عرمان: اتصالات بين الجبهة الثورية والحكومة الانتقالية الجديدة في السودان

06:45 AM August, 30 2019

سودانيز اون لاين
زهير عثمان حمد-السودان الخرطوم
مكتبتى
رابط مختصر

لخرطوم 29 أغسطس 2019-

كشف نائب رئيس الحركة الشعبية لتحرير السودان – شمال، ياسر عرمان عن اتصالات تجرى لعقد اجتماع بين الجبهة الثورية والحكومة الانتقالية في الخرطوم وأطلق تحذيرات جدية من خطورة الوضع القائم الآن.
وقال عرمان في تصريح لسودان تربيون الخميس إن ما يجري في الخرطوم الآن هو استعادة بالكامل لكل تجارب الانتقال السابقة التي لم تستطع ان تربط بين الديموقراطية والسلام.
وأشار الى أن الوضع حاليا أخطر من كل فترات الانتقال السابقة حين وقعت ثورتي أكتوبر وابريل.
وأردف " القطاع الأمني ليس كما كان في عامي 64 و85 والحروب اتسعت رقعتها وعدد النازحين واللاجئين يبلغ 6 ملايين، والمهاجرين بسبب الحروب وصلوا الملايين والاقتصاد السوداني الان مدمر بالكامل".
وأفاد أن اجتماعات جوبا التي تعقد حاليا بين مكونات القوى الحاملة للسلاح بوساطة من رئيس جنوب السودان لتحقيق السلام في السودان تمثل امتدادا للقاءات سابقة التأمت لأجل الربط بين قضايا الديموقراطية والسلام وان تكون المواطنة في السودان متساوية وبلا تمييز.
وقال عرمان " الان هناك احتمال ان تجري اتصالات لعقد اجتماع مع هياكل السلطة الجديدة ممثلة في مجلس السيادة وبقية الهياكل مع الجبهة الثورية".
ورحب في هذا السياق بتصريحات الخارجية الأميركية ومجلس الأمن الداعية لربط قضايا السلام بقضايا التحول والانتقال وانصاف المهمشين في السودان.
وبعث نائب رئيس الحركة برسالة الى رئيس الوزراء السوداني عبد الله حمدوك بأن يضع السلام في مقدمة مهامه.
ورأى عرمان أن قوى الحرية والتغيير لازالت تمضي دون قيادة وأن المقترحات الاخيرة التي قدمتها لتشكيل الحكومة أوضحت أهمية القيادة وأوضح ان ما يجري الان لم يستكمل الثورة.
وأضاف "الثورة يجب ان تستكمل تجاه السلام الشامل وتجاه المواطنة بلا تميز والانتقال من دولة أحادية الى دولة تنوع".
ودعا الى قيام اتحاد سوداني بين دولتي السودان وجنوب السودان لافتا الى مساعيهم الرامية للربط بين البلدين في سياق خلق "علاقات استراتيجية بين دولتين مستقلتين على غرار الاتحاد الأوربي وأن يتطور حتى يشمل جميع دول الجوار".

Quote: ورحب في هذا السياق بتصريحات الخارجية الأميركية ومجلس الأمن الداعية لربط قضايا السلام بقضايا التحول والانتقال وانصاف المهمشين في السودان.

ياسر عرمان ده لو التزم بانتخابات 2010 حتي لو سقط ما زح لقريبو عمر البشير ما كان انفصل الجنوب من اللاساس وكانت الحركة الشعبية اكتسبت شرعية جماهرية دستورية من 2010 وجماهير تسد عين الشمس وكانت دورا مفتوحة في كل قرية
لو التزم بالتسوية بتاعة نافع عقار 2011 بعد انفصال الجنوب ايضا كان الجنوب الجديد قام بمسيرة التغيير في كل السودان والتحرر من اصر الدولة المركزية المشوهة التي يعاد انتاجها الان بكل صفاقة وكانك يا زيد ما غزيت
قلنا ليكم بمر الزمن ويفضح الجميع والله يطول عمر منصور خالد وكتبه التي وضعتنا في الطريق الصحيح وعرفتنا بالنخبة السودانية وادمان الفشل
قال نيتشة الاخطاء الفادحة تتكرر عندما لا نواجه انفسنا بي الحقائق
واذا الحركة الشعبية شمال العظمية ما جعلتك رقم كبير ومسؤل الجبهة الثورية لا طعم ولا لون ولا رائحة امشي للاماراات وقطر هناك في عداد رامي كويس
وامريكا دي بتنشر العار بس وليس لها علاقة بالديمقراطية واتفاقية نيفاشا ودستور 2005 كان اكثر من كافي لتغيير السودان الي الافضل دون نفصال الجنوب
لو ما الشيوعيين والبعثيين والناصريين ناس 1969 وايتام الترابي 1989
دي ازمة السودان
1- الوجود في العالم العربي
2- عدم احترام الفدرالية والاتفاقيات بالتقود ليها
************
شكرا يا زهير للنقل الامين للاحداث

Quote: ياسر عرمان ده لو التزم بانتخابات 2010 حتي لو سقط ما زح لقريبو عمر البشير ما كان انفصل الجنوب من اللاساس وكانت الحركة الشعبية اكتسبت شرعية جماهرية دستورية من 2010 وجماهير تسد عين الشمس وكانت دورا مفتوحة في كل قرية

ده كلام صحيح ..
اصلا هل في سياسي بيرفس النجاح في الحياة السياسية ؟ ..
لو ما انسحب عرمان من تلك الانتخابات كان وضع السودان غير الآن ..
الحركة الشعبية وعرمان القرار المفصلي الزي ده ما بيدهم ..
ولا هم من يتخذه وليس في مقدورهم اطلاقا ..
وإلا ما كان اتقتل جون قرنق غيله وتم حرقه في الطائرة ..
لأنه بس قال عايز الوحدة ورفض الانفصال ..
الناس ديل عبارة عن عرائس ودمى يتم تحركها من وراء الكواليس ..
السودان ده لو ما ابتعد عن الناس البتدفع لن يملك قراره ..
ولن يتقدم وطول ما يدك هي السفلى حتكون كده تشوف الصاح وتمش للغلط ..
أو كما يقول المثل عينك فيهو تركب فيهو ( مع الحشمة طبعن ) ..
كتير من كلامك ياعادل هو عين الحقيقة لكن تسوي شنو لمن في عينه رمد ..

ودعا الى قيام اتحاد سوداني بين دولتي السودان وجنوب السودان لافتا الى مساعيهم الرامية للربط بين البلدين في سياق خلق "علاقات استراتيجية بين دولتين مستقلتين على غرار الاتحاد الأوربي وأن يتطور حتى يشمل جميع دول الجوار".
ـــــــــــــــــــــــــ
احلام ظلوط ، اولا تحتاجون لبنية تحتية وملائمة القوانين

وقبل ذلك نقلة ثقافية عميقة ، اي اتحاد بين اقاليم او دول او حتي تحالف
بين احزاب ساااي يحتاج مركز ثقافي مشترك ودوريات ونشرات
الخ

يعني مجالس فوقية تضم جانبين شعبيين

اوروبا المشكلة دي فيها محلولة ومع ذلك حدثت خلافات

خلونا من العواطف مرة واحدة في العمر