دي ثورة شنو دى؟البنات والكنداكات مكسرات في الأصم، والرجال مكسرين في إسراء

10:51 AM August, 23 2019 سودانيز اون لاين
منصوري-
مكتبتى
رابط مختصر

(adsbygoogle = window.adsbygoogle || []).push({});قاعد جنب مرتو وفاتح الموبايل ، قال ليها شفتي إسراء دى سمحة كيف؟ قالت ليهو ما شفتها ، كنت مركزة مع الأصم،،،،،،،،،نفعتو ،،،،،،،، برضو لأننا نحن شعب عاطفي،، حساس شديد الحساسية ،رقيق شديد الرقة، ذكي شديد الذكاء، زكي كثير الزكاء،، رياد ،شديد الريده محروم كثر عليه الحرمان ،،،،،،،،واحد قال يوم القيامة كل سواد الشعب السوداني دخل الجنة ،،قبل ما يفتحوها دفروا الأبواب ودخلوا ، جاهم ملك جاري قال ليهم ،، يا السودانيين بالغتو ؟ بالطريقة دى حا تخربوها وتجوطوها ،، يعنى صابنها فيها والا شنو ؟

القدرة الإلهية تجلت وعلت ردمت فوقنا من جميل الصفات، مما يجعله سببا ووسيلة وغاية سامقة ، لالتقاء الارض بأسباب السماء،،شوف كل حس،، يتبعه روح ،، وما الحس إلا دلالة على الروح،،السودان شكل خريطته يشبه القلب،، وزى ما القلب قريب ليسار الشق من الجسم ، كذلك السودان خريطته تميل نحو اليسار من خارطة افريقيا،،،افريقيا نفسها خريطتا تشبه القلبقالوا منها صدر الإنسان الاول ، وقالوا اليها يعود ، وهو يختلج فى احشائهاالسودان كان جايط لانو حسيا قلبو مريض،، وقلبو مقطوع مؤقتا الى نصفين ولابد ان يلتئم القلب،، قصتنا زى قصة الثور الأبيض والثور الأسود البي يرعن سواء فى المرعي،،القصة المعروفة ،، ( أوكيلتو ،يوما اوكيلا الثورو الاسود )،،،،،، ) أكلت يوم أكل الثور الأسود) لابد أن يلتئم القلب، لتنضح الخصال المشرجة فينا ،مشرجة فى السواد ومشرجة فى البياض،،،العالم جايط ليه ؟
لأن قلبو مريض ، وقلبه أفريقيا
والسودان مريض ليه ؟ لان قلبو مريض خريطتو قلبو وقلبو مقطوع خريطتو مقطوعة قلبو ينزف مقطوع ،قطعوا الكيزان ،، لشىء فى نفس يعقوب،،
عشان كدا الامراض والجراح والحروب والبهدلة البي نشوفا فى العالم عشان روحيا قلب العالم تعبان وقلب افريقيا وهو السودان ذاتو تعبان ،، دى دلالات روحية لابد منها
قال صلى الله عليه وسلم فى حديث بإسناده، قلب القرآن يس ، ويس لها قلب ) انتهى
،،،،،،
وقد عرف العارفون أن قلب يس ( سلام قولا من رب رحيم )
وثورتنا ثورة ثورة سلام ،حرية ،عدالة
سلام ،، يعنى سلام مع الأحياء والأشياء
حرية ،، حظها الفكر ،، والفكر يجى بالمنابر الحرة والندوات والمحاضرات وتوظيف التكنولوجيا فى تفتيق افهام الناس وتنويرهم بالافكار التى تعصمهم من الانزلاق مرة اخرى فى براثن الهوس الدينى
،،،،
عدالة
يعنى عدالة التوزيع فى الثروة ،،
قال ديننا ( الناس شركاء فى ثلاث، الماء، والكلأ والنار )
بى فهم الليلة
الماء،، تمزيق فاتورة استهلاك الماء فى بلد تجري فيها انهار الدنيا
الكلأ بمفهوم اليوم ،، الخبز
النار ،، تمزيق فاتورة الكهرباء

ما عندنا دار عجزة
لأن الكلام دا عيب عندنا
ومثلنا يقول ( الما عندو كبير يشوف ليهو كبير )
لو عمرو صار 200 سنة ومات ولا يرجى له إلا الموت ،تجدنا نبكى ونندمس،، ونولول،،

صفاتنا غير
صحيح غطت عليها مسحة فى عهد الكيزان من صفات كعبة ،، لكن الصفات الشربونا ليها الناس الكبار قااااعدة ،، صحيح غطى عليها رماد كثيف،، لكن الجمرة قاعدة زى ماهى تحت هذا الرماد ، سوف تأتي رياح الفكر لتبعثر هذا الرماد وتتضرم الجمرة من جديد ،نارها يحرق الفياد ونورها يقود الى سبيل الرشاد
بس الثورة لا تملك ان تعتدل بين الإفراط والتفريط ،، بندول الفكر يجول بين الإفراط والتفريط لامن يستقر فى الوسط ،، وذلك هو الفكر المستقيم ،، الذى يستطيع ان يفلق الشعرة الى فلقتين ويميز بين فلقتيها ،،

الحريم (كورجة ) واقفات جنب شارع الزلط مالاقن بعضن من زمن ،، يقعدن يتسالمن ويتقالدن والماشافت رفيقتا فى عزاء من زمان تشيل معاها الفاتحة في نص الزلط ،، والعريت لى بتها تبارك ليها فى نص الظلط والعربات ماااشة والتكاسى ماااشة وينسن نفسن وينسن شارع الظلط وينسن الخطورة من سيارات طائشة تضربن ،، ينسن اى حاجة ويعيشن لحظتهن الحاضرة ،،
العاطفة
والخيال
هذه الصفات نمثل رأس الرمح فيها
وربنا أراد لنا ذلك ( ربنا شال من أحلى صفات ردم فوقنا )

،،،
عسى ولعل ثورتهم هذه ترجع اليهم بعض ما يودون
لكن علماء هذا الشعب، اهل الحقائق قالوا
عمق هذا الشعب وما يطلبه، لايوجد عند أيهما
ولعله خاتم المنى ! او الفانوس السحري! او ما يطلبه القصاصون،او الفلاسفة ، او ما غاص فى آفاق المعرفة ، أو ما طار فى أعماق الحقيقة

الحريم (كورجة ) واقفات جنب شارع الزلط مالاقن بعضن من زمن ،، يقعدن يتسالمن ويتقالدن والماشافت رفيقتا فى عزاء من زمان تشيل معاها الفاتحة في نص الزلط ،، والعرست ليها بتها تبارك ليها فى نص الظلط والعربات ماااشة والتكاسى ماااشة وينسن نفسن وينسن شارع الظلط وينسن الخطورة من سيارات طائشة تضربن ،، وينشن مشوارهن الماشات ليهو ،ينسن اى حاجة ويعيشن لحظتهن الحاضرة ،،العاطفة والخيالهذه الصفات نمثل رأس الرمح فيها وربنا أراد لنا ذلك ( ربنا شال من أحلى صفات ردم فوقنا )،،،عسى ولعل ثورتهم هذه ترجع اليهم بعض ما يودون لكن علماء هذا الشعب، اهل الحقائق قالواعمق هذا الشعب وما يطلبه، لايوجد عند أيهماولعله خاتم المنى ! او الفانوس السحري! او ما يطلبه القصاصون،او الفلاسفة ، او ما غاص فى آفاق المعرفة ، أو ما طار فى أعماق الحقيقة

رحم الله الشهداء الذين رووا الأرض بدمائهم من أجل سودان ديمقراطي حر ينعم بالحرية والسلام والعدالة ....

هلّا نترتقي لمقامٍ يليق بتضحياتهم ؟

لما تقول السودان او السودانيين يا صديق تكون ظلمت.
ما فى سودانى شغال بالحاجات دى إلا القليل ممن يكتب فى التواصل الاجتماعى. هل حصل صبيتها فى القيادة العامة؟ شباب و شابات تب الورد صابينها حتى الساعات الاولى من الصباح.. متوشحين بالعلم السودانى و بنات راسمات العلم فى خدودهن.. لا هم لهم سوى هذا الوطن العظيم.
استشهد الكثيرون و الكثيرات منهن و سالت دماؤهم فى الساحة و غرقوا فى النيل.
نحن بالنسبة لهم صفر على الشمال.
اما السودان الكبير الذي يضم الولايات و الاقاليم و الزراع و الرعاة فهم اعلى و أكثر نبلا من ان
يسلكوا سلوك المرضى الذين ذكرتهم.

تحياتى.

رجاء للجميع
حين تتحدثون عن ظواهر سلبية فلا تقحموا اسم السودان العظيم.

تسلم ابو الريش..

بسيطة ياخ نلم الاصم على اسراء وكل قرد يطلع جبلو
.. مع امنياتنا لهم بمستقبل زاهر
سلام منصوري

استاذ عبد الله ادريس ،، سمعنا اقتراحك

رحم الله الشهداء يا استاذ هانى عربي

نحن زمان نقول مكسر،، ما عارف الجيل الجديد يقول شنو ؟يبدو لى الكلمة مستمرة مع كلمات مترافقات اخر،،،،،،، العارف ببطون اللهجة السودانية ( الكسييير ) هو الإعجاب،، والإعجاب مسموح به شرعا،، وهو شىء جيد وفال حسن ،،،،، إعجاب بى طريقة الكلام اعجاب بى الشكلاعجاب بالفكر اعجاب بسطوة الحديث،،والاعجاب حاجة كويسة ،،لذلك عنوان البوست (محرك بحث جاذب) يسموه ناس الاتصال الجماهيري فى كليات الإعلام،،نحن فى الهندسة نسميهو displayوهو من اصل البوست ، فرع من اصل لا ينفصل عنه وهو دال عليه،،،صيغة مدح فى قالب ذم عنوان البوست إذن طالما الإعجاب مسموح الى يتأتي الإعجاب بالكمالات الكبيرة ، وقيم التحقيق المجسدة ، يبقى القصد كلو فرح بالثوار والثورة ورحمة تخشى الشهداء واجر وتبجيل لأمهات وآباء الشهداء،، وتحية للشباب كلهم من حدهم لى حدهم