Post: #1
Title: الأستاذ محمد الفكي سليمان لمجلس السيادة
Author: عبدالعظيم عثمان
Date: 08-17-2019, 05:05 PM
Parent: #0
05:05 PM August, 17 2019 سودانيز اون لاين
عبدالعظيم عثمان-
مكتبتى
رابط مختصر
قدم التجمع الاتحادي المعارض شابا لمجلس السيادة
المناضل الراكز ود الفكي
وجه من وجوه ثورة التغيير
الشاب الذي يمثل جيل كامل من المناضلين والثوار
|
Post: #2
Title: Re: الأستاذ محمد الفكي سليمان لمجلس السيادة
Author: عبدالعظيم عثمان
Date: 08-18-2019, 03:26 PM
Parent: #1
مبروك محمد الفكي سليمان عضوية مجلس السيادة
ممثلا لشباب الثورة والجيل الراكب رأس
|
Post: #3
Title: Re: الأستاذ محمد الفكي سليمان لمجلس السيادة
Author: نادر الفضلى
Date: 08-18-2019, 04:36 PM
Parent: #2
ما قالوا مافى ترشيح من عضوية حركة قوى التغيير؟! الجد شنو؟
زأيضا ترشيح من غير الحزبيين (الصريحين) .. وإشتراط الكفاءة
أم شلة ما يسمى زوراً بالتجمع الإتحادى المعارض تؤكد إنعلاقها
على نفسها ونختصرة الإتحاديين فى شلتهم
وما فى مرشح بعرفوه فقط بثمناضل وثورى والشعار المرفوع (الكفاءات)
ولو تغاضينا عن سياسى صريح بحكم تمثيلة لأكذوبة التجمع الإتحادى المعارض
سيرته الذاتية العملية شنو؟
|
Post: #4
Title: Re: الأستاذ محمد الفكي سليمان لمجلس السيادة
Author: Gafar Bashir
Date: 08-18-2019, 04:40 PM
Parent: #3
Quote: ما قالوا مافى ترشيح من عضوية حركة قوى التغيير؟! الجد شنو؟
زأيضا ترشيح من غير الحزبيين |
يا نادر الكلام ده مقصود بهو عمر الدقير فقط
والجميع يعلم ذلك
|
Post: #5
Title: Re: الأستاذ محمد الفكي سليمان لمجلس السيادة
Author: عبدالعظيم عثمان
Date: 08-18-2019, 04:44 PM
Parent: #3
يا نادر
انت اذا الشريف حسين قام من قبره
ودخل مجلس السيادة حتحنبك وتجي تحتج
ود الفكي عمل لهذا التغيير مع غيره من الشباب بإسقاط النظام
سنين عددا، طاف كل السودان مبشرا بالتغيير ومحرضا علي الثورة
|
Post: #6
Title: Re: الأستاذ محمد الفكي سليمان لمجلس السيادة
Author: عبداللطيف حسن علي
Date: 08-18-2019, 05:06 PM
Parent: #5
لم يشترط الحزبية لمجلس السيادة وانما لمجلس الوزراء
مجلس السيادة الحزبية +العمر+ الخبرة العملية
كلها ضرورية ، دا مجلس زي مجلس الشيوخ يحتاج
النضج الكافي والخبرة ، لذلك الشباب لايصلح فيه
قد يصدر قرارات خطيرة لاينفع معها التسرع والتهور والانفعال
الذي يميز الشباب بحكم عامل السن
والحزبية تعني طول الممارسة السياسية والانحياز لبرامج الثورة
في اعلان الحرية والتغيير
|
Post: #7
Title: Re: الأستاذ محمد الفكي سليمان لمجلس السيادة
Author: علي عبدالوهاب عثمان
Date: 08-18-2019, 05:34 PM
Parent: #6
الحبيب عبدالعظيم .. تحياتي
في بوست آخر مجاور سيرة ذاتية عن الاستاذ محمد الفكي سليمان
السيرة ثرية ورائعة فقط توقفت عند هذا الجزء من السيرة
(( صحافي بصحيفة العرب القطرية ٢٠١٤ الى ٢٠١٩ )) يعني حتى الآن
معليش نفسياً عندما أرى سيرة الاعراب عموما وخاصة الخليج
اشعر بنوع من عدم الثقة ..
علي حبيبنا الفكي قطع علاقته نهائياً مع أي منصة اعلامية عربية
معليش مع الافارقة والعالم الغربي ممكن جداً ..
وخاصة هذه المحاور التي تمارس حرب الداحس والغبراء
تحياتي الحبيب عبدالعظيم .. جمال الديمقراطية ابداء الرأي هكذا
|
Post: #8
Title: Re: الأستاذ محمد الفكي سليمان لمجلس السيادة
Author: نادر الفضلى
Date: 08-18-2019, 07:07 PM
Parent: #7
Quote:
ا نادر
انت اذا الشريف حسين قام من قبره
ودخل مجلس السيادة حتحنبك وتجي تحتج
ود الفكي عمل لهذا التغيير مع غيره من الشباب بإسقاط النظام
سنين عددا، طاف كل السودان مبشرا بالتغيير ومحرضا علي الثورة |
الشريف حسين الهندى لو ما من الشلة إياها ما بترشحوهو فمافى داعى تجيب سيرتو
المناضلين كتااار .. سألتك عن الكفاءة والخبرة العملية وسيرته الذاتية العملية
ما نزلتها لى .. وقالو ليك نازلة بى غادى .. رأيك فيها شنو لو حذفت منها
الحشو الكتير بتاع نضال ونشاط منابر الطلاب؟ طبعاً صحفى بالسودان دى مهنة
من لا مهنة له وحتى دى زول إتخرج 2003 ، ما شايف ليه عمل صحفى سقولو عليه
إلا من سنة 2014 إلى 2019 صحفى بصحيفة العرب (القطرية) ..
وهل هو فعلاً صحفى بها؟ لو حقيقة مفروض يكون مقيم بالدوحة ..
فكيف يستقيم يكون ممثل التجمع الإتحادى بحقت بالخرطوم وليس الدوحة؟!!
.. إذن قد يكون (مراسل صحفى) لها والفرق شاسع .. لو فعلا كذلك
دخلنا فى إشكالية المصداقية!
وقطر المصنفة عدو الثورة ، ولم تدع لإحتفائية مراسم التوقيع
لسة المعين بمجلس السيادة مرتبط بقطروبصحيفتها؟!
معقولة بس زول بدون خبرة عملية حقيقية يمثل (ألإتحاديين) ويكون عضو
مجلس سيادى .. ياخ عملتوها خل .. ولعب فاضى!
لأ وشرط الأعمار بيفصل تفصيل عشان يتيح لمنسوبى حقت وظائف دستورية
عمره 39 سنة .. ويجوز لمنصب السيادة سن 35 فما فوق
ونتتظر مساخر الوزارة الحد الأدنى للعمر 25 سنة .. مفترين!
حكم .. من أحزاب (الفكة) بقى مجلس السيادة (فكة) .... و (بدون) كمان!
لعب ولغوسة ستكون نتائجها وخيمة ..
|
Post: #9
Title: Re: الأستاذ محمد الفكي سليمان لمجلس السيادة
Author: عبدالرازق يوسف الحاج
Date: 08-18-2019, 07:31 PM
Parent: #8
نادر الفضلى
محمد الفكي شقيق معروف
ومثل الاتحاديين زمن الحارة
اين كنت انت ؟
اليوم محمد الفكي وبالامس بابكر
من وراك يارجل وماهي قصتك ؟
|
Post: #10
Title: Re: الأستاذ محمد الفكي سليمان لمجلس السيادة
Author: عبدالعظيم عثمان
Date: 08-18-2019, 07:47 PM
Parent: #9
ما فعله محمد الفكي من أجل التغيير خلال ال 20 الماضية
يا نادر يشفع له لتقدمه اي كتلة في الحرية والتغيير ممثلا للثورة
ود الفكي يمثل جيل من الثوار الشباب الذين قاوموا
الإنقاذ في جبروتها... محمد الفكي يستحق مجلس السيادة
عن جدارة وبشرعية الثورة
يا نادر دوافعك شخصية ومكاجر الشباب الاتحادين ديل
لشئ في نفسك
هون عليك يا رجل
ديل شباب شغالين من أجل وطن جديد وسودان جديد
في الثورة متربعين بي نضالاتهم وكسبهم وتاريخهم النضالي
|
Post: #11
Title: Re: الأستاذ محمد الفكي سليمان لمجلس السيادة
Author: نادر الفضلى
Date: 08-18-2019, 08:24 PM
Parent: #10
Quote:
ما فعله محمد الفكي من أجل التغيير خلال ال 20 الماضية
يا نادر يشفع له لتقدمه اي كتلة في الحرية والتغيير ممثلا للثورة
ود الفكي يمثل جيل من الثوار الشباب الذين قاوموا
الإنقاذ في جبروتها... محمد الفكي يستحق مجلس السيادة
عن جدارة وبشرعية الثورة
|
كلام هتافى لا بودى لا بجيب .. ليست هذه مؤهلات قيادة الحكم لبناء الأمم!
وسيرتهه الذاتية المحشوة كفاح منابر الطلبة، تبدو خالية من خبرة عملية حقيقية
الشباب + الإتحادية + ثائر + يوما كان طالبا .. ليست مقياس مؤهلات أو كفاءة
لشغل منصب دستورى عالى سواء فى ظروف عادية أو إستثنائية تتطلب الأكفأ
وليس من مءهلاته فقط نديم الشلة المتقرضنة على التجمع الإتحادى!
هذه فوضى وعبث ولعب فاضى!
|
Post: #12
Title: Re: الأستاذ محمد الفكي سليمان لمجلس السيادة
Author: عبدالعظيم عثمان
Date: 08-18-2019, 08:31 PM
Parent: #11
ديل الشباب الاشتغلوا للتغيير
سنوات طويلة ، دي أدوات التغيير
منابر الطلبة الماعاجباك يا نادر ورابطة الطلاب
الاتحادين أخرجت لنا الأصم في قيادة المهنيين
وبابكر فيصل في وفد التفاوض ومحمد الفكي في مجلس السيادة
الشغل دا يا نادر انت ما قادر تستوعبو
الروابط الطلابية دي كانت منصة الإنطلاق
للتغير والعمل لانجاذ مشروع الثورة السودانية
والنتيجة قدامك والتاريخ يصنع أمام ناظريك
وإنت خليك في حالة حراق الروح دي ومهاجمة
اي شاب اتحادي لا تنطبق عليه مواصفاتك المقاطعة من راسك
ديل شباب بيصنعوا تاريخ جديد
|
Post: #13
Title: Re: الأستاذ محمد الفكي سليمان لمجلس السيادة
Author: نادر الفضلى
Date: 08-18-2019, 10:01 PM
Parent: #12
أنت الما قادر تستوعب ما أقول ! أو تتغابى عنه تزوغ من (الكفاءة والخبرة العملية لشغل منصب دستورى)
تغيير شنو الإشتغلوا له لفترة طويلة .. لا تمارس الإفك
|
Post: #14
Title: Re: الأستاذ محمد الفكي سليمان لمجلس السيادة
Author: Mahjob Abdalla
Date: 08-19-2019, 02:41 AM
Quote: قدم التجمع الاتحادي المعارض شابا لمجلس السيادة
المناضل الراكز ود الفكي
وجه من وجوه ثورة التغيير
الشاب الذي يمثل جيل كامل من المناضلين والثوار |
في الاخر طلعت محاصصة حزبية للبعض و جهوية للبعض الاخر.
_____________
بقولو عصير شنو كدا ما عارف
|
Post: #15
Title: Re: الأستاذ محمد الفكي سليمان لمجلس السيادة
Author: Biraima M Adam
Date: 08-19-2019, 08:09 AM
Parent: #14
الهيبيب محجوب
أنت وول أبا محمد النور كبر .. تشموها قدحة .. غرابة ساكت .. الشغال بيكم مينو؟
أحسن ليكم وطنم كردفان ودارفور .. وأتركوا الجلابة ..
بريمة
|
|