دبابيس من صحف اليوم 05 سبتمبر 2019 م

03:23 PM September, 05 2019

سودانيز اون لاين
Abdulhaleem Osman-Sudan
مكتبتى
رابط مختصر

.
.
📄 دعوة التلفزيون للحضور:
👈 نرجو من السيد المسؤول عن توزيع الدعوات ارسال دعوة لتلفزيون (السودان الشقيق) لحضور مؤتمر اعلان التشكيل الوزاري باعتباره تلفزيون دولة جارة والجار أولى بالشفعه خاصة وسبق لامونا عشان ما رسلنا لهم دعوة لحضور المؤتمر الصحفي بتاع وزير خارجية ألمانيا ، وياريت برضو تكلموهم انه وزير خارجية فرنسا جايي بكرا عشان لو عاوزين يتحننوا ويتجيهوا للمقابله يبدوا من بدري....
📌 ونحن بدورنا نؤكد لهم خلو المكان من خفافيش الظلام
.
.
📄 (قحت) لا ترحم:
👈 زمان كان في فيلم اسمه (ترينتي لا يرحم) وهو أحد أفلام الكاوبوي الشهيره و (ترينتي) هذا راعي بقر ذو بنية قوية وملامح قاسية وسريع في استخدام السلاح ومطلوب للعدالة...
أصيب حصان (ترينتي) في معركة على مدخل المدينة ومات الحصان فحمل ترينتي السرج (كعادة الكاوبوي عندما يموت حصانه) ودخل الى المدينة ماشيا ودلف الى الفندق الوحيد في المدينة ووقف أمام موظف الاستقبال وطلب غرفة ليرتاح فيها....
نظر الموظف الى شكل الرجل الواقف امامه وشعر بانه سيدخل في مشاكل ان سمح له بالبقاء في الفندق فقال له لا توجد غرفة خالية فوضع ترينتي مسدسه على الكاونتر وقال له اريني الدفتر...
فأراه الموظف الدفتر ، فما كان من ترينتي الا أن أخذ القلم من جيب الموظف وشطب على أحد الأسماء وقال له هذه الغرفة الآن فاضية....
فوافق الموظق خوفا وذهب به الى الغرفة وطلب من النزيل الموجود فيها أن يغادرها درءا للمشاكل.....
📌 تقريبا (قحت) شغالة بالمنطق دا في موضوع توزير مدني عباس مدني.... مالقوا طريقة يعينوهو وزير مجلس الوزراء طوالي شطبوا وزير الصناعة وقالوا عينوهو وزير صناعة....
.ه.
.ه.
📰 التيار:
👈 أخيرًا...إعلان حكومة حمدوك اليوم
📌 يا قوي تجيبوا قوي
.
📰 التيار:
👈 أوّل تعليق رسمي لـ”الشرطة” حول مفقودي فضّ الاعتصام
📌 بس ان شاءالله مايكون ف (ولد فأراً)
.
📰 التيار:
👈 قرار مفاجئ بإقالة مدير شركة زادنا العالمية
📌 زادنا دي اصبروا لي عليها شوية جاييكم ليها
.
📰 التيار:
👈 إضراب عام يشلّ سوق كسلا والتجار يطالبون بخفض الضرائب
📌 يارب هباهوك
.
📰 الجريدة:
👈 اختفاء”11″ ألف جوال دقيق من حصة”ودراوة” واتهام نافذين بالمحلية
📌 ديل نافذين شغالين بي نظام على مستمعينا في الأقاليم مراعاة فروق الوقت
.
📰 الجريدة:
👈 الشيوعي: دول عربية استقطبت قيادات بـ”الحرية” للهبوط الناعم للثورة
📌 مافي حاجه اسمها دولة عربية قولوا اسمها طوالي زمن الغتغته والدغمسة انتهى
.
📰 الجريدة:
👈 وقفة احتجاجية للمطالبة بإطلاق سراح موسى هلال
📌 موسى هلال دا كان اطلقوا سراحه في ناس تانيين سراحهم بي يتجهجه
.
📰 الجريدة:
👈 عرمان يعلن جاهزية الجبهة الثورية للتفاوض من أجل السلام في السودان
📌 خلاص تعالوا الخرطوم تاني مافي داعي لي أديس وغيرها من مدن العالم
.
📰 الانتباهة:
👈 اعتماد القائمة النهائية للحكومة وإعلانها اليوم
📌 اللهم اجعلها قائمة خير وبركة
.
📰 الانتباهة:
👈 تورّط أحد أشقاء المعزول في خصخصة الميناء الجنوبي
📌 والله الواحد بقى يخاف على خصوصياته ما يجي يوم يلقى واحد من اشقاء المعزول متورط فيها
.
📰 الانتباهة:
👈 انخفاض توليد الكهرباء إلى”50%”
📌 يعني الباقي كم في المية باختصار كدا؟
.
📰 الانتباهة:
👈 عملية شراء غامضة بالمليارات للدولار في العاصمة
📌 والله الناس العندهم مليارات في البلد دي معروفين
.
📰 الانتباهة:
👈 حملة إقالات لقيادات الصناعات الدفاعية وإقالة مدير”زادنا”
📌 شامي في الاقالات دي ريحة يلا اتخارجوا قبل ما يقبضوكم
.
📰 الانتباهة:
👈 عرض المرشحين على السيادي اليوم وإعلان الحكومة
📌 زمان بس يشاوروا وداد وحاجة هدية الله يرحمها
.
📰 الانتباهة:
👈 الحلو: سنتعامل مع حكومة حمدوك
📌 حلو يا الحلو
.
📰 الانتباهة:
👈 سلفاكير يجمع كل المعارضة المسلّحة السودانية في جوبا
📌 استنوا (أممما نشوف عا يعمل ايه) على قول الصعيدي
.
📰 السوداني:
👈 عبد الواحد لـ”السوداني”: حميدتي ليس مجرمًا وعقلية المهدي كعقلية البشير
📌 بالعكس المهدي لما يشعر بانه في انقلاب جايي عليه قاعد يعمل غمران لكن البشير كان قايل نفسه حا يسلمها عيسى
.
📰 السوداني:
👈 ماركون يدعو حمدوك لزيارة فرنسا
📌 واكراما لهذه البادرة نقترح تغيير اسم شارع عبيد ختم لشارع الشانزليزيه
.
📰 السوداني:
👈 الشرطة توقف المتهمين في فيديو نهب”متجر موبايلات بالرياض
📌 يلا دا مسلسل جديد بدل فيديو المنشية
.
📰 السوداني:
👈 الشيوعي يعتزم تقديم طعن دستوري ضد تعديل الوثيقة الدستورية
📌 تموتوا في الطعين
.
📰 الصيحة:
👈 “الصيحة” تزور”ليبا” وتتقصّى حول الـ”82″ ألف دولار
📌 بالغانون؟
.
📰 الصيحة:
👈 رئيس الوزراء يوقف التعيين والنقل والانتداب بالمؤسسات الحكومية
📌 يعني بالعربي كدا كل كوز يقعد فوق زيره لحدي ما نجيب بدله كباية قزاز
.
📰 الصيحة:
👈 وكيل الكهرباء يعتذر ويكشف أسباب القطوعات
📌 تِعِب والله
.
📰 الصيحة:
👈 قيادي بـ”الإصلاح الآن” يطالب بعلاقاتٍ علنية مع إسرائيل
📌 اقتداءً برجب طيب اردوغان
.
📰 الصيحة:
👈 “الشيوعي” يتراجع ويعلن المشاركة في الحكم المحلي
📌 فرصة يحقق وجود في الأقاليم والأرياف
.
..
📌ابووضاح 📌