« الحل في البل» يعني شنو؟!

03:13 AM September, 14 2019 سودانيز اون لاين
دفع الله ود الأصيل-
مكتبتى
رابط مختصر

∆ بي فهمي الضيق دا ، لقيتا براي:
يعني:«كان شفت أخوك زينوه طوالي تبل رويسك»

∆ يعني مسلن ، مفروض يوقفو مهزلة
حيازة النقد اللجنبي دي فورن؛ و من الآن الآن
و ليس غدن ، ينادو بن سودا تجي تستلم الرمة دا للاهي.
كاتللو (300000) روح ؛ و صاحبو أبنعوفكمان ما قصر
معاه: قال اتحفظ عليه ختاه في بكانن آمن ,و خلاهو لينا هداك
مجمبع جنب بيتم القديمفي كوبر و اتلحسشتت , بقى متخارج
لروحو.و في النهاية اسمو سجين (V.I.P) مكلقنا حراسات و
وجبات ساخنة فايف ستار و و عربات تودي و تجيب ما بين
النيابة العامة والمحكمة و كلو من خزانة دولة مقدودة

»

يلا، بعد نخلص منو ، نسلمو ياها
نرفق ليها معاه أحمد هارون؛ نظام عرض خاص
«Two in One , Spécial Offer

∆ يلا، و باقي« الخوازيق» يأتون تباعاً
بدءاً من ناس نافعة و موش نافعة و حتى
آخر كوز مطرقع و كوزة «مقدودة»

∆ مثلت سيدةٌ مسنةٌ و متهمةٌ أمام قاضي الغفلة .
و بعد أخذ و رد و تداول و تشاور بينه و بين{حَسَرات}
السادة المستشارينو، قام عمك مولانا أدى دقنو مسحة مسحتين
كدا ؛ ثم رفع مطرقته الخشبيةالغليظة و طرق بها على الطاولة،
و صاح في القاعة ليشق جدار صمتها الرهيب بقولته الشهيرة
المعهودة : "حكمت المحكمة حضورياً على.....!"

∆ يلا، في هذه الأثناء قامتْ و انبرتْ له فتاة ٌ حسناءُ غيداءُ
مصقولٌ عوارضها؛ ياخي رهيبة علىها جنس طعوميةل امن ترمي
في (الشَّوق المشيت ليهو) . لوَّحتْ إليهم بمظروفٍ في يدها و خاطبته
بمسكنةٍ مصطنعةٍ و دهاءٍ مُبطَّنٍ : أطال الله عمر مولاتا حضرة القاضي
الموقر، إنني قد جئتُ ألتمس إذنكم لأن تسمحوا لي بالمرافعة . و بعد أن
أشاروا لها بالإذن قالتْ: أُجزن بأن هذه السيدة بريئة ٌ براءةَ الذئب من كل
ما نسب إليها من تهمٍ مغرضةٍ و ربما ملفقةس ؛ و دليل براءتها موجودٌ
بحوزتيهنا بداخل هذا المظروف الذي أحمله بيدي. و ترونه بأعينكم.

قال لها القضي : تفضلي ، افتحي المظورف و ابدئي المرافعة!قالت:
ليس بمقدوري فتح المظروف أمام كل هذه الجمهرة من الحضور لكون
فيه ما يمس شرفي و كرامتي كأنثى. إذن ماذا تريدين يا ابنتي و المحكمة
(علنيَّةٌ) و لا بد من المكاشفة على الهواء مباشرتن . قالت : و هذا تحديداً ما
وددتُ التماسه منك، يا حضرة مولاي القاضي و الأب الرحيم: أن تسمح لي
لأسلمك المظروف لتقرأه في سرك و دون سواك، ثم بناءً على ما خرجت
به منه تحكم على حجيةِ دفاعي ببراءة هذه السيدة من عدمه.

# بعد ترددٍ ، سمح لها القاضي بأ ن تتقدم لتسلمه المظروف و تعود إلى
مقعدها بين الحضور.و بعد برهة مشوبةٍ بمزيجٍ غريبٍ من الدهشة و الشفقة
و القلق ، فتح المظروف لتقع عيناه على درافت شيك بمبلغٍ و (غدرُه) رقمٌ فكليٌّ ؛
يا زول خمشة تملاً (قُفَّة) من الدولارات و اليوروهات عبارةٌ عن مسحةِ شَنَبٍ
بسيطةٍ من (فاعلة) خيرٍ وقد فضلتْ عدم الكشف عن هويتها. و مرفقةٌ معه
قُصاصةٌ مكتوبٌ عليها: شطران من معلقةٍ لعنترة بن شدَّاد لهما مغزىً
في نفس (يعقوبة) تريد قضاءه:
هل غادر الشعراء من متردم *** أم هل عرفت الدار بعد توهم
أعياك رسم الدار لم يتكلم *** حتى تكلم كالأصم الأعجم

# قرأها عمك و ما أن نقش ما وراء سُطُورها راسو انفتح على اتنين و تصببتْ منه
حبات العرق ثم جعل يتفلتُ و يتنحنحُ ؛ ثم أطرق يفكرُ و يقدرُ ، فَقُتِلَ كَيْفَ يُقَدِّرِ ثُمَّ
قُتِلَ كَيْفَ يُقَدِّرَ ثُمَّ نَظَرَ ثُمَّ عَبَسَ و َبَسَرَ ثُمَّ أَدْبَرَ وَ اسْتَدْبَرَ فَقَالَ ما هَٰذَا إِلَّا سِحْرٌ يُؤْثَرُ.

# شعر الرجل و كأنه التي أمامه إرهابيٌّةٌ من كتائب ظل البوكو حرام أو خلايا
نائمة ٌمن فلول داعش و الغبراء ، و قد تَقَنَّع فتلثَّم و تلعثم ثانيةً ثم دنا فتجشأَ و تَشَجَّعَ،
و مسحَ وجهه بمرقٍ مُزِج بسم الأفاعي ، ليذبح أمَّه ؛ لأنها هي فقط ، من و ما تيسَّر له
من ضحايا عُزَّلٍ بصدورٍ عاريةٍ ؛ لأنَّ ‏ثمة جنديَّةً من مشاة البحرية أوقفته لتكشف له عن
نهدَيها قائلةً له بكل بجاحة و في تحدٍ صارخ (فحولته): هل لأمِّك التي أرضعتكمن بين
فرث و دم لبناً خالصاً سائغاً الشاربين، هل لديها مدفعين شامخين مثل هاذين؟

إ
إذن ، ما الذي جاءَ في فحوى تِلكَ القُصاصةُ الملفوقةُ بذاك المظروفِ المقدمِ من
تلكمُ الساحرةُ الملعونةُ؟! جيث قالتْ لحضرة القاضي : أنت الآن أمام خيارين
أحلامها مرٌّ و معاك (الحل في البل ): فالآن و قد تنازلتُ لك عن شرطي و عفوتك
من التكتم على سر شرفي و كرامتي ، فإن لك أن تعلن عما بداخل المظروف و تحتفظ
به، ليبقى لك (فولةً مأكولةً) كمجرد وعدٍ كاذبٍ ممن لا يملك لمن لا يستحق و ينكشف
أمرك للملأ، و إما أن تُبقي سرنا في طي الكتمان و تُعلنَ براءة هذه السيدة لتنطلق حرةً
كما ولدتها أمها ، ثم تناولني مظروفي لأنصرفَ معها راشدتين من حيث أتينا.

# فاضْطُرَّ عمك للاخذ بهذا الخيار الأخير ليكتم سرهما و ليُفْرَجَ عنهما و هو
لا يزال حيران أسِفاً يضرب كفاً بكفٍّ و بيديه درافتُ شيكٍ غير قابل للصرف.

@ يلا، ترا ياهي دي جنس الحيرة الباقية على جماعتنا ديل لسة ماسكين
العصاية من النص المنبت ، لا ارضاً قطعَ و لا ظهراً أراح ؛ فلا هم قادرين
يَعَيِّنولمرئيس قضاءٍ و نيابةً عامَّةً نضيفٍ حِمِشٍ عشان تجيب خبر الزول
اللي هسي ماهو معروف هو المخلوع و لا نحنا(المخلوعين) منو؛ و لانا
قادرين كمان نفكو آتو بايظ لناس الجنائية الدولية يتكاملم يشوفو شُغُلُم
معاه إن شاء الله ما تنَى و لاعاد منها؛ لا هو لا المورطين معاه.

# لا و إيه كمان شيخو عبد الحي بكل فلسفسة في خطبة جمعتو الأخيرة قالو:
علق على اعتراف صاحبو ال دافنو معاه سوا، بانو سلمو مبلغ كذا مليون، قال
إيه :لقد صدقكم و هو كذوب. يعني شنو يا شيخنا؟! قال : لأنو فعلن من تالا إنو
قرص لي دي تُهْمةٌ لا أستطيعُ نفيها أنا زاتي معترف بيها أمام الله ؛ و في نفس
الوكت شَرَفٌ لا ادعيه ,. لاكنو كَضَّب في الخمشة ميها قدر المبلغ (الاغترف)
بيه عليَّ للنيابة العامة: فباللختسار الزول دا ناولني فقط مبلغ و(غدرُه) 180
ألف فقط لاغير!؟ أوكي تمام. يلا و أنت يا بتاع الطَّيِّبُونَ للطَّيِّبَ (اتِ)
والخَبِيثُينَ للخَبِيثَاتِ حتى الثبتنهن عليك ديل وين وديتن؟!أوعة بس
يكونن مسدوسات في قفة تحت عنقريب و بهنا مجففين لينا منابع
الصرافات ياخي الله لا كسبنكم و لا جاب باقيكم.

ود الاصيل سلامات.

كلمة البل دي مصطلح قديم من الرندوك كنا بنستخدمه في هزيمة الخصم.

و الله أتارينا قبيل كنا غلتانين؛ فاكرين عمك الفليق أولن /
البُلهان برايو الكان مركب قرون (تيس حلبة) . علا أبدن بالعكس،
هسي بقى عندنا ماشاء الله كان، زريبتين و التالتة في جاية في الدرب
كُولهن ملايانات تيوس حلبة و كمان مطعمنهن بي (نعاج ) و كولو كايس
(يرضع).ياخي وصلت لدرجة إنو والي و لاية الجزيزة العمرها مسالمة
النملة تاكل عشاها يقوم يتمرد و يقول الزارعنا يجي يقلعنا من هنا؟ !ثم
تعال حدس و لا حرج مع عيساوي القال: التلفزيون دا قريب لبيتنا، يعني
حقي براي و ومن يريد أن تثكُلْهُ أُمُّه فليقرب و ليهبشني بي منديل
معطر عشان أكسِّرلو وشو بي عُكَّازٍ جنجويديٍّ غليدٍ.

Quote: Deng ود الاصيل سلامات.كلمة البل دي مصطلح قديم من الرندوك كنا بنستخدمه في هزيمة الخصم .

@ سلمتَ من كل سوءٍ أخوي المُبجل دينق.
هي لاكين تجيني داخل لامن كبيت كول الهوا الساخنالعندي .
عمومن ن كدي خلينا من المصطلح على جنبة و تعالخلينا نحتفي
بقدومك و طلتك علينا براها عيدية تستاهل يضبحو ليها( تيس حلبة)
مدوعل؛ لأني بصراحة لي زمن كايس ليك و ممغوس بلحيل من صاحبي
ود الامير و الجماعة المارقنك لينا أجنبي و أنت و ماما أميرة علي أسياد بلد
والله وأهل الجلد و الراس في عين اليرضى و اليابا . خسوسن لامن يومتا صاحبي
بريمة بلل شرحلي حكايتكم مع ( العبَّار) ضحكت لامن قربتَ أشرق علا لكن ما
شرقتَ؛عارف ليه يا دنيق لأنو العبار طلع لبن ونحناأصلن:على قولت عمنا علي
إبراهيم : اللَّحو:( أنحنا ناس بنعيش حياتنا الغالية بالنيَّة السليمة و كل زول
دايرين سعادتو و تشهد الأيام عيلنا) بسياريت تلحلحو لينا ناس
(ق ح ت) ديل يشدو حيلم شوية مع الكيزان.

سلام حبيبنا ود الحيشان التلاتة
إت ماك نصيح يا جنا
ما بتعرف البل؟
الشى كان ما بلوهو ما بمشي
قصدي الحبل عشان يفكوهو ببلوهو
عارف خيالك واسع و انت مبدع ههههههه
ثم اذيك ياخ

يا خِدِرْ و الله مي ياها المحرية فيكم .ياخي و الله لامن أقول البكا بحرروه أهلو
أول ناس قاعد أفكر فيكم .علا ياكين تخذولني قدردا قاعد أهرج و أطربق براي من
دُغْش الرحمن متلالكرستلاوي المالي قرنو ؛ و لا زول فيكم كدي ما يجيمتاوق يهببني.

# عمومن كلام الله ما بناباهو ، لكن الفيكم تبانعرفت. و بالموناسبة دي عندي ليك نكتة حارَّة
و ظابطة هنا ؛ و لكن لا تصلح حسب المقام للنشر على الهواء مباشرتن ؛فا شنو ، على تقرب
جاي و ما ما تبتعد أوسوس ليك بيها في شحمت عضانك العِسْرا. قال ثم إذيك قال!!!

# لكن بصراحة يا خِدِر أتا ود لزينة ياكا الأصبتَ كَبِد الحقيقة. و بالنسبة لي أحمر بلْلَّو
(والباقي تتمو براك و لا ترجعلعمك عادل) . أنا عارفو شُغُل مُزَلِّقات ( Lubricants)
(تساليك) ؛ لكن خيالي طش بي لابعد من أرنبة أنفي ، و وداني لتفسيرٍ عصريٍّمُبتكرٍ من
وحي ما يدور في أروقة ما (بين القصرين) و أكتر منم كدي لا أنا بقدر أفسر و لا
أنتكمنا بتقصِّريلا ، فتك بعافية و تاني يأوعك ، ما تطول النجعة.

في انتظار النكتة البل بت الياس قالت ماعندنا ليهو قدرة

و الله يا ود الحيشان التلاتة
انا بتاوق و بقرا كتاباتك
لكن الزمن ما بسعفني
بشوف كل كتابتك و بتسعدني
اتا بس واصل اكتب

يا اخي العزيز الاصيل بن الاصيل
دي بت عم
زاد الطين بلة
واظنك عارف نكتتا؟
مش؟

في انتظار النكتة البل بت الياس قالت ماعندنا ليهو قدرة.
--------------------------------------------------
يا خالد جاي متأخر ياخي و كمان داير توهقنا مع بت سن (اليأس).
عمومن لو لا بد في المية من النكتة تفتح لي أضانك على الخاس لأنو
هنا دحين مابتكون عصرتَ علي شديد؟!. و لا أقول ليك حاجة تعال نديك
بدلا واحدة زيها لكن مبلوعة شوية كمان لأنو فيها أحلى مطب عجايز .

@ ففي قاعة المحكمة نده الحاجب على الشاهدة فلانة الفلتكاتية مرقتلوامرأة
حيزبونة تتكعكع بعكَّاز، شكلها داية و لا دلالية خبرة و لسانا فاكي منها.
قام قرب منها محامي ملقوف و سألا {كمدخل و تهيئة لبدء المرافعة }.
- يا حاجة بتعرفيني؟!
- عاينت فيه بي حدرة سمِّح كدا و قالت ليه: كيفن ما بعرفك يا السجمان دحين إتا
ماك عليوة أب رويسنصنيقير و مقودس متل سرج العجلة الكنتا زمن صغيروني تقع
و تقوم تجري عريان ورا قطركريمي الجاي أتبرة بالداخلة؛ يرمولك القراصي تشيلا
بي ترابا تمسحها و تاكلا. بعدينك و وين أمك عوضية الحرامية كانت تشيل
مني العدَّة بالطلق و تكب مني الزوغة. زولك و كت خجل منها وخافا تبش
الغريق لسة و توهقو؛ فا شنو، حب يصرفا عنو و يكيد للتانيين ؛ قال لها :

- طيب بتعرفي ده و أشر على وكيل النيابة ..

- قربت شافتو و قالت: هي نان وعاد كيفن ما بعرفو.. تحين مو سعد ود فتحية ؛
أموالكانت بتسرق المِح جنا الجداد الليل ناس الحلة و هو يبيعو ليها في سوق المحطة
القدامية بعد شندى ؛ و قوم بي و أخد سندة؟!
@ هنا القاضي خاف من رأس سوط الأفعى السامة دي يلسعو؛ طوالي صفر ليك في
المحامي قاللو:اسمع يا معفن، و الله المرة أم لساناً فلغة دي تقوم لامن تسألها من اسمي
وتشبكا فيني علا هسي آمر جنجويديي ديل يدخلوك يبيتوك حراسة مكلبش لي بعد باكر.

Quote: و الله يا ود الحيشان التلاتة انا بتاوق و بقرا كتاباتك لكن الزمن ما بسعفني بشوف كل كتابتك و بتسعدني اتا بس واصل اكتب.

و الله كل همنا يا خِدِر بس نفر البسمة على شلاليف الحزانى
لكن مرات بنديها (كوزين) سيايسة لأنها في زمنا دا فارضة
نفسها دي على كل ذي كبِدٍ رطبٍ بالذات الأيامات دي مع
جماعتنا ديل ترا ندفر في هم زي حش اللَّيَن بالكدنكة و هم
لسة مكان سر ، كالمنبتِّ ، فلا أرضاً قطع ولا ظهراً أراح.
و غياتو ما بلايد حيلة و نسأل ربك بس يجيبو و قوي.

Quote: يا اخي العزيز الاصيل بن الاصيلدي بت عمزاد الطين بلةواظنك عارف نكتتا؟ مش؟

و الله كل همنا يا خِدِر بس نفر البسمة على شلاليف الحزانى
لكن مرات بنديها (كوزين) سيايسة لأنها في زمنا دا فارضة
نفسها دي على كل ذي كبِدٍ رطبٍ بالذات الأيامات دي مع
جماعتنا ديل ترا ندفر في هم زي حش اللَّيَن بالكدنكة و هم
لسة مكان سر ، كالمنبتِّ ، فلا أرضاً قطع ولا ظهراً أراح.
و غياتو ما بلايد حيلة و نسأل ربك بس يجيبو و قوي.

يحلنا الحل بلة π√
{] الليلة طراني زولن عزيز بلحيل علي قلبي،هو بشير ود
التهامي من أهلي ناس گمير العوضية جيهة گبوشية و علم بارز
في «نخبة السودان » لامن في راسو « قوبة» و تشة نار.

[} كتب لي أولن يعتذرعن طول الغياب غصبو عن و غصبن عني
ثانيأقاللي: اللخو ود الحيشان الثلاثة طلب حسيس أن يجي بي جاى
تحكي لينا سالفة بلة ده شنو و انحل من شنو؟! و السلام.

^^^^{{{{{{ قلنالو :}}}}}^^^^^^
أقسم لك بالله و ماك طالبني حليفة ي ود التهامي، إنني ما إن
وقعت عيني على توقيعك الما بيغباني حتى شرقتني دموعي و
خنقتني العَبرة بفتح الباء ، شوقن إليكم أخِلَّاي يا شباب النخبة
و لكن نقول شنو غير الله يجازي اللي كان السبب. فلك مني العتبى
حتى تستغيث بالرضا؛ حتى إذا رضيت تديني راسك أسلم عليك.

® أما بالنسبة لدرامة عمنا،/ فكي بلة، فسوف نهريك بالحديث عنها و لا حرج.

© فكلنا سمع بمقولة (يحلنا الحلّ بلة)..! و بعضٌ آخر سمع بالجملة كاملة
(يحلنا الحلّ بلة .
من القيد و الذلة)..!..ولا نعلم بالضبط من هو البل!ة! و ما هي الورطة
التي وقع فيها حتى صارت مضرباً للمثل؟! وكيف تخارج منها؟!

[} فمن الصعب أن نجد رواية كاملة أو ثابتة، لكي نخلص منها للمأزق الذي وقع فيه
عمك بلةّ، و من ثم خروجه منه، و على غرار أمات طه الغتسن ؛ و لي هسي ما قلعن ).

[} و لا بد من وجود قصة نتمسك بها ريثما نلقى لينا راس خيت نتقفابو أثر لعمنا بلة الغايب.
و حتى ذلك الحين، خلني أقدم لك حكاية نتعرف بها علي المدعو/ بلة.حيث خرج و لم يعد ,
فلا جنٌّ و لا سحرة بقادرين على أن يلحقوا أثره حتى كتابتنا لهذه السطور. سنتعرف
تفاصيل الورطة التي وقع فيها، و كيف تخارج منها. فعلى البركة الله.

{] طيب حانديك ليها أكتر من رواية.و هاك دي واحدة وش ملاح ؛
لاطشا ليك طاظة حااارة تشلوط و بوخا يلوي من (وكرنا المهجور)
في مدني، و خلاصتا باللختسار بالبلدي الفسيخ كدا بتقول كالآتي:

® فكما هو متعارف فى جميع أصقاع الدنيا. تُضرب الأمثال و تسير
بها الرگبان من أجل توصيل فهمٍ محددٍ أو حكمة بالغة معينة و اليوم
سوف نجاوف شرح لماذا قيل هذا المثل ( يحلنا الحلا بلة) الغايب في
الركايب و يا أم أحمد دقي المحلب في تةب أحمد .. جانا كلب سنونو
صُفُر..و حلب الناقة في السونقاقة و أتمنى من الجميع كتابة أى مثل
مع شرح مضمون المثل . على غرار (يحلنا الحله بلة).

© يقال عندما كان المستعمر الانجليزى يحكم السودان كان ممنوع
منعاً باتاً الاستحمام فى الترع وجاء أخوانا بلة و نزل الترعة (ربما من
أجل مكافحة البلهارسيا, و لكن الجاهل متل ما قالو: عدو نفسو).

[} عمومن، عندما رفع عمك بلة رأسه وهو يسبح..لقى الخواجة واقف
منشحط من فوق لراسو وفى يده الكرباج يهم بإلهاب ظهره بعلقةٍ ساخنةٍ.
فسأله الخواجة: لماذا دخلت تجلبغ في الترعة فقال له بله رايح لي صحن
طليس (نظام قريعتي راحت و كدي) و بدور أمرقو. فقال له الخواجة : أوكى،
يلا أمرقو ورينا (على أساس إنو حبل الكضب قصير) فغطس بلة وكان الحظ
حليفه للمفارقة ، فعلن عترلو في صحن طليس فى قاع الترعة.فتركه الخواجة
و راح يضرب كفاً بكف مندهشاً محتاراًو ممغوساً من بلة الذي ( انحل) بكرامة
و أصبح بفضل هذة المعجزة بطلاً قومياً و سيرته على لسان الغاشي والماشي.

[[ أها ثانى يوم جاء عمنا أُمْحُمد أحمد و نزل نفس الترعه فإذا به يرفع راسو
ليجد نفس الخواجة منشحط من فوقه و سأله: لماذا نزلت الترعه فقال له رايح
منى صحن طليس هنا و بدور أگوسو كان ألقاه فقال الخواجه يلا اغتس طلعو.
إها عمنا أُمْحُمد أحمد و قد سٌقِطَ تماماً في كلتا يديه بقى فاتح خشمو شبرين
و مشتح إضنيناتو متل صفق العُشَر . و هداك لا يوم الليله و باكر عمك
يغتس و يقلِّع ب فائدة و يندب حظه ؛ قائلاً: يحلنا الليلة الحلا بله.

¶ أها و نحنا ظاطنا ما فاضل علا نردد معاهو نفس المقولة
في شكل كورال: يحلنا عاد الحل بلة من المهانات و المذلة!!

يامرهف موضوعك صادف يوم البل العالمي في كل الوزارات

أها ، يا خالد هات الشمار سريعاً ، يلا، في زول تاني
(بلو) ليه راسو بعد عيساوي؟! إن شاء الله كمان القعبال
لي زولنا حنان ، والينا المتمرد في أرض المحنة و في قلب
الجزيرة ؛ و بقية الخووازيق تاني على كول الرؤوس
التي قد أينعت وحان قطافها ؛ و إن حمدوك لصاحبها.

يامرهف الجيش بل جد ومدراء الجامعات في حق الله
ووزارة النفط في الصاج وكشف الجهاز قالوا في القدحة

[} خشمك فوقو اللبن با خالد ود عباس
و الله إنت المرهف يا مطني الله يطمنك.
يعني عمك حمدوك طلع تب مو هينو لا هو
مكطوع لي ؛ إن شاء الله يعدمن طافي النار.
طيب خليني أرجع ليك نكمل تراثية عمنا (بلة)

[}طبعن القصة متداولة بروايات شتى، شأن الأدب
الشعبي ، حيث لا أب له و لا وريث . و عندنا واحدة
بطلا واحد درويش اسمو عمك/ فكي بلة. دي بالذات
واصلاني بسيناريو نهايتو هزلية و مضحكة شوية.

[} قالو على أيام موقعة شيكان ، كان بقول إنوالانقليز
ح يهزمو (جهادية) خليفة المهدي/ عبد الله التعايشي ود
نور شين رغم أطماعه العريضة في سبي و (أسلمة) ملكة
التاج البريطاني؛ و من ثم الزواج منها. حتى قيل إنه بعث
إليها بكتاب عنوانه ( أسلمي تسلمي) و أرفق معه سرواله.

[} المهم دي درامة أخرى و طويلة فما علينا؛ و نرجع لفكي بلة ،
و الذي اقتادوه مكلبشا إلى مجلس الخليفة التعايشي، الذي كان
جبارا عتيا، و ذو بأس شديد. فارتعدت فرائص الفكي لما نهره
الخليفة ؛ و أمره ليردد على مسمعه ما نسبوه إليه من كلانات.
- أها كنتا بتقول في شنو يا فكي بلة؟! - قاللو : لا لا يا خليفة
المهدي، أنا بس كنت بقول ليك أمي بتسلم عليك و داعية ليك
بالنصر المؤزر على «علجة» التاج البريطاني و إن شاء الله عاد
تجيبوها مكلبشة عرسوها لينا كان إتا و صاحبك ود الدكيم.

Khalid Abbass
Quote:
يامرهف الجيش بل جد ومدراء الجامعات في حق الله
ووزارة النفط في الصاج وكشف الجهاز قالوا في القدحة

تعرف يا خالد ، أول مرَّة ولدنا عمر دفع الله يجيب لينا كراكاتير
يكيفني جبنة بي بن جبشي و شاي حَمَري صاوطي . خسوسن
لأنو جابو جامع ما بين الاحتشام و الرمزية العالية في قوة التعبير .

# شايف الكوز المقنطر فوق تلفزيون السودان و حمدوك مِنَيِّش عليه
بسهم الصيد .لا و إية، كمان بيقول للشاب الثائر اللي صابَّها جنبو داك:
إنو خايف يقد الشاشة. طبعن لأنها ثروة قومية و هذا ملك للشعب اللي
حمدوك ركل كول مصالحو وعلاقاتو الدولية و جاي ينضف البلد دي من
حثالات القطط السِّمان. و نحن داعيين ليه من قلبنا ربنا ياخد بكلتا يديه

# لاكين كنت متمني من ولدنا عمر دفع الله يكمل الرمزية و يرسم ليناجوة الشاشة
أغنية لفنانتنا الراحلة خالتو ( انبلينا ) السنوسي ؛عشان يبقى (الحل) فعلن في (البل)
و لا أقول ليك حاجة يا خالد ، ما تجي إتا زاتك يافنان ياخي ، لو عندك لينا تسجيل
نضيف لخالتو (أم بلينة) في المقطع الكانت بتأديهو في الملحمة مع أبو اللمين
عثمان مصطفى و الراحل خليل إسماعيل ،باقي أنتا شِدَيِّد في تكنوجويا
الفتاشوبات دي؛ و مرة بذكرك ساعدتني في بوست" إنتي من وين يا بنيبة
وناوية على وين السَّفر" نزلت لي الخير عثمان في "حنتوب الجميلة."

Quote: عشان يبقى (الحل) فعلن في (البل) و لا أقول ليك حاجة يا خالد ، ما تجي إتا زاتك يافنان ياخي ، لو عندك لينا تسجيل نضيف لخالتو (أم بلينة) في المقطع الكانت بتأديهو في الملحمة مع أبو اللمين عثمان مصطفى و الراحل خليل إسماعيل

يامرهف ده شعر ماعندي ليهو رقبة انا زول كورة ساكت الجابني زاتو زقاق بكري ده شنو والله ناس السياسة ديل رجال عديل لكن الواحد فيهم بموت ناقص عمر

معليش أخونا خالد يا وريف زحمناك معنا لام كطعنا نَفَسَك
باللَّتو العجن في مور سياسية عقيمة ، و لا تستحق دا كولو.
و هدي مني آخر مداخلة كنت نزلتها لموضوع أخونا الهادي
و بصراحة الزود دا كلما أتداخل معاه يطنشني فقلنا شنو هذه
بضاعتنا ورُدَّت إلينا مُزجاةً و نحن أولى وأحق بها وأهلها.


يا ود البشرى سلام عليك ، بالله قولليه:
عليك الله بطل لف و دوران و قوم لف بس.

[} ياخ هو وكتين عارف إنو فيصل يا حبت عيني
لسة ما قش عويناتو من« الغبشة » و ما بيدو حيلة.
لاكين توصيتو جاهزة و شكلك يا عيساوي مطلع عليها
و ربما عامل لك حساب لأنكم مسلن في العباسية جيران
الهيتة بالهيتة جوار جامع (مرفعين الفقرا) و اللي لامن
شفع سوغار ، كنتو يتلعبو كورة الشراب في ضلو.

∆ تخريمة:معليش،طبعن ناس الضهاري يمكن أول مرة
يسمعو زاتو بأنو الفقرا عندهم مرفعين، لاكين البطمن بس
الظاهر إنو ذئب بشري و (فكي مفترس) و أي حاجة, لاكين
ما بعضي ؛ بس يمكن بياكل حاجات تانية ؛ و موش بعيد
يا عيساوي تكون «مبركو» لينا عشان ما نهبشك نشوتك.

∆ ثم ياخ ياخي هي العباسية شن فضل فيها ؛ مسخت
زاتا بعد فاتونا العمالقة . ياحليلك عندلبنا الأسمر /زيدان
إبراهيم "اليوم رحولك يا حبيبي شفنا كول الكون مسافر"
«و من بعدك إنتا بعيش منو و مين تاني يتمنى العمر».

[} عمومن ، ياعيساوي، وكت فصيح قدر دا و قاري الوضع
بكل هذا الوعي و الدهاء الإجتماعي, فياخي بالله موش كان أرحم لينا و ليك تسبقم بتقديم
استقالتك تكسر لهم عمر الدوش في يدينم ؛ و تبقى بيدك ، لا بيد حمدوك . و أهو بالمرة:
خبطة سبق إنني و خبر مدوي تعمل ليهم فراغ ذهني (تلفزروني) عشان يمكن يعرفو قيمگ
ينزلوك في علبك تاني حتة مخرج(ات)حومار وطني.و بعداك يجيبو بدلك واحد مهمش
مشمش من ضواحي الدنيا؛ إن شاء الله يكون عمنا علي عبد الوعاب و لا بريمة بلل.

😅✌نظام التبليغ - Whistleblowing
(أتخيلوا النظام ده في السودان)
مخرج
في نيجيريا مفوضية مكافحة الفساد بقت بعبع و جحيم على الفاسدين.
قبل أربعة أيام أكتشفت 43مليون دولار في شقة في لاقوس .. ولافي
زول قال حقتي (اتناكروها اقول جنا حرام)😂😂😂
- سألو حاكم لاغوس الأسبق نكرها حطب قال بعمبتي و يطرشني.
- سألوا نائب الدائر الحالي و السابق قالوا ولا عمرهم شافو العمارة دي
- سألوا صاحب البناية قال أنا زمان بعتها ورفعت يدي
خلال ثلاثة أشهر جمعت المفوضية أكثر من 300 مليون دولار وكاش من منازل مسؤولين حاليين أو سابقين أو من حسابات بنكية رسمية او صورية بما فيها حسابات زوجة الرئيس السابق جونثان قودلاك لقو فيها 15مليون دولار بإسم السواق والخادمة و أصبحت المفوضية بقدرة قادر الدجاجة التي تبيض ذهبن للخزينة العامة ، يعود الفضل في ذلك لنظام (التبليغ ) Whistleblowing الذي تم أعتماد قانونه في ديمسبر الماضي وهو نظام مستمد من قانون دود _فرانك الأمريكي ) يستطيع اي شخص أن يبلغ عن حالة الفساد و يحمي المبلغ من كشف هويته قانوناً ويعطيه نسبة من المال المسترجع في نيجريا النسبة بين 2.5-5%. في امريكيا النسبة تصل حتى 30% . فتخيل في حالة أقرار مشروع زي ده عندنا هنا ح نسترجع كم؟!. يلا ، في الحالة دي يبقى وين(الحل) وين؟ طبعن في {البل}!!

*ود الحيشان ال ت لا ت ة
مؤذن في جزيرة مااااالطة

Quote: @ هنا القاضي خاف من رأس سوط الأفعى السامة دي يلسعو؛ طوالي صفر ليك في المحامي قاللو:اسمع يا معفن، و الله المرة أم لساناً فلغة دي تقوم لامن تسألها من اسمي وتشبكا فيني علا هسي آمر جنجويديي ديل يدخلوك يبيتوك حراسة مكلبش لي بعد باكر.

ود الأصيل الله يجازي محنك
كتلتنا بالضحك

تسلم يا بكري و متأسف ليك جدن للتأخير ، موش طناش و لكن هدي جيتى من المستشفى. هدا حالنا؛ و لكن لقينا الحل في البل و البل في متل حالتنا مافي غير نفضل ضاربين الهم بالفرح.

[}و أكون سعيد جدن بمرورك من هنا بين فينة و فينة نديك فارغة و تدينا مقدودة. طبعن هنا مارقننا مونساتية حارقي بخور و مالئي أباريق. ما عليك منهم.معانا نوادر و طرائف شتى لوجود علاقة توءمة سيامية بين بساطة حياتنا و تلقائية و عفوية مواقفنا في أجواء جلسات الحنك فوق جبنة عصرية على شناط عنقريب هباب مطدوع تحت رقراق نيمة وريفة مرشوشة.

[} هما قرينان كما {رحيق} الزهور ؛ و {حريق}البخور. لا، بل لصيقان كجمرتي بخور متعاتقتين في حضن مسرجة، لدرجة:
لا يدرك أحدهما أي قلبيهما ذاك الذي بنبض بالعشق ببنهما

[} طبعن نسينا "ريحة البن" ي جماعة، لأنها بقت لينا ترف 5 نجوم و لا يشتهى. لكن لا يمنع إنو عندي ليك عن طقوسها تراثية فتشتها هنا ما لقيتا. علا أعيدا ليك يا بكري"نجر أخدر":

[}تحلقنا ذات عصرية على اللنابر حول حبوبتي بت ود التاي
و قداما المنقد جمرو يلهلب، و بيدها قلاية البن تلوح بها كما گالعرجون القديم و الدخان عابق متصاعداً منها حاجة ترد الروح

and معانا خالنا الخزين و بجانبه صهره المرتقب/ باشري. جانا متحيزاً و إلى فئة ، و متحرفاً للقاء { فوق العادة } . عله يظفر بلمحة خاطفة من خطيبته/ تام زينو، و التي جاءت على تمشي اسحياء متل { الضل الدخل القش و ما قال كش}. لتشرع بصب الجبنة للحضور بمن فينا خطيب الموسم ، و الذي ما لبث أن رأى الفنجان أمامه حتى خطفه و شفطه بجغمة واحدة؛ و لسان حاله يتغنى و يقول: "دا الجاني منك و من تباريح الهوي كتحو بسعد ي جمييييل}. بينما تلكأنا نحن الباقين مع طقوس شرب ااجبنة
{البكري و التني و التلت، ثم البركة} بمزاج و على أقل من مهلنا.

[} اتلفت الخال إلى الدايناصور البشري، باشري متعجباً منه:
- يا ولدي إنت خشمك دا منقل بمسامير؟! كيف كرطعت الجبنة دي بي حرها يشلوطو. و الأدهى و أمر إنو البت المطموسة الملغومة دي مطعماها لينا بي ملح و شطة قبانيت؟؟!!
- باشري: ي خال، و الله ما لاحظت و لا ضقت أي حاجة غلت.
- عمك: لا عاد كان كدي ها نسوان قومن زغترن ساي، النعقد للجنا الملهلب دا هسي دي، ندخلو بيتو بعقاب ليلو دا،
و ليس عدت ، و قبال ما تغيب الشمش من مغربها.