Post: #1
Title: يا حمدوك عوووك
Author: Abureesh
Date: 08-22-2019, 09:52 AM
09:52 AM August, 22 2019 سودانيز اون لاين
Abureesh-أمريكا
مكتبتى
رابط مختصر
و برضو معاك السيد محمد الفكى.. يا اخوانا انتو الحين بقيتو حكام و كدا.. و ما على هينتكم زى زمان.
عشان كدا لازم تنطقوا القاف قاف و ليس غين.
تدربوا بسرعة على التمييز بين القاف و الغين.
قوانين و ليست غوانين.
|
Post: #2
Title: Re: يا حمدوك عوووك
Author: Abureesh
Date: 08-26-2019, 11:41 AM
Parent: #1
بالانجليزي.. يا معالى السيد رئيس الوزراء
حرف ال th ينطق ذا..و ليس ظ
و بالله اعمل كل مجهود لنطق ال P .. و أبدا لا تنطقه B
قوام باللاى اعمل التعديلات دى قبل تنخرط فى لقاءات مع الصحافة الدولية.
ان لم تكن تراقبها من قبل فافعل الان.
ملحوظة:
بنيت هذه النصيحة المجانية على لقائكم الصحفى الاخير.
تحياتى
|
Post: #3
Title: Re: يا حمدوك عوووك
Author: اسماعيل عبد الله محمد
Date: 08-26-2019, 11:45 AM
Parent: #2
سلام أبو الريش
ملاحظة في محلها,,
|
Post: #4
Title: Re: يا حمدوك عوووك
Author: اسماعيل عبد الله محمد
Date: 08-26-2019, 12:01 PM
Parent: #3
,,,(الغيمة المضافة),,,
ياغيمة امشي ديارا ماتقيفي زي محتارة
بالمناسبة بتنا الهام سنهوري برضو قدتنا بالغانووووون قبل فترة ,,,
|
Post: #5
Title: Re: يا حمدوك عوووك
Author: علي عبدالوهاب عثمان
Date: 08-26-2019, 12:57 PM
Parent: #4
الحبيب أبوريش .. تحياتي يا جميل ..
ملاحظة في محلها .. خاصة في لقاءات مع الجزيرة ، العربية ، الحدث ، سكاي نيوز
نجد أن كل الدول ماعدا المصريين يتحدثون باللغة الوسيطة ( مغرب ، الجزائر ، تونس ، سوريا ، لبنان ، اليمن )
خاصة المغرب العربي ( يتنازلون عن لهجتهم العربية تماماً )
بعض السياسين السودانيين ( وخاصة القاف والغين ) وأحياناً بالعامية الصرفة
لمن قمنا .. ونحن عندنا كمان .. ديل لمن ... إلخ
رغم أن لغة الأم لدي هي النوبية .. أشعر بأن هناك خلل ..
ملاحظة في محلها ..
شكراً ابوالريش على الملاحظة
|
Post: #6
Title: Re: يا حمدوك عوووك
Author: Abureesh
Date: 08-26-2019, 01:12 PM
Parent: #5
الاخوين اسماعيل و على
اقترح ان كل اعضاء الحكومة يدخلون معسكر التدريب على مخارج الحروف.
صرنا أضحوكة عند العرب بالغين و القاف ديل.ِ
هل يعقل تجى ترفع الفاتحة لذوى الميت و تقول البغاء لله (استغفر الله العظيم)
او الدكتور فلان ألغى محاضرة.. (يعنى المحاضرة ما قامت!!!)
اما ال B و ال P فحدث ولا حرج
واحد سودانى عاوز يوقف عربيته فى شارع فى لندن.. سال الشرطى:
Can I bark here؟!1
الشرطى قال ليه
You can bark anywhere Sir but you can't leave your car here.
مع الاسف هذا نطق رئيس وزرائنا
|
Post: #7
Title: Re: يا حمدوك عوووك
Author: Hafiz Bashir
Date: 08-26-2019, 03:24 PM
Parent: #6
| Quote: صرنا أضحوكة عند العرب بالغين و القاف ديل.ِ |
ما يقدروا يضحكوا علينا يا أبا الريش
بعض سكان الخليج والمنطقة الشرقية من السعودية أيضاً يخلطون بين الغين والقاف
وسبب الخلط هو تقارب مخرج الحرفين
وتبديل الحروف ذات المخارج المتحدة او المتقاربة مسألة شائعة وعادية في اللغة العربية منذ قديم الزمان
| Quote: اما ال B و ال P فحدث ولا حرج |
الخواجات طوااااالي بقولوا لي مولانا هافز
أصلو ما حصل ضحكت عليهم ولا حاولت اقول ليهم يفرقوا بين الحاء والهاء والزاي والظاء
|
Post: #8
Title: Re: يا حمدوك عوووك
Author: Abdullah Idrees
Date: 08-26-2019, 04:13 PM
Parent: #7
ما فيها حاجة يا بو الريش
الناس دي كلها بتغلط
شفت الاستاند اب كوميديانز في امريكا
لحد اسي بنكتو في لكنة شوارزنيغر
دي سمات لسانية ما ممكن تغيرا لزول عمرو اكتر من 60 سنة
اضافة لانها غير مؤثرة ، حمدوك تعامل دبلوماسيين وسياسيين واقتصاديين
من مختلف انحاء العام واموروا مشت معاهم باسطة
سمعت جيكوب زوما؟
|
Post: #9
Title: Re: يا حمدوك عوووك
Author: Abureesh
Date: 08-26-2019, 04:37 PM
Parent: #8
يا استاذ عبدالله ادريس ..ما قلنا ما حيتعاملوا معاه.. يتعاملوا معه زى الترتيب بس حيعرفوا حاجة.
بعدين كون إشفارتسكوف او هنرى كسنجر عنده لكنة المانية .. انا زاتى عندى لكنة حتى الان لكن مخارج الحروف صحيحة. إضافة الى انو غلطين ما يعملوا صاح و ما نرمى حاجاتنا فى شماعة الآخرين.
تحياتى
|
|