ايلا يعتذر لحمدوك من وزاره البنيه التحتيه

ويتمني التوفيق للحكومه الجديده في اتصال هاتفي ظهر امس..
منقول من صفحة الزميل سعادة العميد طارق محمد احمد.

تعليقي على الخبر ان صح:
(فهم عالي من حمدوك وموقف سامي من ايلا).

ما في مشكلة ، في غيره

سلامات ترهاقا،
هل توافقني على ان خطاب حمدوك الذي أعلن فيه التشكيل الوزاري الاخير
كان من الوعي كبيرا لدرجة ان اعتبر الحركات المسلحة شريكا في الثورة والحكم،
وشدد على أهمية ان يكون السودان للجميع من غير إقصاء الا من ثبت جرمه بالقانون..
زعيم الشرق ايلا لا أحد يشكك في كفاءته،
ومجرد انتماؤه السابق للانقاذ لم تضعه في قائمة حظر حمدوك.

مستحيل طبعا

لو حمدوك فعلاً عمل كدا
يكون تصرف بليد و أرعن و خيانة للثورة و الثوار
إيلا آخر رئيس وزراء في عهد الإنقاذ دي لوحدها كافية لرميه في الزبالة مع بقية الكيزان ....

كتاباتك بتاعة ضل بارد
يبدو انك كنت بعيد عن جرائم البطش
وانتهاكات البيوت وقتل وسحل الناشطين

وايلا مواصل في وزارته كان شئ لايعنيه

مجرد نقل ساي لهراءات زي دي تضعك موضع شك

خبر غير صحيح وايلا مطلوب للتحري في عدد من البلاغات

يعني محمد طاهر ايلا..اشرف من عثمان دقنة؟؟

علي قول حافظ بشير..بقيت تجليها با قريبي..يا عمر التاج..!!


كبر

Quote: كان من الوعي كبيرا لدرجة ان اعتبر الحركات المسلحة شريكا في الثورة والحكم

الحركات المسلحة لو مابقت شريك في الثورة مين غيرها تاني يكون شريك.. ده كلام باطل" مايقولو إلا كوز!!

أصلها مجلية من كبارها يا قريبي كبر،
وفي النهاية هو مجرد خبر -مصدره مذكور فوق - قد يصيب أو يخيب
واي حديث عن القصد والتشكيك اعتبره مجرد مراهقة سياسية
المرحلة مرحلة شفافية، حمدوك موجود وآيلا موجود.. والقانون موجود
ولا مستحيل تحت الشمس..

واي حديث عن القصد والتشكيك اعتبره مجرد مراهقة سياسية
ــــــــــــــــــ
لو كان لك حس سليم لما ارتضيت مجرد نقل الخبر
قال مراهقة قال

شتلة من شتلات ثورة الكيزان المضادة .
الحذر واجب .

نعم الحذر واجب يا اخ علاء، فكل الانباء تظل أنباءا حتى ثبت كحقائق أو اباطيل
ويبقى من السهولة معرفة صحة الخبر من عدمه اذا توفرت كل اطرافه
عشان كده قلنا حمدوك في، وآيلا في
يلا استنطقوهما..
تعرف ليه قلنا مراهقة يا عبد اللطيف..
لانه الاخبار خلقت ليتم تداولها وتمحيصها،
وبعدين قصة الولاء المطلق وكل ما ليس لك يبقى عليك دي مرحلة انتهت
والكيزان زاتهم مرحلة انتهت، وحمدوك قال الدولة حاتمشي على قدمين..
فهمت القدمين ديل شنو؟
إذا عرفتهم حاتخرج من إطار كونك مجرد مطبلاتي لشخص أو حزب
وتتقبل كل ماهو ممكن ومتاح وان كان نسبة حدوثه ١٪.
اسه في ناس قالوا الحكومة دي فيها كيزان
و الترشيحات الكتيرة ديك قالوا استبعدوا منها كم كوز..
فشنوا.. الاثبات والنفي ليس مجرد رأي،
لأن عنده أدوات حقوا تشتغل عليها
انا مجرد ناقل ومحلل

الكوز ممكن يتسلل بكل سهولة الي داخلك
إذا كنت تحمل جينات قابلة للاصابة بمرض الكوزنة
ورمادية الانحياز للشارع بشكل صارم ...
اما حكاية كيزان جوه الحكومة دي مضحكة
لانو الحكومة اصلا برنامج وانزال شعارات الثورة
الي ارض الواقع ، الكوز لن يستطيع البقاء
في مجلس بهذا الشكل ولو 5 دقائق ..
نحن لانعرف حمدوك ولامجلس الوزراء ولا اي شخص مهما كان

ما نعرفه هو برنامج الثورة وتحقيقه في المرحلة القادمة
ومتابعة الانحراف عنه ولو ملليمتر يضع الوزير او مجلس الوزراء
في خانة الاعداء

الان مافي شارع عشان ينحازوا ليهو ناس أو يبقى رماديين تجاهه.
مرحلة الشارع انتهت وولدت حكومة جديدة كاملة الدسم
اي حديث عن الشارع الان يبقى تخازل عن منجزات الثورة ومحاولة إعادة انتاج العجلة
الدولة التي تمشي على رجلين الان يؤيدها ملايين غيري وغيرك
عشان كده ما محتاجة مطبلاتية يتملقوا حمدوك ويهتفوا له وسير سير،
الحكومة الجديدة محتاجة معارضة واعية تقول لها أحسنت في كذا وانحرفت عن كذا..
أما كونه الحكومة لا تقبل كيزان فده كلام الكيزان أنفسهم..
لأنهم هم من كان يقول ان الحكومة مابتقبل شيوعيين والخ..
الحكومة يا عبد اللطيف ماعندها دين أو توجه،
ولو كان عندك القانون البحاسب المقصر فمن حق الكوز والإسلامي وانتصار السنة والبعثي والختم وكل سوداني انه يكون في الحكومة اذا عندهم مؤهلات للحكم..
نحن رفضنا نظام الإنقاذ ما لأنهم كيزان، ولكن لأنهم مفسدين واقصائين
واي نظام يتبنى نفس منهجهم أو جزء منه حايسقط أو يسقط، بالانتخاب أو إعادة صنع الثورة..
وان كان ايلا مؤهل للوزارة وماثبت عليه جرم أو فساد فهو أحق من مدني عباس وغيرهم من غير المختصين في مجالهم، ولو اليوم ماجو المتأهلين، بكره الانتخابات بتجيبهم، وبالغانون.
تبقى قدامك حاجة واحدة عشان تثبت لي الحكومة دي مافيها كيزان..
عندك ١١ رئيس أو أعضاء في مجلس السيادة..
طلع منهم ١١ فرد ما كوز..

Quote: مرحلة الشارع انتهت وولدت حكومة جديدة كاملة الدسم

متاكد من كلامك دا يازول ...!!

ياخي والله بالغتة عديل كدة ، الشارع هسة واقف قنا والشباب حارسين ثورتهم دي
من فوق لي تحت ومتابعين وحالفين اي فرنبة كرنبة طوالي البتاع في البتجان وعينك ما نشوف الا مليونيات وبث.

انت جادي ياعمك ...

نحن رفضنا نظام الإنقاذ ما لأنهم كيزان، ولكن لأنهم مفسدين واقصائين
ـــــــــــــ
الركيزة الاساسية في مشروع الكيزان هي الدولة الدينية
وهي دولة اقصائية بطبيعتها لاتعترف بالمواطنة المتساوية
ولذلك مشروع الكيزان إقصائي ، والثورة اساسا ضد الدولة
الدينية ونقيضها هو دولة المواطنة ، ....

كيف تقول انو الثورة ما قامت ضد الكيزان ؟!!

الثورة ما قامت ضد الكيزان كفكر أو جماعة،
لأن قبلهم قامت ثورات ضد نميري وعبود... الخ
وديل ما كانوا كيزان...
الثورة قامت ضد الظلم والقهر وسلب الحريات
ودي لو ظهرت في أي حكومة فلتنتظر حظها من الثورات..
انا عن نفسي ماعندي مشكلة مع كيزان أو شيوعية أو مسلمين أَو كفار..
انا مشكلتي مع فلان او فلان، سرق أو فسد أو اساء استغلال السلطة
المناهج والأفكار العقدية مستعد اناقشها بكل أريحية،
بس تكون بعيدة عن السياسة والسلطة.
.
.
مرحلة الشارع يا وهب انتهت لأنها توجت بهذه الحكومة
يعني الشارع الان لافيهو بمبان ولا رصاص..
الشارع قام اصلا عشان يسقط الحكم الشمولي ويجيب حكم ديمقراطي أو انتقالي
وده الاتحقق الان، يقوم تاني يثور على منجزاته ليش؟
إذا افترضت العسكر سقطوا الحكومة أو حمدوك حاد عن الطريق فده موضوع تاني
وبالتالي حاتقوم ثورة جديدة غير ثورة ديسمبر وتكون لديها أهداف وادوات جديدة..
عمك القوز..
ماجادي والله، ولكن عدم الجد في الجداد جد..
ود البشرى،
المستحيل هو المستحيل، والايام تفل المستحيل

محمد آدم سيبك من كلام الكيزان وقول انت بقى..
وين موقع الحركات المسلحة الكانت جزء أصيل من الثورة من السلطة الان؟
ابو حسين قد يكون من الذكاء ممارسة السياسة بما نحسبه نحن غباء..
و حمدوك لو جاب ايلا ما حايكون اول رئيس يعين خصومه في السلطة..
اخونا خالد قطعت الشك باليقين، ويظل يقينك حتى تصلنا دلائله.
شكرا لكل القراء..

يعنى إيلا مكمل النزاهة ؟!

Quote: ابو حسين قد يكون من الذكاء ممارسة السياسة بما نحسبه نحن غباء.. و حمدوك لو جاب ايلا ما حايكون اول رئيس يعين خصومه في السلطة..

دي ما عايزة ليها ذكاء يا عمر أخوي ...
الحكومة الإنتقالية دي قلنا أحزاب ما فيها كمان نجيب آخر رئيس وزراء في الحكومة
حمدوك لو عمل كدا صدقني الناس بتطلع الشارع ....

التعيين يكون - علي أساس - الكفاء والقدرات الفردية والإيمان بأهداف الثورة وبالثورة ذاتها -
وبمطالب الثورة - وبالعمل علي تصفية دولة الكيزان - نهجا وممارسة - والقناعة التامة بأن
البشير وعصابته هم رموز الفساد والإستبداد ..
والسؤال هل إيلا ريئس وزراء البشير لآخر لحظة من حكمه
هل مؤمن بأهداف الثورة ؟ مؤمن بالتغيير ؟ مؤمن ومقتنع بأن بفساد وإستبداد البشير وعصابته؟
هل علي قناعة راسخة بضرورة تصفية دولة الكيزان - نهجا وممارسة ؟
والسؤال لعمر التاج كيف تدفع وتؤيد شخص - لايؤمن بأهداف الثورة ولا بعدالة مطالب الثوار
في قمة التنفيذي لينفذ ما هو غير مقتنع به؟

Quote: التعيين يكون - علي أساس - الكفاء والقدرات الفردية والإيمان بأهداف الثورة وبالثورة ذاتها -

وعلى أساس التوازنات القبلية والجهوية.. ولا انا غلطان..
في الحتة حمدوك بعضمة لسانه قال بنبحث عن ناس الشرق.. سماهم بالاسم
وآيلا ده من أكابر ناس الشرق، قبل الإنقاذ وفي الإنقاذ وبعد الانقاذ
وما تجي تقول لي شكرته تاني، لأنه الزول مابشكروه بحقيقته..
ايلا لا هو قريبي ولا صاحبي ولا ملهمي ولا قائدي ولا عندي بيه كبير غرض..
وما عندي علم بقناعته بأهداف الثورة أو فساده..
هداك القانون وهداك القضاء..
ولو عندك يا كمال مقتبس من زمان ولا اسه شكرت فيها ايلا أو ايدته في شى فعله فذكرني به..
لأن حديثي في هذا البوست فيه نقل خبر وتفسير مبدأ عدم الاقصاء، وبنطبق على ايلا وغير ايلا
ده مبدأ انت كنت بترفضه لما الكيزان كانوا حاكمين، اسه الخلاه يبقى سنة حسنة شنو؟

أخ عمر التاج

Quote: ولو عندك يا كمال مقتبس من زمان ولا اسه شكرت فيها ايلا أو ايدته في شى فعله فذكرني به.. لأن حديثي في هذا البوست فيه نقل خبر وتفسير مبدأ عدم الاقصاء، وبنطبق على ايلا وغير ايلا

إذا لم يكن لك علم بقناعته بأهداف الثورة كما إعترفت فلا يستقيم منطقا ولاعقلا أن تهلل لترشيحه
ليه لأنك إن لم تكن مقتنعا بأهداف الثورةومطالب الثورة لم يكن تعمل علي إنفاذها!
كلامي واضح ولم أتطرق فيه لفساد إيلا وإنما أوردت نقاط موضوعي
والسؤال هل إيلا ريئس وزراء البشير لآخر لحظة من حكمه
هل مؤمن بأهداف الثورة ؟ مؤمن بالتغيير ؟ مؤمن ومقتنع بأن بفساد وإستبداد البشير وعصابته؟
هل علي قناعة راسخة بضرورة تصفية دولة الكيزان - نهجا وممارسة ؟
والسؤال لعمر التاج كيف تدفع وتؤيد شخص - لايؤمن بأهداف الثورة ولا بعدالة مطالب الثوار
في قمة التنفيذي لينفذ ما هو غير مقتنع به؟
هذه النقاط - ناقشني علي أساسها !
موضوع الموازنات القبلية
- لاتعطي حصانة أو ميزة إضافية لشخص ما
أولا يجب أن يؤمن بالثورة وأهدافها ويكون كفء ومؤهل . ووفق هذا المعيار وبعده سينظر
في أمر التمثيل الجهوي والمناطقي !
فمثلا - لايمكن أستوزر قاتل ومجرم لمجرد مراعاة التمثيل الجهوي
- ولا يمكن أن إستوزر فاسد ولص لمجرد إرضاء الثقل الجهوي والقبلي
ولايمكن أن أتي بشخص غير مؤهل ولا كفء إرضاء الثقل الجهوي والقبلي
- ولايمكن أن إستوزر شخص يقف ضد أهداف الثورة ومطالب الثوار إرضاء الثقل الجهوي والقبلي!
هل الجهة والإقليم لايملك شخص ثوري مؤهل ولا كفء يقف مع أهداف الثورة ومطالب الثوار
وضد النظام البائد؟
شرق السودان غني بأصحاب المؤهلات والكفاءات ممن وقفو ضد العهد البائد ومن ساندو
الثورة والتغير وأقتنعوا بأهداف الثورة !

Quote: لو حمدوك فعلاً عمل كدا يكون تصرف بليد و أرعن و خيانة للثورة و الثوار

وحايسقط تاني يوم
لكن اشك في مصداقية الخبر

Quote: ايلا يعتذر لحمدوك...

إيلا نحن محتاجين ليه ومحتاجين لي خبرته في الشرق
بعيدا عن المركز وصراعاته الحزبية والطائفية والآيدلوجية الفارغة

هذه لكلها ا تعنينا في شئ!

الشرق لم يفوض كوزا ليتحدث بالنيابة عنه !
هذه المداخلة ليس مقصود بهذا الزميل عمر التاج
- المقياس والمعيار المفصلي بعد الكفاء والتأهيل هنا هو الإيمان بأهداف الثورة ومطالب الثوار !
هناك كيزان وعقليات كيزانية واسلامويوية تعمل علي النيل. من الثورة والطعن في قومية حكم الثورة وتوجهها الوطني بالترويج والتسويق لرموز العهد البائد وأدوات حكم الإنقاذ - يفعلون ذلك تحت ستار الغيرة علي الشرق ودارفور ومراعاة مصالح هذه المناطق !-
نعم لكل صوت وطني وثوري يقف مطالبا بالتمثيل الجهوي العادل ورفع التهميش وصياغة تشريع تحقق التنمية. المتوازية والمشاركة العادلة في السلطة. والثروة والفدرالية الحقيقية فهذا حق مشروع !
ولكن اي محاولة للنيل من الثورة خدمة لأجندة الكيزان او تسويق لأجندة . الإنقاذ ورموزها تحت ستار جهوي او قبلي. -اي محاولة كهذه سيتم التصدي لها بحزم وفضحها وتعريتها ! رفع الكوزنة نهجا او رموزا علي آسنة رماح الجهوية والقبلية نهج بائس وتكتيك عقيم !

Quote: الشرق لم يفوض كوزا ليتحدث بالنيابة عنه !

إنت منو أداك التفويض عشان تتحدث بإسم الشرق يا جدادة الخلا؟؟؟؟

شوف صراعات ده بتاع كوز وشيوعي وطائفي ما شغالة معانا, وما فاضين ليها, ونعتبرها قضايا إنصرافية

إنت مواطن من الشرق أهلا وسهلا, ما من الشرق ما عندنا معاك قضية وما تهمنا كوزنتك ولا شيوعيتك

جربناهم كلهمو زي ما بيقولوا كل عند العرب صابون, ما فرق!

الثورة يا اخ كمال ليست منهجا اكاديميا حتى تكون لها أهدافا ثابتة ومحددة ، فالثورة في الجزائر وفي مصر وحتى ثورة اكتوبر وانتفاضة ابريل في السودان تختلف أهدافها من ثورة السودان الحالية، مكونات الثوره الواحدة في السودان أيضا تختلف أهدافها باختلاف توجهات عناصرها ويظهر ذلك في اختلاف وتأخر الإعلان الدستورى ومن بعده التشكيل الوزاري، ذلك أن أهداف الحركات المسلحة تختلف من توجهات حزب الأمة تختلف من توجهات حميدتي تختلف من توجيهاتك انت تختلف من توجهاتي انا وعلي ذلك تتباين الأهداف..
قد يكون الهدف العام وهو التغيير يجمعنا، ولكن أهداف الثوار التفصيلي فيما بينهم مختلفة الي يوم الدين، فمثلا انا رغبت في تغيير نظام الإنقاذ بهدف إنهاء مرحلة المحسوبية والشمولية والفساد، فقط هذه أهدافي، ولو ان حكومة الإنقاذ نفسها حققت لي هذه الأهداف من خلال نظام عادل شفاف وانتخابات حرة نزيهة واستغلال حميد للسلطة يمنع الفساد لعضيت على بقائها بالنواجذ، هذه الأهداف تجعل مني زاهدا في السلطة زاهد في الانتقام زاهد في الاقصاء، ولو ان اي جماعة تولت السلطة وقامت بنفس الأفعال لناضلت ضدها حتى تسقط وان كانت اهلي وعشيرتي، وان كانت اي جهة في السلطة حققت لي هذه المادي لايدتها وان كانت من الكيزان، انا حاليا وباختصار غير منتمي أو متعاطف مع أي جهة ولا أجد فضلا لحمدوك على البشير الا بتلك المبادي والأهداف..
غيري يرى في أهدافي تافهة وهذا حقه ومستحقه، فالصادق المهدي ايد الثورة لكي يحافظ على زيد وعبيد في قمة الدولة، وبعض الزعماء ايدها لانه يكره الكيزان وحسب، وكثير ايدوها بدافع عقدي أو حزبي، والبعض لا يؤيد الا ثورة تجعل منه قائدا أو اميرا، فكلكم ثائر وثورته فيما ثار لها..
نجي لايلا، وكما قلت لا أعرفه شخصيا ولكن اعلم ان له مؤيدون كثر في الشرق وولاية الجزيرة، واعلم انه رجل مهام، وان كان له فساد فالقضاء والأيام كفيلة بكشفها وابداله السجن بدل السلطة، ونحن نعلم ان اغلب رجالات الإنقاذ كانوا مسيرين وليسوا مخيرين، فما الذي يمنع توليهم امر البلد اذا تابوا وأصلحوا وعملوا عملا صالحا، الشيوعيون قبلهم افسدوا وقتلوا ودمروا وهاهم في السلطة الان، وحزب الأمة فسد وتكالبوا على العطايا وااتعويضات وفرطوا في الديمقراطية وهاهم الان حكام ووزراء، وبعض كوادر الحركة الشعبية كانوا في السلطة خمسة سنوات وهاهم اليوم وزراء ومستشارين..
الاقصاء هو الاقصاء يا اخ كمال، وان كان الكيزان قد اضلوا الناس وحرموهم حقوق مواطنتهم بدافع التمكين وعدم العمل لاهداف ثورة الإنقاذ، فها انت تمارس نفس ال################ة السياسية تحت غطاء الشرعية الثورية.

اللخبطة الحاصلة الكوز داك اسمه محمد طاهر إيلا
والجديد اسمه أحمد محمد طاهر
الاسماء متشابهة والشخصين مختلفين

حبابك بلال الطاهر رقما مهما من الشرق..
مرحبا النذير حجازي، عفوا كتبتها بالخطأ في بوست اخر..
المهم المخرج ده كان لحقتنا بيهو من الصباح ما كان وصلنا للنحن فيهو ده.. ههه
شكرا يا أصحاب على صبركم علي هذه الافتراضات

لا عمر التاج
التعويم لا يجدي
سؤالي واضح ومحدد هو مدي الإيمان والاقتناع بأهداف الثورة -اهداف الثورة العامة !
تغيير حكم الإنقاذ ودولة الخزب الواحد ووماخربته الإنقاذ - من أهم أهدافها هو التغيير ودولة المواطنة والمؤسسات والحرية والعدالة والسلام فهل يؤمن إيلا بالأهداف العامة بالثورة ؟انت سبق ان أقررت واعترفت انك لاتعلم هذا ! وقد قلنا انك ان لم تكن. تؤمن وتقتنع. بأهداف الثورة فلا بمكن ان تنفذها او تؤتمن عليها !
هذا امر بديهي وابحدي لايحتمل اي لجاج !

ثانيا ليس بالضرورة ان تكون عضوا. او مؤسسا لتحالف قوي الحرية والتغيير او موقعا علي إعلانها حتي تكون عضوا بالبرلمان فثلث البرلمان سيذهب لمن يؤيد الثورة خارج. قوي الحرية والتغيير !

فا يلا لم بكن في عير قوي الحرية والتغيير او نفير القوي الثورية خارجها -وهو لم يعلن قناعة بالثورة. او بالتغيير فكيف تتوقع ان يوضع في موقع تنفيذ لوضع ثوري اطاح بحزبه ؟وتتناقض أهدافه مع اجندة حكم الإنقاذ؟
*
اقصاء؟
هناك من أقصي نفسه بنفسه وبمواقفه !
فهل تتوقع ان ان ندفع برموز الإنقاذ -ممن خططوا ونفذوا الانقلاب. في صدارة الحكم الثورة دفعا لشبهة الإقصاء؟

هناك من وقف ضد الثورة والتغيير وتمسك بهيمنة الحزب والشمولية. والاستبداد -فهل تدعو لاستيعابه ؟

لا تقصوا احمد هارون لاتقصوا بكري حسن صالح ولا علي عثمان ولا نافع ولا الصف الأول للمؤتمر الوطني !
وان فعلتم فأنتم شموليون واقصاءبون ؟
هل هذا فهمك للإقصاء ؟
توزير من يرفض الثورة والتغيير ! وان رفضتم توزيره فأنتم دعاة إقصاء !!

لا عمر التاج
التعويم لا يجدي
سؤالي واضح ومحدد هو مدي الإيمان والاقتناع بأهداف الثورة -اهداف الثورة العامة !
تغيير حكم الإنقاذ ودولة الخزب الواحد ووماخربته الإنقاذ - من أهم أهدافها هو التغيير ودولة المواطنة والمؤسسات والحرية والعدالة والسلام فهل يؤمن إيلا بالأهداف العامة بالثورة ؟انت سبق ان أقررت واعترفت انك لاتعلم هذا ! وقد قلنا انك ان لم تكن. تؤمن وتقتنع. بأهداف الثورة فلا بمكن ان تنفذها او تؤتمن عليها !
هذا امر بديهي وابحدي لايحتمل اي لجاج !

ثانيا ليس بالضرورة ان تكون عضوا. او مؤسسا لتحالف قوي الحرية والتغيير او موقعا علي إعلانها حتي تكون عضوا بالبرلمان فثلث البرلمان سيذهب لمن يؤيد الثورة خارج. قوي الحرية والتغيير !

فا يلا لم بكن في عير قوي الحرية والتغيير او نفير القوي الثورية خارجها -وهو لم يعلن قناعة بالثورة. او بالتغيير فكيف تتوقع ان يوضع في موقع تنفيذ لوضع ثوري اطاح بحزبه ؟وتتناقض أهدافه مع اجندة حكم الإنقاذ؟
*
اقصاء؟
هناك من أقصي نفسه بنفسه وبمواقفه !
فهل تتوقع ان ان ندفع برموز الإنقاذ -ممن خططوا ونفذوا الانقلاب. في صدارة الحكم الثورة دفعا لشبهة الإقصاء؟

هناك من وقف ضد الثورة والتغيير وتمسك بهيمنة الحزب والشمولية. والاستبداد -فهل تدعو لاستيعابه ؟

لا تقصوا احمد هارون لاتقصوا بكري حسن صالح ولا علي عثمان ولا نافع ولا الصف الأول للمؤتمر الوطني !
وان فعلتم فأنتم شموليون واقصاءبون ؟
هل هذا فهمك للإقصاء ؟
توزير من يرفض الثورة والتغيير ! وان رفضتم توزيره فأنتم دعاة إقصاء !!

تحياتي عمر التاج
شفت كيف الجماعة دخلوا يمين شمال دون حتي أن يتحققوا من الإسم

أنا داير أطمئنكم ناس الشرق, مش وزراة البنية التحية ده ناس الشرق ما دايرينها

خلوها تنفعكم!

Quote: شفت كيف الجماعة دخلوا يمين شمال دون حتي أن يتحققوا من الإسم

شنو الاسم؟

Quote: اللخبطة الحاصلة الكوز داك اسمه محمد طاهر إيلا والجديد اسمه أحمد محمد طاهر الاسماء متشابهة والشخصين مختلفين

تحياتي عمر التاج
شفت كيف الجماعة دخلوا يمين شمال دون حتي أن يتحققوا من الإسم
ـــــــــــــــــــــــــ
صاحبك عمر دا هو الجاب الخبر دون ان يتاكد وليس الجماعة ...

نحن قلنا الخبر ما عايز تأكيد ، اي زول عندو حس سليم
بيعرف انو خبر مضروب وكاذب ، بل مستفز ...

وجه كلامك لعمر بدل دفن راسك في الرمال

ايوة عبد اللطيف!
من نقل الخبر مغلوطا هو عمر التاج ويمكن اغلب الناس اكتفت بالتعليق علي تاييد عمر التاج لاستوزار السادن ايلا ورفض مبدأ استوزار من يرفض الثورة والتغيير !
دا عن عمر التاج أما كوادر الكيزان والفلول التي بدأت تنشط تحت لافتات جهوية وقبلية. تمريرا لخط الكيزان فقد قلنا عنها !
(هناك كيزان وعقليات كيزانية واسلامويوية تعمل علي النيل. من الثورة والطعن في قومية حكم الثورة وتوجهها الوطني بالترويج والتسويق لرموز العهد البائد وأدوات حكم الإنقاذ - يفعلون ذلك تحت ستار الغيرة علي الشرق ودارفور ومراعاة مصالح هذه المناطق !-
نعم لكل صوت وطني وثوري يقف مطالبا بالتمثيل الجهوي العادل ورفع التهميش وصياغة تشريع تحقق التنمية. المتوازية والمشاركة العادلة في السلطة. والثروة والفدرالية الحقيقية فهذا حق مشروع !
ولكن اي محاولة للنيل من الثورة خدمة لأجندة الكيزان او تسويق لأجندة . الإنقاذ ورموزها تحت ستار جهوي او قبلي. -اي محاولة كهذه سيتم التصدي لها بحزم وفضحها وتعريتها ! رفع الكوزنة نهجا او رموزا علي آسنة رماح الجهوية والقبلية نهج بائس وتكتيك عقيم !

Quote: وجه كلامك لعمر بدل دفن راسك في الرمال

طبعا الغلطة غلطة عمر, لكنه كان موضوعي في طرحو
بس كلامي كان في الناس الكتبوا هنا خارم بارم يا فيلسوفنا

Quote: قال عضو مجلس السيادة الفريق ركن شمس الدين الكباشي، إنّ مجلس السيادة اعتمد”19″ وزيرًا، وليس”18″ وزيرًا. وأضاف” لا يوجد سبب لأي ّ جهة أنّ لا تعلن عن وزير البنى التحتية أحمد محمد طاهر. وشدّد الكباشي في تصريحاتٍ لصحيفة السوداني الصادرة اليوم”السبت” على أنّ رئيس الوزراء ليس لديه الحق في عدم الإعلان عنه لأنّ هذا مرسوم دستوري وتمّ اعتماد الوزراء بحضوره، مشيرًا إلى أنّه تمّ استكمال جميع جوانب التشاور بين المكّون العسكري وقوى الحرية والتغيير ورئيس الوزراء الذي رفعها لمجلس السيادة معتمدًا”19″ وزيرًا. وأضاف” لا يوجد سبب يجعل رئيس الوزراء لا يعلن عن وزير البنى التحتية”.

الخبر ده انا اول واحد نزلته في البورد..
بس الي الان ما بعتبره عنصر فض لاشكالات الخبر
بس قلنا نجاري الموجة..
كلام سعادة العميد فوق كان كلامه واضح
ويبقى حديثنا عن مبدأ عدم الاقصاء راسخا عند أي حكومة أو نظام طالما القانون في..
موضوع الإيمان بأهداف الثورة علقت عليه باسهاب..
و ساضرب مثلا برجلين، الحلو وحميدتي..
أي رجل أمن فيهم أمن بكل مبادى الثورة أو تم رفضه في الحكومة؟
حميدتي الان فوق هرم سلطتك، والحلو لو طلب اي وزارة لنالها..
وحتى مناوي الكان مشارك في الإنقاذ ممكن يستوزر لو دعك شوية..
أهداف الثورة المفصلة لا يمكن الاتفاق عليها..
والهدف الوحيد المتفق عليه هو التغيير..
المحاسبة وكنس النظام السابق ليست امنيات فرد أو وزير، بل عمل مؤسسات ونظام.

عمر التاج دا لسه شغال لفح ونقل اخبار ملغومة للمنبر
من خبر الحركات المسلحة العاوز تهاجم في أول أيام الثورة
وبلع خبره وخشمه ملح ملح وقتها
جاي تاني يغوس عواسة صبية الكيزان المطاليق
بعدين جايب ليه فلهمة ويستنكر الإقصاء
دي ثورة يا العشا بلبن
دي شنو؟ دي ثورة
وثورة ضد الكيزان ومنهم ايلا بتاعك دا
ما يشمها كان نطط طول الفترة الإنتقالية يجهز نفسة للمحاكم
الكيزان سقطوا سقوط سياسي وأخلاقي
ينتظروا المحاكم بس مافي كلام تاني
العدالة الإنتقالية وتطبيق القانون على الفاسدين
واللصوص والمجرمين من الكيزان
جاي تقول حمدوك اتواصل مع ايلا
ياخي ما تنقل كلام فارغ للمنبر