Post: #1
Title: علي أي أساس يجتمع حمدوك بالصادق المهدي وبعض قيادات تجمع التغير!
Author: Arif Nashed
Date: 08-22-2019, 03:57 PM
03:57 PM August, 22 2019 سودانيز اون لاين
Arif Nashed-
مكتبتى
رابط مختصر
قال انا رئيس وزراء لكل السودانيين
|
Post: #2
Title: Re: علي أي أساس يجتمع حمدوك بالصادق المهدي وب�
Author: علي عبدالوهاب عثمان
Date: 08-22-2019, 04:25 PM
Parent: #1
الحبيب عارف .. تحياتي ..
هل فعلاً تم الاجتماع كما ذكرت ؟
سؤالك في محله ..
مشكلتنا غير عادية
شوف الاستقبال في المطار كل حزب يريد أن يعانق الرجل
ألاحظ كان محرج شوية ..
تابع الموضوع الحبيب عارف
شكراً ليك وحبيبنا محمد هارون على الصراحة
لا بد من تغيير سلوكنا السياسي
وإلا ضاعت الثورة ودماء الشهداء
|
Post: #3
Title: Re: علي أي أساس يجتمع حمدوك بالصادق المهدي وب�
Author: Arif Nashed
Date: 08-22-2019, 04:36 PM
Parent: #2
حبيبنا علي تحياتي
الخبر أكدته القنوات الفضائية وتم اللقاء بعد أدائه للقسم.
وهذا يضعنا أمام تساؤلات عديدة..
|
Post: #4
Title: Re: علي أي أساس يجتمع حمدوك بالصادق المهدي وب�
Author: نعمات عماد
Date: 08-22-2019, 04:49 PM
Parent: #3
سلام عليكم عارف و ضيوفك
احتمال عزومة عادية غداء ، عشاء ، برنش ، يعني
زيارة إجتماعية أو عزاء واجب كعادة سودانية
إحتمال !
|
Post: #5
Title: Re: علي أي أساس يجتمع حمدوك بالصادق المهدي وب�
Author: Hafiz Bashir
Date: 08-22-2019, 04:58 PM
Parent: #4
سلام يا عارف
ليه ما يجتمع؟
هنالك العديد من المواضيع التي يجب مناقشتها بين قوى الحرية والتغيير ورئيس الوزراء.
برنامج الفترة الإنتقالية مثلاً لابد من التشاور فيه بين رئيس الوزراء وقوى الحرية والتغيير ومكوناتها.
تشكيل الوزارة يتم بالمشاورة بين رئيس الوزراء و قوى الحرية والتغيير.
حمدوك لن يعمل بمعزل عن قوى الحرية والتغيير والشارع.
|
Post: #6
Title: Re: علي أي أساس يجتمع حمدوك بالصادق المهدي وب�
Author: جمال ود القوز
Date: 08-22-2019, 04:59 PM
Parent: #4
حمدوك لازم يكون على مسافة متساوية من جميع الأطراف ..
لايقبل عزائم لا ولائم لا دعوات مبطّنة وراءها ما وراءها ..
بالذات في فترته الانتقالية دي ده لو عايز الأمور تمش كويس ..
لكن لو عملها قبول دعوات وعزائم وولائم يبقى مافي فايدة ..
كل زول حيعزموا وحيكون بيمارس عليه ضغوط وإملاءات ..
وماحيقدر يكون مسؤول محايد ولايقبل أي إملاء من أي أحد ..
العزائم دي مش لوجه الله بل لأغراض وأهداف دنيئة ..
الناس البتشحد عشان يجتمعوا بيها زي الصادق المهدي وغيرو وغيرو ..
ديل ما منهم خير ولو كان عندهم فهم ونفع كان عملوهو زماااان ..
حين كانت مقاليد الأمور في أيديهم قضوها مراجيح لامن شالوها الكيزان ..
|
Post: #7
Title: Re: علي أي أساس يجتمع حمدوك بالصادق المهدي وب�
Author: نعمات عماد
Date: 08-22-2019, 05:07 PM
Parent: #6
سلام اخ ور القوز
عشان ما نبهت ( من بهتان ) السيد رئيس الوزراء. ، قلت إحتمال
يعني. محض. تخمين. من عندي .
طبعاً كلامك عامةً في محلو .
|
Post: #8
Title: Re: علي أي أساس يجتمع حمدوك بالصادق المهدي وب�
Author: معاوية المدير
Date: 08-22-2019, 05:16 PM
Parent: #7
Quote: سلام عليكم عارف و ضيوفك
احتمال عزومة عادية غداء ، عشاء ، برنش ، يعني
زيارة إجتماعية أو عزاء واجب كعادة سودانية
إحتمال ! |
سلآمات يا أهل .
منزل الصادق كان مسرح لكل الأحداث !...
|
Post: #9
Title: Re: علي أي أساس يجتمع حمدوك بالصادق المهدي وب�
Author: Hafiz Bashir
Date: 08-22-2019, 05:17 PM
Parent: #7
| Quote: بدأ رئيس الوزراء الجديد عبدالله حمدوك مشاوراته لتشكيل حكومته، حيث عقد لقاء مع عدد من قيادات قوى الحرية والتغيير في منزل رئيس حزب الأمة الصادق المهدي. |
مطلوب من حمدوك الإجثماع مع أكبر عدد من الكيانات السياسية والنقابية ومنظمات المجتمع المدني وحتى مع شخصيات عامة من المجتمع حتى يساهم أكبر قدر من المجتمع في وضع السمات العامة لبرنامج واولويات الفترة المقبلة.
ولكن فقط على حمدوك أن يحرص في إختيار المكان المناسب للإجتماعات.
|
Post: #10
Title: Re: علي أي أساس يجتمع حمدوك بالصادق المهدي وب�
Author: Amin Abubaker Abdalla
Date: 08-22-2019, 05:29 PM
Parent: #7
يا ثوار قولوا اعوذ بالله من الشيطان الرجيم...دى وسوسة منكم
ساى...لكى تنجح الثورة لابد ان يكون هناك المزيد من مثل هذه
الجلسات و المجاملات و التفاهمات بين الفرقاء...لفتة جميلة جدا
من حمدوك ان يكرم أكبر السياسيين سنا و آخر رءيس وزراء شرعى
بزيارة فى منزله...واستاذ صديق يوسف من كبار الثوار سنا ودورا
و ابتسامته الكبيرة لا تزال عالقة باذهاننا...اخونا الدقير و حزبه
المؤتمر من ركائز هذه الثورة...المطلوب من حمدوك ان يكثر من مثل
هذه اللقاءات و المشاورات مع الجميع...العلاقات العامة جزء من
من واجباته و احدى أهم أدوات عمله...و وحدة قوى الثورة هى الضمانة
الوحيدة لتحقيق الاهداف
|
Post: #11
Title: Re: علي أي أساس يجتمع حمدوك بالصادق المهدي وب�
Author: Gafar Bashir
Date: 08-22-2019, 07:26 PM
Parent: #10
فعلا قولو بسم الله
|
Post: #12
Title: Re: علي أي أساس يجتمع حمدوك بالصادق المهدي وب�
Author: محمد محمد قاضي
Date: 08-22-2019, 07:28 PM
Parent: #1
تحياتي عارف وضيوفك الكرام
Quote: المطلوب من حمدوك ان يكثر من مثل
هذه اللقاءات و المشاورات مع الجميع...العلاقات العامة جزء من
من واجباته و احدى أهم أدوات عمله...و وحدة قوى الثورة هى الضمانة
الوحيدة لتحقيق الأهداف |
بالإضافة للمقتبس أعلاه من كلام أمين ليه التحية ما ممكن يا شباب
نكون أوصياء علي ناس كبار ليهم خبرتهم الحياتية والعملية في مثل
هذه الأمور ونحدد ليهم يعملو شنو ويخلو شنو طالما وضعنا ثقتنا فيمن
إختارهم لشغل هذا المنصب وهم أولي من يحاسبهم ويصوبهم لمنفعة
الوطن والشعب.
|
Post: #13
Title: Re: علي أي أساس يجتمع حمدوك بالصادق المهدي وب�
Author: Biraima M Adam
Date: 08-22-2019, 09:42 PM
Parent: #12
في ظني، تعيين وزير المالية .. دكتور أبراهيم البدوي .. هو سبب اللقاء ..
دكتور أبراهيم البدوي .. كفاءة نادر .. لكن جزبي صارخ جناح الأمام .. الأن صار وزير للمالية.
بريمة
|
Post: #14
Title: Re: علي أي أساس يجتمع حمدوك بالصادق المهدي وب�
Author: محمد البشرى الخضر
Date: 08-22-2019, 10:23 PM
Parent: #12
المحروق يروق 
|
Post: #15
Title: Re: علي أي أساس يجتمع حمدوك بالصادق المهدي وب�
Author: ترهاقا
Date: 08-22-2019, 11:37 PM
Parent: #14
غايتو أنا ما شايف فيها حاجة ، ممكن يقعد مع كل شرائح المجتمع
|
Post: #16
Title: Re: علي أي أساس يجتمع حمدوك بالصادق المهدي وب�
Author: محمد علي البصير
Date: 08-23-2019, 06:59 AM
Parent: #15
| Quote: علي أي أساس يجتمع حمدوك بالصادق المهدي وبعض قيادات تجمع التغير! |
تحياتي يا حبيبنا عارف
على قول المثل ( الما بدورك في الضلمة يحدر ليك)
كيف حمدوك ما يجتمع بالصادق المهدي وحزبه عضو أصيل في قوى الحرية والتغيير ؟؟!!
اليس ترشيح أسماء الوزراء هو من مصيم عمل قوى الحرية والتغيير ؟؟
فكيف تستهجن جلوس حمدوك لهذه القوى والإجتماع بها ؟؟
علماً بأن دار حزب الأمة ومنزل الصادق المهدي أستضاف كثير من إجتماعات هذا التحالف
|
Post: #17
Title: Re: علي أي أساس يجتمع حمدوك بالصادق المهدي وب�
Author: Hani Arabi Mohamed
Date: 08-23-2019, 11:53 AM
Parent: #16
رغم كل اختلافي مع رؤى وتصريحات وتصرفات السيد / الصادق الصديق عبد الرحمن محمد أحمد
إلا أنني لا استطيع أن أنكر أنّه آخر رئيس وزراء منتخب في جمهورية السودان وفقاً لنتائج الانتخابات التي جرت في 1985م والتي كانت آخر انتخابات ديمقراطية في البلاد.
إذن ... فمن الطبيعي لرئيس وزراء الفترة الانتقالية المكلف أن يلتقي بآخر رئيس وزراء شرعي منتخب في البلاد.
|
Post: #18
Title: Re: علي أي أساس يجتمع حمدوك بالصادق المهدي وب�
Author: BAKTASH
Date: 08-23-2019, 02:46 PM
Parent: #17
الزول دا لسع بحفر في الساس ... الشورة سمحة لا تضر طالما الهدف واضح ..
|
Post: #19
Title: Re: علي أي أساس يجتمع حمدوك بالصادق المهدي وب�
Author: Arif Nashed
Date: 08-23-2019, 03:45 PM
Parent: #18
Quote: سلام عليكم عارف و ضيوفك
احتمال عزومة عادية غداء ، عشاء ، برنش ، يعني
زيارة إجتماعية أو عزاء واجب كعادة سودانية
إحتمال ! |
نعمات تحياتي
شاهدت فيديو مهين لزيارة حمدوك للصادق في منزله.
ماذا تأخذ الريح من البلاط !.
|
Post: #20
Title: Re: علي أي أساس يجتمع حمدوك بالصادق المهدي وب�
Author: Arif Nashed
Date: 08-23-2019, 04:03 PM
Parent: #19
Quote: سلام يا عارف
ليه ما يجتمع؟
هنالك العديد من المواضيع التي يجب مناقشتها بين قوى الحرية والتغيير ورئيس الوزراء.
برنامج الفترة الإنتقالية مثلاً لابد من التشاور فيه بين رئيس الوزراء وقوى الحرية والتغيير ومكوناتها.
تشكيل الوزارة يتم بالمشاورة بين رئيس الوزراء و قوى الحرية والتغيير.
حمدوك لن يعمل بمعزل عن قوى الحرية والتغيير والشارع.
|
مولانا حافظ تحياتي
الاجتماعات التشاورية تتم بحضور كافة القوي الموقعة علي إعلان الحرية ولها أماكنها .
كما ان الصادق شخص خاوي الوفاض ليس لديه ما يقدمه خلافا لمواقفه المخزية.
|
Post: #21
Title: Re: علي أي أساس يجتمع حمدوك بالصادق المهدي وب�
Author: Arif Nashed
Date: 08-29-2019, 04:27 PM
Parent: #20
اعتزر للمشاركين في الخيط عن الغياب لاسباب خارجة عن ارادتنا
ونواصل ..
|
Post: #22
Title: Re: علي أي أساس يجتمع حمدوك بالصادق المهدي وب�
Author: Arif Nashed
Date: 08-29-2019, 04:45 PM
Parent: #21
Quote: حمدوك لازم يكون على مسافة متساوية من جميع الأطراف ..
لايقبل عزائم لا ولائم لا دعوات مبطّنة وراءها ما وراءها ..
بالذات في فترته الانتقالية دي ده لو عايز الأمور تمش كويس ..
لكن لو عملها قبول دعوات وعزائم وولائم يبقى مافي فايدة ..
كل زول حيعزموا وحيكون بيمارس عليه ضغوط وإملاءات ..
وماحيقدر يكون مسؤول محايد ولايقبل أي إملاء من أي أحد ..
العزائم دي مش لوجه الله بل لأغراض وأهداف دنيئة ..
الناس البتشحد عشان يجتمعوا بيها زي الصادق المهدي وغيرو وغيرو ..
ديل ما منهم خير ولو كان عندهم فهم ونفع كان عملوهو زماااان ..
حين كانت مقاليد الأمور في أيديهم قضوها مراجيح لامن شالوها الكيزان .. |
ود القوز تحياتي.
مشكلتنا بأننا لا نتعظ من تجارب الماضي فتاريخ الإمام مليء بالاخفاقات والمواقف المخزية كما انه ليس ذلك الشخص الذي يملك رصيد من الإنجازات والمواقف المشرفة التي يمكن ان يستفاد منها.
وكما تفضلت يجب ان يكون حمدوك علي مسافة واحدة من كل الأطراف..
|
|