عايزين كل الأخوة المسيحين يرجعوا سودانهم الطلعوا منو في ازمان مختلفة

08:51 AM August, 24 2019 سودانيز اون لاين
منصوري-
مكتبتى
رابط مختصر

(adsbygoogle = window.adsbygoogle || []).push({});والله لاقينا كتير منهم في مهاجرهم ،يبكوا على حالة السودان زمان من التوادد والتراحم والتعايش والاخوة الكان ولايزال موجود بين الشعب السوداني الحكومات المؤدلجة البايخة ،هى الكانت بى تجوط الحكاية ،،يا ريت والله،، مسحيين من الطائفتين ،، بى أقباطهم ،بى أرمنهم ، بى هنودهم ،، كان فى يهود سودانيين برضو عايزنهم ،يهودنا ذاتو ما بيشبهوا يهود الناس فى سماحة الخلقة والاخلاق المهم باختصار شديد أى حاجة كانت حايمة ، لافة ، عايشة في السودان زمان هسه عايزنها ودايرنها وبى نحبها ليه؟ لأنو السودان رجع زى زمان السودان السمح داك،،،هل تصدق زمان معانا واحد اسمو ( رينيه يلنقيسيان) رينيه دا مدير عام هلتون الخرطوم ، كان متزوج واحدة من الارمن السودانيين،،نحن فى الهندسة المرة دى كانت بى تحترم اسطاف الهلتون زى احترام لا حولااااتصدق تعتبرهم زى اولادا ،، بصورة مبالغة يعنى فى جميع مدن السودان فى اخوة مسيحين كرام لا حولااا فى عطبرة ناس حبيب باسطة ،، ناس فهمى ميخائيل ناس بيرم ،، كان دكانو احسن دكان فى سوق عطبرة ....فى العاصمة حبيناهم وغنينا ليهم وظبي المسالمة وحاجات كتيرة ياخى حتى احبابنا الشوايقة واهلنا غنوا ليهم فى نوري قالوا قصة
ريدة بين انسان مسلم ولين مسيحية إلا الريدة ما بتعرف قيود واديان سماوية احلف ليها بالإسلام وتحلف بالمسيحية ،،،،،،،،،،،،،اقول ليكم حاجة نحن تانى الجاليات الموجودة فى السودان دا زول يهبشهم ويرشهم باللبن ساكت نحن نرشو بالدم،،دا إرث تاريخى ياخى مننا فينا ،، وحقهم فى السودان زينا واحد هسه اهو ثورتنا عرفانا للجميل ادتهم عضو مجلس سيادة ولسه ما قسمنا القسمة كلها ، لسه مجلس الشعب ،البرلمان جاى ،، وحاجات تانى كتيرة جاية حرية سلام وعدالة ،،والثورة خيار الشعب
مدنياااو
عشان المدنية هى الاخلاق
عشان كدا عايزين الناس كلها تتسلح بالأخلاق
أخلاق السودانيين الزمااان ديك ، هل ممكن ترجع وتزيد لامن تتوج بالحكاية الكبيرة الما حايصدقا احد من الصفات المشرجة في هذا الشعب؟

الا واحد اسمو ايميل برسوم ياخ ده جلدنا في المدرسة جلد قربنا ندخل السوق هههههههههههههههههههههه
شندي والايام الجميلة طبعا نحن شارعنا في شندي كلو أقباط وهم أصبحوا جعليين في كل السلوكيات للجلد في الاعراس كابوسنا فيهو نعم الجيران ونعم الاحباب

والله يا خالد فعلا نعم الاهل والجيران

موش نحنا كتبنا في مسودة دستور الفترة الانتقالية
لاتفريق بين السودانيين لافى اللون ولا فى الاقليم ولا فى العقيدة؟
اهو هسه الحاجات دى حا تنزل على ارض الواقع

موش الكنداكات والشباب كانوا بيهتفوا ويقولوا ( كل البلد دارفور ، يا العنصري المغرور ) ؟
اها هسه الحاجات دى حا تتنزل على ارض الواقع،،
والشعب هو البي يساعد فى تنزيلا على ارض الواقع
،،،،،،،،
قصة ريدة بين انسان مسلم وبين مسيحية
إلا الريدة ما بتعرف قيود واديان سماوية
غناها احسن فنانيين الشوايقة محمد كرم الله رحمو الله
ياريت احبابنا هنا ينزلوها لينا بى صوت ناقع مسموع
،،،،
وإييك كترة اغاني

من زمن الحقيبة وقبلها
لى فى المسالمة غزال
،،،،
جدى العزاز الجيدو قزاز
،،،،،،،،
وسيدة وجمالا فريد ،، الخلقوها زى ما تريد
فى ناس قالوا الخلقوها زى مدريد ،، مدريد دى مرة الحاكم البريطانى
،،،،،،،،
احمد المصطفى برضو عندو اغنية ذكر فيها المسالمة ،،
،،،،،
عايزين التسامح داك الكلن بين الأديان يرجع،،
،،،،
جون قرنق رحمو الله ،كان رجل وحدوى ،، قال حصل شفتوا ليكم دولة شايلة ابريق وتتوضأ؟
ويوم القيامة ربنا بى يسأل دولة ؟ والا بى يسأل كل زول براهو ؟

اخوتنا فى الوطن المسيحيين الاقباط من مهمشى هذا الوطن ولكن رغم ذلك لم نشهد الا تسامحا وصبرا

رجع لهم حقهم يا عاصم ، ربنا يعوضهم فى الفات ،،