Post: #2 Title: Re: الـــحمـــادة السوداني.. فيديو مصري ساخر � Author: Elhadi Date: 09-16-2019, 04:15 AM Parent: #1
الأخ المصري صاحب المقطع ورغم سخريته اللاذعة، لكن واضح انو فاهم مجريات ومآلات الأمور في السودان
بطريقة أفضل من الكثير من السذج في السودان !!
Post: #3 Title: Re: الـــحمـــادة السوداني.. فيديو مصري ساخر � Author: Yasir Elsharif Date: 09-16-2019, 06:59 AM Parent: #2
سلامات يا الهادي وشكرا لك
المصري دا فعلا فاهم كويس ما حدث في السودان، وما يجري الآن.
عشان كدا التحدي على السودانيين كبير ونأمل كثيرا أن يحقق الشعب ما جاء على لسان هذا المصري في الموضع 10:57 (ولَّا يجوز الشعب السوداني يفرض إرادتو ويفاجئنا ويقدر يزيح كل دوول ونبدأ عهد جديد. يبقى السودان فيه دولة مدنية فيها حرية وديمقراطية والحاجات اللي بنحلم بيها دي بس ما بنشوفهاش. نتمنى إنو إخوانا في السودان يخلفوا ظنونا دي كلنا ويحققوا الحلم دا ويقدروا يعيشوه في الواقع)
Post: #4 Title: Re: الـــحمـــادة السوداني.. فيديو مصري ساخر � Author: جمال المنصوري Date: 09-16-2019, 08:43 AM Parent: #3
Quote: المصري دا فعلا فاهم كويس ما حدث في السودان، وما يجري الآن.
الإخوان الهادي وياسر سلام عليكم هو ما فاهم اي حاجة، دي معلومات مبذولة في النت ويمكن اي حد يطلع عليها، كل ما في الأمر جمعها ورتبها فريق الإعداد وقدمها (الكوميديان) احمد البحيري( صاحب برنامج - تعاشب شاي) ما في جديد السودانيون فاهمين تعقيدات الوضع الحالي اكثر عن حتى المحللين السودانيين.. هناك اناس تخطو التسعين من العمر عندما تتحدث معهم عن الوضع في السودان، يحدثونك عن هذا التعقيد، وبدقة عن أنو عملية بناء الدولة بعد عهد الكيزان، صعب جدا ولكنه غير مستحيل، وهي تشبه استخلاص خيوط الحرير من حزمة الشوك، واي استعجال في البناء (كما يطرح هنا) سيؤدي الى كارثة لا يعلم مداها الا الله، يعني ببساطة كده العجائز ديل والسباب الميداني فاهمين الوضع اكثر عننا.. أخذ جولة في الوسط ده، وأطرح السؤال(كيفية معالجة الأزمة السودانية الراهنة) وح تكتشف انك مجرد تلميذ مبتديء امام بروفيسيرات. مودتي
Quote: هو ما فاهم اي حاجة، دي معلومات مبذولة في النت ويمكن اي حد يطلع عليها، كل ما في الأمر جمعها ورتبها فريق الإعداد وقدمها (الكوميديان) احمد البحيري( صاحب برنامج - تعاشب شاي) ما في جديد
في الحقيقة لأول مرة أشاهد وأستمع لأحمد البحيري، وأفتكر مسألة ترتيب المعلومات دي ليست كثيرة عن المصريين خاصة عن السودان؛ لذلك قلت عنه أنه فاهم كويس. وكويس أنو وضع سيناريو استثنائي يتوقع نجاح السودان.