لا اطمنوا، دا ما أنا.. دا تصريح ناري جديد منسوب لأبي قردة أها زي ده يفاوضوه ولا يرضوهو ولا يخلوه؟ ام الحلاها يشربكها..
Post: #2 Title: Re: سندخل الغابة وسنقلب الليل نهار ان لم يتم ت Author: Yasir Elsharif Date: 09-18-2019, 10:24 AM Parent: #1
سلامات يا عمر
تقصد "أم الشربكها يحلها"؟؟؟
هو بالله أبو قردة محسوب مع الحركات الثورية؟؟ يمكن القبض عليه وتقديمه للعدالة ولن يجد من يتعاطف معه.
Post: #3 Title: Re: سندخل الغابة وسنقلب الليل نهار ان لم يتم ت Author: محمد عبد الله الحسين Date: 09-18-2019, 10:32 AM Parent: #2
سلامات يا عمر بالله هو هسه اكان قالوا ليه أمشي الغابة بيعرف سكتها؟ أحسن يخجل و يسكت.
Post: #4 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-18-2019, 11:22 AM Parent: #3
سلامات د.ياسر
Quote: تقصد "أم الشربكها يحلها"؟؟؟ هو بالله أبو قردة محسوب مع الحركات الثورية؟؟
قصدت اعكس المثل تماشيا مع الواقع المعكوس بتاع: تجي الحركات المسلحة للسلام، تتمرد الحركات المسلحة الكانت في حالة سلام أبوقردة قد يكون مجرد مهرج الان، ولكنه ينبهنا لان مرحلة السلام المحددة بستة أشهر ستستمر سنينا.. وان التفاوض اذا كان مع كل الافراد أو الجماعات المسلحة ، فسنحتاج لجوالات من المفاوضات بعدد سكان السودان..
Post: #5 Title: Re: سندخل الغابة وسنقلب الليل نهار ان لم يتم ت Author: Asim Ali Date: 09-18-2019, 11:25 AM Parent: #3
اب قرده كوز فى قناع متمرد- ودى اللعبه الاجاها الكيزان ششرو عيالهم فى كل تفاصيل المجتمع السياسى واتجاهاتو وفى كل حاله موجودين بحالات زى وفارضين وجودهم على الوضع القائم
Post: #6 Title: Re: سندخل الغابة وسنقلب الليل نهار ان لم يتم ت Author: Osama Siddig Date: 09-18-2019, 11:33 AM Parent: #5
بعد أن سكن قصره المنيف بشارع الستين بالقرب من طلمبة بشائر، ل أظنه يستحمل حر الغابة
كلام ساكت....
Post: #7 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-18-2019, 11:40 AM Parent: #6
احتمال هو ما يقدر يتمرد مرة ثانية.. ولكن إذا وجد الدعم والسند من جهة ما.. ممكن يدير حركات تمرد بعدد فلوسه ..
Post: #8 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-18-2019, 11:47 AM Parent: #7
مرحبا عاصم علي
Quote: اب قرده كوز فى قناع متمرد
وهذه بالضبط هي الرسالة المفخخة التي يرسلها أبوقردة، إذا ضيقتم على الكيزان فلن تنعموا بالسلام وستكون ألفترة الانتقالية مجرد أعمال مملة تقضيها الحكومة في التفاوض أو الحرب..
Post: #9 Title: Re: سندخل الغابة وسنقلب الليل نهار ان لم يتم ت Author: ترهاقا Date: 09-18-2019, 11:52 AM Parent: #8
قشة ما تعتر ليهو الكوز الفاسد
Post: #10 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-18-2019, 11:59 AM Parent: #8
حبابك أسامة..
Quote: بعد أن سكن قصره المنيف بشارع الستين بالقرب من طلمبة بشائر، ل أظنه يستحمل حر الغابة
أسوأ ما غرزته الإنقاذ في مسؤوليها، إن المدير اذا أخطأ خطأ كبيرا وتسبب في اقالته فإنه يقال من منصبه ليتولي منصبا أعلى، يترقى هكذا الي أن يبلغ درجة الوزير فيبقى وزيرا للأبد... قد يذهب في استراحة محارب ولكنه يعود بعد حين.. أما الرئيس فهو الرئيس المخلد ولو ترشح للدورة الرئاسية المائة. لذا فإن ابو قردة الذي حضر من الغابة الي الوزارة مباشرة، لا اظنه يتحمل خيارا ثالثا الا اذا اجبر على السجن..
Post: #11 Title: Re: سندخل الغابة وسنقلب الليل نهار ان لم يتم ت Author: الحجاج الصادق Date: 09-18-2019, 12:02 PM Parent: #10
في الديمقراطية الثالثة أي حركة متمردة لن يتم حسمها بالسلاح ... ولا طلقة .. الشعب بقى واعي .. الشارع بس.
Post: #12 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-18-2019, 12:10 PM Parent: #10
حباب الترهاقا..
Quote: قشة ما تعتر ليهو الكوز الفاسد
المشكلة يا ترهاقا ان احلام الثورة بنيت على افتراض وطن حر معافى يعيش في سلام.. وابو قردة الفاسد صاحب مقولة (ناس السرطان بنخسر لهم ملايين عشان يتعالجوا وفي النهاية بموتوا) يريد أن يدفع انصاره من الكيزان دفعا لإعلان استدامة الحرب.. وزي ده لو اتمرد لاتقدر تاني تجيبوا بسلام، لا تخليهو في غايته متمردا.. أي دعوة التمرد في هذه الأيام التي تشهد نهاية الجبهة الثورية كحركة مسلحة تعني محاولة لاستمرار العسكر في السلطة أو استفرادهم بها لأنهم يمثلون آلة الحرب في الدولة.. هذا الموقف يذكرني بحديث للناشط احمد الضي سمعته من قبل ايام قلائل.. جزم فيه بعدم اكتمال الفترة الانتقالية، وان العسكر قادمون للسلطة قبل حلول العام الجديد.
Post: #13 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-18-2019, 12:18 PM Parent: #12
اهلين وسهلين بك يا حجاج..
Quote: في الديمقراطية الثالثة أي حركة متمردة لن يتم حسمها بالسلاح
الفكرة جميلة يا حجاج.. ومبدا التفكير في بدائل الحرب اعتبره بادرة طيبة للثورة بقى لنا أن ننظر لنعرف كيف نواجه متمردا مقاتلا من غير قتال؟
Post: #14 Title: Re: سندخل الغابة وسنقلب الليل نهار ان لم يتم ت Author: علي عبدالوهاب عثمان Date: 09-18-2019, 01:22 PM Parent: #13
حبيبنا التاج .. تحياتي .. حرام يا التاج .. كان يتنقل من وزارة لأخرى يكون عاطل .. لا تلفزيون لا تهليل لا تكبير يا جماعة رفقاً بأبوقردة لكن ما دام بنى قصر عليه الصمت التام صدقني التمرد ده أحسن من الاغتراب ( ههههههههههههههههههه ) كم سيارة تاتشر وجماعة من الملثمين ثم قصر ووزارة ودفع رباعي .. مشكلتنا الشمالية ما فيها غابات حتى النخيل القديمة حرقوها .. إذا عملنا دراسة جدوى ( التمرد ) أفضل واكثر ربحاً من المصانع والمزارع والاغتراب
بالله ما احسن من شكل الكفيل الخليجي .. ( ههههههههههههههههه )
معليش حبيبنا التاج .. عمك علي ده أحيانا عندو خيال واسع .. هههههههههههههه لكن عجبني القصر في شارع الستين .. يا ريت كان .. أهلنا الترابلة يجوا من ضواحى الدنيا يتمددوا تحت المكيفات مع شوية هوت دوق وبيرقر ..
لازم ( حركة الدولة النوبية ) ... سلاحنا جرايد النخل .. يا عديلة بلا اغتراب بلا كلام فاضي ( هههههههههههههههههه )
شكراً التاج .. علمت سياحة لعمك علي .. واسف للتمدد في البوست .. صدقني أنا زول حكاي باللغة النوبية .. مشكلتي في العامية السودانية
Post: #15 Title: أعقرت نساء اقصي الشمال عن ان تلد الكفاءات يا قحت وحمدوك!!!؟ Author: Farida Mahgoub Date: 09-18-2019, 01:30 PM Parent: #1
Post: #16 Title: Re: أعقرت نساء اقصي الشمال عن ان تلد الكفاءات Author: Farida Mahgoub Date: 09-18-2019, 01:44 PM Parent: #15
معليش ما عارفه العنوان دا جاء هنا كيف....
حاولت احذفه لم افلح
لكم المعذرة
Post: #17 Title: سندخل الغابة وسنقلب الليل نهار ان لم يتم تقسيم السلطه بالتساوي Author: عمر التاج Date: 09-18-2019, 02:54 PM Parent: #16
يا مراحب حبيبنا علي يا سفينة مراحب
Quote: حبيبنا التاج .. تحياتي .. حرام يا التاج .. كان يتنقل من وزارة لأخرى يكون عاطل .. لا تلفزيون لا تهليل لا تكبير يا جماعة رفقاً بأبوقردة لكن ما دام بنى قصر عليه الصمت التام صدقني التمرد ده أحسن من الاغتراب ( ههههههههههههههههههه )
واحد من بتوعين السلام ديل كان مغترب زينا كده.. قام جا ماري بالفندق الاستضافة فيهو الدوحة مفاوضات السلام، فسأل: - في شنو هنا؟ السودانيين ديل متجمعين فوق شنو - ديل ناس الحركات المسلحة مدعويين للتفاوض من أجل سلام دارفور. - طيب انا ما من دارفور - من دارفور تدخل طوالي.. وفعلا دخل.. واستلم حقيبة وزارية محترمة وميزانية سلم وبدل شدة تقول لي اغتراب ههههه
Quote: شكراً التاج .. علمت سياحة لعمك علي .. واسف للتمدد في البوست .. صدقني أنا زول حكاي باللغة النوبية .. مشكلتي في العامية السودانية
تمنى وتمدد كما شئت، فالغابة موجودة في كل مكان، حتى في الشمالية في حلة اسمها الغابة، ماعليك الا تدخلها وتعمل بوست تمرد في سودانيز وتجد نفسك مع حميدتي في مجلس واحد ههههه وبالمناسبة لغتك العامية احسن مننا نحن العجم، ولو سمعك حمدوك كان ختاك مكان اسماء بتاعة الخارجية.
Post: #18 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-18-2019, 03:01 PM Parent: #17
سلامات فريدة
Quote: معليش ما عارفه العنوان دا جاء هنا كيف....
العنوان ساهل يافريدة، وبركة الجابك لينا وشرفنا بطلتك.. في صفحة المداخلة اذا امتد يدك للعنوان بتنسدل قائمة عناوين، وممكن بالخطأ الواحد يختار من العناوين الأخيرة لبوستاته فيظهر مباشرة في عنوان اي مداخلة يعملها، وأحيانا المتصفح يثبتها ليك في كل مداخلاتك مالم تغيري الاعدادات. المهم، ايش رايك في الموضوع،؟ مع ثورة التمرد ولا سلام الثورة هههه
Post: #19 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-18-2019, 08:30 PM Parent: #18
هذا الفيديو سيبقى شاهدا على أبي قردة قبل وبعد تمرده على البشير وسيوضخ بالضرورة مواقفه بعد تمردهرعلي حمدوك وبعد عودته وزيرا من جديد
Post: #20 Title: Re: سندخل الغابة وسنقلب الليل نهار ان لم يتم ت Author: احمد حمودى Date: 09-18-2019, 10:22 PM Parent: #19
Post: #21 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-19-2019, 05:26 AM Parent: #20
شكرا اخ حمودي لتضمين الفيديو المهم..
Post: #22 Title: Re: سندخل الغابة وسنقلب الليل نهار ان لم يتم ت Author: احمد عمر محمد Date: 09-19-2019, 07:49 AM Parent: #21
ما دام هو اعلن رغبته في التمرد فليتمرد امال الجيش عملوه لي شنو ومن قال ان الديقراطية شئ ناعم للغاية ولا يمكنها من ان تحمل السلاح في وجه حتى من وضعوا انفسهم في خانة العدو
Post: #23 Title: Re: سندخل الغابة وسنقلب الليل نهار ان لم يتم ت Author: Deng Date: 09-19-2019, 08:18 AM Parent: #1
ده مش كان وزير مع الكيزان؟
Post: #24 Title: Re: سندخل الغابة وسنقلب الليل نهار ان لم يتم ت Author: Asim Ali Date: 09-19-2019, 11:57 AM Parent: #23
اب قرده كوز فى التسعينات كان يدرس على ما اعتقد بجامعه القاهره /النيلين وكان يعمل مع عثمان البشير الكباشى امين الاتحاد الاسلامى العالمى للمنظمات الطلابيه - بعد ذهاب مصطفى عثمان الى الخارجيه-القائم انذاك فى نهايه شارع جبره والان المبنى هو منظمه رعايه الطلاب الوافدين .
Post: #25 Title: Re: سندخل الغابة وسنقلب الليل نهار ان لم يتم ت Author: Biraima M Adam Date: 09-19-2019, 01:11 PM Parent: #24
ول أبا ترهاقا، سلام ..
لا لا لا .. المثل بقول راجل أمك أبوك .. رضينا أم أبينا.. وفي الغرب هنا يسمي step-father .. الموضوع دا أبناء الغرب بحلوه ليكم .. جاييكم رجل صنديد وحكمة منقطعة النظير .. د. حامد برقو (كان زميلنا في المنبر هنا) .. حفيد السلطان فرتي ومن نفس القبيلة.. ح يكون في مجلس السيادة (أقرأ مقال دينق عبد الله) .. وهناك دكتور صديق تاور من جبال النوبة والأخ التعايشي من البقارة جنوب دارفور.. في السيادي .. بس أنتظروا ..
أنا عايزينكم .. الدفع بقضية الشمال وعدم تمثيله .. والوقوف بجانب طرح الأستاذة فريدة .. (أي محل وجع في الشمال أنكشوه .. وضعوا الأمور أمام السيادي ومجلس الوزراء) وأمامنا هنا.
هل شفتم الضغط المارسناه في قضية عدم تمثيل الشرق .. (لو أهملنا قضية الشمال .. مصر ح تبتلعنا ضحي .. أين حلايب .. ومملكة الجبل الأصفر ديك شنو كمان .. هل لا يوجد شماليون عايشين هناك) ..
بريمة
Post: #26 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-19-2019, 01:34 PM Parent: #25
Quote: اب قرده كوز فى التسعينات كان يدرس على ما اعتقد بجامعه القاهره /النيلين وكان يعمل مع عثمان البشير الكباشى امين الاتحاد الاسلامى العالمى للمنظمات الطلابيه - بعد ذهاب مصطفى عثمان الى الخارجيه-القائم انذاك فى نهايه شارع جبره والان المبنى هو منظمه رعايه الطلاب الوافدين .
معلومة غاية في الأهمية يا عاصم، لأول مرة اعرف ان ابا قردة كان كادر طلابي اسلامي ضمن طاقم رعاية الطلاب الوافدين(واجه مايعرف بطلاب الإسلاميين بالخارج)، هذه المنظمة بالمناسبة من أخطر المنظمات التي صنعها الترابي لتقود العمل التنظيمي خارج السودان.. عثمان البشير الكباشي من أخطر كوادر الإسلاميين وأكثرهم قبولا في العمل العام، ولولا قيود وحرب شنها عليه صلاح قوش في السابق لكان في واجه رجالات الإنقاذ حتى سقوطها. اذكر انه آثر الإبتعاد بعد أن استبعاده على عثمان من منصب والي نهر النيل وكان هو الأقرب بعد تجارب قوية في ابو حمد والدامر، ثم اعاده البشير مؤخرا للعمل الدعوى ولكن بعد فوات الأوان، وكونه يعمل مع ابو قردة في مكان واحد فلا احسبه يدل الا على شئ الا خطورة الرجل الفائقة.
Post: #29 Title: Re: سندخل الغابة وسنقلب الليل نهار ان لم يتم ت Author: خضر الطيب Date: 09-19-2019, 03:25 PM Parent: #26
سلام اخ عمر التاج هذا الابو قردة شخص منافق و مسترزق لا مكان له في الفترة الانتقالية اذا لديه سند شعبي اوحزب فلينتظر الانتخابات
Post: #28 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-19-2019, 02:25 PM Parent: #25
حبابك دينق..
Quote: ده مش كان وزير مع الكيزان؟
كان وزيرا للصحة حتى لحظة سقوط النظام من اسقامه.. وقضي أيامه الأخيرة منافحا عن البشير رئيسا للجنة دعمه وترشيحه وكان اخر الراقصين معه في حفل تاييده الشهير بالساحة الخضراء.. ورئيس اللجنة المنظمة للحفل. . .
مرحبا بريمة
Quote: الدفع بقضية الشمال وعدم تمثيله
الشمال ده يمثلوا ليهو شنو كلهم مليون نفر يسوقوهم ويبنوا ليهم برج جوار كبري النيل الأزرق يخلوهم يصبوها هناك بقية حياتهم لا تمرد لا ازعاج.. ابو قردة ده لو وسع قصره شوية كان كفانا تعب تشييد البرج
Post: #27 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-19-2019, 02:10 PM Parent: #23
سلامات احمد عمر
Quote: ما دام هو اعلن رغبته في التمرد فليتمرد امال الجيش عملوه لي شنو
الجيش ده نحن داسنو لليوم الأسود يا احمد وعشان يحرر لينا اراضينا المحتلة من دول الجوار والشجار الا انه اعتاد على إفراغ ذخيرته في صدور أبناء الوطن بحجة التمرد والتظاهر.. لذا ستظل رغبتي وامنياتي ان نكون أمة بلا جيش، بلا اعداء، بلا تمرد. مدنية بس.
Post: #30 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-19-2019, 05:12 PM Parent: #27
Quote: هذا الابو قردة شخص منافق و مسترزق لا مكان له في الفترة الانتقالية اذا لديه سند شعبي اوحزب فلينتظر الانتخابات
ليته يصبر حتى موعد الانتخابات يا خضر الفترة الانتقالية الحالية لا تحتمل دخول اي مرتزق أو تولي اي منتفع منصب قيادي في الدولة ليتهم يتركون السفينة ترسو في شاطئ الانتخابات ثم يفعل من يشاء مايشاء بالسلطة اذا اختاره الشعب.
Post: #31 Title: Re: سندخل الغابة وسنقلب الليل نهار ان لم يتم ت Author: جمال ود القوز Date: 09-19-2019, 06:37 PM Parent: #30
ابوقردة أخذ أكثر من حقه وأصبح وزير في غفلة من الزمان .. اصلا ماكان في شيء بيؤهله ليصبح وزيرا ... فأكيد لازمن يجوعر فقد تم فطامه من شطر السلطة الى غير رجعه .. وتاني الا الانتخابات والعنده جماهيرية وحيقنع الشعب ببرنامجه .. حيفوز أما زمن الفهلوة واغتنام الفرص انتهي خلاص .. بالله هو الحركات المسلحة الكانت تهز وترز .. انتهت واصبحت وبلا خجل تتقاتل على فتات السلطة .. جاي ابوقرده الماعنده شي يهدد ويتوعد شيء عجيب .. هذا زمن الديمقراطية ولا مكان للعصبجية وشغل القلع .. تحيا المدنياااااااااااااااو الجعلت لكل شيء حد ونهاية ..
Post: #32 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-19-2019, 07:32 PM Parent: #31
Quote: هذا زمن الديمقراطية ولا مكان للعصبجية وشغل القلع
تحياتي ود القوز .. لو رجعنا بالذاكرة شوية لحال البلد عندما كان على راسها اهل الإنقاذ حا نجدهم يرمون اللوم على الحرب وحركات التمرد كلما اشتكى الناس من الوضع الاقتصادي ويقولون أن الحرب مفروضة عليهم .. فيا ترى ما هو موقف الحكومة الانتقالية أو المنتخبة القادمة إذا واجهت حالات الحرب المفروضة .. مع الوضع في الاعتبار أن اعلان الحرب من اختصاص المجلس السيادي وتنفيذها لا يتم الا بواسطة الجيش
Post: #33 Title: Re: سندخل الغابة وسنقلب الليل نهار ان لم يتم ت Author: ترهاقا Date: 09-20-2019, 03:43 AM Parent: #32
Quote: لو أهملنا قضية الشمال .. مصر ح تبتلعنا ضحي .. أين حلايب .. ومملكة الجبل الأصفر ديك شنو كمان .. هل لا يوجد شماليون عايشين هناك) ..
المصريين دييل نحن عارفين الاعيبهم تماما ، يعني حتى لمن يجوا السودان بينزلوا في مطار الخرطوم لكن لو دي طريقة الحكومة الانتقالية ، حنرجع لعهد الحكم المصري المصري الحكومات المتعاقبة كلها وحتى الحالية تتعامل مع الشمال وكأنهم شياطين، خاتين كل فشلهم + وجهلهم وبربريتهم على الشمال، وعلى الباغي ستدور الدوائر
Post: #34 Title: Re: سندخل الغابة وسنقلب الليل نهار ان لم يتم ت Author: عمر التاج Date: 09-20-2019, 09:04 PM Parent: #33
مرحبا ترهاقا .. السودان وطن يسع الجميع ويمكن العيش فيه بسلام للجميع و التعايش فيه بكل فخر واعتزاز وراحة بال