Post: #1
Title: ابرزالمرشحين لوزارة الشئون الدينية والاوقاف بالحكومة القادمة
Author: زهير عثمان حمد
Date: 08-25-2019, 05:08 PM
05:08 PM August, 25 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
1_ السيد نصر الدين مفرح
2- السيد محمد المنتصر
3- مولانا الشيخ مهران
|
Post: #2
Title: Re: ابرزالمرشحين لوزارة الشئون الدينية والاو
Author: Mohamed Adam
Date: 08-25-2019, 05:42 PM
Parent: #1
| Quote: ابرزالمرشحين لوزارة الشئون الدينية والاوقاف بالحكومة القادمة |
علي الأقل في الفترة الإنتقالية وطبعا هي(فترة تقشف) حقو الوزارة دي يضموها لوزارة الرعاية الإجتماعية.
محمد آدم سعيد.
|
Post: #3
Title: Re: ابرزالمرشحين لوزارة الشئون الدينية والاو
Author: صديق مهدى على
Date: 08-25-2019, 05:48 PM
Parent: #2
محمد ادم ينظر هههها
|
Post: #4
Title: Re: ابرزالمرشحين لوزارة الشئون الدينية والاو
Author: علي عبدالوهاب عثمان
Date: 08-25-2019, 05:49 PM
Parent: #2
التحية لزهير الحبيب
حبيبنا محمد آدم ..
الخوف كمان وزارة ثقافة ... ووزارة أخرى للاعلام
ادمان النخب للسلطة
مشكلة أزلية في السودان ..20وزير + 20 وكيل وزير
|
Post: #5
Title: Re: ابرزالمرشحين لوزارة الشئون الدينية والاو
Author: Mutasim Idris
Date: 08-25-2019, 07:53 PM
Parent: #4
وزارة شئون دينية واوقاف؟ ليه؟؟!
عشان تفيد شنو وتقدم شنو؟
تاااااني دين؟
|
Post: #6
Title: Re: ابرزالمرشحين لوزارة الشئون الدينية والاو
Author: Mohamed Adam
Date: 08-26-2019, 04:12 AM
Parent: #5
| Quote: محمد ادم ينظر هههها |
ماتنظير يا اخونا الأنصاري ولكنه واقع... السودان يمر بمرحلة إستثنائة لابد من دمج وزارات كثيرة في وزارة واحدة عشان الوطن يستطيع يقيف علي حيلو ...
|
Post: #7
Title: Re: ابرزالمرشحين لوزارة الشئون الدينية والاو
Author: جمال المنصوري
Date: 08-26-2019, 05:53 AM
Parent: #6
التحايا للجميع
ليش اصلا يسوو وزارة للشئون الدينية
وليه الدولة تدفع رواتب لما يسمى بعلماء المسلمين.
هل اصلا في في افسلام مسمى زي ده.؟
لسه النبي (ص) ما عمل رواتب للحفظة؟
وليه النبي الكريم ما عمل بيت رعاية المشاعر المقدسة او شئون الحج؟
الحج حالة فردية (لمن استطاع اليه سبيلا)
اسئلة كثيرة تحتاج اجابات.
مودتي
|
Post: #8
Title: Re: ابرزالمرشحين لوزارة الشئون الدينية والاو
Author: محمد جلال عبدالله
Date: 08-26-2019, 06:17 AM
Parent: #7
كتب معتصم إدريس
Quote:
وزارة شئون دينية واوقاف؟ ليه؟؟!
عشان تفيد شنو وتقدم شنو؟
تاااااني دين؟ |
الدين باق إلى أن يرث الله الأرض ومن عليها
والدين باق ولو كره الكافرون والمنافقون
ولو بمنطقك ده في وزارات ثقافة ورياضة
والثقافة والرياضة ليست أهم من الدين
طبعا ده عند المسلمين
|
Post: #9
Title: Re: ابرزالمرشحين لوزارة الشئون الدينية والاو
Author: عمر سعيد علي
Date: 08-26-2019, 06:38 AM
Parent: #8
بالعكس يا اخوانا دي من اخطر الوزارات . .واهميتها من اهمية المساجد وتأثيرها من تأثير المنابر . .الفوضى في اطلاق الفتاوى من خلال خطب الجمعه ومدعي المشيخة دي اشياء لا يستهان بها . .وكل من هب ودب واقف في ساحة او سوق وعامل ليه مكرفون ويفتي ويكفر على مزاجه دي حاجة هامشية !!!الكيزان اول عهدهم بدأو بالسيطرة على المساجد لانهم يعلمون تأثيرها على السودانيين . .الشئون الدينية والاوقاف هي المعنية بتنظيم هذا العمل . . وللعلم هذه الوزارة تجد تنافس شديد بين الجماعات الدينية لاهميتها . .
بالمناسبة هي ما وزارة مجلس اعلى للشئون الدينية والاوقاف . .
|
Post: #10
Title: Re: ابرزالمرشحين لوزارة الشئون الدينية والاو
Author: Mutasim Idris
Date: 08-26-2019, 06:41 AM
Parent: #8
Quote: لدين باق إلى أن يرث الله الأرض ومن عليها
والدين باق ولو كره الكافرون والمنافقون
ولو بمنطقك ده في وزارات ثقافة ورياضة
والثقافة والرياضة ليست أهم من الدين
طبعا ده عند المسلمين |
الشيخ محمد جلال ازيك..
مافي زول غالط انه الدين لحدي ما يرث الله الارض.
شفنا نفاق لا ليه حد لا ليه عد باسم الدين. شئ وزارات
ومفوضيات وتنسيقيات مجالس افتاء انواع.
والدين ماعاوز وزارة ولا حتي الشباب والرياضة ولا
الرعاية الاجتماعية.. شفت كيف.
لو سالتك وزير الشئون الدينية ح يعمل شنو؟؟
تحياتي..
|
Post: #11
Title: Re: ابرزالمرشحين لوزارة الشئون الدينية والاو
Author: محمد جلال عبدالله
Date: 08-26-2019, 07:25 AM
Parent: #10
مرحبا معتصم
Quote: الشيخ محمد جلال ازيك..
مافي زول غالط انه الدين لحدي ما يرث الله الارض.
شفنا نفاق لا ليه حد لا ليه عد باسم الدين. شئ وزارات
ومفوضيات وتنسيقيات مجالس افتاء انواع.
والدين ماعاوز وزارة ولا حتي الشباب والرياضة ولا
الرعاية الاجتماعية.. شفت كيف.
لو سالتك وزير الشئون الدينية ح يعمل شنو؟؟
تحياتي.. |
كل ما تفعله وزارات الشؤون الدينية والأوقاف في كل بلاد العالم الإسلامي
رعاية المساجد والخلاوي والمعاهد الدينية
رعاية الأوقاف الإسلامية وتنظيم بعثات الحج وووووو أشياء كثيرة
====================
والدين ماعاوز وزارة ولا حتي الشباب والرياضة ولا
الرعاية الاجتماعية.. شفت كيف.
===================
ده رأيك انت ولكن غيرك لا يرى ذلك
|
Post: #12
Title: Re: ابرزالمرشحين لوزارة الشئون الدينية والاو
Author: Mutasim Idris
Date: 08-26-2019, 07:35 AM
Parent: #11
Quote: ل ما تفعله وزارات الشؤون الدينية والأوقاف في كل بلاد العالم الإسلامي
رعاية المساجد والخلاوي والمعاهد الدينية
رعاية الأوقاف الإسلامية وتنظيم بعثات الحج وووووو أشياء كثيرة
|
شايف ما عندك جواب.. وعشان في العالم الاسلامي في وزارات
انا اعمل زيهم؟؟ طيب الامارات فيها وزارة رفاهية او ماشابه
هل نحاكيهم يعني؟! ووزارات العالم الاسلامي ديل عملوا شنو
لشعوبهم؟ اقاموا شريعة ول وقفوا الموت البلاش دا للمسلمين؟
يعني رعاية الاوقاف الاكلوها ناس البشير وبعثات الحج عاوزة
وزارة! كلامك دا زي نكتة واحد ابعدوه في المعاينة الاخيرة بتاعة
القائد زمان في كلية الشرطة لعدم اجادته للانجليزية. كان زعلان
جدا لما حكي لاصحابه قاليهم جديع البمبان في دار الرياضة
ول كشة بيوت الدعارة عاوزة ليها انجليزي.
|
Post: #13
Title: Re: ابرزالمرشحين لوزارة الشئون الدينية والاو
Author: Hafiz Bashir
Date: 08-26-2019, 07:39 AM
Parent: #11
سلام محمد جلال عبد الله
مافي إختلاف في أهمية رعاية المساجد والخلاوى وتنظيم المعاهد الدينة ودعمها وجعلها أداة إيجابية في ترسيخ السلام والأمن الإجتماعي.
الإختلاف في أن هل هذه المهام تحتاج وزارة منفصلة أم أنه يمكن تحقيق هذه الأهداف من خلال إدارة داخل وزارة تضم عدة مهام أخرى؟
|
Post: #14
Title: Re: ابرزالمرشحين لوزارة الشئون الدينية والاو
Author: عمر سعيد علي
Date: 08-26-2019, 07:46 AM
Parent: #13
ليست وزارة . .هي مجلس اعلى للشئون الدينية والاوقاف
| Quote: وكشف الماحي سليمان عضو لجنة الترشيحات بقوى الحرية والتغيير عن تحديد 5 مجالس عليا متخصصة بدلاً عن الوزارات، وهي “المجلس الأعلى للتعليم العالي والبحث العلمي، والمجلس الأعلى للحكم الاتحادي، والمجلس الأعلى للسياحة، والمجلس الأعلى للشؤون الدينية والأوقاف، والمجلس الأعلى للإعلام والثقافة”. |
|
Post: #15
Title: Re: ابرزالمرشحين لوزارة الشئون الدينية والاو
Author: محمد جلال عبدالله
Date: 08-26-2019, 07:49 AM
Parent: #13
معتصم إدريس
| Quote: شايف ما عندك جواب.. ! |
ما عندي جواب كيف ياهو ده جوابي:
كل ما تفعله وزارات الشؤون الدينية والأوقاف في كل بلاد العالم الإسلامي
رعاية المساجد والخلاوي والمعاهد الدينية
رعاية الأوقاف الإسلامية وتنظيم بعثات الحج وووووو أشياء كثيرة
Quote: وعشان في العالم الاسلامي في وزارات
انا اعمل زيهم؟؟ طيب الامارات فيها وزارة رفاهية او ماشابه
هل نحاكيهم يعني؟! ووزارات العالم الاسلامي ديل عملوا شنو
لشعوبهم؟ اقاموا شريعة ول وقفوا الموت البلاش دا للمسلمين؟
يعني رعاية الاوقاف الاكلوها ناس البشير وبعثات الحج عاوزة
وزارة! |
ما قلت عشان هم عملوا نحنا نعمل
قلت ما تفعله الوزارات المماثلة في كل العالم الإسلامي
بمعنى إنو ده شي بدهي قيام وزارة تهتم برعاية النشاط الديني ومساجد المسلمين
ده شي بدهي في بلد مسلم
بالمناسبة ردي الأول كان على كلمتك:
=============
تاااااني دين؟
=============
يعني بالله عليك عايزنا نتخلى عن الدين عشان الكيزان تاجروا بيهو؟
وللا الكان بسووا فيهو الكيزان أصلا ده الدين عشان نتركه بعد رحيلهم؟
|
Post: #16
Title: Re: ابرزالمرشحين لوزارة الشئون الدينية والاو
Author: محمد جلال عبدالله
Date: 08-26-2019, 07:54 AM
Parent: #15
معتصم إدريس
Quote: ووزارات العالم الاسلامي ديل عملوا شنو
لشعوبهم؟ اقاموا شريعة ول وقفوا الموت البلاش دا للمسلمين؟
يعني رعاية الاوقاف الاكلوها ناس البشير وبعثات الحج عاوزة
وزارة! |
بنفس منطقك ده نلغي وزارة الدفاع لأنو ما قادرين نرجع حلايب
ونلغي وزارة الداخلية عشان ما قاعدة تؤدي دورها وقاعدة تذل المواطنين
ونلغي وزارة الصحة عشان مافي صحة
ونلغي وزارة التربية والتعليم عشان مافي تعليم والناس خلت مدارس الحكومة وبقت تمشي الخاص
ونلغي وزارة المالية عشان بقت للضرايب والجبايات
ونلغي الحكومة كلها عشان مافي حكومة نافعة في السودان
الغريب أنك لن تقول بذلك ومافي عاقل أصلا سيقول بذلك
ستقول: لا نلغيها ولكن نصلحها ونولي الصالح
وهو نفس ما سأقوله لك
|
Post: #17
Title: Re: ابرزالمرشحين لوزارة الشئون الدينية والاو
Author: محمد جلال عبدالله
Date: 08-26-2019, 07:59 AM
Parent: #16
وعليكم السلام أخي حافظ بشير
Quote: سلام محمد جلال عبد الله
مافي إختلاف في أهمية رعاية المساجد والخلاوى وتنظيم المعاهد الدينة ودعمها وجعلها أداة إيجابية في ترسيخ السلام والأمن الإجتماعي.
الإختلاف في أن هل هذه المهام تحتاج وزارة منفصلة أم أنه يمكن تحقيق هذه الأهداف من خلال إدارة داخل وزارة تضم عدة مهام أخرى؟ |
أنا ما عارف وين المشكلة يكون في وزارة لشؤون الدين ما دام في وزارة لشؤوون الشباب والرياضة ووزارة للثقافة والإعلام وحتى وزارة للتربية والتعليم والداخلية .. الدين ليس أقل من هؤلاء .. لو تكلمنا عن المساجد والزوايا والخلاوي فهي أكثر من المدارس والجامعات
ولو تكلمنا عن المستفيدين فهم كل الشعب السوداني فلماذا نقوم بتهميشها؟
بالمناسبة: الكيزان هم أول من حارب هذه الوزارة وأضعف دورها فمرة يتبعوها للتخطيط الاجتماعي ومرة يتبعوها للرعاية الاجتماعية ومرة يفرتقوها ويعملوها هيئات
فما دام نحنا طلعنا من العهد المظلم ده وعايزين نمشي في الطريق الصحيح المانع شنو نخصص لها وزارة؟
|
Post: #18
Title: Re: ابرزالمرشحين لوزارة الشئون الدينية والاو
Author: Mutasim Idris
Date: 08-26-2019, 08:12 AM
Parent: #16
Quote: بنفس منطقك ده نلغي وزارة الدفاع لأنو ما قادرين نرجع حلايب
ونلغي وزارة الداخلية عشان ما قاعدة تؤدي دورها وقاعدة تذل المواطنين
ونلغي وزارة الصحة عشان مافي صحة
ونلغي وزارة التربية والتعليم عشان مافي تعليم والناس خلت مدارس الحكومة وبقت تمشي الخاص
ونلغي وزارة المالية عشان بقت للضرايب والجبايات
ونلغي الحكومة كلها عشان مافي حكومة نافعة في السودان
الغريب أنك لن تقول بذلك ومافي عاقل أصلا سيقول بذلك
ستقول: لا نلغيها ولكن نصلحها ونولي الصالح
وهو نفس ما سأقوله لك |
يا شيخ محمد جلال لو نجحت وزارات الشئون الدينية والاوقاف عندهم
بقدر نجاح اي وزارة من القلتهم فوق ديل كان نقول. مثالا لا حصرا
عندنا الوزارة دي كان فيها مأكلة لا حكت لا بقت.
وقصة وزارة للاوقاف وترتيبات الحج دا زاتو ما من الدين صرف علي
وزير علشان يقوم بدور امام جامع ممكن يعمله.
Quote: يعني بالله عليك عايزنا نتخلى عن الدين عشان الكيزان تاجروا بيهو؟
وللا الكان بسووا فيهو الكيزان أصلا ده الدين عشان نتركه بعد رحيلهم؟
[ICQ] |
علشان ما نرمي اتهامات ساكات يا شيخنا انا ما قلت ليك نتخلي عن
الدين.. قلت ليك ما عاوزين وزارة للدين. ولو الدين عندك وزارة ضربت
ليك مثل بفشل (الوزارة) دي مااااااا الدين.
الكيزان والله افتكر في (ناس) دين (كتاااااااار) علي قفا من يشيل كانوا
بحاربوا معاهم , وعلشان ما نطلع من سياق الموضوع بتاع الوزارة خلينا
في انه نحن بس مختلفين في (وزير) للشئون الدينية والاوقاف.
واهو زاتو في اقتباس الاخ عمر سعيد علي قال مافي وزارة
وكلام مولانا حافظ بشير برضو في نفس الاتجاه.
يا شيخ محمد جلال والله الغرض هو الصرف الفاضي في وزارات ما عندها
جدوي ونفع والتجربة مااااثلة امامنا.. دا المقصد.
ودي وتحياتي.
|
|