لا أنكر كراهيتي لحميدتي وجنجويده ولا للبرهان ومجلسه فكلهم في نظري قتلة وسافكي دماء، كما أنني لا أوافق (قحت) في تفاوضها مع المجلس ولا أوافقها في توقيعها علي الوثيقة وإقتسام الفترة الإنتقالية مع قاتلي الشهداء ...
Post: #2 Title: Re: بين خِطاب الأصم و تصرُف حِميدتي ... Author: معاوية المدير Date: 08-21-2019, 03:18 AM Parent: #1
الشارع هو الدينمو المحرك للأحداث في السودان وقحت تدعي أها هي الماسكة بزمام الشارع، لذلك دائماً تقول، لو حصلت عكننة من المجلس العسكري بنحرك الشارع. هل يا تُرى شارع اليوم هو شارع الأمس ؟. هل يا تُرى قحت ما زالت ماسكة بالزمام ؟...
Post: #3 Title: Re: بين خِطاب الأصم و تصرُف حِميدتي ... Author: معاوية المدير Date: 08-21-2019, 03:23 AM Parent: #2
خطاب الأصم والذي سارت به الرُكبان فأصبح بمثابة معلقة عمرو بن كلثوم لأهل السودان هل يصلح لأن يكون زمام لقيادة الشعب ؟. هل مسح الخطاب وعثاء سفر ثلآثين عاماً في دروب العذاب والشقاء والعنت وآوى الناس إلي ظلٍ ظليل ؟...
Post: #4 Title: Re: بين خِطاب الأصم و تصرُف حِميدتي ... Author: معاوية المدير Date: 08-21-2019, 03:32 AM Parent: #3
هذا هو خطاب الأصم تلآه في قاعة فخمة وسط ضيوف علي قدرٍ عالٍ وهيبة، وهو في كامل أناقته وهندامه، تلآه علي أحسن ما يكون، وقد كُتب الخطاب بلغة رصينة وعبارات منتقاه. هكذا كان الحال دآخل القاعة فكيف كان الحال خارجها ؟، وهل حال الشعب خارج القاعة كحال الحضور دأخلها ؟، أم أنّ هنالك ضنك في العيش خارج القاعة ومواطن يتضور جوعاً يضربه وآبل المطر وهو يقف في العراء بعد أن جرفت السيول ما بحوذته من متاع قليل ولُقيمات لا يقمن صلبه ؟...
Post: #5 Title: Re: بين خِطاب الأصم و تصرُف حِميدتي ... Author: معاوية المدير Date: 08-21-2019, 03:37 AM Parent: #4
هنا إنعكاس تصرُف حميدتي علي الشعب، فيا تُرى لِمن سينقاد الشعب بعد اليوم، هل سينقاد لقحت أم لحميدتي، وهل إذا سلّم أمره لحميدتي سيكون مُلآم ؟.
حميدتي قالكم، ربنا قال صاحب العقل يميّز ...
Post: #6 Title: Re: بين خِطاب الأصم و تصرُف حِميدتي ... Author: معاوية المدير Date: 08-21-2019, 03:39 AM Parent: #5
السؤال الذي يطرح نفسه، أيهما أكثر فعالية خطاب الأصم أم تصرُف حميدتي ؟...
Post: #7 Title: Re: بين خِطاب الأصم و تصرُف حِميدتي ... Author: adil amin Date: 08-21-2019, 04:17 AM Parent: #6
Quote: السؤال الذي يطرح نفسه، أيهما أكثر فعالية خطاب الأصم أم تصرُف حميدتي ؟...[/QUOTE
الثورة التي ليس بها حامل فكري ولا مشروع سياسي تطبيقي واضح لن تعمر كثير حميدتي افضل لو لقا ناس وعين استرتيجيين علميين وعمليين متواضعين في هذه المرحلة وبرنامج يمشي عليه بكون افضل طبعا وزيك انا ق ح ت لا تمثلني ولا علما ولا اي حاجة عملتا و ولن ابخسهم اشياءهم فقط يعرفو هم ليس الافضل في السودان وما احسن من رؤية الحركة الشعبية 2005-2010 لحدي الان اتفاقية نيفاشا ودستور 2005 والمحكمة الدستورية جون قرنق وصلنا انتخابات 2010 وما قعدت في راس الناس وقالت ما اريكم الا ما ارى وقعجت ترفس في الختمية والانصار واولاد الغرب والشرق والشمال والجنوب ....وده بيت القصيد يوصلونا انتخابات باسس جديدة واقل زمن بس نكون شاكرين مقدرين
إذا أردت أن تغير وضعًا خاطئًا فعليك ((بتجهيز البديل أولًا)) قبل أن تبادر بتغيير هذا الوضع.
في تاريخ النهضات أن ((اليقظة العقلية)) تسبق دائماً النشاط السياسي والاجتماعي..ٍ عليك الله يا مقمل شايف اي يقظة فكرية او حاجة جديدة كده رفعت الادرنالين عندك وحررتك من الاحساس بالهوان والزهج يا اب صلعة ...بتاع شلعوها الشيوعيين ... وهم في اللهاث بتاع الناس ديل لحدي هسة لي مصر والخليج وعالم العرب الضيف دون داع والله انا بس عرفت عظمة اثيوبيا واهلا في هذه المولد والسيرك القومي وكمان استجابة الشباب الجديد للدور الثيوبي ودي بداية يقظة فعلا لو جدعو علم مايو القبيح ده من هسة ورجعنا لي علم الاستقلال عديل بنكون اتحررنا من اكبر كذبة اننا عرب دي ... **** ده بالعجنبي فيك يا تيس عبدالمعروف انت وحميدتي https://up.top4top.net/
أنت كالكلب في حفاظك للود و كالتيس في قراع الخطوبِ أنت كالدلو، لا عدمناك دلوًا من كبار الدلا، كبيرَ الذنوبِ ******************************* ناس ق ح ت ديل ابان مصارين بيض ما يلزمونا ذى ديل ومن ناس ديل واسفاي وعيهم ما فايت فتيج للخور للمغالق
Post: #8 Title: Re: بين خِطاب الأصم و تصرُف حِميدتي ... Author: خضر الطيب Date: 08-21-2019, 04:23 AM Parent: #6
سلام ود المدير
Quote: السؤال الذي يطرح نفسه، أيهما أكثر فعالية خطاب الأصم أم تصرُف حميدتي ؟...
اكيد خطاب الأصم هو الأهم اهلنا ناس الجيلي انكسر فيهم البحر و دي كارثة نعم , و الشئ العملو ليهم حميدتي شئ وقتي و من وين جاب حميدتي قروش ؟ عشان يقيف مع اهل الجيلي ما ظنيتك تسمع كلام الزول دا و تسفه خطاب الأصم خطاب الأصم بيأسس لمرحلة قادمة و مستدامة و دا الأهم
Post: #9 Title: Re: بين خِطاب الأصم و تصرُف حِميدتي ... Author: محمد نجيب عبدا لرحيم Date: 08-21-2019, 04:28 AM Parent: #5
Quote: هنا إنعكاس تصرُف حميدتي علي الشعب، فيا تُرى لِمن سينقاد الشعب بعد اليوم، هل سينقاد لقحت أم لحميدتي، وهل إذا سلّم أمره لحميدتي سيكون مُلآم ؟.
حميدتي قالكم، ربنا قال صاحب العقل يميّز ...
الزول البشكر في حميدتي اكيد في الدعم السريع وشارب العصير
Post: #10 Title: Re: بين خِطاب الأصم و تصرُف حِميدتي ... Author: adil amin Date: 08-21-2019, 04:38 AM Parent: #9
النصيحة القدمتها يا معاوية المدير ما استوعوبها الناس ديل البشير كان بدبج خطابات ذى دي قعدتو ثلاثين سنة واهلنا بقولو الحداث ما سواي مش تقصد حميدتي واقعي مستفيد من الواقع بتاع السودان وانتو حتي اعلامكم غبي وممل (سودان بكه وراديو دبنقا ) ما قادر حتي هذه اللحظة يخت الشعب السوداني كله قصاد برنامج واضح دينامكي 1و2و3و4و5و6و ولا قادر حتي ينزل الاعلان الدستوري لوعي الشعب ويا حليل الحركة الشعبية وراديو الحركة الشعبية زمان....الكتل جون قرنق ما كسب فينا خير ابدا كويس يا معاوية رج برمة الناس ديل والله نرجسيتهم اعيت من يداويها يحتقرو الشعب والقبائل والادارة الاهلية وحميدتي ويهدرو طاقتهم في تقبيح الاخرين بدل يجملو نفسهم الخطاب كتبو ليه بعاعيت مايو 1969 الكتبو نفس الخطاب بتاع الويل الثبور لنميري في الجزيرة ابا
بعدين السكر حق الرجال ....يا دوك....انت ورينا عندك شنو خلي حميدتي والدعم السريع ؟؟ نمشي نشحد الامارات والسعودية ذي ناس حميدتي والبرهان ولي عندكم وصفة اقتصادية سرية ما جا الساحر حمدوك لسه يورينا ليها
ننتظر مندوب البنك الدولي حمدوك عشان نكمل رايهم بس مرة واحدة ونشوف حيحل مشكلة الاقتصاد كيف ؟؟؟؟
Post: #11 Title: Re: بين خِطاب الأصم و تصرُف حِميدتي ... Author: تماضر الطاهر Date: 08-21-2019, 05:25 AM Parent: #10
من يكتب بإسم قريبي؟ ههههههه سلام يا مدير بتفق معاك في بداية البوست. ، بالنسبة لي ناس الجيلي وما جاورها..هم حلفاء سيء الذكر حميتي. ولو ما ناسي الحشد العملوهو ليه قبل فترة..وجندوا شبابهم ضمن مليشياتو. يعني فزعة حبان. وأي صرف يصرفو..لا بستحق حمد ولا شكرانية..اعتبرو حق الشعب من جبل عامر. ، أريتك طيب
Post: #12 Title: Re: بين خِطاب الأصم و تصرُف حِميدتي ... Author: دفع الله ود الأصيل Date: 08-21-2019, 05:51 AM Parent: #11
صباحاتك لبن يا ود المدير و لكن أول مرة أحس بك بالجد قرفان جنس قرفة شديدة لو عصرولا ليمون جناين الباوقة تشن عليهو ما ظنيت يفكها كما كشفت لينا في بوستك البومتا داك فيياخوانا شيشكم عليهو الوليد لسة تعلمجي غِر ( Green Horn) و لسة شكلو لا ضاق حريرة و لا ضريرة. و كأننا بنطالبو يجينا داخل القاعة متأبطاً عصاً موسى . ياخي موش كفاية هديلك ناس الأنغاز بهناك و كدايسا السمان فاتحين نفيهو جبخانة شتائم و منٍّ و أذى ينتو فوقو بجامعة اللبيض القرا فيها قالو شيدتا لينا الإنغاز ؛ و الشارع البسافر يو الفضل فيه راجع لبني كوزان ؛ و الكباري الكتيرة و مسيخة القاداتنها الجقور دي قالو حتها حقت بشة بناها لعربية وداد لسهولة تنقلاتها يعني ما فاصللهم علا يقولو الكبشين الأقرنين أملحين اللي ضبحن أبوك لي سمايتك حتهن مدوعلات في الحديقة الخلفية لبيت عمو بشة في كافوري ولا في حواشات خالتو فاطنة خالد في شلعوها الخوالدة بالمناسبة جبنا الهيتةالبهيتة ؛ و لكن شتان بين و بين فعليكمالله يا ناس شوية صبراً يبل اللابري ،
Post: #13 Title: Re: بين خِطاب الأصم و تصرُف حِميدتي ... Author: Gafar Bashir Date: 08-21-2019, 12:55 PM Parent: #12
سلام
يا ود المدير حميدتي عندو مليشيات وميزانيتو قدر ميزانية الدولة والبعملو في الشارع ده ما يجي حق واحد في المائة من ابناء السودان الماتوا فداء للثروة البملكها .... قحت لسة عبارة عن وفد تفاوض لا في ايدها حكومة ولا دولة ولا جيش اهو مولانا خايض معاهم وفي صفف العيش لو ده بفيد حاجة
وحميدتي بدفع في فاتورة تبييض وشو بعد مجزرة الاعتصام لو قضي عمرو كلو ما حايسددها .... وهسي بعج شوية لمن تبقي دولة وحكومة الاصم او حمدوك بعدين ممكن نقول ليهم لي ما طلعتو قافلة اغاثة للمناطق المنكوبة من مواطنين وجيش وشرطة
كانك بتتعامل مع قحت بانها حكومة
Post: #15 Title: Re: بين خِطاب الأصم و تصرُف حِميدتي ... Author: علي عبدالوهاب عثمان Date: 08-21-2019, 01:06 PM Parent: #13
الاحباب ودالمدير وجعفر تحياتي أكيد معاه قروش بالكوم ما تنسى الخليج والبشير في المحكمة قال انه سلم الملايين ( الدولارات ) لشقيق حميدتي ..
يمكن عمل إيداع في ( بنك الدعم السريع المركزي) هل ما زال بحوزته ؟؟ لا خبر من المالية ولا البنك المركزي
تحياتي .. ودالمدير
Post: #14 Title: Re: بين خِطاب الأصم و تصرُف حِميدتي ... Author: Asim Ali Date: 08-21-2019, 01:05 PM Parent: #12
سلام عليكم حميدتى بيلعب على وتر ازمات المواطنيين مقروء مع الفساد والفوضى وقصور امكانات اجهزه الدوله.عشان يظهرفى لحظه بعد استحام الازمه كانو المخلص للشعب من الامهم وازماتهم ولازميكون كل عمل ليهو عليهو ديباجه تلميع وترويج ليهو ولى مليشيتو. كارثه السيول والفيضان ضربت النيل الابيض ثم جنوب الحزام والان الجيلى. حميدتى ظهر فى جنوب الحزام والجيلى المناطق الاصلا صرف وحشد فيها ومساهمتو مساهمه للاعلام والدليل متابعه تقارير واستغاثات لجان مقاومه جنوب الحزام ولجان مقاومه بحرى وبعض المبادرات. حميدتى محتاج هو ومليشيتو يختوهم فى علبهم لانهم من اخطر معوقات الثوره فى المرحله الانتقاليه
Quote: حوجة عااااجلة ل باك لودر لمنطقة الكدرو ببحري لانو البحر اتخطى الترس الاول واتصلو للمحلية ما ساعدت بشي والدفاع المدني قال ما عندو آليات حاليا.. للمساعدة ⬇️⬇️⬇️ مكتب العمل الميداني: 0909213794
Post: #16 Title: Re: بين خِطاب الأصم و تصرُف حِميدتي ... Author: Biraima M Adam Date: 08-21-2019, 01:57 PM Parent: #14
هههاي ...
بريمة
Post: #17 Title: Re: بين خِطاب الأصم و تصرُف حِميدتي ... Author: معاوية المدير Date: 08-22-2019, 01:41 AM Parent: #16
Quote: إذا أردت أن تغير وضعًا خاطئًا فعليك ((بتجهيز البديل أولًا)) قبل أن تبادر بتغيير هذا الوضع.
في تاريخ النهضات أن ((اليقظة العقلية)) تسبق دائماً النشاط السياسي والاجتماعي..ٍ عليك الله يا مقمل شايف اي يقظة فكرية او حاجة جديدة كده رفعت الادرنالين عندك وحررتك من الاحساس بالهوان والزهج يا اب صلعة ...بتاع شلعوها الشيوعيين ... **** ناس ق ح ت ديل ابان مصارين بيض ما يلزمونا ذى ديل ومن ناس ديل واسفاي وعيهم ما فايت فتيج للخور للمغالق
عادل أب قمُل، من نكد الدنيا عليّ إنها جمعتني بيك في عطبرة، السكة حديد جابتلنا دبايب من شاكِلتك. نصبر بس. يأخي حكاية البديل دي برد عليها من خلآل مدأخلآت جاية، أما حكاية يقظة فكرية دي فبيننا وبينها ما بين السماء والأرض رغم إنو الشباب القادوا الثورة وفجروها لديهم وعي مبكّر تجاى في شخص ممثلهم الأصم. ناس قحت يا عادل ألهو أنفسهم من قولة تيّت، وجهزو حصيلة من ردود عقيمة لكلٍ من سعى لتصويبهم أو نقدهم ؤ قالولكم تمسكوا خشمكم عليكم ؤ تخلونا نلِت ؤ نعجن علي كيفنا !...
Post: #18 Title: Re: بين خِطاب الأصم و تصرُف حِميدتي ... Author: معاوية المدير Date: 08-22-2019, 01:56 AM Parent: #17
Quote: سلام ود المدير
اكيد خطاب الأصم هو الأهم اهلنا ناس الجيلي انكسر فيهم البحر و دي كارثة نعم , و الشئ العملو ليهم حميدتي شئ وقتي و من وين جاب حميدتي قروش ؟ عشان يقيف مع اهل الجيلي ما ظنيتك تسمع كلام الزول دا و تسفه خطاب الأصم خطاب الأصم بيأسس لمرحلة قادمة و مستدامة و دا الأهم
سلآمات يا خضر.
يا خضر عايزين الأثر النفسي علي المواطن ؤ ناس الجيلي بيمثلوا المواطن في محنته، أما خطاب الأصم فقد نُقش بِإزميل فدياس علي قلوب فئة معيّنة من الناس لا تمثل السوآد الأعظم، فالشخص البسيط الذي عضته نوائب الدهر ما بيهمو خطاب الأصم بقدر ما بيهمو تحرك حميدتي العاجل لمؤآذرته في محنته ؤ ما عندو إستعداد بكرة يقيف مع الأصم ؤ لسان حالو يقول اللصم دا بيملآنا هوا ساكت. أنا ما سفهت خطاب الأصم لكن الواقع بيقول إنو المواطن المكلوم ؤ مزنوق دا عايز يتخلص من حصار الكوارث في اللحظة ؤ مسألة خطاب يأسس لمرحلة مستدآمة دي مكنة ما بتقسم معاهو. عارف ردي دا بيكون طرح عِدة أسئلة في خاطرك ستجد الإجابة عليها في الردود القادمة ...
Post: #19 Title: Re: بين خِطاب الأصم و تصرُف حِميدتي ... Author: معاوية المدير Date: 08-22-2019, 02:00 AM Parent: #18
Quote: الزول البشكر في حميدتي اكيد في الدعم السريع وشارب العصير
سلآمات يا محمد نجيب.
إذا ثبت ما أكدته أنت يبقى سقط بوست ود المدير وأردِموا طوّب فوق صلعتو لآمّن يآمِن ...
Post: #20 Title: Re: بين خِطاب الأصم و تصرُف حِميدتي ... Author: معاوية المدير Date: 08-22-2019, 02:14 AM Parent: #19
Quote: من يكتب بإسم قريبي؟ ههههههه سلام يا مدير بتفق معاك في بداية البوست. ، بالنسبة لي ناس الجيلي وما جاورها..هم حلفاء سيء الذكر حميتي. ولو ما ناسي الحشد العملوهو ليه قبل فترة..وجندوا شبابهم ضمن مليشياتو. يعني فزعة حبان. وأي صرف يصرفو..لا بستحق حمد ولا شكرانية..اعتبرو حق الشعب من جبل عامر. ، أريتك طيب
سلآم يا قريبتي. وحات الله البيكتب دا أنا بصلعتي ؤ في عز زهجتي.
ناس الجيلي يا تماضر ليسوا بحلفاء والجيلي أوّل منطقة تلقت هجوم من الدعم السريع شمال الخرتوم، لو بتذكري لآمن راحو يعتدوا علي الناس ؤ يقلعوا ما عندهم. أما بالنسبة لمسألة الحشد فحميدتي عرف كيف يستعدي عليكم الناس ويكسبهم لجانبه وهو ما زال رغم توقيعه مع قحت يعمل تحت رآية الدعم السريع ويحيّد في الناس. حكاية أيّ دعم لا يشكر عليهو دي جُرعات مخدرة بتخادوها إنتو، لكن الشكر من هاؤلاء الناس الذين يساعدهم اليوم ستدركونه كلكم غداً، أبقوا جاهزين ...
Post: #21 Title: Re: بين خِطاب الأصم و تصرُف حِميدتي ... Author: معاوية المدير Date: 08-22-2019, 02:19 AM Parent: #20
ملحوظة،
عايز ألفت نظر زوار البوست والمشاركين فيه لنقطة مهمة جداً يستصحبوها معهم في إضطلآعهم علي البوست ألآ وهي إنو السودان لا يملك جيش وطني والبتشوفهو قدآمكم دا آرتفيشل ساكت إضافة إلي إنو صناعة رديئة جداً. تكمن مشكلة البلد في عدم وجود جيش وطني وستظل قائمة، لمتين ؟، العِلم عند الله ...
Post: #22 Title: Re: بين خِطاب الأصم و تصرُف حِميدتي ... Author: خضر الطيب Date: 08-22-2019, 02:21 AM Parent: #19
تسلم ود المدير انت كنت في السودان من فترة , وبتنا امتثال كانت في السودان و شافت الحاصل و تقديركم للحاصل مقدر عندي شفتا الناس اهلنا في عطبرة و بعض المدن و القرى المجاورة و زرتا اهلك وواجبتهم , ما عندي شك في المسألة دي لكن يفضل خطاب الأصم هو الأساس للمرحلة القادمة الخطاب دا بيأسس لمرحلة قادمة و ان شاء الله كل الناس حتكون بخير خلونا نتفاءل خير و نمشي لي قدام
Post: #23 Title: Re: بين خِطاب الأصم و تصرُف حِميدتي ... Author: معاوية المدير Date: 08-22-2019, 03:04 AM Parent: #22
Quote: تسلم ود المدير انت كنت في السودان من فترة , وبتنا امتثال كانت في السودان و شافت الحاصل و تقديركم للحاصل مقدر عندي شفتا الناس اهلنا في عطبرة و بعض المدن و القرى المجاورة و زرتا اهلك وواجبتهم , ما عندي شك في المسألة دي لكن يفضل خطاب الأصم هو الأساس للمرحلة القادمة الخطاب دا بيأسس لمرحلة قادمة و ان شاء الله كل الناس حتكون بخير خلونا نتفاءل خير و نمشي لي قدام
هلآ خضر. يا خضر أنا بعد رجعت من السودان كتبت بوست هنا وأشرت فيه لما يحدث في ولايتي نهر النيل والشمالية وكيف أن الولآيتين وأقعات تحت سيطرة السعودية ودولة الإمارات ونبهت لخطورة هذا الإحتلآل وما زلت أنبه ولا أستبعد ربط تقديم حميدتي المساعدة لناس الجيلي بدعم من الدولتين أو إحداهما. يا خضر أنا قد أتفق معاك إنو خطاب اللصم بيأسس لمرحلة قادمة أو مرحلة قد تأتي بتصحيح للعبارة (وقد لا تأتي كمان)، ما تقول ود المدير متشائم لكن تمعّن في الواقع المُعاش ؤ خلينا نتناقش في الأمر ونحدد مألآته من خلآل الواقع أو لو عايزننا نقول خطاب اللصم بيأسس لمرحلة ؤ نربع إيدينا ؤ نرجاها كلمونا والله أنا البوست دا زاتو ما أتموا، وأنا بقول أخير الناس تفتّح وتتدراك الموقف قبل أن تقع الفأس في الرأس. ما نمشي بعيد قبل فترة وجيزة جداً ناس قحت ديّل قعدو ا يجارو بعواصم الدول ورا الحركات المسلحة في الوكت الفيهو ناس المجلس العسكري وضبوا نفسهم وأعدوا لما وراء عدة مراحل قادمة، الناس ديّل ليسوا مصدر ثقة وهم عسكر مافيش وثيقة بتحميكم منهم ؤ ممكن بكرة يقلبوا الطاولة إذا إستطاعوا كسب وتحييد الشارع...
Post: #24 Title: Re: بين خِطاب الأصم و تصرُف حِميدتي ... Author: adil amin Date: 08-22-2019, 06:46 AM Parent: #23
Quote: هلآ خضر. يا خضر أنا بعد رجعت من السودان كتبت بوست هنا وأشرت فيه لما يحدث في ولايتي نهر النيل والشمالية وكيفأن الولآيتين وأقعات تحت سيطرةالسعودية ودولة الإمارات ونبهت
خليك معاي احسن والراس بي الراس ومن نكد الدنيا نحن في البورد ده من 2001 عايزين نحرر الاقاليم من الدولة المركزية المجرمة كيزان 1989 ولي عقاب مايو 1969 وانت تتمسخر وتتفشخر وقاشر لينا بي ق ح ت بن ضهبان وتقول لي الشباب وعي والله ناس شايلين علم مايو 1969 ده ما يزحوك من نحن جذم مصر والخليج والعرب ولا بعد مليون سنة ضوئية واعادة تدوير الدولة المركزية ووصاية المركز المجرم علي اقاليم السودان وشرحت الموضوع في بوست عطبرة لكن مخك بجي الساعة 12 دي مرحلة التيس واقعد اتفرج في جماعة نظرية كيف يحكم السودان ديل من ياسر عرمان لي حمدوك تقول الانجليز طفو النور ومشو وما خلو الدولة حقيقية وراهم خربتا المخابرات المصرية والانفلابات الوسخة 1958 و1969 و1989 الشباب لازال ضائع يا اخوي دهية تلفك وتلف ق ح ت دي معاك
