Post: #1
Title: ما يحدث من اخطاء ورقابة طبيعي وصحي جدا للديمقراطية
Author: Gafar Bashir
Date: 08-21-2019, 01:02 PM
Parent: #0
01:02 PM August, 21 2019 سودانيز اون لاين
Gafar Bashir-
مكتبتى
رابط مختصر
بالنظر لاو 3. سنة فعليا احزابنا لا تمارس سياسة ولا ديمقراطية بل هي مجرد بؤر مقاومة سياسية ومسلحة
يبدو لي المنظر من فوق عادي وطبيعي
كل الاخطاء الرتكبة في الاختيار والاختيار المضاد
والرقابة علي الاختيار
وبنتعلم في الثلاثة سنوات دي الكتير
وبنعلم فيها العسكر برضو
ده ارث الثورة
وده اصلا المطلوب في الثورة
ومافي اي مجال مقارنة بين قحت والعسكري
لو العسكري فيهو مجال للاعتراض
والله واحد من مجلسهم السياجي يكون موجود مافي
|
Post: #2
Title: Re: ما يحدث من اخطاء ورقابة طبيعي وصحي جدا للد
Author: Hafiz Bashir
Date: 08-21-2019, 01:31 PM
Parent: #1
سلام يا جعفر
Quote: وبنتعلم في الثلاثة سنوات دي الكتير
وبنعلم فيها العسكر برضو |
الأنظمة الديمقراطية دائماً بتبدأ خطواتها متعثرة ثم تستقر وتقوى بالممارسة والتجربة، عكس الأنظمة العسكرية بتبدأ قوبة ثم تضعف تدريجياً جتى تسقط.
تجاربنا في السودان مع الدولة المدنية الديمقراطية كانت قصيرة وكلها إنتهت بإنقلابات عسكرية بسبب أخطاء حكوماتنا المنتخبة ولم تتاح الفرصة للمارسة الديمقراطية حتى يتم ترسيخها.
السؤال: هسه عندنا كم فرصة للخطأ عشان نتعلم قبل ما العساكر يجازفونا؟
|
Post: #3
Title: Re: ما يحدث من اخطاء ورقابة طبيعي وصحي جدا للد
Author: علي عبدالوهاب عثمان
Date: 08-21-2019, 02:10 PM
Parent: #2
الحبيب جعفر .. كلام في الصميم
نعم لا بد من إبداء الرأي ..
المهم أن لا تكون هناك قداسة لافراد مهما كانوا
المخطيء ينال النقد والتوجيه وحتى الصراخ في وجهه
تأليه الشخوص هو الذي اضاع السودان ..
أرجو من الشباب أن ليس لا قداسة .. ولا أحد فوق الوطن
النقد حتى لو كان لاذع .. لأي فرد .. لأي حزب مهما كان .. ما عدا الشهداء الذين قدموا أرواحهم في سبيل الوطن
======
ما شاء الله ابناءنا الثوار في التغيير أو التجمع أو غيرهم لديهم كاريزما ومستقبل قيادي لكن هذا لا يمنع أبداً من النقد
والتوجيه والتقويم لنخرج من هالة البيوتات السياسية والشخصيات ... إلخ
لا تمنحوا لأي مخطيء عذراً كما يقول البعض ( لسع في البداية .. معليش ما عندهم خبرة .. إلخ )
لأن هذا المبتديء عندما يتعرض للنقد مهما كان نوعه .. إما تحمل وصحح موقفه .. أو إذا لم يتحمل ينسحب من الساحة
تحياتي جعفر .. معليش طولت عليك ..
مشكلتنا نحن زمان قدسنا السياسيين ورفعنا الاحزاب فوق الوطن .. مما جاء بالكارثة على ابنائنا
فأصابنا الندم والحسرة اليوم .. والله إننى أحياناً أشعر بعقدة الذنب وكأنني متسبب في الوضع الحالي
لأن كل واحد منا متمسك بحزبه فوق مصلحة الوطن كلنا ( الشيوعي ، الاسلامي ، الامة ، الاتحادي ...: إلخ)
الحكاية كانت ( هلال مريخ ) أخذروا
لا أحد يعلوا على الوطن ..
طولت عليك الحبيب جعفر .. خايف على الكوتة ..
|
Post: #4
Title: Re: ما يحدث من اخطاء ورقابة طبيعي وصحي جدا للد
Author: محمد البشرى الخضر
Date: 08-21-2019, 07:05 PM
Parent: #3
ايوة قولليهم بالله ناس الشناف ديل! المحصلة في النهاية بعد مقارنة الانجاز و الاخفاق و الاخطاء و التراجع عنها و عدم المكابرة ايجابية وفي صالح الثورة و مستقبلها
و الشعب زاتو حتى مع الاندفاع و الانفعال الضار احيانا لكنه ابدى وعيا وتمسكا بحقوقه وان الكبير الله فقط
لا قدسية ولا محبة تمنع النقد, منظر اعضاء التجمع وهم يقفون بالساعات الطوال في الشوارع يجيبون على الاسئلة و الزرزرة بكل طولة بال و ادب دليل على التغيير الكبير و الحقيقي
تذكر قلة ادب نافع و المتعافي لما رمى المايك اثر احتجاج الجماهير حوله و خليك من دا هل تذكر كيف غير شورى المؤتمر الوطني دستوره في ليلة وضحاها و قمع اصوات المعترضين لاعادة ترشح البشير وقارنها بكيف اعاد الشارع ترشيح التعايشي و رفض ترشح طه مكانه!!
الامور طيبة وماشة لقدام حتى وان تعثرت خطوة او اتنين
الله يهدي لينا ناس معتصم ادريس و الهادي و يشوفوا الوجه المضيئ للقمر
|
Post: #5
Title: Re: ما يحدث من اخطاء ورقابة طبيعي وصحي جدا للد
Author: Gafar Bashir
Date: 08-21-2019, 07:25 PM
Parent: #4
| Quote: الله يهدي لينا ناس معتصم ادريس و الهادي و يشوفوا الوجه المضيئ للقمر |
قرقرقر
معتصم ادريس صاحبي هين
ابقي في الهادي وكمال
|
Post: #6
Title: Re: ما يحدث من اخطاء ورقابة طبيعي وصحي جدا للد
Author: Gafar Bashir
Date: 08-21-2019, 07:28 PM
Parent: #5
| Quote: السؤال: هسه عندنا كم فرصة للخطأ عشان نتعلم قبل ما العساكر يجازفونا؟ |
تحياتي مولانا حافظ
تعرف موضوع اعادة هيكلة القوات المسلحة ده
اقصد اعادة بناء لانو اصلا هي فاضية جنرالات كيزان بدون قوات
لو ما كان من اولويات اي حكومة قادمة ... مافي اي ضمانات بي شكل الجيش والدعم السريع الشايفنو ده
ممكن بكرة ينقلبو علي الديمقراطية
قنبلة موقوتة
|
Post: #7
Title: Re: ما يحدث من اخطاء ورقابة طبيعي وصحي جدا للد
Author: Gafar Bashir
Date: 08-21-2019, 07:32 PM
Parent: #5
تحياتي استاذنا علي
لك دعمنا في موضوع الكوتة ده بكري قصر شديد لكن استجابتو بطيئة
وشكرا ان قسمت لينا منها
الفترات الديمقاطية مقارنة بالعسكرية لا تذكر
عشان كدة الناس ما لحقت مارست ديمقراطية ولا مارست حياة تقديم المصلحة فوق الاحزاب لان معظم الاحزاب اتبنت علي تقديس مؤسسيها
نتمني الفترة القادمة تكون في وؤية مختلفة ووعي ختلف من خلال تراكمات بؤس الثلاين سنة ووع الثورة والثوار
كل الكلام ده بيصدر عن جهل
جهل لقيمة الحرية والديمقراطية
التي نتمني ان تزول بعد 30 سنة من الظلام
|
|