Post: #1
Title: في خطابه لحمدوك .. حسين خوجلي يرشح 55 من الكفاءات والمؤهلات السودانية العالية
Author: Ali Abdalla Hassan
Date: 09-01-2019, 05:22 AM
Parent: #0
05:22 AM August, 31 2019 سودانيز اون لاين
Ali Abdalla Hassan-UK
مكتبتى
رابط مختصر
الله يستر .. أنا خائف حمدوك يأخد عدد كبير من لستة حسين خوجلي خاصة وأن هنالك تسريبات قوية جداً في الميديا تؤكد أن حمدوك رفض 45 مرشحاً من أصل 52 من ترشيحات قحت .. أي إنه إختار فقط 7 مرشحين
Quote: رسالة للأخ رئيس الوزراء قبل اعلان التشكيل الوزاري
الأخ الدكتور عبد الله حمدوك
تحية طيبة
إن الحُذاق من الصنايعية السودانيين في قطاع
النجارة والخشبيات دائماً ما ينصحون بالعبارة الشهيرة (قس الف مرة واقطع مرة واحدة) كما أن العقل الشعبي للسودانيين يفرق ما بين (الوطني الخالص) و(البلدي الخالص)، ولأن أخطر معضلات بلادنا خارجية فأرجو ألا تُغرق نفسك في المحلية المقيتة وأرجو ألا تتعجل تحت اصرار المستوزرين وطلاب المناصب فيخرج الكابنيت (بلدي خالص)، وصفقة نية
فالشعب السوداني يحتاج لكفاءات وطنية لها أفق خارجي شكلاً ومضموناً وكفاءة ولساناً ومعاصرة ولذلك تجدني أنصح بهذه الاسماء إن لم تكن للاختيار فلتكن للاستشارة والتكليف المباشر والاستعانة الوطنية بمهام محددة أو دعنا نقول إن لم تكن وزارة مباشرة فلتكن قاعدة بيانات بالعقل السوداني الانتقالي والديمقراطية القادمة.
وأنا متأكد بأن شبابنا صاحب الشوق والتوق للتغيير سيقبل هؤلاء الأباء والإخوة الكبار لأنهم من حسان الوجوه وحسان العقول والرضا الداخلي والخارجي والقائمة لهؤلاء الأذكياء تطول ولكن سأذكر بعضها عفو الخاطر وبتلقائية تنأى عن التحزب والعاطفة الفطيرة
1. الدبلوماسي الشاعر محمد المكي ابراهيم
2. الدكتور الكاتب النور حمد
3. الدكتور عبد الله علي ابراهيم وهو رجل موسوعي غني عن التعريف
4. الدكتور التجاني عبد القادر الاستاذ الجامعي والمفكر الاسلامي الوسطي
5. الدكتور الاقتصادي والخبير العالمي التجاني الطيب ابراهيم
6. الدكتور الاقتصادي والخبير بشير عمر
7. البروفيسور النطاسي العالم
8. البروفيسور عبد العظيم كبلو
9. الدكتور الدبلوماسي نور الدين ساتي
10. الدكتور الطبيب السياسي الشفيع خضر
11. البروفيسور ابراهيم اونور
12. الدكتور بخاري الجعلي
13. الدكتور و المستشار القانوني احمد كمال الدين
14. الدكتور والاكاديمي الطبيب بكري عثمان سعيد
15. الاستاذة رباح الصادق المهدي
16. الدكتور محمد ناجي الاصم
17. الدكتورة امنة بدري
18. الدكتور المهندس الامين الحسين محمد المهدي
19. البروفيسور عمار الطاهر
20. البروفيسور محمد حسين سليمان ابوصالح
21. الدكتور الزراعي مامون ضو البيت
22. الدكتورة ناهد قرناص
23. الدكتور علي قاقرين
24. الدكتور محمد حسين كسلا
25. الدكتور مصطفى خوجلي
26. الدكتور عبد الله حمدنا الله
27. الاقتصادي احمد النفيدي
28. الدكتور والباحث الاستراتيجي سيف الدين محمد احمد
29. الاستاذ فارس النور
30. الاستاذ ناظم سراج
31. الدكتور هنود ابيا
32. الدكتور عصام البوشي
33. الدكتور احمد حسن الجاك
34. الدكتور عمر الصديق
35. القانوني الاستاذ عمر شمينا
36. الدكتور محمد عبد الله الريح
37. المهندس عمر ابوحراز
38. الدكتورة زحل محمد الامين
39. الاستاذ فوزي بشرى
40. الاستاذ القانوني طه ميرغني
41. الاستاذ المحبوب عبد السلام
42. الاستاذ عثمان مرغني
43. الدكتور عمر فضل الله مصمم الحكومة الاكتروني
44. الاقتصادي اسامة داؤود عبد اللطيف
45. الدكتور المهندس اسامة كاهن
46. الدكتور الواثق كمير
47. المستشار محمد الأمين دياب
48. المستشار جيلي عبد المنعم عباس
49. الدكتور الطيب زين العابدين
50. الخبير الاداري احمد عوض الكريم
51. دكتور وليد مادبو
52. الاستاذة نجوى عباس قدح الدم
53. الدكتور الزين عباس عمارة
54. الدكتور بخاري الجعلي
55. الاستاذ خبير القوانين الدولية التجاني الكارب
الأستاذ حسين خوجلي
3 |
|
Post: #2
Title: Re: في خطابه لحمدوك .. حسين خوجلي يرشح 55 من الك�
Author: Amira Hussien
Date: 09-01-2019, 05:58 AM
Parent: #1
اكثر شى عجبني تعليق قال ليه مالك مارشحتهم للبشير زمان ،
|
Post: #3
Title: Re: في خطابه لحمدوك .. حسين خوجلي يرشح 55 من الك�
Author: عبدالله عثمان
Date: 09-01-2019, 06:06 AM
Parent: #2
هو صاحب النجرة الشهيرة
(الاسلاميين البعرفهم لي هسي ما حكموا السودان)
الله لا ورانا ليهم ...
القائمة ملغومة فيها عدد من الاسلاميين والمتعاطفين معهم
بكري
عمر أخو اسحق فضل الله
سيف الدين
المحبوب
مين ومين ومين
---
وعدد ممن كانو لزمان طويل في قاطرتهم المعطوبة ونزلوا منها (بعدما عفها كل مفلس)
أحمد كمال الدين
عثمان ميرغني
الطيب زين العابدين
ومين ومين ومين
عجبت لترشيحه بروفسير عصام البوشي ود. النور حمد وهو يعمل أنهما جمهوريان من تلاميذ الأستاذ محمود محمد طه وهو هو حسين خوجلي الذي هتف يوم محاكمة المهلاوي البئيسة
هذا رجل لا يقيس ولا يقطع
|
Post: #4
Title: Re: في خطابه لحمدوك .. حسين خوجلي يرشح 55 من الك�
Author: Ali Abdalla Hassan
Date: 09-01-2019, 06:16 AM
Parent: #3
| Quote: . الدكتورة ناهد قرناص |
دي مش زوجة علي كرتي؟
اللي عينها علي كرتي سفيرة لما كان هو وزير الخارجية؟
|
Post: #5
Title: Re: في خطابه لحمدوك .. حسين خوجلي يرشح 55 من الك�
Author: adil amin
Date: 09-01-2019, 06:30 AM
Parent: #4
السؤال عشان يعملو شنو ؟؟
التحول الديمقراطي مشروع ومسار
وشفنها من 2005 ودستور 2005 ,المحكمة الدستورية وانتخابات 2010 ومشروع دولة متطور جدا علي ورق
فشلت النخبة السودانية وادمان الفشل ديل حتي علي المحافظة علي الدولة المدنية التي تركها الانجليز والسيدين من 1938-1956
دخلت السودان عقدة اسمها الدكترة والتكنوقراط
ابابكر عوض الله كان قاضي وتكنوقراط انقلاب 1969
الترابي كان تكنو قراط وانقلاب 1989
مشكلة السودان تنحصر في مؤشرين
1- حشر السودان في جامعة الدول العربية وتحت جذم المصريين بالانقلابات 1957
2- رفض الفدرالية كنظام حكم رشيد طالب به الجنوبيين ومحمود محمد طه لحكم السودان من 1955
هسة نحن محتاجين ناس ولي مشروع تحول ديمقراطي وانتخابات ؟؟
واخر انتخاباات 2010 سجل ليها 18 مليون سوداني ذكي ذى الادروب ده
فكونا من فلان وعلان دي واعادة تدوير المركز وكائناته المشوهة وارتبطاته الاقليمية والدولية المشبوهة والمفضوحة
ونحن في القرن 21
حمدوك ده مشروعو كاتبو بالحبر السري ولي شنو ولي نقعد نتفرج بس
https://up.top4top.net/
الفرق شنو تقعد في رسانا بي المحاصصة 2019 او انقلاب 1969 و1989
|
Post: #6
Title: Re: في خطابه لحمدوك .. حسين خوجلي يرشح 55 من الك�
Author: Ali Abdalla Hassan
Date: 09-01-2019, 06:33 AM
Parent: #4
بالله واحد يتطوع ويساعد دينق : الكوز ياتو في ديل؟
|
Post: #7
Title: Re: في خطابه لحمدوك .. حسين خوجلي يرشح 55 من الك�
Author: محمد بدرالدين
Date: 09-01-2019, 07:07 AM
Parent: #6
السلام عليكم
التحية و التقدير استاذ على
فى راى البسيط ناس ال98% و ناس الفتنة و شق الصف و الاستهزاء بردموهم فى مكانهم و لا ينقلوا اخبارهم و لا ما يكتبون
.. الثوار و الشهداء الذين مضوا فى علييين تركوها لنا وصية : اى كوز ندوسو دوس
اقتلو فتنتهم فى مكانها و لا تنقلوا اخبارهم و لا خزعبلاتهم
.. هذا مع كامل احترامى لرايك و راى الاحباب
انا ما بقرأ ليهم و لا انقل اخبارهم
لان ما ينتظرنا اكبر و اهم ...
التمسك بقحت و دعمهم و نقدهم و تصحيح الاخطاء داخل البيت الكبير
حتى نصل معهم بالوطن لبر الامان
تحياتى و تقديرى للجميع
|
Post: #8
Title: Re: في خطابه لحمدوك .. حسين خوجلي يرشح 55 من الك�
Author: Osman Musa
Date: 09-01-2019, 07:23 AM
Parent: #7
من حسين خوجلي بس لو بقلبوا السودان زي امريكا في سبعة ايام
ما دايرين .
|
Post: #9
Title: Re: في خطابه لحمدوك .. حسين خوجلي يرشح 55 من الك�
Author: Osman Awoda
Date: 09-01-2019, 08:54 AM
Parent: #8
معظم مشاركات الزملاء
الفوق دي تخلي الزول
يشعر بفخر الانتماء لهذا
المكان وتخفف من الآثار
المحبطة لمشاركات البعض
الاخر
|
Post: #10
Title: Re: في خطابه لحمدوك .. حسين خوجلي يرشح 55 من الك�
Author: عماد الدين الطيب عمر
Date: 09-01-2019, 09:06 AM
Parent: #1
و كانوا وين ديل من زماااان؟
و ليه ما رشحتهم ل بشة؟
قوم شوف فردة مركوبك التانية وين
يا حسين
|
Post: #11
Title: Re: في خطابه لحمدوك .. حسين خوجلي يرشح 55 من الك�
Author: Deng
Date: 09-01-2019, 09:58 AM
Parent: #10
| Quote: بالله واحد يتطوع ويساعد دينق : الكوز ياتو في ديل؟ |
أنت يا كوز يا سجمان ما بتعرف الفرق بين أميرة وناهد وجاي تتفاصح وتقل في أدبك؟
فعلا الكوزنة ما بتتخلى ابدا.
|
Post: #12
Title: Re: في خطابه لحمدوك .. حسين خوجلي يرشح 55 من الك�
Author: Mahjob Abdalla
Date: 09-01-2019, 03:25 PM
Parent: #11
| Quote: أنت يا كوز يا سجمان ما بتعرف الفرق بين أميرة وناهد وجاي تتفاصح وتقل في أدبك؟ |
يا علي جيت جارى قلت اجاوبك قبل ما يردموك لكن ياهو الــ
Damage
حصل.
|
|