عن الفكرة و ساعتذر له عن عدم المقدرة على المساعدة
ياكل ناره

النصري
المشكلة ما صعبة ولا حاجة،،،لان السودانيات في بلاد الغربة اتغيرن ، والحب لا يعرف الحدود ولا يعرف العرقيات ، وانا بعرف ارتري متزوج سودانية ، وصيني متزوج سودانية ، وافريقي امريكي متزوج سودانية ،،،
لكن بصراحة بالنسبة لي فلن اتزوج غير سوداني ، لان السوداني له ثقافة وعادات تختلف عن بقية خلق الله. ..ربما تكون هناك زيجات ناجحة جدا بين الامثلة التي اشرت اليها ، اي زواج اجنبي من سودانية ، وكذلك زواج سوداني من اجنبية،،،ولكني لا اجازف في حياة تستمر كل العمر وتتضارب الثقافات والعادات ، وياتي الانفصال بعد سنوات قليلية من الزواج...
ربما لاني تربيت في السودان ، وفي السودان في قرية ،،،
وان شاء الله ما تفهمني غلط وتقول انا متخلفة ،،،،
سوداني او اعيش عانسة مدى الحياة،،،

غايتو السودانيات منفتحات على فكره الزواج من اجنبى ( لكن) اهم الدوافع عامل السن (الهرب من العنوسه) والوضع المادى للعريس مصحوب احيانا بحالات تظن الواحده ان زواجها من اجنبى (ابيض) البشره من العرب او الخواجات -افسرها ليك بتعبيرى الخاص حاجه زى الهوس بكريمات تفتيح البشره - حاجه نفسيه وعقده نقص تجاه اللون الابيض. كلامى طبعا عن حالات فى الداخل .
لكن زولك دا لو داير زوجه هديه ورضيه وملتزمه يقع المغربيات ديل بيعيشو معاك على الحلوه والمره وعندهم نوع من التدين الصوفى بعيد عن الهوس ونماذج كتيره منهم عايشه فى السودان مع ازواجهم فى امان الله.

Quote: ة و عنده تصور انه السودانيات ملائكة 😂

يا النصري ياخوي:المعلومة دي جابها من وين؟
و الله خايف عليه...المسكين..

محمد عبد الله
والله ظلمت السودانيات ظلم الحسن والحسين
نعم السودانيات ملائكة...واذا عاوز أمثلة أتيتك بالف مثال ...

هههههههه
ضحكتيني يا امتثال..
يعني الواحد ما يخرم شوية؟

اهلا امتثال

Quote: ربما لاني تربيت في السودان ، وفي السودان في قرية ،،، وان شاء الله ما تفهمني غلط وتقول انا متخلفة ،،،، سوداني او اعيش عانسة مدى الحياة،،،

والله يا امتثال لو سمحت لى اقول ليك متخلفة و ستين متخلفة كمان 🙂
اول حاجة المشكلة دى كبيرة ؛ أكبر مما كنت اتصور ؛ و بصراحة انصدمت فى البداية لانى لم أتوقع رد الفعل يكون بهذه السلبية ، كنت متوقع رد فعل ايجابى خاصة ان الزول اخلاقه عالية جدا و شغله كويس و شكله كويس و وضعه المالى ممتاز ، يعنى كل الشروط الاساسية متوفرة فى رجل يسعى للزواج .

الرجل لم يعش فى السودان ولم ير السودان فى حياته و ربما كان ده السبب وراء الصورة الرومانسية فى خياله .
على كل حال لو لقيت عروس ادينا خبر (العمر المناسب معاه بداية او منتصف الأربعينات)

والله يا عاصم

Quote: لكن زولك دا لو داير زوجه هديه ورضيه وملتزمه يقع المغربيات

ده السبب الرئيسى فى الاحباط و فتح اابوست ..
بعد ردة الفعل السلبية جدا فكرت اشوف ليه مغربية، شجعته على الفكرة و وافق عليها ، اتصلت بأحد العارفين بالمغرب ، فوجئت بأن طلب منى ان ابحث عن زوحة مغربية عن طريق موقع فى الإنترنت.
طوالى عرفت السبب ؛ لانه حبشي.
لو كان العريس بتاعنا سوداني كان حسى عنده صور عشرة عروسات

اهلا محمد عبدالله
كتير من جيراننا الأفارقة عندهم فهم انو نحن السودانيين ديل احسن ناس
ما عارفين اننا مواسير عديل

النصري
انا كنت عارفة انك حتقول اني متخلفة ،،عشان كده سبقتك وخطفت الكلام من خشمك قبل ما تكتبه (وش ضاحك)
وشوف هسع انت براك قلت بعضمة لسانك :" لو كان عريسنا سوداني كان طلع لينا صور عشرة عروسات،""
هسع عرفت اهمية السوداني ....والله انا ما ابدل السوداني باجنبي ، ومش كان عنده قروش ،، حتى ولو كان بيل غيتس ، اغنى رجل في العالم ،
والسوداني كان مزارع ياكل رزق اليوم باليوم وساكن في قطية .....

النصري و ضيوفه الكرام سلام.
في مثل فلسطيني عاجبني بالحيل وفيهو حكمة جميلة:
شاور في جنازة وما تشاور في جوازة. يعني لو قالوا ليك طريقة
غسل الجنازة كيف،،،وضع الجنازة في القبر كيف ...الخ ممكن تدي رايك
بس حذار من التدخل في حكاية الزواج،،بعد تحصل الكعة بتسمع دا كلو منك و مقلبتني وووو

كان سيدنا معاوية ابن أبي سفيان، ملك المسلمين في وقته، يتجول يوما في البادية فراي فتاة حسناء اسمها ميسون فاعجب بجمالها وتزوجها ونقلها إلى قصره المنيف في بغداد، وانتقلت ميسون من خيمة أسرتها في الصحراء ، ومن بيئة تعودت أن تعيش فيها إلى صخب المدينة وقصور الملك بحشمها وخدمها ، ولكنها لم تكن أبدا سعيدة، ،وبدأت تنشد هذه الأبيات::
لبيت تخفق الأرواح فيه
أحب إلى من قصر منيف
ولبس عباءة وتقر عيني
أحب إلى من لبس الشفوف
وكسيرة في كسر بيتي
أحب إلى من أكل الرغيف
وأصوات الرياح بكل فج
أحب إلى من نقر الدفوف
وبكر يتبع الاظعان صعب
أحب إلى من بعل زفوف
وخرق من بني عمي نحيف
أحب الى من علج عنوف
خشونة عيشتي في البدو أشهى
إلى نفسي من العيش الطريف
فما ابغي سوى وطني بديلا
وما ابهاه من وطن شريف ،،،،
...
فسمعها معاوية وطلقها وعادت ميسون إلى باديتها وبيئتها التي عاشت فيها وتقر عينها ....

غايتو يا إمتثال بعد ما ربنا يرزقك بابن الحلال لو ما لقيناك في قطية وماشي الحواشة تحشي البرسيم تعبتي معانا في المنبر

منتصر
والله دي الحياة البتمناها ...حياة البساطة ...
ويا ريت الكلام القلته يتحقق ...

اهلا عووضه

Quote: شاور في جنازة وما تشاور في جوازة

و الله مثل فى التنك ، انا اعرف زيجات كثيرة فشلت و ما زال اللوم يقع على (الخطابة).
غايتو انا بطبعى ما بحب let people down لمن يطلبوا مساعدتي.

عندى اخوى (الله يرحمه) عمل على إكمال مئات الزيجات(عبر منظمة خيرية غير ربحية) و اظن معظم هذه الزيجات كانت ناجحة .
كان ملجأ للنساء (خاصة العاملات ) من يتخوفن ان يفوتهم قطار الزواح ، كان يلجأن اليه بحثا عن الرجل المناسب ..كانت هذه العمليلت تتم بسرية كاملة لم نعرف عنها كثيرا الا بعد وفاته