Post: #1
Title: ثبتو ليهم القضاء !
Author: عبدالحفيظ ابوسن
Date: 08-26-2019, 07:08 AM
07:08 AM August, 26 2019 سودانيز اون لاين
عبدالحفيظ ابوسن-no where
مكتبتى
رابط مختصر
قالوا الراعي نادا المرفعين (الذئب) وقال ليهو
انا دايرك تشتغل معاي راعي وتسرح بالبهايم وبديك كدة وكدة
المرفعين قال ليهو
الاجر ( المرتب) خليهو هسة . ثبت لي السرحة
|
Post: #2
Title: Re: ثبتو ليهم القضاء !
Author: Hassan Makkawi
Date: 08-26-2019, 07:15 AM
Parent: #1
من غاب جاب الغنائم....
ليك وحشة عبد الحفيظ........
|
Post: #3
Title: Re: ثبتو ليهم القضاء !
Author: عبدالحفيظ ابوسن
Date: 08-26-2019, 07:20 AM
Parent: #2
حبابك مكاوي
وليك وحشات ولكل الناس
الجماعة ديل مشوارنا طويل معاهم . لو رفعت حجر تلقى كوز تحتو . الدولة العميكة
يعنى نديهم القضاء ونقعد نتفرج لامن يجونا متلبين تاني
|
Post: #4
Title: Re: ثبتو ليهم القضاء !
Author: Hassan Makkawi
Date: 08-26-2019, 07:25 AM
Parent: #3
Quote:
يعنى نديهم القضاء ونقعد نتفرج لامن يجونا متلبين تاني
|
الملايين موجودة والشارع موجود..
|
Post: #5
Title: Re: ثبتو ليهم القضاء !
Author: عبدالحفيظ ابوسن
Date: 08-26-2019, 07:31 AM
Parent: #4
ودة رهانا يا مكاوي
الشوارع لاتخون البخونو هم
الشارع دة اياهو القاعد يحسم
عارف الشارع دة ادهشنا نحن القاعدين معاهو نحن الجيل السابق
وليداتنا ديل جوة بيوتنا ادهشونا مع الثورة كأننا نعرفهم اول مرة
صحي نحن قرينا اكتر منهم . وبنعرف نظريا اكتر منهم ولكنهم يعرفون اكثر منا عمليا
المجد والخلود لشهداء الثورة
الخزي والعار لتجار الدين والمدافعين عنهم والساكتين عن ظلمهم
|
Post: #6
Title: Re: ثبتو ليهم القضاء !
Author: Osama Mirghani
Date: 08-26-2019, 07:41 AM
Parent: #5
| Quote: صحي نحن قرينا اكتر منهم . وبنعرف نظريا اكتر منهم ولكنهم يعرفون اكثر منا عمليا |
العبارة دي عجبتني كيف ....يا أخي عبدالحفيظ إنت لخصت لي ما كنت أبحث عنه في كلمات موجزة ....أجبت على سؤال: لماذا نجح أبناؤنا فيما عجزنا نحن عنه؟
|
Post: #7
Title: Re: ثبتو ليهم القضاء !
Author: عبدالحفيظ ابوسن
Date: 08-26-2019, 03:54 PM
Parent: #6
مرحب اسامة
فعلا دة الحاصل
وبرضو بعرفو الكيزان اكتر مننا
|
Post: #8
Title: Re: ثبتو ليهم القضاء !
Author: عبدالحفيظ ابوسن
Date: 08-26-2019, 04:05 PM
Parent: #7
قالوا
مزارع جاب لوري طماطم للسوق . لمو فيهو السماسرة يتمنو في السعر. بتفقو في السعر . والسمسار بوزع البضاعة قطاعي . ونهاية اليوم بجمع القروش ويسلمها للمزارع
اها
الجماعة بتزاودو في السعر . واحد نط وقال سعر اعلي منهم كلهم . واستلم البضاعة . ووزعها
نهاية اليوم جا يحاسب المزارع .
قال لسيد الطماطم
اها بعد دة نجي لي كلام البيع والشرا . اسم اللخو منو ؟
قال ليهو اسمي فاطنة !!
يازول اسمك فاطنة كيف !؟
اكان ما اسمي فاطنة تديني سعر اعلي من السوق وتخلي تجارالسوق يفرو مني
وتشيل بضاعتي بعد تتفق معاي وتجي تقول لي نجي لي كلام البيع والشرا !؟
|
Post: #9
Title: Re: ثبتو ليهم القضاء !
Author: عمر أبوعاقلة
Date: 08-26-2019, 05:45 PM
Parent: #8
يا ود اب سن أي صاحب قضية يفتح ملفه ويتلّح المحكمة
أها .. اللستة طويلة ياخوي والمؤبد ما بحلو
حباب الطلّة
|
Post: #10
Title: Re: ثبتو ليهم القضاء !
Author: صديق مهدى على
Date: 08-26-2019, 06:13 PM
Parent: #9
الكوز ابوسن ركبت مكنة جديدة ولاشنو والله نحنا قاعدين ما ظنك لعقت منها قوم لف لفاك قطر
|
Post: #11
Title: Re: ثبتو ليهم القضاء !
Author: AMNA MUKHTAR
Date: 08-26-2019, 11:51 PM
Parent: #1
| Quote: الكوز ابوسن ركبت مكنة جديدة ولاشنو والله نحنا قاعدين ما ظنك لعقت منها قوم لف لفاك قطر |
صديق مهدي علي إنت شابك معارضين معروفين إتهامات بالكوزنة..
كوز إنت دا.. وأسلوبك لا يخفى علينا .
|
Post: #12
Title: Re: ثبتو ليهم القضاء !
Author: adil amin
Date: 08-27-2019, 04:30 AM
Parent: #11
| Quote: ثبتو ليهم القضاء ! |
قصدك المحكمة الدستورية الفيها 9 قضاة عدول و18 خصية وبتجيب اي ساقط كبير من قفاه من 1يناير 1956 لحدي الليلة ؟؟ مش قون باك البشير بدرلية سليمان
د ى المحامي ساطع احمد الحاج بتاع الاعلان الدستوري ده ما دايرا قال لي ضياء الدين بلال في حلقة النيل الازرق ( لا...لا... لا المحاسبة لحدي 30 يونيو 1989 وبس )= الحلقة موجودة
يعني هسة انا احرس تاتي 1000 سنة ضوئية عشان اطلع حق
الانصار ديل
https://up.top4top.net/
والله الراحل حسنين من قال محاسبة الانقلابات كلها في صبة القيادة ما صبح عافية
يا اخوي المركز ده ابدا ما عايز عدالة وفضائح للمخابرات المصرية وادوتها الرخيصة في السودان وما عايز فدرالية ولا ديمقراطية ولا انتخابات ولا اشتراكية توزيع عادل للسلطة والثروة وجدع لجنوب مخصوص عشان كده يكونو عرب يلهثو ورا مصر والخليج ويتنسحو بي الكريمات ويدبجو الاناشيد والشعر والشعب في الاقاليم ياكل نيم
القروش والفساد هين بترجع القروش لكن القتل الخسيس في المركز والرخيص في الهامش ده وراها ناس ومؤسسات واستخبارات اقليمية ودولية مش حاجة غيبية
|
Post: #13
Title: Re: ثبتو ليهم القضاء !
Author: Osman Awoda
Date: 08-27-2019, 05:21 AM
Parent: #12
ابو سن كوز؟
انت ليه طلعت من المستشفى قبل تكمل
علاجك؟
|
Post: #14
Title: Re: ثبتو ليهم القضاء !
Author: عبدالحفيظ ابوسن
Date: 08-27-2019, 06:19 AM
Parent: #13
مرحب عادل
هذه ثورة مختلفة ووقودها مختلف نوعيا
وللثورة تعرجات
مرحبا آمنة و عووضة
وكتر خيركم
لا عليكم آليت علي نفسي ان لا ارد عليه ترفعا عن صغائر الامور
وذلك منذ زمن طويل
|
|