دبابيس من صحف اليوم 29 أغسطس 2019 م

03:46 PM August, 29 2019

سودانيز اون لاين
Abdulhaleem Osman-Sudan
مكتبتى
رابط مختصر

.
.
📄 القروش في بيوت الكيزان:
👈 في جوابه (لآخر لحظة) عن السؤال: كيف وجدتم الأوضاع المالية داخل الخزينة العامة للدولة؟
أفاد اللواء إبراهيم جابر إبراهيم رئيس اللجنة الاقتصادية بالمجلس العسكري بأن :
البلاد بخيرها، لكن عندما استلمنا كمجلس عسكري، لم نجد في بنك السودان أموالاً، لكن وجدنا أموالاً ضخمة بالمنازل، والتي ساعدت كثيراً في سداد مديونيات الشركات واستوردنا منها وقود وقمح وأدوية، والآن نعمل بها في الموسم الزراعي وعملنا على حلحلة ديون بعض البنوك ودفع منها (16) مليون دولار مرتبات لوزارة الخارجية و(6) ونصف مليون دولار للبعثات الدبلوماسية بالخارج و(9) مليون دولار لشراء طلمبتين لمشروع الرهد الجنيد، لأن آلاف الأفدنة يضربها الجفاف مما جعل الشباب يتركون الزراعة وياتون للخرطوم لبيع المناديل والماء وغيرها من الأعمال البسيطة، كما دفعنا منها أيضاً لمشروع الجزيرة كل التزاماته ووجدنا الكهرباء عليها مبالغ طائلة تم تسديدها، علاوة على تسديد كشف لأحد البواخر بالميناء بـ(17) مليون دولار....
📌 اتخيلوا معاي خزينة الدولة خالية وبيوت الكيزان فيها قروش تعمل العمايل دي وتحلحل الديون دي ، مع انه ما تم ضبطه يعتبر رأس جبل الجليد فقط...
يا حسين خوجلي ديل لو كانو 98% كانوا علقونا من كرعينا في قناية زي الجداد وباعونا في السوق.....
.
.
📄 قلبي ماكلني:
👈 الصور ولقطات الفيديو الحايمة في الوسائط دي اصلا ما قدرت أقتنع بي انها للمخلوع....
خصوصا انه ما سمعناهو يتكلم ولا شوفناهو وجها لوجه.....
أضف الى ذلك أنه الاعترافات تمت تلاوتها في محضر الجلسة من قبل المتحري.
ثم انه ما سمعنا انه المحكمة قد سألت المخلوع عن التهم الموجهة إليه عشان نعرفو معترف بيها والا نكرها، ال بي نعرفو انه أي متهم يقيف أمام القاضي ، القاضي بي يقول له انت متهم بكذا وكذا فهل أنت مذنب أم غير مذنب.....
📌 الموضوع دا فيهو إنننننه.... وحا نحكو حا نحكو أصلو مابنخليهو.......
.ه.
.ه.
📰 الانتباهة:
👈 “27” قتيلاً ببورتسودان واستمرار حرق المنازل
📌 اللهم لطفك وربنا يجازي من كان السبب
.
📰 الانتباهة:
👈 وثائق تكشف خفايا فساد بيع النقل النهري
📌 لسع يا ما في الجراب ياحاوي
.
📰 الانتباهة:
👈 “34” بلاغًا ضد رموز النظام المباد بالبحر الأحمر
📌 في كم صفر ناقصين من الرقم دا
.
📰 الانتباهة:
👈 إبراهيم جابر: عندما أتينا لم نجد سوى”17″ مليون دولار ببنك السودان
📌 يازول ال 17 مليون دي مرقتها منهم كرامة البليله
.
📰 الانتباهة:
👈 التقرير الشرعي يثبت عدم الاعتداء على معلم خشم القربة
📌 أنا حالف ما اتلفظ ألفاظ كعبه لكن بالطريقة دي الواحد حا يضطر يكسر حلفه
.
📰 السوداني:
👈 إرجاء إعلان الحكومة وحمدوك يطلب إضافة مرشحين في”الصناعة” و”السياحة”
📌 حمدوك دا أظنه شفت ومقرم أبى يمرر لهم الكوزة بت الزين صغيرون
.
📰 السوداني:
👈 لجنة المعلمين: توقعات باستئناف الدراسة بالمدارس الأحد
📌 الأحد ياتو؟ الأحدات كتار
.
📰 السوداني:
👈 المتحري يكشف تفاصيل صادمة في قضية مقتل معلم خشم القربة
📌 المتحري القديم بتاع أيام الانقاذ والا متحري جديد ؟
.
📰 السوداني:
👈 كباشي لـ”السوداني”: استقالة مدير المخابرات شائعة
📌 معناتها صحيحة
.
📰 السوداني:
👈 وزير الخارجية الألماني يزور السودان الأسبوع المقبل
📌 غايتو دا الكباشي وبرهان الا يقولوا له (مونشغلادباخ)
.
📰 السوداني:
👈 “قوى الحرية” تحمّل حكومة البحر الأحمر مسؤولية الانفلات الأمني بالولاية
📌 انتو يا ناس قحت قايلين الكيزان في الخرطوم بس؟ حكومات الولايات دي كلها كيزان
.
📰 التيار:
👈 مصادر لـ”التيار”: تشكيل الحكومة السبت وحمدوك يلتقي البرهان
📌 هسع يجي كوز يقول لك حكومة تتشكل يوم السبت دي معناها حكومة يهوديه
.
📰 التيار:
👈 بابكر فيصل: القوات ستظلّ باليمن وفقًا لاتفاقيات سابقة
📌 يازول اتفاقيات شنو القوات دي راحت بي قرار أهوج ساكت وهسع اليمن الجماعه كلهم عاوزين يتخارجوا منها
.
📰 التيار:
👈 بلاغ ضد المخلوع وعوض الجاز حول أموال النفط
📌 فساد النفط دا بلاغ ما كفاية عليهو دا مفروض تتعمل له نيابة وقضاء خاص بيهو
.
📰 الجريدة:
👈 “الجريدة” تكشف عن فساد بمالية الخرطوم لدعم مسيرة المخلوع
📌 كيل يا ميكائيل
.
📰 الجريدة:
👈 احتجاجات المعدنيين بمحلية هيا تدخل يومها السابع
📌 والله أول مرة نسمع بها
.
📰 الجريدة:
👈 أمين طلاب الشعبي: لواء شرطة منعني حضور المحكمة وكسر ساقي
📌 بارك الله فيه
.
📰 الجريدة:
👈 الأرصاد: توقعات بهطول أمطار في عدد من ولايات البلاد
📌 اللهم اجعلها أمطار خير وبركة وألطف بعبادك
.
📰 آخر لحظة:
👈 حمدوك يعيد سيارتين للقصر ويؤجل إعلان الحكومة
📌 عاوزين يجروا رجلك
.
📰 آخر لحظة:
👈 منع مستشارين بالمخابرات من الدفاع عن قتلة”المعلم”
📌 كدي خلوهم عشان نشوف عاوزين يقولوا شنو
.
📰 آخر لحظة:
👈 غرق”5″ آلاف فدان بمشروع السوكي
📌 مرة عطش ومرة غرق أصلو نص نص ما عندا
.
📰 آخر لحظة:
👈 القصر يلزم أعضاء السيادي استخدام الـ”إنفينيتي”.
📌 لو رفضوا حا يعمل شنو؟ يقول لهم جيبوا أولياء اموركم؟
.
.....
📌ابووضاح 📌