|
|
|
 Re: معقول ما عندكم خبر الحاصل في بورتسودان (Re: خضر الطيب)
|
سلامات الأخت الفاضلة
امنة مختار
سمعنا ومتابعين بقلق م يجري في الثغر تلك المدينة الجميلة المتنوعة .
شي مؤسف م يحدث هناك والأخبار الواردة والتي ترد من بورتسودان والله شي مؤلم ومحزن م يحدث في السودان لم نفيق من كارثة دارفور ونتافجاء بأحداث بورتسودان المؤلمة.
علي السلطات في الخرطوم وبورسودان التحرك بسرعة وبكل جدية لاحتواء الموقف قبل فوات الاوان حتي لا تكرر ماساة دارفور في بورتسودان .
اللهم احفظ اهلنا في بورتسودان من شر الفتنة والفتن م ظهر و بطن
اللهم الطف بهم انهم عبادك يارب العالمين
| |
 
|
|
|
|
|
|
|
|
Re: معقول ما عندكم خبر الحاصل في بورتسودان (Re: AMNA MUKHTAR)
|
من شاهد عيان.
المشكلة أقول ليك بدت كيف.
كتائب الظل
يوم 29 رمضان يوم مجزرة القيادة
حسب شهود عيان
الناس صابنها جنب مقر الحامية على البحر
جو ناس في شكل عصابة نزلتهم حافلات
مشو كسروا دكاكين سوق دار النعيم البيقعدوا فيهو البني عامر والنوبة
مافي نهب كسير بس
ومشو على الجانب الآخر من الخور الفيهو حلة فيليب حرقوا كم بيت منهم بيت ناظر النوبة
وقاموا بعد داك مشو السوق الرئيسي في المدينة وكسروا دكاكين سوق مكة
ومافي ناس كتار إنتبهوا للحاجة دي لأنه أصلا الناس كانوا صابنها ومنتظرين صلاة العيد والشوارع فاضية بالليل
وأيام المظاهرات الأمن أصلا كان فيهو سيولة
والغرض طبعا من الكيزان مد رقعة الفتنة القبلية البدت في القضارف.
| |
|
|
|
|
|
|
|
|
Re: معقول ما عندكم خبر الحاصل في بورتسودان (Re: Abureesh)
|
نجي نولول معاكم ولي نضع الحلول الجذرية بدل نمشط الانقاذ دبي قملا المتمدد في 18 ولاية ما عندها قيمة
قلنا
1- الدولة المركزية ما بتنفع في السودان مهما كان شكلهها ومضمونا
2- النظام الراسمالي الطقيلي الوسخ بتاع الايدولجيات المصرية ما بنفع يرضه
نرجع للحكم الاقليمي اللامركزي قبل الانقاذ باسس جديدة
حاكم اقليم منتخب
برلمان اقليم منتخب
وكده المسؤلية جات لي اصحابا
https://up.top4top.net/
ادروب ده تكنوقراط احسن من التربي وعلي الحاج وصديق يوسف وساطع الحاج والسنهوري
وختمي ما عنده فضية بي عبدالحي يوسف وخزعبلات الخرطوم
بشجع حي العرب سكرتا ما عنده شغلة بالمريخ والهلال اللحقو امات طه
وبدل المحاصصة في المركز وتختو لينا كمان ناس فى راسنا في الاقاليم يا ق ح ت في الستة شهور دي جهزو لانتخابات قاليمية في كل السودان الاقاليم الخمسة بتختفي الحركات لمسلحة المحترمة والازمة في السودان فدرالية من غير رتوش وتنظير كثير
جبهة الشرق هي الممثل المحترم لابناء الاقليم الشرقي والختمية ايضا والحركة الشعبية
والاقرب للقبائل هناك
فقط انتخابات نظيفة ونزيهة لحاكم اقليم وبرلمان اقليم يقضي علي الانقاذ في الشرق تماما
غير كده انتظرو الانفجار القادم بين قبائل اخرى في الاقليم
لا يجب ان يدار السودان ابدا من المركز وبي التجربة ثبت ذلك
ناس المركز ديل لا اوعي ولا اذكي ولا انظف من ناس جبهة الشرق دي اول حاجة وليس اوصياء علي السودان والسودانيين وخياراتهم الدينية والانتخابية
| |
|
|
|
|
|
|
|
|
|
Re: معقول ما عندكم خبر الحاصل في بورتسودان (Re: نعمات عماد)
|
في مثل هذه الأحداث ولكي تصل لمن ورائها يجب أن تبحث عن الدافع..
هذه المجموعات متعايشة منذ أمد ولم يحدث بينها احتكاكات سابقة..
الموضوع اذا لم يحسم سريعا سوف تنداح حلقاته لسائر الإقليم ..
وبذلك يكون أصحاب الأجندة الخفية قد حققوا مرادهم بوقف وعزل الميناء عن بقية السودان واجهاض الثورة .
| |
|
|
|
|
|
|
|
|
|
Re: معقول ما عندكم خبر الحاصل في بورتسودان (Re: محمد على طه الملك)
|
في تعتيم اعلامي على التفاصيل وشغل غتغنة
نحن الى الان عارفين معلومة واحدة تقريبا وهي الجهات المتصارعة
لكن السبب شنو ، المشكلة اتطورت كيف ، الحكومة عملت شنو ؟
قدر المعلومات المتوفرة متضاربة وكلها مصدرا السوشيال ميديا
وعادي في السوشيال ميديا كل زول بسوق لي بضاعتو
عايزين نعرف الحقيقة من جهة موثوقة محايدة حتى ولو كانت غير رسمية
| |
|
|
|
|
|
|
|
|
|
Re: معقول ما عندكم خبر الحاصل في بورتسودان (Re: Abdullah Idrees)
|
Quote: وبدل المحاصصة في المركز وتختو لينا كمان ناس فى راسنا في الاقاليم....
جهزو لانتخابات قاليمية في كل السودان الاقاليم الخمسة بتختفي الحركات لمسلحة المحترمة
والازمة في السودان فدرالية من غير رتوش وتنظير كثير |
لا فض فوك يا عادل, قد وضعت يدك علي الجرح
فالسودان, كما قلت, لا يمكن أن يحكم مركزيا...
يا ريتهم عملوا بهذه الحقيقة !
| |
|
|
|
|
|
|
|
|
|
Re: معقول ما عندكم خبر الحاصل في بورتسودان (Re: AMNA MUKHTAR)
|
العزيزة نعمات والأعزاء الكرام.
تشكروا على الإهتمام.
حقيقة الأزمة طالت الجميع حتى من غير المنسوبين للمكونين.
والتفاصيل من غير مصدرها الرسمي قد يساء تفسيرها.
المهم، طبيعي إنه الثورة المضادة تكون شغالة.. وواهم من ظن أن دولة الكيزان العميقة أو الموازية.. سمها ما شئت.. ستتبخر من تلقاء نفسها.
الناس مفترض تفكر في تفعيل آليات المراقبة الشعبية (السلمية).
وعلى من نصبوا أنفسهم قادة للثورة وللشعب أن يفوقوا وينتبهوا لجهود الإلتفاف على مكتسبات الثورة.. سواء كان من محاور وعملائها.. أو من الكيزان وتنظيماتهم التي لم تتفكك بعد..
غريب أن نرى ناس المراسم والحرس الكيزاني ووزيرة إنقاذية حضورا في إحتفال التوقيع التاريخي..
حين تمنع والدة الشهيد كشة من دخول قاعة الاحتفال..
وكذلك والد الشهيد الجا مشيا من أربجي.. ما عارفين الحصل ليهو شنو.
مع إني أتفق تماما مع قرار أسر الشهداء بعدم تحمل مسؤولية التوقيع على هذه الوثيقة..مع قتلة أبنائهم.
تحياتي..
واعتذر عن الرد المفصل للجميع نسبة لكوننا في حالة حزن لفقد أحد أفراد الأسرة الممتدة في الأحداث.. رغم كونه لا ينتمي للمكونين.
| |
|
|
|
|
|
|
|
|
|
Re: معقول ما عندكم خبر الحاصل في بورتسودان (Re: AMNA MUKHTAR)
|
بيان من مؤتمر البجا/ المكتب القيادي
بالنسبه لما حدث فى بورتسودان و من خلال متابعاتى واتصالاتى الخاصه وباطراف متعدده من القريبين من ملف الازمه سواء كانوا من ابناء بورتسودان وانا منهم او عبر لجان الوساطه او مبعوثى قوى الحرية والتغيير للمدينه فبامكانى القول بكامل اليقين ان الازمه وان تمظهرت فى شكل صراع قبلى بين مكونات عزيزه من مكونات الولاية الا انها فى جوهرها ازمه امنية بامتياز . تمت صناعتها من جهات قادرة على اختلاق مثل هذه المشكلات
مع اليقين ان هنالك جذور تاريخية لاحداث مشابهة حدثت فى سنوات ماضية وتم السيطرة عليها حينها بخسائر بشرية ومادية اقل..
والشاهد ان هذه الازمه بدأت بانتشار مجموعات (النيقرز) والذين ظهروا فى ذات الوقت فى ولاية الخرطوم وولايات اخرى بعد مجزرة فض الاعتصام فى القيادة العامه والذى كان واضحا ان تحريكهم واستخدامهم يتم عبر خطة محكمة وادارة واعية بما تفعله .. مع اصطحابنا لما حدث كذلك فى سبتمبر 2013
والمؤسف انهم فى بورتسودان استهدفوا مكونا محددا بهجماتهم مما ترك فى ذهن شباب هذا المكون ان فصيلا اخر يقصدهم فى ذاتهم فتأججت الاوضاع حينها و تمت السيطرة عليها مؤقتا عبر ما يسمى بالقلد (مجالس المصالحة القبلية) مع احتقان ظل فى نفوس الشباب من الطرفين كان ينتظر ادنى احتكاك لينفجر من جديد متزامنا مع (اداء القسم للمجلس السيادى) مخلفا اعدادا مقدرة من القتلى ..
وفى ذات اللحظة ظلت هذه الجهات تحاول جر بقية المكونات الاخرى لدائرة الصراع باغتيال احد ابناء الزغاوة واحد ابناء الفلاته وكذلك احد ابناء كردفان بل و حتى ارتكاب افعال اجرامية فى مناطق النوراب فى محيط ديم الميرغنية وقد ادركوا ما يحاك بهم فاستعصموا بالحكمة عن الانزلاق لهذه الفوضى.
مع تواتر افادات الشهود عن اطلاق الرصاص من عربات عليها مجموعات من (الملثمين)..
كل ذلك يؤكد ان هذه المجموعات المتناحره ليست الا ضحايا وادوات فى ذات اللحظه تم استخدامها بلا وعى فى هذه الاحداث المؤسفه
علما ان الكثير من الشباب فى لجان الاحياء و من ابناء هذه القبائل كانوا و مازالوا فى تعاون واتصال وتنسيق تام لايجاد حلول للازمه ليس اقلاها عقد ورشة الصلح بين الطرفين عقب الاحداث الاولى و مشاركتهم مع بعضهم البعض فى تخفييف اضرار كارثة السيول و الفيضانات فى خور بركه و التى ضربت مناطق دولابياى و مرافيت و طوكر..
و لكن لن يتحقق الاستقرار التام الا بمنع ايادى التخريب التى ظلت تفتعل الازمات وتسترخص الارواح وتعبث بالنسيج الوطنى والاجتماعى ولا تدرك خطورة ذلك على استقرار السودان الوطن .
ولا يحدث ذلك الا بتفعيل سلطة القانون وادوات الضبط عبر النيابات والشرطة و قيام الاجهزة الامنية بواجباتها حفظا للمواطن .. لا بحثا عن دولة سقطت منهم و حكومة وسلطة هربت من تحت ايديهم..
لا اشك ان هذه الازمة ستنجلى كما انجلت غيرها من احداث ولكن بعدها مباشرة يجب ان نعالج اشكالات الواقع وان نبحث عن اسباب الصراع عبر التاريخ وان نحل حلولا ناجعة لا تترك قنابل موقوته للانفجار مستقبلا.
كما يجب ان نستعصم بالحكمة فى مثل هذه الاحداث وان نتوخى غاية الحرص ان لا نكون دافعين نحو تأجيجها عبر تداولنا للاشاعات والاقوال غير المثبته بل واحيانا نشر بعض الاحداث ان كانت ستاتى بنتيجة عكسية..
فجميعنا ابناء و طن واحد كل مصاب فيه هو مصابنا وكل قتيل هو اخ وشقيق.
مكتب مؤتمر البجا القيادى
بقلم د. عاهل عبدالله حاج محمود زاجر
Sent from my iPhone
| |
|
|
|
|
|
|
|
|
 Re: معقول ما عندكم خبر الحاصل في بورتسودان (Re: AMNA MUKHTAR)
|
مامدى صحه هذه الانباء اتمنى ان تكون اشاعه. ربنا يلطف باهل بورسودان .الظاهر انو الجهات الواقفه خلف اشعال الفتنه مصره على تاجيج الفتنه باى شكل والامر يحتاج وعى شديد وتماسك مجتمعى يخمد الفتنه فى مهدها
Quote:
عثمان أبوبكر
@OsmanAbubakar_
· ٣٥ د
للأسف الإشتباكات قامت تاني في بورتسودان، رغم إنها المرة دي إنحصرت في منطقتي الرياض وحي المطار ٢٩، في مصادر طبية أكدت وصول إصابات "طعن - حرق" لمستشفى الحوادث قبل قليل .. ربنا يستر الحال ويحقن الدماء.
|
| |
|
|
|
|
|
|
|
|
|
Re: معقول ما عندكم خبر الحاصل في بورتسودان (Re: Asim Ali)
|
Quote:
الطويل الاخدراني🐸
@Mustafa_SDo
·
٤ د
تم حرق منزلين إثر إشاعة إطلاق نار في حي المطار..
والحمدلله لا يوجد اي إصابة أو وفاة والوضع الآن هادئ تماما
وتم القبض على من أحرق المنزلين..
#اشتباكات_بورتسودان |
الوعى والتوحده بين المكونات لاجهاض مخطط الفتنه اهم شىء
| |
|
|
|
|
|
|
|
|
|
Re: معقول ما عندكم خبر الحاصل في بورتسودان (Re: AMNA MUKHTAR)
|
| Quote: مامدى صحه هذه الانباء اتمنى ان تكون اشاعه. ربنا يلطف باهل بورسودان .الظاهر انو الجهات الواقفه خلف اشعال الفتنه مصره على تاجيج الفتنه باى شكل والامر يحتاج وعى شديد وتماسك مجتمعى يخمد الفتنه فى مهدها |
.
الأخ الهميم عاصم علي.
شكرا على المتابعة.. ودا مفترض يكون دوركم إنتو.. قصدي إنتو الما من المنطقة.
لكن شخصيا سأتحفظ منذ الآن على نقل الأخبار أو تداولها في العام وكذلك كتابة تحليلي الشخصي.. كي لا يساء تفسيرها وتعد مساهمة في قدح زناد الفتنة.. وذلك كوني أنتمي لإحدى مكونات المنطقة.
ولكننا كنشطاء من الشرق (من كل المكونات) نعمل بصمت على التحقق من جذور الفتنة ومن أشعلوها.
....
الأخ المعلق على العنوان.
فهل العنوان فقط ما لفت نظرك ؟!
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
AMNA MUKHTAR
Mahjob Abdalla
محمد على طه الملك
Abureesh
خضر الطيب
محمد نور عودو
Asim Ali
adil amin
ترهاقا
نعمات عماد
Abdullah Idrees
بلال الطاهر
Ali Abdalla Hassan
محمد محمد قاضي
فيس بوك
تويتر
انستقرام
يوتيوب
بنتيريست