د. صيدلي / نصر مرقص يعقوب العضو رقم ١١ للمجلس السيادي ولد ونشأ وترعرع في مدينة امدرمان حي المسالمة درس جميع مراحله الدراسية في امدرمان الصيدلة جامعة الخرطوم ..مناضل شرس .تردد في المعتقلات والسجون مدافعا عن الحرية والديمقراطية ووحدة السودان .اعتقل مع د.امين مكي مدني ومجموعة من اساتذة جامعة الخرطوم بعد لقائهم مع د. جون قرنق في ندوة امبي الشهيرة ابان تولي مبارك الفاضل وزارة الداخلية .تعرضوا فيها للضرب والأهانة والسجن في اسوأ عملية خرق لحقوق الأنسان ابان حكومة الصادق ..وهو رجل مبدئي عنيد لايعرف الانكسار ..نرحب به ممثلا في السيادة الوطنية ......
Post: #2 Title: Re: اختيار د. نصري مرقص للسيادي هو اثبات لوعي � Author: يحي قباني Date: 08-19-2019, 01:26 AM Parent: #1
من عجائب الأقدار
حينما اقتيد نصري مرقص لبيوت الأشباح في عهد الظلم كان يتم التحقيق معه و تعذيبه بواسطة بكري حسن صالح
هاهو القدر يأتي بنصري ديمتري المناضل الشرس النزيه الى مجلس السيادة و سيجلس بكري و من معه في قفص الاتهام ...
قالها لهم الشعب العظيم : و ان طال الزمن ... لن يصح الا الصحيح
Post: #3 Title: Re: اختيار د. نصري مرقص للسيادي هو اثبات لوعي � Author: صباح حسين طه Date: 08-19-2019, 01:32 AM Parent: #2
الله دا خبر جميل كدا يكون بقوا 6 مدنيين ممثلين ولأول مرة بشكل عادل (ولو نسبياً) لمعظم مكونات الشعب السوداني هنالك ممثل للنوبة وآخر للمسيحيين وآخرين لغرب السودان أتمنى تمثيل للشرق والنيل الأزرق في المجلس التنفيذي
Post: #4 Title: Re: اختيار د. نصري مرقص للسيادي هو اثبات لوعي � Author: adil amin Date: 08-19-2019, 03:10 AM Parent: #3
امر جيد يا يحي ولكن قفزة بالزانة غير محمودة العواقب في علم الديناميكا السياسية بس عايز خط دفاع قوي جدا من الاخوان الجمهوريين واعلام حر من الان عشان يسكتو كلاب الحر وعلماء السوء من مخلفات السلفية والاخوان المسلمين وشريعتهم المدغمسة وخلافتهم المازومة التي لم يبشر بعودتها احد غايتو ان بلعب ليه ثيرد باك هنا وبعري ليه السلفية والوسخة والاخوان المسلمين الاوسخ في بلدا في السعودية ومصر يالوثائق كان الاجدى اولا يكون من تصري من الخمسة ممثلا للمركز والسادس يكون شخصية قومية تاريخية (اخاف اجيب حرفو الناس تعرفو ) انت شوف علماء السوء حيدورو بالامر ده كيف وسط الغوغاء بعد يكتمل التعيين للمجلس والحكومة الانتقاالية بلد موبوة بالاخوان المسلمين والدواعش من 1964 معقول بين يوم ليلة تقبل كده .. والاعلاك لسه قادينا بالحبر يوسف نور الدايم والكاروري وتنابلة والانقاذ و جيشهم يقتل المسلمين في اليمن الناس ديل جزء من مشروع خبيث جدا...تعريتهم مهمة جدا جدا بااذاعات FM https://up.top4top.net/
Post: #5 Title: Re: اختيار د. نصري مرقص للسيادي هو اثبات لوعي � Author: يحي قباني Date: 08-19-2019, 03:42 AM Parent: #4
Quote: الله دا خبر جميل كدا يكون بقوا 6 مدنيين
خبر جميل ... و اجمل الاخبار لم تأتي بعد ...
فهؤلاء الشباب الثائرين يا صباح كما قال سيدي محجوب شريف: عيونهم أشد من عيوننا بريقا صدورهم بما وهبت أكثر اتساعا سيوفهم تزيد من سيوفك الطوال طولا.
Post: #6 Title: Re: اختيار د. نصري مرقص للسيادي هو اثبات لوعي � Author: خضر الطيب Date: 08-19-2019, 03:45 AM Parent: #4
سلام يا قُبة و كل عام و انت و الأسرة بألف خير
Quote: د. صيدلي / نصر مرقص يعقوب العضو رقم ١١ للمجلس السيادي
هو جار حبوبتي بت النحاس في المسالمة قبل سنوات طويلة هو من جيلنا يا قُبة ..و رجل مصادم و لديه قضية هي قضية وطن ليهو التحية و التقدير
Post: #7 Title: Re: اختيار د. نصري مرقص للسيادي هو اثبات لوعي � Author: تماضر الطاهر Date: 08-19-2019, 06:15 AM Parent: #6
.أقباط المسالمة إنسانيين وحقانيين..وأمدرمان أدتهم من سماحتها. يا أستاذ خضر..أنا كمان كنت جارة بت النحاس ، سلام وتحايا
Post: #8 Title: Re: اختيار د. نصري مرقص للسيادي هو اثبات لوعي � Author: عمر دهب Date: 08-19-2019, 07:46 AM Parent: #7
ياريت ياقباني الكلام يكون واقع وحقيقي
Post: #9 Title: Re: اختيار د. نصري مرقص للسيادي هو اثبات لوعي � Author: MOHAMMED ELSHEIKH Date: 08-19-2019, 07:58 AM Parent: #8
يا سلام يا قبة لو صح الخبر دا الصيدلي الخاص بتاعي مع طبيبي الخاص د . مجدي محمداني متعهم الله بالصحة والعافية. قضينا معا احلك الايام واجملها كمان بالعنبر الداخلي ومازالت العشرة سواء تدخل المعايش !
Post: #10 Title: Re: اختيار د. نصري مرقص للسيادي هو اثبات لوعي � Author: ahmedona Date: 08-19-2019, 07:58 AM Parent: #8
هل تم إختيار القبطي نصري مرقص لأسباب دينية؟؟؟؟
Post: #11 Title: Re: اختيار د. نصري مرقص للسيادي هو اثبات لوعي � Author: adil amin Date: 08-19-2019, 08:13 AM Parent: #10
Quote: هل تم إختيار القبطي نصري مرقص لأسباب دينية؟؟؟؟
نعم عشان يحرك التطرف من الجانب الاخر انصار الشريعة ويخلق الاحتقان ذاتو بتاع معهد المعلمين المرة دي ما في شيوعيين في متحولين سياسيا ذى حمدوك وياسر عرمان هم من يقود مشروع الصعود الي الهاوية وتاجيل التسوية السياسية واستمرار الاحتقان وكلاهما يخدم المشروع الامريكي لفرزعة السودان والغريبة مجلس السيادة ده كان فيه مسيحيين جنوبيين عبر العصور وكان في نائب اول مسيحي ايضا عبر العصور المشكلة شنو يكون قبطي طيلة الديمقراطيات السابقة بالخلي دي رجل وديك كراع شنو
Post: #12 Title: Re: اختيار د. نصري مرقص للسيادي هو اثبات لوعي � Author: يحي قباني Date: 08-20-2019, 01:25 AM Parent: #11
مع الاسف تم سحب ترشيح نصري ديمتري
و اعتماد المحامية رجاء نكولا عيسى عبد المسيح بديلا له ... ابن اخ المحامي الضليع سليم عيسى ...
رجاء نكولا مستشاره في وزارة العدل ...
ساعود بسيرتها الذاتية
Post: #13 Title: Re: اختيار د. نصري مرقص للسيادي هو اثبات لوعي � Author: نادر الفضلى Date: 08-20-2019, 01:04 PM Parent: #12
يا يحيى الزول دا واعى وكفؤ .. وفى كل الظروف وأنه واعى قد يتردد قبول التكليف فى ظروف مهزلة الترشيحات وعك حقت .. فالعاقل يبتعد
مشكلته ستكون عليه التضحية من والقبول من أجل ملته لتثبيت حقا لها وللمساهمة الوطنية التى أكيد سيكون إضافة نوعية .. ومعليش يتحمل وجع القلب والإحباط الذى سيلاقيه بسبب من يشاركونه الحكم سواء سيادى أو وزارى .. فسمات ذلك واضحة وإن تفاءلنا!
Post: #14 Title: Re: اختيار د. نصري مرقص للسيادي هو اثبات لوعي � Author: خضر الطيب Date: 08-20-2019, 01:48 PM Parent: #13
Quote: يا أستاذ خضر..أنا كمان كنت جارة بت النحاس
معناها بنكون اتقابلنا يا تماضر كان شاي المغرب بحضروهو عدد من جيران حبوبتي بت النحاس
Post: #15 Title: Re: اختيار د. نصري مرقص للسيادي هو اثبات لوعي � Author: محمد مجيدو Date: 08-20-2019, 01:58 PM Parent: #1
الاخ قباني وضيوفك الكرام كل عام وانتم بخير ,,
ارجو ان يكون عدم اختياره ليس بسبب ما ذكر في الفيس بووك ...
عاالم بطاالـــــــــــــــــــة ,,,
خضر الطيب .. سلام .. وكل سنة انت واسرتك الكريمة طيبن.. ومشتاقيين وكدا .....
Post: #16 Title: Re: اختيار د. نصري مرقص للسيادي هو اثبات لوعي � Author: Kamal Alalla Date: 08-20-2019, 02:15 PM Parent: #1
وهل ما ذكر في الفيس صحيح؟ اذا كان صحيح يبقى دا اختيار غير مناسب
