Post: #1
Title: حمدوك يبدأ التفاوض على قرض من صندوق النقد الدولي!
Author: زهير عثمان حمد
Date: 08-31-2019, 04:03 AM
Parent: #0
04:03 AM August, 30 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
بدأ رئيس وزراء السودان، عبدالله حمدوك، المفاوضات من أجل جمع الأموال اللازمة لإنعاش الاقتصاد بالخرطوم، وذلك بعد أن أعلن عن الحاجة لـ8 مليارات دولار لإنعاش اقتصاد دولته.
ووفقا لموقع “أفريقا فيستا” الأفريقي، فإن حمدوك بدأ مفاوضات مع صندوق النقد الدولي والبنك الدولي من أجل الحصول على الأموال اللازمة لمواجهة ارتفاع معدل التضخم، وانخفاض العملة المحلية وإعادة هيكلة الديون.
وكان حمدوك قال في تصريحات سابقة: إن السودان يحتاج إلى 8 مليارات دولار من المساعدات الأجنبية في العامين المقبلين لتغطية الواردات، وللمساعدة في إعادة بناء الاقتصاد بعد الاضطرابات السياسية المستمرة منذ أشهر.
|
Post: #2
Title: Re: حمدوك يبدأ التفاوض على قرض من صندوق النقد
Author: adil amin
Date: 08-31-2019, 04:35 AM
Parent: #1
| Quote: وكان حمدوك قال في تصريحات سابقة: إن السودان يحتاج إلى 8 مليارات دولار من المساعدات الأجنبية في العامين المقبلين لتغطية الواردات، وللمساعدة في إعادة بناء الاقتصاد بعد الاضطرابات السياسية المستمرة منذ أشهر. |
ورجعنا للبنك الدولي الجرعات ونسخة جديدة من عبدالرحيم حمدي جديد كان شيوعي وشغال في الامم التي ما اتحدث يوما والبنك الدولي الشجبو الشيوعيين زمااااان وهسة عايزين يمشطو بي قمله
يا اخ 8مليار دولار ليه ؟؟
انت دورك في الحكومة الانتقالية تهيكل البلد ديمقراطية وافدراليا وتوصلنا الانتخابات الوصلتنا ليه الحركة الشعبية في 2010 وبي دستور محترم وجل ليها 18 مليون ناخب سوداني هل الهيكلة والانتخابات والقضاء الدستوري الناجز المحكمة الدستورية عايزة 8 مليار دولار ؟؟؟
ده دور الحكومة الانتقالية توصلنا الانتخابات بس وباقل زمن ممكن ..في موهوبيين بالملاييين ومن كل الاقاليم في السودان بقدرو ينهضو بي اقاليمهم من جديد بس سياسات المركز المجرمة دي تنتهي دستوريا وقانونيا اولا
الناس البختارهم الشعب في الاقاليم الخمسة والمركز بعد نلغي الولايات هم بعرفو بصلحو القضاء اولا والسياسة ثانيا والاقتصاد بتصلح براه لمن يجي من ينتخبهم الشعب مباشرتا ما دخلك يكونو ختمية يكونو انصار يكونو كجوريين
المحاصصة والانقلابات العسكرية نتيجتا واحدة تاتي من ينفذو سياسيات الخارج المدمرة
التنمية في القرن 21 مرتبطة بالديمقراطية والفدرالية والمحكمة الدستورية فقط
https://up.top4top.net/
|
Post: #3
Title: Re: حمدوك يبدأ التفاوض على قرض من صندوق النقد
Author: Abureesh
Date: 08-31-2019, 05:03 AM
Parent: #2
لو فرضنا ذلك. القروش يحولوها ليه كيف مع العقوبات. و اللا يشحنوها كاش.؟
ما اظن الخبر صحيح
|
Post: #4
Title: Re: حمدوك يبدأ التفاوض على قرض من صندوق النقد
Author: حسن ادم محمد العالم
Date: 08-31-2019, 05:25 AM
Parent: #3
ما اعتقد الخبر صحيح فالتعامل مع صندوق النقد الدولي
وكل الموسسات المالية الدولية يحتاج إجراءات عديدة
من رفع الحظر وموضوع الدين وجدولتها وكلها تحتاج زمن
|
Post: #5
Title: Re: حمدوك يبدأ التفاوض على قرض من صندوق النقد
Author: محمد بدرالدين
Date: 08-31-2019, 06:03 AM
Parent: #4
ثم
دة مش شغل وزير المالية ؟
و للا برضو من مهام رئيس الوزراء ؟
مش قالو حكومات كفاءات و كلو وزارة بى تخصصو و مسئولياتو
..
و للجميع التحية و التقدير
|
Post: #6
Title: Re: حمدوك يبدأ التفاوض على قرض من صندوق النقد
Author: Abureesh
Date: 08-31-2019, 06:11 AM
"دة مش شغل وزير المالية ؟"
نقطة مهمة يا محمد ِ. الخبر مقدد من كل الجهات.
|
Post: #7
Title: Re: حمدوك يبدأ التفاوض على قرض من صندوق النقد
Author: محمد بدرالدين
Date: 08-31-2019, 06:54 AM
Parent: #6
بامشهندسنا يا غالى
صباحات الخير و الود
الراجل قالو مزنوق فى الترشيحات
و محتار فى الاختيارات
ربنا يعينو
و لا هو بالراجل المتسرع عشان يقرر اهم سياسة مالية للدولة قبل التشكيل الوزارى
ايام حكومة الجزولى عمنا عوض ع المجيد وزير المالية تفاوض مع البنك الدولى لجدولة الديون و كدة
الناس و الحكومة هاجت و ماجت .. لن يحكمنا البنك الدولى
قدم استقالتو بكل احترام ..
..
اليوم يمكن اعلان الحكومة
و بكرة و بعدو نشوف حكاية السياسة المالية
و لا اعتقد ان الحكومة ستتجه للاستدانة من البنك الدولى
و لا سيما ان حماس الشعب بالداخل و المغتربين لجمع الدولارات المطلوبة
ستغرى الوزير بكيفية الاستفادة من هذا الحماس
و اكيد لديهم من البدائل ما يجعل فكرة البنك الدولى حاليا مستبعدة
مودتى و تقديرى
|
Post: #8
Title: Re: حمدوك يبدأ التفاوض على قرض من صندوق النقد
Author: adil amin
Date: 08-31-2019, 08:37 AM
Parent: #7
يعمل ليه ناطق رسمي وموقع يتواصل مع الناس في توتير وفي الفيس
نحن في القرن21
هو ما احسن من الناس المالية توتير دي من مسؤلين وحكام
عشان نعرف مشروع التحول الديمقراطي بتاعو ده كيف
الفترة الانتقالية دورها توصلنا الانتخابات او جحر الضب الخرب
|
Post: #9
Title: Re: حمدوك يبدأ التفاوض على قرض من صندوق النقد
Author: جمال ود القوز
Date: 08-31-2019, 09:22 AM
Parent: #8
الرجل رافض للاقتراض وقال اقتصاد الشحاته ما بمش لي قدام ..
لو غير رأيه تبقى مصيبة لانه حيكون عنده قابليه للتنازلات ..
البلد تنضغط بامكانياتها الشحيحة الموجودة دي وحتتصلح
لكن صندوق نقد وبنك دولي ديل حرامية وحتظل مذلول ليهم طوالي
|
Post: #10
Title: Re: حمدوك يبدأ التفاوض على قرض من صندوق النقد
Author: عزالدين عباس الفحل
Date: 08-31-2019, 10:55 AM
Parent: #9
Unfortunately
Sudan already has foreign
debt of more than $50 billion
and is struggling to attract
new external financing
،،،،،
***
،،،،
عزالدين عباس الفحل
ابوظبي
|
Post: #11
Title: Re: حمدوك يبدأ التفاوض على قرض من صندوق النقد
Author: Mohammed Haroun
Date: 08-31-2019, 11:12 AM
Parent: #10
الخيارات كثيرة للحصول على ودائع دولارية .. على دكتور حمدوك وأعوانه أن يفكروا بطرق ومفاهيم إقتصادية حديثة. رفع اسم السودان من قائمة الدول الداعمة للإرهاب واحد من العقبات الرئيسية.
تحياتي
|
Post: #12
Title: Re: حمدوك يبدأ التفاوض على قرض من صندوق النقد
Author: Abureesh
Date: 08-31-2019, 11:15 PM
Parent: #11
اخونا جمال ود القوز و بقية الاخوة.
اخونا زهير دا بيعمل تجارب اجتماعية
Social experiments
و ربما اختبار اتجاهات الراى العام.. عشان كدا اقترح لا تأخذوا أخباره بجدية الا ان اردتم المشاركة فى الأبحاث.
|
Post: #13
Title: Re: حمدوك يبدأ التفاوض على قرض من صندوق النقد
Author: Mahjob Abdalla
Date: 09-01-2019, 01:59 AM
Parent: #12
| Quote: البلد تنضغط بامكانياتها الشحيحة الموجودة دي وحتتصلح |
كسرة و عصيدة - مصدر صحي للنشويات و الالياف
زيت سمسم القضارف - دهنيات صحية جدا في نفس مقام الزيتون
لحمة مجففة (بدون ذكر الاسم) و كجيك و فسيخ - بروتين اصلي (Organic) من مراعي الغرب و نهر النيل العظيم
النتيجة - صحة مجتمعية و عاطفية.
__________
مش في زولة كدا قبل كم شهر شتمت المتزوجين؟ قولو ليها الرد الرد, بالسد
|
|