Post: #1
Title: فى زول متابع لعبة التنس ؟
Author: النصرى أمين
Date: 09-08-2019, 06:36 AM
Parent: #0
06:36 AM September, 08 2019 سودانيز اون لاين
النصرى أمين-كالغرى, كندا
مكتبتى
رابط مختصر
اظن انها اصعب لعبة فردية .
صعبة جدا جدا .
اخدت فترة كنت بلعبها كل يومين تلاته ، مرهقه حد الارهاق و صعبة جدا .
مبروك للشابه الكندية بيانكا انريسكو الفوز على الأسطورة الأمريكية سيرينا وليامز والفوز بكاس الولايات المتحدة للتنس سيدات .
وانتهز السانحة وابارك لفريق تورنتو رابتوز الفوز بكاس دورى السلة الأمريكي.
|
Post: #2
Title: Re: فى زول متابع لعبة التنس ؟
Author: النصرى أمين
Date: 09-08-2019, 06:38 AM
Parent: #1
نطالب وزيرة (وزيرة) الشباب و الرياضة الاهتمام بهذه اللعبة لانها لا تكلف الكثير
|
Post: #3
Title: Re: فى زول متابع لعبة التنس ؟
Author: النصرى أمين
Date: 09-08-2019, 06:42 AM
Parent: #2
دايرين نقلع كل الميادين التى استولى عليها الكيزان الملاعين و نخصصها لمناشط
رياضية للشباب.
دايرين ملاعب الفولى بول فى كل مدرسة.
كرة السلة فى كل حى .
دايرين نربى شباب صحى معافى يبنى البلد .
دايرين نحارب العطالة و المخدرات بنشاطات رياضية.
|
Post: #4
Title: Re: فى زول متابع لعبة التنس ؟
Author: النصرى أمين
Date: 09-08-2019, 06:50 AM
Parent: #3
|
Post: #5
Title: Re: فى زول متابع لعبة التنس ؟
Author: أبوبكر عباس
Date: 09-08-2019, 06:56 AM
Parent: #4
في البداية كنت بشجع وليامز لأنها أمريكية وسوداء، تاني غيرت وشجعت البت الصغيرة،
مباراة رائعة.
سلام يا نصري
|
Post: #6
Title: Re: فى زول متابع لعبة التنس ؟
Author: Salah Zubeir
Date: 09-08-2019, 07:09 AM
Parent: #4
| Quote: نطالب وزيرة (وزيرة) الشباب و الرياضة الاهتمام بهذه اللعبة لانها لا تكلف الكثير |
تحياتي الأخ النصري ...
اللعبة مكلفة جدا لشعوب العالم الثالث ...
عشان تمارسها محتاج كبداية من ٨٠٠ لي ١٠٠٠ دولار
لشراء ال اكسيسورز المطلوبة .. مضاف ليها تكلفة
المدرب ١٠٠ دولار كل حصة ... وكمان المكان المناسب
للتدريب ...
لا يمكن تعلم التنس بالفطرة ساي كدي ... لازمن
وحتما وجود مدرب ....
|
Post: #7
Title: Re: فى زول متابع لعبة التنس ؟
Author: النصرى أمين
Date: 09-08-2019, 11:47 AM
Parent: #6
اهلا أبوبكر
ذكرتنى زمان لمن نحضر المصارعا الحرة؛ تبدأ المشاهدة وانت متقلب فى تشجيع اللاعبين
، فى النهاية تستقر باختيار المصارع صغير الحجم اسود اللون.
البنت الكندية صغيرة عمرها 19 سنة ظهرت فجأة من nowhere و فازت على سيرينا وليامز
فى البطولة الكندية للتنس قبل اسابيع بسبب اصابة سيرينا أثناء المباراة . وقتها قلنا ان الكأس غير مستحق لعدم اكتمال المباراة لكن فوز الامس حلال بلال
|
Post: #8
Title: Re: فى زول متابع لعبة التنس ؟
Author: النصرى أمين
Date: 09-08-2019, 11:53 AM
Parent: #7
اهلا صلاح
كيفك؟
ابدا والله ؛ اسمح لى اختلف معك.
اللعبة غير مكلفة على مستوى الممارسة.
اى زول ممكن يشترى مضربين و كرة احدة ممكن يلعب؛ التكلفة لا تزيد عن عشرين دولار .
بالنسبة للميدان ..محتاج ارضية اسمنتية و شبكة وهى غير مكلفة .
That's all
اما تدريب لاعبين محترفين فهذا امر مختلف قد تصل التكلفة لمئات الدولارات كما قلت .
اظن تكلفة بناء ملعب تنس اقل من ملعب سله .
ولا شنو؟
|
Post: #9
Title: Re: فى زول متابع لعبة التنس ؟
Author: أبوبكر عباس
Date: 09-08-2019, 12:03 PM
Parent: #8
صعب عمل ملاعب جديدة للتنس، لكن ملاعب السلة الموجودة بتشتغل مع السلة؛ طائرة وتنس.
المشكلة انو اللعبة دايرة مزاج أرستقراطي والمدن السودانية تريفت
|
Post: #10
Title: Re: فى زول متابع لعبة التنس ؟
Author: كمال عباس
Date: 09-08-2019, 01:02 PM
Parent: #9
أيوة ونأسف لخروج العملاقة سيرنا وليمز أمام الكندية !
سيرنا وليمز وهذه هي المرة الرابعة بعد الحمل والوضوع - تفشل في النهائي - إنها عقدة
الرقم 24 !
|
Post: #11
Title: Re: فى زول متابع لعبة التنس ؟
Author: Khalid Abbas
Date: 09-08-2019, 01:09 PM
Parent: #1
النشاط موجود وبكثافة في نادي التنس شارع المطار مدربين ولاعبين وميادين محترمة بالإضافة الي ملعب فندق الهيلتون
ويوجد إتحاد نشط جدا ومشاركات افريقية إحتمال مافي اعلام لكن يوجد نشاط كبير للتنس في السودان
|
Post: #12
Title: Re: فى زول متابع لعبة التنس ؟
Author: النصرى أمين
Date: 09-08-2019, 03:14 PM
Parent: #11
Quote: المشكلة انو اللعبة دايرة مزاج أرستقراطي والمدن السودانية تريفت
|
ابدأ و الله يا ابوبكر ، اللعبة دى ما ارستقراطية ، اى زول ممكن بلعبها دون احتياج و تعريف بقوانينها.
لو داير تعرف اللعبات المكلفة تعال شوف ااهوكى..
امين ولدى و هو فى الثانوى فكر يلعب هوكى ، هل تصدق ال equipment تصل لسبعمائة دولار و مستعملة كمان..البيسبول نفس الشي ، مكلفة جدا و معقدة القوانين تحتاج لميدان كبير وعدد من اللاعبين لا يقل عن عشرة.
التنس ؛ على الصعيد الاخر ؛ تشترى مضربين و كورة و تجر صاحبك و تمشى تلعب..حاجة مبسطة جدا ...
عندنا هنا ملاعب التنسeverywhere فاتحة اليوم كله و مجانى؛ المشكلة فى المروه فى سك الكورة
|
Post: #13
Title: Re: فى زول متابع لعبة التنس ؟
Author: طارق ابراهيم ابوالفضل
Date: 09-08-2019, 05:35 PM
Parent: #12
والله هذه اللعبة كانت موجودة خاصة في
مراكز الشباب و بعض النوادي
اعتقد اللعبة مهاريا تحتاج الى تدريب و زراعين قويتين
و لياقة بدنية عالية ورشاقة متناهية
فعلا نشاط يستحق الاهتمام
|
Post: #14
Title: Re: فى زول متابع لعبة التنس ؟
Author: النصرى أمين
Date: 09-08-2019, 06:56 PM
Parent: #13
خلاص يا كمال؛ بداية النهاية لأسطورة آل وليامز.
اختها الكبيرة ترتيبها كم و خمسين بعد كانت مصنفة رقم واحد .
الان سيرينا الكبر دخل والعيال و بداية النهاية
|
Post: #15
Title: Re: فى زول متابع لعبة التنس ؟
Author: النصرى أمين
Date: 09-08-2019, 07:39 PM
Parent: #14
أهلا خالد
| Quote: النشاط موجود وبكثافة في نادي التنس شارع المطار مدربين ولاعبين وميادين محترمة بالإضافة الي ملعب فندق الهيلتون |
ياخ مداخلتك دى كل الغام و متفجرات مثل شارع المطار و الهيلتون😎 وين ناس الضهارى و ين الاحياء الشعبية .
نحن دايرين الميادين دى تكون متوفرة فى الاحياء خاصة الطرفية منها والشعبية..
ناس حى المطار و الرياض ديل كفاهم .
هذه ثورة الكادحين 😎
|
Post: #16
Title: Re: فى زول متابع لعبة التنس ؟
Author: محمد محمد قاضي
Date: 09-08-2019, 08:11 PM
Parent: #1
التنس لعبة جميلة وراقية وفيها إثارة ومتعة بلا حدود
لاحظ يا النصري الشابة الكندية بيانكا عمرها فقط 19 سنة
يعني في أول فوز لسيرينا بالبطولة دي قبل 20 سنة بيانكا
دي لسه ما ولدوها لكن شكلها كده بيقول ما ح تعمر في الملاعب
Quote: نطالب وزيرة (وزيرة) الشباب و الرياضة الاهتمام
بهذه اللعبة لانها لا تكلف الكثير |
الوزيرة بتاعتنا ده غايتو علي حسب السيرة الذاتية ممكن تدير
الشباب لكن الرياضة الله أعلم ...
قوانين ولوائح مختلف الإتحادات المحلية والعالمية والأندية
الرياضية والروابط .. اتحاد التنس اتحاد كرة القدم والسباحة
والعاب القوي والطائرة وكرة اليد والسلة والفروسية والجمباز
والملاكمة وووووو لغاية المصارعة في ميدان الحاج يوسف
والله الوزيرة الله يعينها مع ناس إتحاد الكرة بس ترجع لينا
الفئات السنية في الإندية لو بتقدر علي ناس عمك شداد ههه
هسع لو نظموا يوم للجري (سباق) تضامنا مع شهداء القيادة
تفتكر منو البشارك من مجلس الوزراء والسيادي ههههههه
|
Post: #17
Title: Re: فى زول متابع لعبة التنس ؟
Author: النصرى أمين
Date: 09-08-2019, 08:22 PM
Parent: #16
اهلا الاخ طارق ؛
على قلة زياراتى للسودان ، كنت براقب حاجات معظم المغتربين امثالى لا ينتبهوا لها .
لاحظت معظم الشباب دون الخمسة وعشرين لياقتهم البدنية عالية جدا ؛ لاحظت ان السمنة غير منتشرة بينهم وان زادت قليلا تكون عند البنات ...
بصورة عامة اللياقة البدنية عند الناس عالية بصورة ملفته ؛ السبب ؛ غالبا ، فى نظرى يرجع لطبيعة الحياة الصعبة و المشى بمعدلات كبيرة ...
الحاجة دى غير متوفرة عند شباب الخليج .و نوعا ما عند مغتربى امريكا و اروبا .
المهم ، من ناحية اللياقة البدنية ، معظم شبابنا قادر يلعب تنس دون اى تمارين ؛ اديهم مضربين و حيلعبوا لساعات دون كلل او ملل.
صدقنى ، الكلام ده باقتناع شديد
|
Post: #18
Title: Re: فى زول متابع لعبة التنس ؟
Author: محمد جبره
Date: 09-09-2019, 00:35 AM
Parent: #17
سلام للجميع
اللعبة فعلا ارتبطت بالمجتمعات الارستقراطية حتى جمهورها ارستقراطي وصفقتهم ذاتها ذيهم
زمان انا و صاحبي كنا بنحضر بطولات التنس لمن تكون برعاية البيبسي ...الناس في المبارة و نحن قزازة في خشمنا و قزازة في خشم القرد .يومين نبول ميرندا
...
كان عندنا في الدويم ميدادين تنس جميلة جد ..واحد قريبنا كان بلعبها يوم كسر يد مضربه وقعد فترة يلم في قروش مضرب جديد
اول من ما اشتراه مشى به السوق ضببو ...
تحياتي
|
Post: #19
Title: Re: فى زول متابع لعبة التنس ؟
Author: النصرى أمين
Date: 09-09-2019, 05:31 AM
Parent: #18
اهلا محمد القاضى
زمان و نحن فى الثانوى كنا بنعمل ماراثون اسمه التلاته كبارى .
نبدا من أم درمان عند كبرى شمبات و نجرى الى بحرى الى كبرى النيل الأزرق ثم شارع النيل فى الخرطوم الى كبرى النيل الابيص الى قصر الشباب والأطفال الى شارع الموردة الى شارع النيل أم درمان مرورا بالإذاعة السودانية فى الملازمين الى كبرى شمبات ..
.
ياريت الوزيرة الشابة ترعى ماراثون سنوى يشارك فيه الجميع.
الوزيرة منتظرها شغل كتير لانها ترعى الشباب الذي قام بالثورة ولازم تديهم حقهم كامل .
اقترح عليها تتعاون مع تجمعات السودانيين فى الخارج لرعاية الميادين فى الاحياء ؛ يعنى مثلا
الجالية السودانية فى واشنطن تتكفل ببناء ملعب تنس و سله و كرة طائرة فى احد احياء امدرملن ...الجالية فى تنورنتو ملاعب كرة قدم فى احد احياء مدنى و هكذا ...
|
Post: #21
Title: Re: فى زول متابع لعبة التنس ؟
Author: Khalid Abbas
Date: 09-09-2019, 10:58 AM
Parent: #18
Quote: زمان انا و صاحبي كنا بنحضر بطولات التنس لمن تكون برعاية البيبسي ...الناس في المبارة و نحن قزازة في خشمنا و قزازة في خشم القرد .يومين نبول ميرندا
|
ههههههههه الاخ محمد ذكرتني ايام الجامعة صديقنا حكم تنس وحلف نمشي الهيلتون عشان نحضر مباراة وكان هو الحكم طبعا نحن ناس النيلين ملوك الفوضى ومافاهمين مفروض نسكت
لمن يتم الارسال وشغالين كواريك تقيلة الجماهير كلها تعاين لينا عشرة عشرة وصاحبنا كل مرة يعمل إشارة نظام اسكتوا المهم عملنا ليهو فضيحة ويكون ندم على جيتنا
|
Post: #20
Title: Re: فى زول متابع لعبة التنس ؟
Author: الصادق عز الدين
Date: 09-09-2019, 06:48 AM
Parent: #1
سيرينا مستواها تدهور قد يكون بسبب الضغط النفسي لتحقيق إنجاز غير مسبوق او لمعادلة إنجاز سابق
سيرينا فقدت نهائي ويمبلدون بذات الإسلوب الذي فقدت به نهائي بطولة أمريكا المفتوحة
عدم تركيز
|
Post: #22
Title: Re: فى زول متابع لعبة التنس ؟
Author: النصرى أمين
Date: 09-09-2019, 10:42 PM
Parent: #20
محمد جبره والله قريت مداخلتك و انا مدمدم داخل البطانية داير انوم لكن لقيت روحى بضحك
Quote: زمان انا و صاحبي كنا بنحضر بطولات التنس لمن تكون برعاية البيبسي ...الناس في المبارة و نحن قزازة في خشمنا و قزازة في خشم القرد .يومين نبول ميرندا
|
زكرتنى و نحن طلبة فى معهد الكليات التكنولوجية ، عندنا صاحبنا رومانسى جدا ؛ عزمنى و صاحب لى ؛ صحراوى مثلى ؛ لعرض فى قاعة الصداقة لعازف كمان المانى ..اليوم داك ضحكت كما لم اضحك فى حياتى و انا اتخيل نفسى قاعد فى صالة مليانه بالارستقراطيين يسمعون لعازف كمان لوحده .
|
Post: #23
Title: Re: فى زول متابع لعبة التنس ؟
Author: Ahmed Yassin
Date: 09-09-2019, 10:52 PM
Parent: #22
| Quote: ضحكت كما لم اضحك فى حياتى و انا اتخيل نفسى قاعد فى صالة مليانه بالارستقراطيين يسمعون لعازف كمان لوحده . |
دا شنو يا النصري ؟
واحيانا بكون على المسرح (120) عازف
خليك في التنس احسن
|
Post: #24
Title: Re: فى زول متابع لعبة التنس ؟
Author: النصرى أمين
Date: 09-09-2019, 11:08 PM
Parent: #23
يا الصادق، سيرينا انتهت خلاص؛ الكبر دخل ..برضه اتخايل طبيعة الجسم تلعب دور ؛ يعنى كلما الرياضى ضخم *الجثة* كلما اتدهور بسرعة .
|
|