عديلة ، محطة في خط قطر امسودان ، بعد بابنوسة كم محطة..! حبيت ، انصاف انها التفتت لهذه البقعة العجيبة..البقعة التي يقف امامها باحترام وحب ، مثقفي العطاواة ، قبل مثقفي المعاليا..!!..وتلك محطات نادرة يا حبيبنا دكتور الوليد مادبو (نحن العطاواة يا وليد حكاية الوليد دي صعبة خلاس يا ول ابا..ليك الحب يا ول ابا..امسودان ان شاء الله تطير ما ترك..خلينا نحتفل بشديرة المحلبية ، الشديرة الفنجرية..! واقنع يا وليد مادبو بحكاية: من دارفور جانا زاير..لا مس كول ولا رسايل..!!
التحية عبرك يا انصاف فتحي الى حبيبنا الشاعر السوداني سليمان عطية ، الذي قام بمعالجة النص التراثي ، وانا الشاهد ، تعجبني كثيرا معالجات حبيبنا الصاحي الشاعر سليمان عطية..عيدك سعيد وبخيت يا سليمان عطية..!
بعد المعالجة بواسطة حبيبنا الشاعر/ الرسالة.,سليمان عطية..يبدو النص هكذا..!!
الفوكال (انصاف فتحي): من دارفور جانا زاير ، لا مس كول ولا رسايل ، عشان بلدو مقطعية..!
الكورس:
شديرة المحلبية ، الشديرة الفنجرية..الخ..
انسوا صوت المرتزق الذي يقول: حصريا..!!
شديرة المحلبية ، ناديت عليك بي حنية يا بينة ، ومن دارفور جانا زاير لا تلفون لا رسايل عشان بلدو مقطعية..!
ومشتاق انا لي عديلة..!!
كبر
Post: #2 Title: Re: كندا ترحب بانصاف فتحي: شديرة المحلبية ، ال Author: عبداللطيف حسن علي Date: 08-17-2019, 07:17 AM Parent: #1
وانا اهدي الاغنية لصديقي اللدود محمد حلا من عديلة طالما قدانا بيها قد وطلع ميتينا ذاتو
Post: #3 Title: Re: كندا ترحب بانصاف فتحي: شديرة المحلبية ، ال Author: Kabar Date: 08-17-2019, 07:48 AM Parent: #2
ههههه..
هل تصدق يا عبد اللطيف ، وانا بكتب في تلك الخاطرة ، في ذهني حضرت صور ناس كتيرة ، اوضحها حبيبنا الحنباك الذي لم نلتقي مطلقا ، محمد حلا..!!..وشابات وشباب كتار من دار المعاليا ، لاقيتهم ذات تقاطع في تجربتي الحياتي القصيرة..وكانوا من عديلة..!
شكرا يا عبد اللطيف ، ولي صديقاتي واصدقاء كثر..فيهم غصة (جوبا) وغصة (ثم ضاع الأمس منا ، وفي القلب حسرة..!!)..!
يخرب مطنك يا عبد اللطيف ، بطريقتك دي ح تطلع اخوك كبر جلابي..واسلاموعروبية..وشنو كده ما عارف..!!
شكرا يا حبيب..وفي معمعة هذا الخيط الأستقبال لإنصاف فتحي ،لاحقا ، ح اهديك..بعض من اشغال انصاف فتحي (غاية الأمال) ..عارفك ح تجي تملانا فقر بتاع (ده وعي برجوازي وشنو كده ما عارف..!!)..
كبر
Post: #4 Title: Re: كندا ترحب بانصاف فتحي: شديرة المحلبية ، ال Author: Kabar Date: 08-17-2019, 08:11 AM Parent: #3
(1)
ظهرت الشابة المهندسة الأء صلاح ، وهي تلبس ثوب ابيض ، وقرط كبير.. فصارت ايقونة الثورة السودانية ..!! فهل يذكر سوداني او سودانية ، صورة المهندسة انصاف فتحي وهي تغني بلغة التقراي ، ذات حفل في شرق السودان؟؟..هل يذكر سوداني/ة صورة انصاف فتحي ، التى تجتهد لكي تعيد صورة الميارم ، صورة الكندكات في الذاكرة/ المخيال الإجتماعي السوداني؟!!..ليه الأء صلاح وليس انصاف فتحي؟..
اقيم في كندا لمدة عشرين سنة ، وارى البعض يستخدم اسم (كندا) في نوع من الدعاية والبروباقندا..ولم افكر يوما ان استخدم وجودي في كندا في صناعة موقف..ولكني اليوم سأفعل..!! افعل ذلك ، أي الحديث باسم كندا ، وانا ارحب بحضور الفنانة الشابة المهندس انصاف فتحي..! التحية لكل من قام بهذا الجهد الجميل لتوفير حضور انصاف فتحي الى كندا ، وشكر خاص لأخونا وصديقنا الخلوق الفاتح موسى واسرته الكريمة (في مدينة كالقري التي اقيم فيها) ، الذي فأجأني (في غرفة الجالية السودانية بكالقري).. باعلان حضور انصاف فتحي عبر تصميمات انيقة وفيديو تتحدث فيه انصاف فتحي بانها في كندا..وانها سوف تقيم بعض الكونسيرتات في المدن الكندية..!
مرحب يا انصاف فتحي..يا شديرة المحلبية ، الشديرة الفنجرية..!
كبر
Post: #5 Title: Re: كندا ترحب بانصاف فتحي: شديرة المحلبية ، ال Author: Kabar Date: 08-17-2019, 08:18 AM Parent: #4
(2) ايام زمان ، في هذا المنبر ، كان صديقنا واستاذنا عبد العزيز خطاب يدشن لثقافة المتابعة وخلق الذاكرة السودانية ، وكان مهموم بعرض تجارب البرامج التي تتحدث عن تجارب الغناء في المشهد الثقافي السوداني ، وكان يحرص على عرض تجارب برامج سودانية مثل (اغاني واغاني) وبرنامج (المايسترو) ، وعبد العزيز مهموم بفكرة (النقد الحقيقي)..النقد الذي يفيد اكثر مما يهدم..! وفي احد التجارب التي اهدانا لها صديقنا عبد العزيز خطاب ، اذكر اني تداخلت وقلت عن انصاف فتحي..بان صوت انصاف فتحي يذكرني بصوت امنا واستاذتنا امبلينا السنوسي..!!..وقد لا يعرف عبد العزيز خطاب او جمهوره ، انه بعد فترة ..رأيت في القنوات السودانية ان الفنانة السودانية الشابة المهندس (احرص على اضافة مهندس ، لأن انصاف فتحي مهندسة في تخصص نادر للغاية..!!مثلها ومثل استاذنا دكتور يحي عبد المجيد ، وتلك حكاية عميقة خلاص..!!)..بعد فترة يا عبد العزيز خطاب..رأيت مواد فيديو..فيها انصاف فتحي تذهب الى لقاء امبلينا السنوسي..وكليهما تقدما حلقة سودانية بثت في قناة تلفزيونية سودانية..فيها انصاف فتحي تغني مع الليجند السوداني..امنا املبينا السنوسي..!! حقيقة راسي كبر شديد..وزاد احترامي لبتنا الشابة المهندس انصاف فتحي..!! ياترى ، هل كم سوداني/ة يعرف هندسة انصاف فتحي تلك ، التي نالت فيها درجة الماجستير على اخر ما اذكر؟..الزولة دي متخصصة في هندسة نادرة للغاية ، وهندسة تعرف امكانيات السودان/الموارد التي تفيد العالم الذي اراه الآن ، ناهيك عن امسودان ، وكيف يمكن استغلالها لخدمة مستقبل التنمية والإستقرار في امسودان..!!.ليه مزاج السوداني بيعرف انصاف فتحي الفنانة/الكائن الذكي المجتر ، وما بيعرف انصاف فتحي المهندسة في تخصص نادر..هذى محنة الشعب السوداني..!!
كبر
Post: #6 Title: Re: كندا ترحب بانصاف فتحي: شديرة المحلبية ، ال Author: Kabar Date: 08-17-2019, 08:35 AM Parent: #5
(3) كندا ترحب بانصاف فتحي..وول ابا عثمان عبد الوهاب..! انصاف تغني في حفل زواج فناننا الجميل دولة العطا..! بيني وبين نفسي ، كنت احيانا اطلب الإذن من اصحابي (الموصلي/احمد ياسين/عبد العزيز خطاب/ وليد كوش/ حمد اسماعيل..الخ) بان يسمحوا لي بان اطلق على انصاف فتحي بأن اسميها (فنانة السودان الأولى)..أي والله في عرفي انصاف فتحي هي فنانة السودان الأولى..!! هذا الفهم ينطلق من مبادئ السيوسيولوجيا والأنثروبولجيا الثقافية..! انصاف فتحي لها حساسية واضحة وشفافة وجميلة تجاه فكرة (حسن ادارة التنوع السوداني)..!! فهي تغني بلغات شرق السودان حتى تظن انها من هناك..! هي التي تشارك في عرس الفنان الجميل (دولة) حتى تظن انها من شمال السودان..! هي التي تغني بصوت امبيلنا السنوسي ، حتى تظن انها كردفانية..! هي التي تغني باغاني القضية الدارفورية..حتى تظن انها من ناس دارفور..! هي التي تغني بمزاج ناس امدرمان ، حتى تظن انها امدرمانية..! هي شديرة الحلبية ، الشديرة الفنجرية يا بنية..!!
كبر
Post: #7 Title: Re: كندا ترحب بانصاف فتحي: شديرة المحلبية ، ال Author: Kabar Date: 08-17-2019, 08:55 AM Parent: #6
Post: #13 Title: Re: كندا ترحب بانصاف فتحي: شديرة المحلبية ، ال Author: Osman Musa Date: 01-13-2020, 06:47 AM Parent: #8
سلامات يا استاذ كبر شديرة المحلبية ؟ يا كبر يا اخوي انصاف غابة صندل ومحلب وشاف وكليت خليط معطر من نعم الله . حنجرة زي الحنجرة . وطيبة ما تعرف جمبها شن تسوي خلاف تتناول ليك كرباج وتقعد تكربج في روحك . علي طريقة الشيعة . جن . وهوشة . وشعرانة . وكهرباء في جسمك داخلة من شلالات كندا يا كبر . قلت لي عمك السر قدرو الزولة دي هي سندالة برنامجك . البت زي اسكلاتشي في منتخب ايطاليا زمان ممكن تختها في برنامجك وبعد داك تخت عليها . حقيقة مبدعة . البت تذكرك بي مهاجم الكاميرون روجي ميلا في موقعتو مع الانجليز . روجي جرجر منتخب انجلترا وجرجر معاهو سوق الناقة كلو جمل جمل هههههها . ماشاءالله علي انصاف . حترتاح للفرقة الفرجنية الكلفورنية المخلوطة بي انامل تورنتو . و واكيد الدلوكة في زمهرير كندا بتكون محمسة ودايرة تطق . والله حظكم بيها وحظها برضو في بلاد مارتا .