المناصير وحكاية تعليم البنوت(قصة قصيرة(

08:52 AM September, 06 2019 سودانيز اون لاين
منصوري-
مكتبتى
رابط مختصر

(adsbygoogle = window.adsbygoogle || []).push({});المناصير كانت يعلموا البنوت الفتوات الزغاريد فى الخلا فى رعية الغنم وسيلة من وسائل الاتصال الجماهيري،، وسيلة الاتصال الجماهيري دى ، بيدرسوها فى كلية الإعلام ،، ليه يعلموهن فى الخلاء ،، عشان لو واحدى غلطت ،قلبت زغريدة الفرح بكاء، الناس ما تتهجول ،،وتكون معاهن مرة كبيري تشرف على تعليمن ،، وعشان ما يخجلن ذاتو ؟ ليه البنوت الفتوات بالذات ؟ عشان مرشحات الواحدى قريب تكون ربة أسرة ،، واذا بقت ربة اسرة ،، تكون مسؤولة عند المجتمع المنصوري ، لها حقوق وعليها واجبات ،، بقت مرة خلاص ربة منزل ، سوف تخرج أجيال ،،قبل ما تعرس تكون اخدت كورس مكثف تتعلم فيه كيف تدير شؤون بيتها 1 عمرها 4 سنوات تكون اتعلمت العوم 2 عمرها 7 سنوات تكون اتعلمت كيف تغسل الهدوم ، تحلب الغنم ، تحش القش من الجرف، تشيل قفة القش مع امها ،، اتعلمت عواسة الكسرة ، والقراصة ، وعمل الطبيخ والملاح المفروك 10 سنوات اتعلمت الزغاريد ،،،،،فى رعية الغنم فى الوديان فوووق فى الخلا تسوقن مرة كبيري من الحلي تعلمن الزغاريد ،،عشان قلنا بعدين الواحدى لما تتزوج عندها ضريبة تأديها للمجتمع،،، زى حكاية الاسعافات الاولية ،، وقع زول قداما ،، تزغرد زغريدة بكاء ،،، ويييييوى ويوووووووى ،، عشان الناس يجوا يسعفوه،، وقع زول فى بير ،،،، زول جاء من السفر عليها واجب تفرح الناس تزغرد زغريدة فرح يوووووويا لاحظ زغريدة الفرح قصيرة عندنا وآخرها يا ء طالعة ،، برضو عشان تحفظ حقها فى ( البشارة ) عند المناصير عادة البشارة كتيرة خلاصالشنط طلعوبه الحدارة والولاد اخدوها البشارة ،،،،،لاحظ كلمة طلعوبة الحدارة ،، اى طلعوا بها الحدارة ،، وهنا كلمة طلعوا بها تدل على ان المسافر اغراضه طلع بها القيف الى اعلى مكان قريته ، مما يدل ان المسافر قد عاد من السفر بوسيلة نقل اللنش،، او المركب،،،،،أما لو قال شاعرهم الشنط نزلوبة الحدارة هذه تدل على ان المسافر عاد عن طريق الطوينة باللوري ونزلوا بها حدارة الطوينى نحو مركب ود موسى رحمه اللهوهذا مالم يقوله شاعرهم ،، نزلوبه،،،،،،،عادة البشارة كتيرة عند المجتمع المنصوري،، قال صلى الله عليه وسلم فى حديث بإسناده ، بشروا ولا تنفروا،، من هنا تأتى البركات لهذا المجتمع المنصوري الذي يكاد يكون حتى عهد قريب مجتمعا مغلقا ،،ومنغلقا ،، بسبب عوامل الطبيعة التى ساقها الله اليه لترسخ التربية فى هذا المجتمع لشىء يريده الله اليه،، فعادة الزغاريد انتهت الآن مع هذا الانبهال الحضاري الغريب،، له ما له وعليه ما عليه،،وغرقت عادة تعليم البنات الفتوات مع جذوع النخل فى قاع بحيرة المناصير المغمورة بمياه السد اللعينة ،،بس فضلت الناس يضربوا بيها المثل فى قروبات الواتساب،، يجوا بعض الناس يكوركوا ويقولوا كلام اى كلام ويصيحوا ويطلعوا وقليلا ما يحاسبوا ،، مرات كلام خارم بارم ،،مجرد كلام تقولوا تردمو وتطلععشان كدا واحد من المناصير قال (كتابة الواتساب زى علييم البنوت الفتوات الزغاريد فى الخلاء) تجى تزغرد فى الواتساب دا قدر ما تزغرد وتمشى تنوم ) تكورك تكورك تزغرد يردد معها صدى جبال وادى كبنة او وادى الشلال او وادى عصمة او خور حنون ،، الكربكان،، خلولى ،، اب سلم ،، اى وادى من وديان المناصير ،،تزغرد زى ما تزغردصديق عبد الله علي ابوحنة( منصوري)
[email protected]

ناسنا قدروا يخلقوا مجتمع مهذب جدا