Post: #2
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 01:16 PM
Parent: #1
العبادة الجماعية:
1- مكان العمل
2-في المدارس
3-في الاحياء السكنية
4-امام البقالات
5- بالقرب من المساجد!
|
Post: #3
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 01:20 PM
Parent: #2
6- امام المنازل العادية
من اكبر تفاهات النظام البائد هي سلوك التدليس
والكذب الجماعي ، اصبح النفاق بإدعاء الصلاة
منتشرا علي نطاق واسع ويجد الاستحسان الكاذب
من كل كاذب ومنافق سرا وعلانية !
|
Post: #4
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 01:24 PM
7- القرءان في المواصلات العامة
وبمجرد ان تمتلئ الحافلة يغير القرءان الي اغاني
ذات درجة عالية من التطريب، طبعا الفهم البائس
ان القرءان يجلب الركاب او الرزق !
تذكرت نكتة الزول الغرق في النيل وقعد يكورك
يا الله عندي اولاد صغار عايز اربيهم
وبعد انقاذو قال : كضبت عليك 
|
Post: #5
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 01:41 PM
Parent: #4
8- صلاة المساجد
درجة عالية من النفاق تمارس في صلاة المسجد
في حضور اغنياء الحي السكني ..تملق مكشوف
وتزييف للشخصيات بالبسة اقنعة ويصبح عديم المعني
هو المعني ، ويصبح الفاسد مكان تبجيل
هل يحتاج من يصلي ان يبحلق في الوجوه ليتفحص الحضور
...عماذا يبحثون ، ما الهدف وراء صلاة كهذه ؟!
كل ذلك يحدث في صلوات محددة : الجمعة والمغرب
بقية اليوم يشكو المسجد من قلة الحضور الذي لايملا ركشة !
|
Post: #6
Title: Re: محكمة البشير:اين جرائم العبادة الجماعية ؟
Author: Osman Musa
Date: 08-31-2019, 01:41 PM
Parent: #4
اخونا عبداللطيف سلامات
في واحد 4في4 سبحتو تجر بي الواطة . صدم شاب حبشي بي اللاندكروزر المتين .
ثم حدث ما حدث . والشاب المسكين مات في الحال .
تصدق عمك نكر حطب .
|
Post: #7
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 01:47 PM
Parent: #6
سلامات عثمان ، تتمفصل العبادة الجماعية
مع التزييف الاجتماعي ، والاصل هو الكذب
والنفاق ، لكنه يحتاج لشرعنة فلايجد الا تمثيل
دور الورع في سوق الراسمال الديني ...
في الشارع العادي ، وفق اخلاقنا الاصل ، تجد شهامة
تفوق الوصف في حالة الحادث المذكور
|
Post: #8
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 02:04 PM
Parent: #7
البشير وحكومتة النجسة ، المسؤول الاول عن جرائم
العبادة الجماعية ، او بالاصح ، الكذب الجماعي
وهو السلوك الذي تسبب في كل اشكال الاعاقة الاجتماعية
والتي ستستمر في إعاقة السودان وتحرره لوقت طويل
لكن هذه العبادة الجماعية لها تمظهرات اخري ....
|
Post: #9
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 02:17 PM
Parent: #8
العبادة الجماعية المذكورة اعلاه -قبل الثورة - كان يسموها صحوة اسلامية
والحقيقة ان الجوع والمسغبة وقلة الحيلة بين ايدي العصابة الحاكمة
هي الاصل المادي لانتشار العبادة الجماعية ، فالكل كان يسعي للتقرب
من الله -بشكل فردي- رغم جماعية السلوك ، بحثا عن فرج !
ثم لم ياتي الفرج مطلقا الا علي ايدي شباب وهبوا انفسهم للموت
شيل معاك كفنك ، يا انت ياوطنك !!
وطبعا ايمان مطلق بان الحل في تحرير الوطن ، يمشوا
وين ، ماهو يا نتحرر نحن او تغنوا انتم ونموت نحن !
|
Post: #10
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 02:21 PM
Parent: #9
كل من لايانس في نفسه الكفاءة ، يحذر من دخول البوست !
يحتاج كفاءات اعلي من القدام حمدوك بسنوات ضوئية ههههه
|
Post: #11
Title: Re: محكمة البشير:اين جرائم العبادة الجماعية ؟
Author: محمد على طه الملك
Date: 08-31-2019, 04:22 PM
Parent: #10
من الاشياء الكنت مستغرب ليها بناء افخم المساجد في المنتزهات وكأن الصلاة لا تجوز إلا في جامع !!
تصدق قابلني جامع في الخلا على طريق الاسلفت بين الخرطوم دنقلا ..
قلت في نفسي الزول العمل الجامع دا لو اوقف بقيمته عربتين اسعاف لنجدة وانقاذ المصابين في حوادث المرور وانقذ روح او روحين كان افلح .
|
Post: #12
Title: Re: محكمة البشير:اين جرائم العبادة الجماعية ؟
Author: نعمات عماد
Date: 08-31-2019, 04:35 PM
Parent: #11
سلام عليكم و على ضيوفك الكرام
و علامة الصلاة الظهرت فجأة على جبين كل الكيزان. !
|
Post: #13
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 04:40 PM
Parent: #11
Quote: من الاشياء الكنت مستغرب ليها بناء افخم المساجد في المنتزهات وكأن الصلاة لا تجوز إلا في جامع !!
تصدق قابلني جامع في الخلا على طريق الاسلفت بين الخرطوم دنقلا ..
قلت في نفسي الزول العمل الجامع دا لو اوقف بقيمته عربتين اسعاف لنجدة وانقاذ المصابين في حوادث المرور وانقذ روح او روحين كان افلح . |
شكرا محمد الملك
لابد من نقد هذه العقلية الخطيرة علي المجتمع
في المدارس التي تنقصها الحمامات وتجد حماماتها ، اما منهارة او مجاريها مسدودة
وقد تجد النقص في كنبات الفصول فيجلس كل طالبين في مقعد واحد والفصل نفسه غير مهيا
لا إضاءة ولا مراوح وغياب تام للبيئة المدرسية الصحية ومع كل ذلك يفتتح وزير تربية (لص)
مسجد داخل المدرسة بدعم من (خيرين) ويحضر هذا الزائف او الزائفة لحفل الافتتاح بعد ان يكون
قد حصل علي الامتيازات كمقابل مدفوع الثمن للنفاق وغش المجتمع كله ...
الغريب ان يقف المدير والمعلمون ويقولوا ان المدرسة ناقصها مسجد !!
حاليا -في كل حي سكني - لن تجد اقل من مسجدين ، وهي الساحات المخططة للمستقبل
عند حدوث طوارئ زلزالية مثلا ، او اي مرفق ضروري ...والحي به مدرسة واحدة لن تكفي
خدمة الحي او لايوجد مستوصف او سوق او تعاونية او حتي نادي اجتماعي-رياضي
هي فقط عقلية النفاق التي سادت 30 عاما ...
تخيل -حتي الرجولة - اصبحت تقاس بمدي الظهور في صلوات المسجد ، ولكن الثورة
اثبتت ، ان اصحاب الظهور في المساجد ظلوا داخلها واصوات الرصاص تلعلع داخل الحي
والبنبان يضرب البيوت مع الانتهاكات الجسيمة ، بل يضرب المساجد نفسها دون ان ينادي
الميكرفون او يصدح بالحق ....
|
Post: #14
Title: Re: محكمة البشير:اين جرائم العبادة الجماعية ؟
Author: عبداللطيف حسن علي
Date: 08-31-2019, 04:48 PM
Parent: #13
Quote: سلام عليكم و على ضيوفك الكرام
و علامة الصلاة الظهرت فجأة على جبين كل الكيزان. !
|
وعليكم السلام د.نعمات
الاف الناس يصلون منذ نعومة اظفارهم وقد وصلوا الان اعتاب
الشيخوخة ولم تظهر قرة صلاة علي جباههم ...وصلاتهم غير اجتماعية
وانما صلاة حقيقية !
اين البروش والمصالي الخشنة التي تتسبب في ظهور قرة الصلاة ؟!
كلها مصنوعة في سوق ليبيا ، باعتبارها اسرع وسيلة للسرقة المحكمة ...
|
Post: #15
Title: Re: محكمة البشير:اين جرائم العبادة الجماعية ؟
Author: Asim Ali
Date: 08-31-2019, 05:33 PM
Parent: #14
سلام عليكم
عندهم اغراض كتيره غير انو يلمو الناس للصلاه سواء فى مساجد او بروش صلاه جماعه فى اماكن عامه ومن الامثله :
اسلوب التقاط المتدينين من المساجد بعد رصدهم جيدا: واحد من طلابى حكى لى انو واحد من ناس حيهم يوم بعد الصلاه سلم عليهو وقالو شايفك مواظب وماتزم ودخل ليهو بتقرا شنو ولما عرف ان الب علوم عرض عليهو دراسه دبلوم تخصص هندسى (اظن ميكانيكا) ولمازولنا اقتنع اداهو اسم واحد فى برامج الدبلومات فى واحده من الجامعات العندهم فيها نفوذ قال لى لما مشيت (الحديث للطالب) قال اول ما قلت ليهو جايك من طرف فلان(الزول الضلو ميت فى الحله يبدو انو حاجه ليهاضل فى التنظيم)قال قام من كرسيهو من ورا المكتب وجا سلم على وسالنى عن طلباتى . المهم انو الكالب دا اتخرج من البرنامجين واتعين طوالى فى واحده من المصافى وهسى شغال ليهو كم سنه.طبعا بعدغسلو ليهو مخو وبقى زولهم حتى طريقه كلامو اتغيرت .
|
Post: #16
Title: Re: محكمة البشير:اين جرائم العبادة الجماعية ؟
Author: جمال المنصوري
Date: 09-01-2019, 08:36 AM
Parent: #15
Quote: من الاشياء الكنت مستغرب ليها بناء افخم المساجد في المنتزهات وكأن الصلاة لا تجوز إلا في جامع !!
تصدق قابلني جامع في الخلا على طريق الاسلفت بين الخرطوم دنقلا ..
قلت في نفسي الزول العمل الجامع دا لو اوقف بقيمته عربتين اسعاف لنجدة وانقاذ المصابين في حوادث المرور وانقذ روح او روحين كان افلح . |
عبداللطيف وصحبة
تحية طيبة
مولانا الملك
كيفك يا ملك؟
دي صفة مشتركة بينهم وبين بعض مجرمي الهندوس
المجرم الهندوسي يقتل ويسرق ويزني ويكذب، ثم يبني معبدا
ثم يقدم بعض الرشاوي القرابين) للألهه كاليا..
طبعا الأله الذي يتلقى الرشوة سيكون غير قادر على محاكمة الراشي، هكذا يظنون..
عندنا مثل بيقول: كترت الشواهد تدل على الموتى.
تقبل محبتي
|
|