Post: #1
Title: حبيبنا بكــــــــري سيد الحوش .. أرجو الرأفة بنا يا جميـــــل
Author: علي عبدالوهاب عثمان
Date: 08-20-2019, 07:46 AM
07:46 AM August, 20 2019 سودانيز اون لاين
علي عبدالوهاب عثمان-جدة
مكتبتى
رابط مختصر
استغربت كثير جداً من الكوتة المحدودة المخصصة لي لم استطيع المشاركة في عرس الوطن
بصفة دائمة .. أجمل أيام العمر الذي لم يتبقى منه الكثير .. ليس لدينا في هذه الدنيا إلا هذه الحروف
التي نبعثرها هنا وهناك ليس لدينا مال لنقدمه للدولة أو علم نافع وخبرات لنرفع من شأنه الاقتصادي
حتى الحروف أصبحنا فيها فقراء ..
كل بعد كم مداخلة تأتيني رسالة بهذا النص :
Sorry ....... علي عبدالوهاب عثمان
You Reach Max Post allows for today.........
Try Back Tomorrow......
ألاحظ أن كثير من الاخوان يمكنهم فتح أكثر 10 بوستات خلال اليوم
وعليه فإنني أتقدم لسعادتكم وبناء على ما ورد أعلاه .. أن ترفع رصيدنا من الحروف
حفظكم الله ورعاكم ومتعكم بالصحة والعافية ..
|
Post: #2
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 07:50 AM
Parent: #1
الحبيب بكري .. أحياناً الاندياح يأتي هكذا بدون مواعيد ولا يمكنني أن حدده بحروف وكلمات محدودة
ملحوظة :
ليس لدي جوال آيفون .. جوالي عادي ( ريبيكا )
ومجالي الوحيد للتمدد هو سودانيز أون لاين
أرجو من الاحباب تزكيتي لدى الحبيب بكري لزيادة الكوتة
|
Post: #3
Title: Re: حبيبنا بكــــــــري سيد الحوش .. أرجو الرأ
Author: ABUHUSSEIN
Date: 08-20-2019, 08:18 AM
Parent: #2
أخونا و حبيبنا الأستاذ علي
تحية طيبة
فعلاً شي غريب يكون ليك عدد محدود من المداخلات و أظنها خطأ غير مقصود لأنك مشهود ليك بالإستقامة و الرزانة ...
غايتو يا بكري دي بالغت فيها بقيت تعامل علي عبدالوهاب زي أبو حسين ...؟؟؟؟؟؟؟؟؟؟؟؟
و تحديد المداخلات دي زاااااتا عقاب للموقع أكثر من إنها عقاب للأعضاء .....
تحياتي ليك و لي بكري
|
Post: #5
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 08:23 AM
Parent: #3
حبيبنا أبوحسين .. شكراً للحضور الجميل ..
صحيح ما مفروض يكون في تحديد كوتة في سودانيز نظرا لانتشار مواقع التواصل
لأن الناس بدأت الانصراف من المنتديات إلى الوسائط الاخرى ..
وبعدين ما تتواضع إنت من المؤسسين وشهرتك حول الوطن والمهاجر
أنا يا دوب تربال من ضواحي الدنيا سجلت في سودانيز قبل سنوات محدودة
التحية للحبيب بكري .. ربما تخطيت الخط الاحمر .. كله عشم ومودة
شكراً الحبيب أبوحسين ..
|
Post: #4
Title: Re: حبيبنا بكــــــــري سيد الحوش .. أرجو الرأ
Author: خضر الطيب
Date: 08-20-2019, 08:21 AM
Parent: #2
اثني يا بكري استاذنا علي عبد الوهاب
بكري واضح انو نايم مع فرق التوقيت
|
Post: #6
Title: Re: حبيبنا بكــــــــري سيد الحوش .. أرجو الرأ
Author: ABUHUSSEIN
Date: 08-20-2019, 08:28 AM
Parent: #4
Quote: وبعدين ما تتواضع إنت من المؤسسين وشهرتك حول الوطن والمهاجر
أنا يا دوب تربال من ضواحي الدنيا سجلت في سودانيز قبل سنوات محدودة |
ما تواضع أخونا علي هي ما محسوبة بالأقدمية هي محسوبة بي حسن السير و السلوك في المنبر و أنا مصنف من سييئ السلوك ..... 
رسل لي بكري في الخاص بظبط ليك أمورك إن شاء الله ......
|
Post: #10
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 08:41 AM
Parent: #6
الحبيب أبوحسين ..
شكرا على توصية .. ارسلت ايميل لبكري
تحياتي
|
Post: #7
Title: Re: حبيبنا بكــــــــري سيد الحوش .. أرجو الرأ
Author: توفيق عيسى مكي
Date: 08-20-2019, 08:29 AM
Parent: #4
اثني ايضا يا باشمهندس عليك الله اخوي ده لو اتعصر ما كان قال ليك
كتير مريت بنفس شعوره
وعارفها حارة كيف
|
Post: #11
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 08:43 AM
Parent: #7
أميرنا توفيق .. شكراً على الحضور الزاهي
الدنيا ديمقراطية .. ننتظرك في الانتخابات القادمة
في دائرة جدك الامير في منطقة أكد وسروج
تحياتي وشكراً للمؤازرة
|
Post: #8
Title: Re: حبيبنا بكــــــــري سيد الحوش .. أرجو الرأ
Author: محمد بدرالدين
Date: 08-20-2019, 08:35 AM
Parent: #4
اكيد فى حاجة غلط
كدة حاول تانى
...
و لو صعب الامر
شيل كوتى ...
و عمرى .. اندن تليوس كن اج ( شيل عمرى و زيدو مع عمرك)
..
انت القامة و الهامة و تاج الراس و فخر كل من عرفك
اقدرك بعد الالف للمليون للمليار
و اجده غير كاف
.. على انقا كل الحب و الود
و للجميع مودتى و تقديرى
|
Post: #12
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 08:46 AM
Parent: #8
الحبيب محمد بدرالدين .. مسكاقمي ..
شكراً كثير يا جميل ..
لأنك اصيل وتعرف الاصول
حضورك دائماً جميل
وكلماتك راقية
مودتي وكل الحب والتقدير لشخصك الكريم
|
Post: #9
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 08:40 AM
Parent: #4
خضر أمبس .. شكراً الحبيب
نوم العافية والصحة بإذن الله
تحياتي الحبيب
|
Post: #13
Title: Re: حبيبنا بكــــــــري سيد الحوش .. أرجو الرأ
Author: زهير عثمان حمد
Date: 08-20-2019, 09:58 AM
Parent: #9
الاستاذ علي
تحياتي
أثني طلبك وسوف يستجيب المهندس بكري
ولك خالص ودي
|
Post: #14
Title: Re: حبيبنا بكــــــــري سيد الحوش .. أرجو الرأ
Author: جمال ود القوز
Date: 08-20-2019, 10:06 AM
Parent: #13
سرناقمي علي ... سرناقمندو للحلوين ..
أثني وأبصم بالعشرة لزيادة كوتة الأرتاوي الجميل علي عبد الوهاب عثمان
ليواصل الإندياح ويتحفنا بالدرر ..
بالله يابكري أعطيه أكبر كمية من المداخلات ..
ولا تقصر معه فهذا الرجل جميل حد الدهشة ..
وعنده كتابات ومشاركات أكثر من رائعة ..
خالص التقدير لك حبيبنا علي عبد الوهاب ..
ووشكري وتقديري مقدما للأخ بكري أبو بكر ..
خيروووووووووووو ..
|
Post: #15
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 10:13 AM
Parent: #14
أثني طلبك وسوف يستجيب المهندس بكري
ولك خالص ودي
==========
الحبيب زهير .. تحياتي
شكراً للحضور الجميل ..
ما شاء الله .. الحبيب شكلك كده عريس
تحياتي الحبيب زهير
|
Post: #16
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 10:19 AM
Parent: #14
الحبيب جمال .. سيرناقمي ..
يا سلام عليك يا جميل يا اصيل ..
حبيبنا خضر الطيب قال ( فرق التوقيت بكري يمكن نائم )
إن شاء الله نوم العافية ..
في البلد أهلنا خايفين من الأمطار لأننا لم نتعود عليها
الفيضان ممكن نتعامل معه .. ولكن الامطار مشكلة
انت عارف يا جمال في ثقافتنا ما في أمطار أبداً ولكن المناخ تبدل
اذكر قبل فترة طويلة جداً أول زيارة لي للعاصمة صادفت رعد وأمطار
أصابني الخوف ..
شكراً الحبيب جمال .. على هذا الدعم ..
|
Post: #17
Title: Re: حبيبنا بكــــــــري سيد الحوش .. أرجو الرأ
Author: علاء سيداحمد
Date: 08-20-2019, 11:21 AM
Parent: #16
على اننقا اكيد فى حاجة غلط .. يا بكرى الحق الزول دا ..
|
Post: #18
Title: Re: حبيبنا بكــــــــري سيد الحوش .. أرجو الرأ
Author: دفع الله ود الأصيل
Date: 08-20-2019, 11:53 AM
Parent: #17
يهشد الله يا عمو علي كلما أجي أمد رايس بجاي أول
شيء أتاوق ليك و لكلامك السهل الممتنع . و أنت الأنيق بحق
في بساطتك الكبير في تواضعك الجم و ( ملأى السنابل تنحني
بقطوفها .. و الفارغاتُ رؤوسهُنَّ شوامخ ) كما ذكرت ليك إنك رمانة
اتزان البورد بلا منازع . بس للأسف مؤزارتي ليك ما ح تنفعك
لسسبين أولن لأنو شهادتي فيك مجرحة ، و ثانيا ً أخوك لسة برلوم
لسة مسجل بقلم رصاص أشعث أغبر ؛ حريٌ بي أن إذا خطبتُ أن
لا أُنكح ؛ و إذا خاطبتً ألايًستمع لخطابتي . و لكن تراهو كل نملة و
قدر قرصتا و ( بليلة مِباشر ولا ضبيحة مِكاشر) . عمومن نحنالسة
صابهنا بجاي فلا أ/تن يرجعولك كوتك و لا بركة الخميسح نطلع
نسير مليونة عشانك و الهتاف بالرطانة والترجمة على أخونا *
أحمد ياسين؛ لكن حتو ماشايفو الأيام دي غاتس وين؟!
|
Post: #19
Title: Re: حبيبنا بكــــــــري سيد الحوش .. أرجو الرأ
Author: Osman Musa
Date: 08-20-2019, 12:00 PM
Parent: #18
العزيز استاذ علي سلامات
يا اخ بكري والله نحن اخونا علي ده ننتظر مداخلاتو في ركن الشاشة .
دحين يا اخوي فكلو اللعب . مع جزيل الشكر
|
Post: #20
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 12:15 PM
Parent: #19
التحية للاحباب الكرام عشان كوتة اسمحوا لي برد جماعي
=========
علاء اننقا .. مسكاقمي ..
المشكلة أنا بقيت مدمن سودانيز بعد ارهاصات الثورة عايزين نرجع لكلام التراث
عارف بكري ما حيقصر ..
كما يا علاء يا أخي ما شاء الله عليك إنت متمكن في العامية العربية من أين لك هذا ؟
أنا مشكلتي هنا بس .. ما في عمق ..
======================
ود الاصيل .. يا أصيل
الحبيب الاديب الاريب
أنا معجب جداُ بطريقة صياغتك للمداخلات
وتسلسل السلس ..
شكرا يا جميل على المداخلة
======================
الحبيب عثمان .. بالنوبية ( اسمان ) لأن حرف العين والثاء
يسببو وجع حلق .. لغتنا من طرف اللسان .. ولكن لا نزوع كما يزوغ الثعلب (ههه)
أيام التدريس زمان في الزمن الجميل كانت مشكلتنا في حصة العربي أكثر من الانجليزي
لأن الانجليزية مثل النوبية لا ( ح ، خ ، ع ، ز ، ض ، ظ .. إلخ )
ذكرتني حزب البعث العربي ..
تحياتي الحبيب عثمان .. شكراً على المداخلة
|
Post: #21
Title: Re: حبيبنا بكــــــــري سيد الحوش .. أرجو الرأ
Author: امتثال عبدالله
Date: 08-20-2019, 12:39 PM
Parent: #20
استاذنا علي عبد الوهاب ..
اكيد الباشمهندس صاحب الحوش الكبير خلط بين اسمك وبين اسم شخص آخر...وما معقولة أبدا يحدد مداخلاتك ،،،لأننا نسارع بقراءة كل ما تكتبه ...ومن هنا نناشد صاحب الحوش أن تكون مداخلاتك unlimited ...
|
Post: #22
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 12:48 PM
Parent: #21
ابنتنا الاميرة .. امتثال وتحياتي لباقي الاميرات
يا ريت كوتة غير محددة ..
معقول الواحد يمشي الدكان يشتري صاحب يقول ( كده كفاية ) ؟؟
تحياتي الاميرة امتثال ..
|
Post: #23
Title: Re: حبيبنا بكــــــــري سيد الحوش .. أرجو الرأ
Author: محمد نور عودو
Date: 08-20-2019, 01:13 PM
Parent: #22
سلامات أستاذنا
علي عبدالوهاب عثمان
اكيد في شي غلط انت مفروض يكون مداختلك unlimited في هذا المنبر .
طالما حصل غلطة زي دي انا غايتو ما بقبل من بكري بعد الا يديك مداخلات unlimited .
مراعاة للاتي
عمنا وأستاذنا علي عبدالوهاب عثمان مدير مدرسة سودانيزاولاين.
بوستاته هي ليست بوستات انما حصص ودروس يتعلم منها أعضاء المنبر .
مداخلته مليئة بالحكمة والحنكة
تجاربه في الحياة مراجع لأعضاء المنبر .
انه رجل دمث الأخلاق وحسن المعشر.
استاذنا علي عبدالوهاب عثمان يملك كل صفات الكرامة والشجاعة والإنسانية.
يا اخي بكري ارجو تكريما له إعطاء مداخلات unlimited في هذا الفضاء
|
Post: #25
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 02:43 PM
Parent: #23
الحبيب محمد نور .. شكراً كثير يا جميل ..
صدقني يا الحبيب سودانيز مدرسة تعلمت منه الكثير
تراث أهلنا في كل الوطن عادات تقاليد مصطلحات لغة
لأننا يا الحبيب محمد في ضواحي الدنيا .. أنا جيت العاصمة لأول مرة وعمري
عشرين سنة تقريباً مع أنني لا اعتمد شهادات ميلاد ذلك الزمان ( العمر كان بالتقريب ) يمكن أكبر
حتى حياتي العملية في التدريس كانت في هامش النوبي .. ثم ديار أهلنا الشايقية الجميلين
سودانيز مدرسة .. مثال : بوستات البطانة ولغتها
بوستات أهلنا البقارة : بريمة وكبر وباقي الشباب
بوستات أمدرمان والوسط .. بوستات أهلنا في الشرق
حتى الخلاف بين الاحباب تجد من خلاله اشياء مفيدة
تحياتي يا محمد نور الحبيب .. شكراً كثير كثير يا جميل ..
|
Post: #24
Title: Re: حبيبنا بكــــــــري سيد الحوش .. أرجو الرأ
Author: محمد مجيدو
Date: 08-20-2019, 01:50 PM
Parent: #1
حبيبنا أأأأأألوووب ... سيكرفي .. كورري ااجناا نلاااا ...
كل سنة وانت طيب وضيوفك الكرام ...
طبعا موقع كبير زي سودانيز اونلاين ...
بيكون فيه مساعدين لبكري في ادارة المنبر ..
اها واحد من ديل يكون في وردية الليل كتر من الشربووت ...
قام حدد مداخلتك دون قصد ..
فنحن الان متوجهين الى ساحة تمثال الحرية بنيويورك ..
وسوف نعتصم هناك... ونهتف حتى تتحرر كل كوتاتك ...
ويا بكري شيل كوتاتنا .. وختها في كوتات علي ....
تحياتي يا رجل يا طيب .... افايلقووو
عاالم بطاالــــــــــــــــــــة ,,,,
|
Post: #26
Title: Re: حبيبنا بكــــــــري سيد الحوش .. أرجو الرأ
Author: Mahjob Abdalla
Date: 08-20-2019, 03:02 PM
Parent: #24
انا غايتو مرة واحدة عملت مخصوص قلت اشوف لي عندى كوتة ام لا.
لقيتها 35 مداخلة لكن حتي الان لم اصلها ابدا.
نطالب الريس بعدم تحديد كوتة الاخ علي عبدالوهاب و اذا لابد منه فيشيل من كوتة ابو الحسين و يديها ليك.
|
Post: #27
Title: Re: حبيبنا بكــــــــري سيد الحوش .. أرجو الرأ
Author: Yasir Elsharif
Date: 08-20-2019, 03:25 PM
Parent: #26
سلام يا حبيبنا الجميل الفنجري علي
أنا برضو بقول أكيد هناك خلط حصل بخصوصك ..
|
Post: #29
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 03:37 PM
Parent: #27
حبيبنا ياسر .. تحياتي يا جميل ..
معليش سرحت شوية في بوست اليهودي إيدي كوهين
قال عايز يحكم السودان هو بوست الاخ Hani
تحياتي ياسر الحبيب وحضورك الجميل
|
Post: #28
Title: Re: حبيبنا بكــــــــري سيد الحوش .. أرجو الرأ
Author: علي عبدالوهاب عثمان
Date: 08-20-2019, 03:35 PM
Parent: #24
اها واحد من ديل يكون في وردية الليل كتر من الشربووت ...
===============
وو ميمد مجيدو .. أيكون آنج نلييه .. وكل عام وانت بخير ..
طولت الغيبة حبيبنا مجيدو ..
لو الموضوع شربوت .. أنا معاهم ..
حليل الزمن داك .. يا مجيدو الشربوت وهسوة كان للحبوبات
جلسات الضحية كانت ( دكاي ) صافي وبرغوة ولازم يكون عصارة تمر ( أوسميدان)
قرعة واحدة كل أربعة ساعات ( قرعة بالنوبية كيبيه cabiah ) تقريبا نفس ( cub) بالانجليزية
قرعة موية .. بالنوبية .. أمن كيبيه .. بالانجليزي Cub of water
شكراً الحبيب مجيدو .. خليتنا نسرح بعيد .. تحياتي ليك
|
|