Post: #1
Title: رمزية زيارة حمدوك لقبر الزعيم جون قرنق
Author: زهير عثمان حمد
Date: 09-14-2019, 05:30 AM
Parent: #0
05:30 AM September, 13 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
(adsbygoogle = window.adsbygoogle || []).push({});من منكم ياجهابذة المثقفين واهل الراي والبصيرة النافذة والحل والعقد زار قبر الرمز الراحل وهو له المجد والخلود في علياءه من ابناء الوطن الاحرارحتي في احلك الظروف كنا نتذكره علي استحياء بل قيادات الحركة الشمالية لم تكلف نفسها عناء الكتابة عن ابن جدير بالحضور التاريخي علي منصات الفكر والعصف الذهني
لابد من الانصاف لقيادة قدمت لنا الكثير و لم تنال اي قدر من التوثيق والاهتمام
هل مصير من يقدم حتي اغلي ما يملك في ساحات العمل العام النكران وعدم التعامل مع ارثه بانسانية انها ليست قيم ثورة ديسمبرالمجيدة يارفاق
|
Post: #2
Title: Re: رمزية زيارة حمدوك لقبر الزعيم جون قرنق
Author: Biraima M Adam
Date: 09-14-2019, 06:40 AM
Parent: #1
ما تبقي زول عاطفي يا زهير .. الجنوب فرز عيشته .. خلاص .. الموضوع يبقي علاقة دول مع بعضها البعض.
أحسب زيارة رئيس الوزراء مثل زيارة قبر الرئيس مانديلا أو المهاتما غاندي لا أكثر لا أقل.
بريمة
|
Post: #3
Title: Re: رمزية زيارة حمدوك لقبر الزعيم جون قرنق
Author: adil amin
Date: 09-14-2019, 06:56 AM
Quote: ما تبقي زول عاطفي يا زهير .. الجنوب فرز عيشته .. خلاص .. الموضوع يبقي علاقة دول مع بعضها البعض.
أحسب زيارة رئيس الوزراء مثل زيارة قبر الرئيس مانديلا أو المهاتما غاندي لا أكثر لا أقل.
بريمة |
انت نسيت قيامة الساحة الخضراء مش كده ؟؟
انت يا وافد مشكلتك ما في الجنوب مشكلتك في رؤية الحركة الشعبية نفسها وانت كحارس امين للمركز ونخبه المشوهة في البورد ده وكله موثق..
الرؤية بتاعة جون قرنق تخص كل السودان وليس الجنوب ولها امتدادات عالقة لحدي الليلة في ابيي والمنطقتين وكل السودان والناس والواعين والمحترمين الزيي كده وهي كلمة واحدة بس ((الفدرالية ) والشعب مصدر السلطاات و جون قرنق ما قعد في راس زول ورجع الامر للشعب في انتخابات 2010 وسجل ليها 18 مليون سوداني ...لا محاصصة ولا انتهازية ...ما قال الانصار ما بنفعو والختمية ما بنفعو ومدنياوووووووووووو
والحركة الشعبية لها تجسيد في الوعي السوداني الحر وبدت 2005 بي دستور ومحكمة دستورية وانتخاباات 2010 وافسدها ناس المركز كلهم بعايت مايو1969 وايتام لترابي 1989
وهسة انت مفروض تقول لي جماعة صدام البعثيين وعبدالناصر الناصريين والسلفية السعودية والاخوان المسلمين المصرية ..اختونا .
.مش الحركة الشعبية دي فكر سوداني من حقها تكون في كل السودان وناسك ديل يفرسو من دخلنا الازهري عالم العرب التعيس والمدهش وبقينا شعب الله المحتار لحدي الليلة
وهسة الناس ديل لغو دستور 2005 ليه قبل ما يعملو بديل جيد والله الاعلان الدستوري ده اقبح وثيقة دستورية في تاريخ السودان واعادت انتاج الدولة المركزية الغبية الكنت حارسا يا مخلفات الدفاع الشعبي والتربي وتسبب في اعاقة السودان وفصل جنوبه
*****
https://up.top4top.net/
وزيارة قبر جون قرنق دي دايرة جكة كمان من حمدوك ويبعد من المؤسسات الدولية التي قتلت جون قرنق
يقرا حمدوك برنامج الامل الانتخابي للحركة الشعبية شمال2010 ..موجود وهو مشروع تحول ديمقراطي واضح وفدرالي ايضا
بدل التخبط ده
|
Post: #4
Title: Re: رمزية زيارة حمدوك لقبر الزعيم جون قرنق
Author: زهير عثمان حمد
Date: 09-14-2019, 07:05 AM
Parent: #3
بريمه
سلام
ما تنسي نحن في زمن ماتت فيه العاطفة
سوف أعود لك بالتفاصيل وأيضا ما كتبت كان علي عجل
مع كل التحيا والاجلال للاستاذ عادل أمين
|
Post: #5
Title: Re: رمزية زيارة حمدوك لقبر الزعيم جون قرنق
Author: مدثر صديق
Date: 09-15-2019, 09:59 AM
Parent: #4
على الجميع تذكر ان جون قرنق مسؤل عن موت 60 سودانيا مدنيا عندما اسقط "الجيش الشعبي لتحرير السودان" في اغسطس عام 1986 طائرة الخطوط الجوية السودانية بصاروخ
بعد وقت قصير من اقلاعها من مطار ملكال مما أدى الى مصرع جميع ركابها وطاقمها وعددهم 60 شخصاً.........
و بالذات حكام السودان المدنيين .........يجب ان لا ينسوا ........
|
|