دبابيس من صحف اليوم 23 اغسطس 2019 م

04:14 PM August, 23 2019

سودانيز اون لاين
Abdulhaleem Osman-Sudan
مكتبتى
رابط مختصر

..
..
أصبح الصبح
وها نحن مع النور التقينا
التقى جيل البطولات
بجيل التضحيات
التقى كل شهيد
قهر الظلم ومات
بشهيد لم يزل يبذر في الأرض
بذور الذكريات
أبداً ما هنت يا سوداننا يوما علينا
.ه.
.ه.
📰 الجريدة:
👈 حمدوك يبحث مع أسر الشهداء تحقيق العدالة
📌 بداية موفقة
.
📰 الجريدة:
👈 مصرع”4″ أشخاص في صراع أهلي ببورتسودان وقوى التغيير تطالب بإقالة الوالي
📌 فتش عن الكيزان
.
📰 الجريدة:
👈 وفاة”11″ شخصًا من أسرة واحدة في حادث مروري بأم روابة
📌 لهم الرحمة والمغفرة وانا لله وانا اليه راجعون
.
📰 الجريدة:
👈 دول الترويكا والاتحاد الأوروبي يتعهّدون بدعم السودان في المرحلة الانتقالية
📌 دعم عديل تاني غمت مافي
.
📰 الجريدة:
👈 توقعات بارتفاع مناسيب النيل في معظم الأحباس والري تدعو للتحوط.
📌 ربنا ألطف بعبيدك واجعلها نعمة لا نقمة
.
📰 التيار:
👈 الدقير لـ”التيار”: ”رفضنا طلب الثّورية” وانتهينا بكل أسفٍ لمحاصصة”
📌 ياهو حالنا من زمن الانجليز ربنا يصلحه ان شاءالله
.
📰 التيار:
👈 مجلس السيادة يتدخّل لاحتواء توترات قبلية في بورتسودان
📌 زمان البرلمان ينتظرهم لحدي ما يفتروا براهم ويصفق للمنتصرين
.
📰 التيار:
👈 تعليق الدراسة بجامعة الخرطوم إلى أجلٍ غير مسمى
📌 جامعة الخرطوم الله يشفيها
.
📰 التيار:
👈 الكباشي لـ”التيار”: لجنة للتواصل مع الحركات المسلحة للسلام
📌 تااااني لجنة ؟ يحلنا الحلة بلة
.
📰 أخبار اليوم:
👈 رئيس الوزراء يجتمع بوكلاء الوزارات وترحيب دولي بتوليه رئاسة الحكومة .
📌 ابو الزفت نزل شغل طوالي حليل الجماعة كان الواحد فيهم الشهر الاول كله يقضيه في استقبال التهاني وتغيير الاثاث والبحث عن عن فيلا جديدة
.
📰 أخبار اليوم:
👈 مناوي يطلب اشراك (تشاد ومصر) لطي ملف السلام وإنهاء الحرب .
📌 مصر لا
.
📰 أخبار اليوم:
👈 المجلس السيادي يوضح الموقف من استمرار القوات المشاركة في اليمن .
📌 ايواااا ورونا الفهم شنو
.
📰 أخبار اليوم:
👈 حمدوك يلتقي بقيادات قوى الحرية والتغيير بمنزل الصادق المهدي .
📌 عليك الله خليك بعيد من الصادق دا
.
📰 أخبار اليوم:
👈 كسر الجسر الواقي لمنطقة ودرملي بسبب الفيضان .
📌 يا لطيف
.
📰 الصيحة:
👈 “حمدوك” يبدأ مشاورات واسعة لتشكيل الحكومة
📌 زمان المخلوع يشاور حاجة هدية بس
.
📰 الصيحة:
👈 الدقير: مجلس السيادة انتهى إلى”محاصصة” وما تمّ مع”الثّورية” خطأ
📌 الخطأ مردود والجايات أكتر من الرايحات
.
📰 الصيحة:
👈 وفد سيادي إلى بورتسودان وإعلان حظر التجوال لاحتواء صراع قبلي.
📌 وين ابراهيم صابونة من الفتنة دي؟
.
📰 الانتباهة:
👈 عمر الدقير: والله لا علاقة لنا بالمخابرات الأجنبية
📌 قلبك ابيض ، دي وظيفة الجماعة كانوا حاجزنها لي رقبتهم
.
📰 السوداني:
👈 “السوداني” تنشر تفاصيل أحداث بورتسودان الدامية
📌 انشروا... تاني مافي رقابة على النشر
.
📰 السوداني:
👈 الخارجية تشكو من أوضاع”سيئة” للسودانيين بلبنان
📌 والله سيئة لي سيئة أحسن يتلموا علينا
.
📰 السوداني:
👈 التعايشي: مكافحة الفساد لا تتمّ بـ”النوايا” وتحتاج لجراحات عميقة
📌 الجماعة عندكم في كوبر يلا اجرحوا زي ما عاوزين
.
.
📌ابووضاح 📌