دبابيس من صحف اليوم 06 سبتمبر 2019 م

05:22 PM September, 06 2019

سودانيز اون لاين
Abdulhaleem Osman-Sudan
مكتبتى
رابط مختصر

..
...
🎼 ياخ دا حمدوك والا جيمس لاست:
👈 تتذكروا مقطوعة (جيمس لاست) التي كانت تستخدم كمقدمة لبرنامج الصلات الطيبة؟
اتذكرتها البارح وانا اشاهد المؤتمر الصحفي الذي اعلن فيه د. حمدوك التشكيل الوزاري....
ياخي قمة الطرب والجمال ، اسماء وسير (جمع سيرة) ذاتية تفتح النفس وتعطي الأمل...
وزراء ليس فيهم من كان ميكانيكي في القضائية ولا منهم من جاء عن طريق البندقية خبراء وليسوا بخوابير...
حمدوك لم يجاوب على اسئلة الصحفيين ولكنه عزف مقطوعة موسيقية نقلتنا من قاع ودرك هتاف (فلترق كل الدماء) الى فضاءات الحرية والأمل.....
ياخي دا يقولوا له في تيارات سياسية اعلنت رفضها للحكومة ودعت لاسقاطها.
يرد يقول: ما نخاف من الخلاف ويقول: المعارضة مفيدة للحكومة وضرورية...
سبحان الله طول عمرنا نسمع انه المعارضة خونة وعملاء وايادي للمخابرات الاجنبية وأذناب لاسرائيل .... لدرجة انه الواحد قرب يشك في نفسة انه عميل.....
ودا كوووولو كوم وكلامه انه: (مصلحة السودان) هي المعيار للتعاون مع الدول الاخرى دا كوم تاني....
📌 الله لا جاب باقيهم شابكننا انه امن الدول التانيه خط احمر ومصالحها مقدمة على مصلحة السودان وهم قابضين التمن وخاتينو تحت المخدة...
قرف يقرفكم زي ما قرفتونا 30 سنة
.
.
⁉ البديل منو؟:
👈 بالنسبة للناس ال كانوا بي يقولوا لنا البديل منو...
كيفكم ان شاءالله طيبين
عرفتوا البديل منو والا لسع الغيبوبة ماسكاكم ؟
شوفتوا التشكيل الوزاري دا؟
شوفتوا رئيس الوزراء دا ؟
📌 شوفتو ولاء البوشي.... قديتونا بي البقر ابو كارينه خضراء
.ه.
.ه.
📰 التيار:
👈 بعد طول انتظار..الحكومة الانتقالية ترى النور
📌 عقبال ما نحن نرى النور بعد تشكيلها
.
📰 التيار:
👈 حمدوك يعلن حكومته ويرجئ تسمية وزارتي ”الثروة الحيوانية والبنى التحتية”
📌 الكوز اب سيخة قرب ينط فيها لكن لقاها محروسة
.
📰 التيار:
👈 إعلان حكومات الولايات قريبًا.
📌 حكومات الولايات دي بالذات مفروض المرشحين ليها بعد يتغربلوا نغليهم ونصفيهم بي قطعة شاش
.
📰 التيار:
👈 رئيس الجبهة الثورية: تشكيل الحكومة خطوة إيجابية
📌 خلاص قرب تعال ما تبتعد
.
📰 الجريدة:
👈 القبض على شركات تعدين عشوائية بجنوب كردفان
📌 زي دي زمان ياخدوا منها الفيهو النصيب ويفكوها
.
📰 الجريدة:
👈 مليونية استقلال القضاء تطالب بالقصاص للشهداء والبحث عن المفقودين
📌 مطالبة مشروعة
.
📰 الجريدة:
👈 لجنة المعلمين تسلم حمدوك مذكرة خاصة باستئناف العام الدراسي
📌 نؤيد مطالب المعلمين ولكن استئناف الدراسة مطلوب
.
📰 السوداني:
👈 البرهان: إحداث وقيعة بين مكونات القوات المسلحة مستحيل
📌 الوقيعة في حاجة ما حبابها
.
📰 السوداني:
👈 “الشعبية” بقيادة الحلو تقرر الدخول في مفاوضات مع الحكومة
📌 ماشي كويس الحلو
.
📰 السوداني:
👈 انخفاض أسعار الدولار في السوق الموازي
📌 السوق الموازي دا حا ينتهي متين ؟
.
📰 السوداني:
👈 عصام البشير يكشف ملابسات اتهامه بغسيل الأموال
📌 مع تحيات حماده عباسية
.
📰 السوداني:
👈 رئيس السيادي: الأجهزة الأمنية ترصد تحركات ”الوطني”
📌 ارصدوا ونحن نرصد معاكم
.
📰 السوداني:
👈 جوبا تستضيف مفاوضات مرتقبة بين الحكومة والحركات المسلحة
📌 قوم سافر جوبا
.
📰 الانتباهة:
👈 إعلان”18″ وزيرًا وإرجاء وزارتين
📌 18 وزير لكن الوزير منهم يساوي 100 من نوع الكشى مشى الكانوا حاكمين 30 سنة
.
📰 الانتباهة:
👈 حمدوك: تعيين الولاة بشكل مستعجل
📌 ما عاوزين حاجه بشكل مستعجل
.
📰 الانتباهة:
👈 تأجيل تسمية”6″ وزراء دولة
📌 ما عندكم مكان لاولاد سيدي واولاد الامام؟
.
📰 الانتباهة:
👈 وزير المالية لـ”الانتباهة”: هيكلة الجهاز المصرفي ومعالجة عجز الموازنة والتضخم الانفجاري
📌 تنظيف البنك المركزي ووزارة المالية من اصابع الحرامية أعجل واهم
.
📰 الانتباهة:
👈 الحكومة: لكل شخص الحق في التظاهر وإسقاط الحكومة بالقانون
📌 بالغانوووون
.
📰 الانتباهة:
👈 سلفاكير لـ”الثورية”: نحن معكم حتى لو فشل تفاوضكم مع الخرطوم
📌 نفهم من كدا انه مطلوب منهم يفشلوا؟
.
📰 الانتباهة:
👈 البرهان: دولة لا تحترم جيشها عليها أنّ تستعد للعق أحذية الغزاة
📌 وجيش لا يحترم شعبه افضل منه الغزاة فظلم ذوي القربى اشد مضاضة على المرء من وقع الحسام المهند
.
📰 الانتباهة:
👈 مشاورات بين رئيس الوزراء والحركات لاختيار رئيس مفوضية السلام
📌 غيروا لنا اسم (مفوضية) دا
.
📰 الصيحة:
👈 إبراهيم البدوي للمالية..وجمال عمر للدفاع .. والطريفي للداخلية و”مدني” للصناعة
📌 جمال والطريفي ديل يتحمل مسؤوليتهم العسكر
.
📰 الصيحة:
👈 فيصل للإعلام و”البوشي” للشباب و”منيس” لمجلس الوزراء وأسماء للخارجية والتوم للتربية
📌 اسماء تفتح النفس
.
📰 الصيحة:
👈 “الصيحة” ترصد حملة المقاطعة للحوم في يومها الأول
📌 ان شاءالله تكون عفنت
.
.
📌ابووضاح