Post: #1
Title: عودة عموم اهلنا الاثيوبيين الي اثيوبيا بعد التقدم السريع
Author: Osman Musa
Date: 09-02-2019, 09:24 PM
Parent: #0
09:24 PM September, 02 2019 سودانيز اون لاين
Osman Musa-
مكتبتى
رابط مختصر
صعب تلاقي حجز طيران من الخرطوم .
صعب تلاقي حجز في بص . زحمة شديدة .
وظايف كتيرة في مجالات عديدة فتحت في
المدن الحبشية .
ربنا يحفظ الشقيقة اثيوبيا .
|
Post: #2
Title: Re: عودة عموم اهلنا الاثيوبيين الي اثيوبيا �
Author: مدثر صديق
Date: 09-03-2019, 06:17 AM
Parent: #1
سلام
غايتو لو مشيت للقريشة و اجزاء من باسنده حا تشوف عشرات الاثيوبيين يعبرون الحدود الاثيوبية تجاه السودان يوما فيهم عدد قليل يرجع يوميا للمبيت في اثوبيا اما الاكثرية فرحلتهم ذات اتجاه واحد ...فقط الى السودان ...
|
Post: #3
Title: Re: عودة عموم اهلنا الاثيوبيين الي اثيوبيا �
Author: Osman Musa
Date: 09-03-2019, 08:48 AM
Parent: #2
الاخ مدثر سلامات
يازول العالم كلو متابع التطور الحاصل في الشقيقة اثيوبيا .
و حركة العودة في الخرطوم والاستعدادات للعودة واضحة . وربك يسهل عليهم
|
Post: #4
Title: Re: عودة عموم اهلنا الاثيوبيين الي اثيوبيا �
Author: مدثر صديق
Date: 09-03-2019, 09:27 AM
Parent: #3
اخي عثمان
لو زرت الحدود الاثيوبية السودانية لرايت العجب ........
اعتقد ان التنمية في اثيوبيا لسه في بداياتها .........
انا حاولت في ردي ان اقلل من عبور اعداد من الاثيوبيين للسودان .......
اتمنى ان تتصلل بمن تعرفه في اي من محليات القريشة و باسنده لتمسع منهم ......
الامر الاخر
البضائع السودانية تهرب بصورة لاتصدق يوميا من السودان لاثيوبيا من دون خضوع لاى اجراءات حكومية .......
تصنيف البنك الدولى لاثيوبيا :
مستوى الدخل: شريحة البلدان منخفضة الدخل
اما السودان
مستوى الدخل: الشريحة الدنيا من البلدان متوسطة الدخل
نصيب الفرد في السودان من الدخل القومى 1560 دولار
اما اثيوبيا فنصيب الفرد من الدخل القومى 790 دولار
|
Post: #5
Title: Re: عودة عموم اهلنا الاثيوبيين الي اثيوبيا �
Author: احمد عمر محمد
Date: 09-03-2019, 10:06 AM
Parent: #4
استاذ عثمان موسى تحياتي
غايتو ما يقال عن اثيوبيا انا اعتبرها كلام جرائد
وليس من راى كمن سمع
عملت ترانسيت خمسة ايام في اديس كرهت معاه اثيوبيا
اكتشفت ان الاعلام ضخم التطور باكثر مما هو في الواقع
ما زال الالاف يفترشون الشوارع و السرقة و التعدي عينك عينك
والفاقة باينة في وجوه الكثيرين في الطرقات يسالون الناس و من ثم
ينهبون
اضطررت ان امكث ايامي في الفندق حتى حان وقت السفر
لكن كل شخص له منظار يرى من خلاله
|
Post: #6
Title: Re: عودة عموم اهلنا الاثيوبيين الي اثيوبيا �
Author: Osman Musa
Date: 09-03-2019, 10:50 AM
Parent: #5
الاخ احمد سلامات
الحاصل في اثيوبيا في تغيير لي الاحسن في الخمسة سنوات الفاتت
وبي النسبة ليهم هم دي حاجة ممتازة . وعندهم الحماس للمشاركة في النهضة .
|
Post: #7
Title: Re: عودة عموم اهلنا الاثيوبيين الي اثيوبيا �
Author: Asim Ali
Date: 09-03-2019, 10:57 AM
Parent: #5
اثيوبيا تكاد تعانى انفجار سكانى ويشكلو علينا خطر هى ومصر بحكم الجوار وامتداد طبيعى لهم فى هذه الحاله
قصه تنميه وكده نعم فى حلركه ونمو لكن عاين للحبش الغى السودان بالذات بعد انفصل الجنوب من ريف الريف حاله من الفقر والجهل وبعدين ناس الانقاذ فى الفتره دى فتحو الباب اكتر المسلمين من الحبش لشىء فى نفسهم..لو بتذكرو انو تهريب البشر عبر الحدود كان يتردد انو يتم بواسطه نافذين .
بعدين الاثيوبيين والاريتريين ووحتى الصوماليين عندهم السودان محطه ومعبر لاولروبا وشووف اعدادهم فى سواء فى معسكرات ليبيا او من يتم التقاطهم من البحر قبل الوصول لشواطىءاوروبا .
غايتو ماعرف لو نيجيريا كانت جارتنا من الغرب كنا نبقى ساندويتش بين اكبر تلاه دول تعداد فى القاره يعنى تدريجيا حنذوب بينهم وهسى نحنا مهددين بكده بتاكل الشمال والشرق لصالح مصر واثيوبيا
|
Post: #8
Title: Re: عودة عموم اهلنا الاثيوبيين الي اثيوبيا �
Author: Osman Musa
Date: 09-03-2019, 06:29 PM
الاخ عاصم سلامات
زيادة السكان في اثيوبيا وفي اي دولة في العالم شي مفيد للاقتصاد .
|
|