|
Re: الترتر (Re: عمر أبوعاقلة)
|
كنت عايز اقول ليك شكلها .. الترتر(بكسر التائين) = البتاع البلمع داك و بزينو بيه الملابس خاصة النسائية الترتر(بفتح التائين) = دي صعب شرحها لكن عموما زي الترتحة او الزول البتكعبل و ياخد ليه مشية كدا و هو فاقد توازنو ... بعد تعبي دا كلو لقيتك شكلك قاصد حاجة تالتة .... فا شنو اشرح لينا سعادتك ....
و اخيرا السلام عليكم ياخ ...
| |
|
|
|
|
|
|
Re: الترتر (Re: almuiz mukhtar)
|
ناس الشربة عندهم طقوس وقوانين بلمو الشيرينق حق الشربة ولوازمها اها المحلات البجيبو منها العرقي دايما بتكون في اطراف المدن . حيث تقل رقابة الشرطة والمتابعة . والتواجد فيها او لو قبضوك شايل عرقي ببهدلوك . نظام عام وحراصة وجلد قدام الناس الصباح وغرامة لذا بستعينو بي زول ذو مواصفات معينة يرسلوهو الزول دة بكون خامل الذكر وعاطل وما فارقة معاهو حراصة ولا جلد . اصلا مفلس وسمعتو كعبة برسلوهو يجيب الشربة نظير انو سكرو مجان وعشاهو وبرضو بغنج ليهم بي كم الف . شغل يعني الزول دة بسموهو ترتر / تركتور ليه؟ لأنو الترتر لابوقفو طين ولا خور ولا حفرة . بخش وبمرق في اي ارض وعرة
| |
|
|
|
|
|
|
Re: الترتر (Re: Osman Awoda)
|
= Quote: عموما زي الترتحة او الزول البتكعبل و ياخد ليه مشية كدا و هو فاقد توازنو |
وطالما أن ود ابسن جاب سيرة الشوربة والشربات والشربة فإن التراكتر ذاتو لو كان شارب ديزل تقيل أصلي "وارد دنقلا" فمن الممكن أن يتترتّح ويفقد توازنو ويتكعبل ويترنح (ويِتقَسَّـــم مَقَاطِـع في المشــي ويتْحـرَّن زي فــرخ القطـا الأمَّاتو رَكَّـنْ وفرَّن).
في حالة رئيس السودان "المخلوع" والذي لم يكن يميِّز بين القيادة والقوادة فالأحق والأنسب أن يكون أسمه "الجرار".
لكم التحية .... .. .
| |
|
|
|
|
|
|
Re: الترتر (Re: Moawia Mohammed)
|
مرحبا معاوية فعلا علي البمبشتي حكم ومن اولاد كوستي ولكن البمبشتي قماش لماع جدا وهزاز وبرقش الشباب كان بلبسو قميص . ويتلاصف مع اضواء الحفل علي كان مشهور بلبسه في شبابه وكان انيقا لبيسا اخونا علي حتي اليوم انيق يوميا ستة صباحا وانا خاشي السوق بلاقيهو عند بتاع اورنيش يورنش في الجزمة
| |
|
|
|
|
|
|
Re: الترتر (Re: Osman Awoda)
|
ههههها غايتو انا مع الصادق يا مولاى اه من غلبى من النار الحرقت قلبى عاشة ووكر تحيكم من القولد برغم التوبةو قلبان الهوبة يا سنو فى حاجة اسمها السكسك يليق بكم و ده غير ام سكاسك الله لا والاك بيها
| |
|
|
|
|
|
|
Re: الترتر (Re: جلالدونا)
|
صاح يا حفيظ علي صاحب اللقب و اللقب مشي علي الياس اخوهو الحكم الياس معانا هنا في دنفر كلورادو و سكن معاي لفترة ابن خالتهم عادل عوض الله بتاع البيز مع صلاح كوستي و معانا ايضا الصديق دفعتك عبد العظيم مكاوي و زوجته رشيدة و اخوها فتحي كنغولي و نصر الدين عراقي و عصام سعيد و عيييييك كميات من ناس كوستي
| |
|
|
|
|
|
|
Re: الترتر (Re: Moawia Mohammed)
|
و الله انا زول بريء خلاص .... طالما جابت ليها شربة و شاربين و عرقي .... احسن اتخارج البوست زاتو جاب ليه ناس مشبوهين و مترددين وين كدا ما عارف ..
دخول عووضة بس للبوست خلى ريحتو كلها عرقي ... 😂😂😂😂
| |
|
|
|
|
|
|
Re: الترتر (Re: ABUHUSSEIN)
|
دي زي ديشااااك ... علي اية حال أنا باصس لغاية ما أتف السفه ... وما في زول يقول لي أعمل كبري ....
| |
|
|
|
|
|
|
Re: الترتر (Re: جلالدونا)
|
غايتو في زبون لقى البوست دا و قام اتجدع فيه ... ناس الهناي دا لم يطولو بتجيهم كاروشة .. زي الغنماية تلقاها تتحك في الحيطة ... اها في واحد بجي اتكرش في البوست دا .... الله يتوب عليكم و يشفيكم ... 😂😂😂😂
| |
|
|
|
|
|
|
Re: الترتر (Re: Osman Awoda)
|
Quote: من ناحية تاب علينا اطمن،،،بس الشفاء دا ماني خابرو |
هي انا ما قاصدك انت .... طيب الله يشفيك ياخ ....
| |
|
|
|
|
|
|
Re: الترتر (Re: ABUHUSSEIN)
|
يا جماعة خلونا نشوف موضوع العرق.... أقصد الترتر دا يمكن نطلع لينا بي معلومة مفيدة ياخ مسكتوا البوست من قولة تيت وسيدو لا هسي ما قادر ينضم أخاف بعد شوية نلقاه في نواحي خور بكري تاني غواصة ما تمرقو خلي تركتر .. !!
مودتي للجميع وأدوها صنّة شوية
| |
|
|
|
|
|
|
Re: الترتر (Re: عبدالحفيظ ابوسن)
|
ذكروني نكتة الزول الداير يحج وتكل في بورسودان
Quote: ذكروني نكتة الزول الداير يحج وتكل في بورسودان |
دي مش نكتة زمزم البير .. ولا واحدة تانية ؟؟؟؟
ثم السلام عليكم ,, وان شاء الله مجتمعين في زمزم ....
عاالم بطاالـــــــــــــــــــــــة ,,
| |
|
|
|
|
|
|
Re: الترتر (Re: محمد مجيدو)
|
Quote: ذكروني نكتة الزول الداير يحج وتكل في بورسودان |
احكيها إثراء للحوار و لإلقاء المزيد من الضوء على موضوع البوست .. أو خلي عووضة يحكيها ليكم ...
| |
|
|
|
|
|
|
Re: الترتر (Re: ABUHUSSEIN)
|
يا جلال دي جهولا ام سكاسك زاتا فعلا معاوية الياس كان حكم ومهندس في كنانة قبل هجرته . عبدالعظيم دفعة من اولي ابتدائي . فتحي ود حلتهم المرابيع واعرف رشيدة زوجته . نصرالدين المحامي الشهير ب سرتانا للاسف عصام ماعرفتو هههه غايتو جدنا عووضة وابوحسين وصلاح لقو ليهم فرصة نزلنا الراية خلاس ونزيل الراية دة تراث اندايات 😆 ياها يا مجيدو لقيتكم غايتو بتاعين فرص عاين ابوحسين داير يورطني هي ما قالو بير 😆😆😆
| |
|
|
|
|
|
|
Re: الترتر (Re: ABUHUSSEIN)
|
يا جلال دي جهولا ام سكاسك زاتا فعلا معاوية الياس كان حكم ومهندس في كنانة قبل هجرته . عبدالعظيم دفعة من اولي ابتدائي . فتحي ود حلتهم المرابيع واعرف رشيدة زوجته . نصرالدين المحامي الشهير ب سرتانا للاسف عصام ماعرفتو هههه غايتو جدنا عووضة وابوحسين وصلاح لقو ليهم فرصة نزلنا الراية خلاس ونزيل الراية دة تراث اندايات 😆 ياها يا مجيدو لقيتكم غايتو بتاعين فرص عاين ابوحسين داير يورطني هي ما قالو بير 😆😆😆
| |
|
|
|
|
|
|
Re: الترتر (Re: عبدالحفيظ ابوسن)
|
Quote: عاين ابوحسين داير يورطني هي ما قالو بير 😆😆😆 |
منو هي زمزم ... ؟؟؟ يازول عووضة بجي يحكيها لينا اصلو مارق للريبة و التلافي .... عووضة بالله احكي ليهم .... 😂😂
| |
|
|
|
|
|
|
Re: الترتر (Re: عبدالحفيظ ابوسن)
|
يا ابوحسين يااخ .. ما تخليني احكيها انا دا .. اصو انا لا بخاف ولا بختشي .... بكووبها ليكم وزي ما تجي تجي ...
عااالم بطاالــــــــــــــــــــة ,,,
| |
|
|
|
|
|
|
Re: الترتر (Re: عبدالحفيظ ابوسن)
|
= Quote: يا جماعة خلونا نشوف موضوع العرق.... أقصد الترتر دا |
لو حفرت في آخر سطور هذه المداخلة قد يحالفك الحظ في العثور على الكنز يا أبا عاقلة وقد تضع يدك على تراكترين بدلا من الاكتفاء واحد.
وعلى ذمة ود أبسن فقد تم تصميم الترتين بمواصفات فنية أفضل من كل ما أنتجته القولد ودنقلا، كما تم التعشيق والتعتيق بأخطر مما أبدعته الأيادي الرشيقة لرِيتا وأخواتها شرق الزلط أو غربه ترترين كوستي - وبشهادة ليست من عووضة ولا جلالدونا، ولا من (حاج الطيب) أو (حاج العوض) -وإنما بشهادة صادقة موثقة هذه المرة من القضاء السوداني الشامخ حائز على أرقى وأعلى معايير الجودة.
تراكترين عبد الحفيظ تجدهما إن حككت هنا
.... .. .
| |
|
|
|
|
|
|
Re: الترتر (Re: الصادق عبدالله الحسن)
|
Quote: لو شلت الياء البعد الكاف في كلمة ( يحكيها) ما عندي مانع |
هي لكن يا الفالح بعدها (لينا) كدا بتختني معاهم في الحكة ... معقولة بس ..... صاح انت خبرة و خيت لكن برضو نحن ما غشيمين للدرجة دي .. احكيها و ل بنشوف مجيدو قال جاهز ...... الناس دي كلها بايظة بس عايزين اللي يمسكم الطريق ... 😂😂😂😂
| |
|
|
|
|
|
|
Re: الترتر (Re: الصادق عبدالله الحسن)
|
عاين دا ... منتظر يشيلو ليهو اليا .. إتا يا حفيظ عاين جاي ... الترتر (اكسر التأيين) مش كان بزينو بيهو الجبون خت سته أيامالجلاكين (عووضه ومن دور حوالينو)
| |
|
|
|
|
|
|
Re: الترتر (Re: Salah Zubeir)
|
يعني يا الصادق الداهي دة بحفظ الكلام المن زمان ؟ اذكان كدة نعمل حسابنا لا يا صلاح ياخ الجبون والكزاكا بزينوهم بتعدد الوان القماش الترتر بكون في فستان العروس . ترتر بالالوان كمان واشكال وانواع واحد شكل وردة ولا سمكة وكدة بعدينك انتو البوست دة تحول بقدرة قادر لي موضوع مختلف خليتو عضم البوست ومسكتو في البودين ياخ خايف اقول ليكم زي نكتة هو زاتو مامهندس يقوم البوست ينحرف عديل برعاية عووضة وابوحسين وجلال وقيل مجيدو زاتو معاهم بمناسبة مجيدو دة انا ما مسؤول من قصتو وحكتو دي من هسة انا ماقاصد الحكاها دي ياكل نارو براهو
| |
|
|
|
|
|
|
Re: الترتر (Re: عبدالحفيظ ابوسن)
|
Quote: (حاج الطيب) أو (حاج العوض) |
اها شفت الصادق دا عايز يشتت الكورة ... اسي دي لزومها شنو ؟؟؟ دي طبعا اول بضاعة لي اخونا صلاح الزبير في المنبر ...
كدي حاولو معاه خليه يحكيها ليكم .. 😂😂😂😂 فيها همبريب بارد و طراوة و بنبر ..... 😂😂😂😂
| |
|
|
|
|
|
|
Re: الترتر (Re: ABUHUSSEIN)
|
Quote: خايف اقول ليكم زي نكتة هو زاتو مامهندس يقوم البوست ينحرف عديل برعاية عووضة وابوحسين وجلال وقيل مجيدو زاتو معاهم |
اسي عليك دينك الإنحراف الببداه منو ... ؟؟؟؟ قلت لي المسكين قال ليهم هو زاتو ما مهندس ؟؟؟؟ عوووووضة دي لو عارفا بالله قولها لينا ... عقدتنا من احكيها لينا .... 😂😂😂😂
| |
|
|
|
|
|
|
Re: الترتر (Re: ABUHUSSEIN)
|
غايتو سمع اضانى الحياكلا الدود دى سيرة الحك جات مع الغنماية ف ,,, احك يا عووضة احك عشان مع الترتر نجيب سيرة الركامة و بالذات اللونا كرتوازى و الدانتيل لمّ يكون بنفسجى داك كمان اسكت خليهو و الجورسيه الفايت الجبون طول و البوست يترمى وسط الركام يا مجيدوووووو ما تحكى دى نحنا داخرينك للتانية بتاعت الزول الشرب موية حمام السباحة باعتبارا شوربة
| |
|
|
|
|
|
|
Re: الترتر (Re: جلالدونا)
|
Quote: عالم قاعدة علي الهبشة |
عندي إحساس انو صاحب البوست بمارس (الفوكسية) بتاعتو بي مهنية عالية ... كل مرة يرمي ليه طعم و الناس تاكلو بدون ما تلوكو .. زول كوستي دا ود سوق و مقرم ....
انا غايتو قلت ليكم اهو عشان ما تجو بعدين تقولو غشانا ...
قال الترتر قال .... 😂😂😂😂
| |
|
|
|
|
|
|
Re: الترتر (Re: ABUHUSSEIN)
|
Quote: غايتو سمع اضانى الحياكلا الدود دى سيرة الحك جات مع الغنماية ف ,,, احك يا عووضة احك |
الدود حا ياكلك كلك يا وهم .... بعدين انا قلت الغنماية ... الجاب الغنماية لي عووضة شنو ... ؟؟؟ انا غايتو ما شايف وجه شبه ... انت شايف .. ؟؟؟
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|