السيرة الذاتية لمرشح منصب وزير الخارجية

12:27 PM August, 26 2019

سودانيز اون لاين
زهير عثمان حمد-السودان الخرطوم
مكتبتى
رابط مختصر

تم ترشيح أ. عمر قمر الدين إسماعيل لمنصب وزير الخارجية

وهو خريج جامعة الخرطوم / كلية الاقتصاد و الإحصاء/بكالوريوس.

* جامعة هارفارد / أمريكا / ماجستير الاداره العامه.

*زمالة معهد كار ( Carr ) لحقوق الإنسان / جامعة هارفارد .

*زمالة جامعة هارفارد / معهد إدوارد أي ميسون التابع لمدرسة كينيدي للحكم / أمريكا .

*يتحدث العربيه و الإنكليزيه بطلاقه و الفرنسيه. *كبير استشاري السياسات بمنظمة كفايه الأمريكيه / واشنطن من ٢٠٠٧ إلى الآن .

*المنسق الأعلى لوزير الخارجيه الأمريكي كولن باول / واشنطن ٢٠٠٦ .

*كبير استشاري إدارة المنح و التنميه بالوكالة الأمريكيه للتنميه الدوليه ( DAI ) .

*مسئول اللوجستيك في منظمة أطباء بلا حدود / السودان و جنوب السودان / 1985 إلى 1989.

*مسئول الإمداد بمنظمة بدائل التنميه بجنوب السودان من 2005 إلى 2006.

*مراقب المساعدات الغذائية لبرنامج الأغذية العالمي ( WFP ) بالصومال من 1992 إلى 1994 .

*مدير عمليات مشروع شريان الحياهـ بالسودان / الأمم المتحدة من 1988 إلى 1989 .

*مؤسس مشارك بمجموعة السفير ببالتمور/ ميرى لاند .

* احد مؤسسى مجموعه دارفور للسلام 2002 إلى 2008.

*عمل مع جورج كلوني و انجلينا جولي وغير هم في قضية دارفور

.

كتب محمد حامد جمعة نوار :

Quote: #مرشح_الخارجية_خادم_ضد_وطنه عمر قمر الدين كبير استشاري السياسات بمنظمة كفاية الأمريكية (حاليا) و مسئول اللوجستيك في منظمة أطباء بلا حدود / السودان و جنوب السودان / 1985 إلى 1989.ثم مدير عمليات مشروع شريان الحياة (الغطاء الذي اعاد تسليح الجيش الشعبي لتحرير السودان في مشروع اثيرت بشأنه ملاحظات كبيرة ) مراقب المساعدات الغذائية لبرنامج الأغذية العالمي ( WFP ) بالصومال من 1992 إلى 1994 (فترة العملية العسكرية الامريكية بالصومال وما تلاها ) احد مؤسسى مجموعة سلام دارفور 2002 إلى 2008. القانون الذي ارتبط بالعقوبات ضد السودان بدءا بقضية جنوب السودان ثم انتقل ليشمل ملف دارفور ! سيرة ذاتية تجعله اخر من ينافس إلا إذا كان المطلوب تولية رجل خدم أعداء وطنه وقارته وإرتبط اسمه بالأزمات المريبة

...

Quote: محمد الماحى الانصارى .. عمر قمر الدين سايق تاكسي ١٥ سنة في واشنطن ثم التحق بكفاية وادعي أنه ناجي من محرقة دارفور وغيرك لنفسه صورة مع طفلة جوار النهر في واشنطن. والده كوز كبير مات في مجاهد في النيل الأزرق مع الدفاع الشعبي. درس آداب في جامعة الخرطوم وعاش بين الخرطوم والفاشر .لديه علاقة مع حمدوكماعندو خبرة في اي شي غير عمله مع منصور خالد كمساعد باحث ومع محمد ابراهيم خليل واحدة من اكاذيبه ان اول الناجين من مخرقة دارفور على غرار الهولوكوست وهو متصور مع طفلة يهودية بتوثيق مع متحف الهولوكوست بواشنطن بالقرب من نهر البوتوماك وصك العملة فهو مدعي كبير ولا يصلح لاي موقع الكلام انه صاحب اوباما ومش عارف ايه كلام فارغ اشتغل مع برندر غاست في سيف دارفور والان في انوف كان بفتش على زول من دارفور بعرف انجليزي وهو نجيض

ـــــــــــــــــــــ

انا شخصيا اول مرة اسمع بيهو .. المنقول على مسئولية الكتبة ..
لكن اذا كان صحيح مانقل .. فما بيلزمنا .. اخير منه يجيبو كوز دارفور التائب محمد سليمان للخارجية

سلامات ابو الزوز الرجل الذي ينقل وينشر ولا يعلق :) :)

*المنسق الأعلى لوزير الخارجيه الأمريكي كولن باول / واشنطن ٢٠٠٦ .

*مسئول الإمداد بمنظمة بدائل التنميه بجنوب السودان من 2005 إلى 2006.

========================
الحبيب زهير ..
منسق أعلى لوزير الخارجية 2006 ( منسق أعلى )
مسئول امدادات في الجنوب 2006
ما قادر أفهم الوضع
=================
الحبيب حيدر .. تحياتي ..
هذه هي الديمقراطية .. لا بد من توضيح كل شيء عن أي مسئول
شكرا الحبيبب حيدر في هذه المرحلة يلزم توخي الدقة والوضوح

تحياتي حيدر الحبيب

لو في منظمة كفاية خلي يورينا منو القتل الدكتور جون قرنق ؟؟
كويس يا حيدر الزين
الحقيقة زيها ما في والمتغطي بي توب امريكا عريان
ودي ازمة المحاصصة والمتحولين سياسيا ديل
اذا كان في شخص محترم ومتخصص لي وزارة الخارجية احسن لينا صفوت فانوس كان ناصح محترم ونظيف في زمن الانقاذ ونتعبر التمييز الايجابي في الحكومة ايضا وزير قبطي

https://up.top4top.net/

هسة عليكم الله ما شايفين امريكا والبنك الدولي بعملو شنو في العالم الاسلامي من الفلبين لحدي نيجريا

السلام عليكم

مش فى ثلاثة مرشحسن يختار أحدهم رئيس الوزراء

ورد من بين الأسماء التى أطلعت عليها أسم السيد الرشيد سعيد اللى كان متحدث فى الخارج بأسم تجمع المهنيين

الرشيد دبلوماسى سابق ومن الدبلوماسسين اللى تم أحالتهم للصاح العام فى بدايات الأنقاذ

زهير عندو بوست اخر بـ ليسته فيها اربع مرشحين لوزارة الخارجية.عايزين نشوف سيرة الاربع في وقت واحد عشان نقارن ام الباقين ما عندهم سيرة خالص.
كلام محمد حامد عن سيرتو الذاتية يحتمل جزء كبير من الحقائق. يبقي بعداك في زول ممكن يكون شايف انو ده ضد حكومة السودان البائدة و اخر ممكن يقول لمصلحة ضحايا حكومة السودان البائدة ايضا.
. طبعا ما بين 2003 و حتي سقوط الديكتاتور (معظم مواطني دارفور عملو ضد حكومة الديكتاتور و لمصلحة مواطنيهم الا الذين اختارو مصالحهم الشخصية). اذا سوف لن تجد دارفورى يمكن تعيينه في اى منصب لو كان هذا هو المنطق.
اما الشخص الاخر فيبدو انو مخرف او مصدرو الجداد الاليكتروني بامتياز فـ والد الاستاذ عمر قمر الدين لم يكن يوما او حتي عمره ان يجعله من ضمن كتائب او فطايس دولة الكيزان. طبعا ود جمعة برضو بتكلم بعقلية الجداد الاليكتروني و لكن علي الاقل فهو شخص معروف و عضو بالمنبر.

عموما, في تقديري الشخصي الناس تركز علي ناس الداخل بدلا من عقدة الغرب هذه.

Quote: فطايس دولة الكيزان.

اخونا محجوب لا يمكن وصفك للشهداء بهذا اللفظ

و كانوا اصدق منا جميعا

كن بخير حيث انت

فطايس قالها كبيركم و شيخكم الذي علمكم السرقة و التحلل و فقه الضروري
أو كما فهمه الصادقون من ابناء هذا الشعب من حديث اذهب للقصر و انا اخترت السجن
قتلاكم أو فطايسكم بالتأكيد اصدق من الذين خدعوهم و و عقدو لهم الحور
و عندما اختلفوا في السلطة و نعيم الدنيا نكرو عليهم حتى الشهادة
مدنيااااااااا
سقطت سقطت يا كيزان

السيرة الذاتية للأخ عمر قمر الدين صحيحة مية المية.

أنا معرفتي بالاخ عمر قمر لها أكتر من ثلاثين عاما بمنطقة واشنطن.

وأنا ممكن أضيف الى سيرته الذاتية أنه ساهم في أنشاء منبر السودان الديمقراطي بواشنطن وهذا المنبر كان يرأسه شخصين وهما البروف محمد إبراهيم خليل والدكتور فرانسيس دينق.

وممكن أقول أيضا أن فترة عملنا بالمعارضة في التسعينيات، عمر قمر الدين كان الوحيد من أبناء دارفور الذي أشتغل معنا في المعارضة وكان معارض قوي.

الامنجي محمد حامد جمعة يجب أن يستحي ، لأنه عندما كان أهله في دارفور يقتلون هو كان يدافع على قتلة أهله في هذا المنبر. وعمر قمر الدين كان بيدافع على قضايا أهله.

اخي علاء

وان كان قد قالها شيخ حسن و الجميع يعلم الرسالة و الملابسات التي كانت من وراء ذاك ا الحديث وان صح

انهم رجال صدقوا ما عاهدوا الله عليه

نعود و نكرر انهم اصدق منا جميعا

عفوا صاحب البوست للخروج عن الموضوع

وأنا من الشاهدين يا دينق

يا اخوانا
ما في زول عايز يتبرع لينا بسيرة المرشحين الاخرين.
مبدأ الديمقراطية يتطلب معرفة الجميع قبل الحكم.
الي ذلك الحين اتريسو شوية و شوفو ناس الداخل.

_______________
Think out of the box

طالما في طعن من النظام البائد ، معناهو زول تمام

Quote: السيرة الذاتية للأخ عمر قمر الدين صحيحة مية المية. أنا معرفتي بالاخ عمر قمر لها أكتر من ثلاثين عاما بمنطقة واشنطن. وأنا ممكن أضيف الى سيرته الذاتية أنه ساهم في أنشاء منبر السودان الديمقراطي بواشنطن وهذا المنبر كان يرأسه شخصين وهما البروف محمد إبراهيم خليل والدكتور فرانسيس دينق. وممكن أقول أيضا أن فترة عملنا بالمعارضة في التسعينيات، عمر قمر الدين كان الوحيد من أبناء دارفور الذي أشتغل معنا في المعارضة وكان معارض قوي. الامنجي محمد حامد جمعة يجب أن يستحي ، لأنه عندما كان أهله في دارفور يقتلون هو كان يدافع على قتلة أهله في هذا المنبر. وعمر قمر الدين كان بيدافع على قضايا أهله.

انتو ليه ما بديتو بي المحكمة الدستورية ام تسعة حتي في الفترة الانتقالية عشان تمحص ايضا من ياتي في الفترة الانتفالية ..وحق الطعن في اي شخصية .. ما تقصلو لينا الوطنية علي مقاسكم
انف بروجكت مؤسسة مشبوهة وقيل ان فيها من تسبب في قتل د جون قرنق
يعني هسة يا دينق
انا كوز جناح عشة الغبشاوي؟؟ كيف ممكان اكون وزيرشباب ورياضة ولي لا ؟؟؟
عليكم الله عولمو وعيكم ده شوية
الدولة مؤسسات وليس اشخاص
كلام الناس ديل يوصلونا الانتخابات ذى الحركة الشعبية ونحن احرار نختار برانا ذى الانتخابات بنعرفا من 1954 ما في زول وصي في مدنياوووووووووووووووو
علي دين ووعي وخيارات الناس الانتخابية بعد الفيش والتشبيه من المحكمة الدستورية
ويا حليل الحركة الشعبية والله فجوة رقمية مليون سنة ضوئية تصفلهم من بعاعيت مايو الشيوعيين والناصريين والبعثيين 1969

سلام
وان كان قد قالها شيخ حسن و الجميع يعلم الرسالة و الملابسات التي كانت من وراء ذاك ا الحديث
يا اخ طارق.. لو سمحت وضح كيف هم شهداء

اي زول يقول شيخ حسن اقنعو منو

ما في كوز نافع
والله يسامحك ي يوسف سيد بس

عمر قمر الدين اسماعيل سيرته صحيحه مليون المية
سبق ان رشحته في هذا المنبر قبل شهور لتولي
حقيبة الخارجية واعتقد صادف الترشيح أهله
عمر قمرالدين من الرجال اللذين تخشاهم
الدولة العميقة لذا تنشط الدولة العميقة
واذيالها من صحفي الغفلة وزمرة
رجال الامن لقطع الطريق عليه
اعتقد سيكون كسب السودان كثيرا
اذا آلت الخارجية لهذا الرجل
والذي نذكيه بحكم الكفاءة وليس
الصداقة والمعرفة الشخصية

سيرة ذاتية صحيحة

و اضيف اليها انه رجل خلوق ومثقف وهادئ الطباع

عاصرته فى جامعة الخرطوم و لفترة قصيرة فى امريكا.

له التحية

هو اهل لهذا المنصب و خصوصا فى هذا الظرف الذى يقبع السودان فيه فى لستة واشنطن للدول الراعية للارهاب

https://ibb.co/MDtyydK

في واحد تاني اسمو عمر بشير .. موضوعو كمان مع قمر الدين عكس عكاس :) ..

قال ليك قمر الدين لم يكن ليقف مكتوف الأيدي واهلنا السودانيين يقصفون بظائرات الكيزان .. فطالب بحظر الطيران وربما بقوات دولياً حماية للأهل ..

قال ليك عمر بشير التاني .. وقف ضد ارسال قوات دولية في السودان حفاظاً على اتفاق سلام وسعياً لدعمه ..

واحد قال لا في وجه من قال نعم ..
وواحد قال لا في وجه من قال لا ..

والاتنين ماقالوا لا ..

المهم حسب معيار الضأن .. واحد كوز وواحد عميل.. والاتنين شرفاء يستحقون تمثيل الثورة وعكسها للمجتمع الدولي ..







#مدني ناو ناو ..