|
|
|
 Re: أتمني نقل andquot; العاصمة andquot; من الخرطوم (Re: Hasheem Karouri)
|
في الخطط الاسعافية القادمة ( اتمني ذلك ) . مع بداية الغد المشرق باذن الله ، وطالما خلصنا من الطاغية وثبتنا نظام حكم جديد ( اي كان ) فهو محمده . اتمني تفعيل المشاريع الاستراتيجية . وتكون كلها باجر مجز يحفز الكثيرين للانضمام .
ويكون المقياس ( المؤهل / الكفاءة / الرغبة في العمل والانتاج ) كل في مجاله ( الصناعي في صنعته وحرصه علي تطويرها / الطبيب في مجاله ولايبخل علي الاخرين بنصيحة / المهندس في عمله ويهتم بالجودة في عمله بعد الانتهاء من مشروعه / الطالب في مدرسته او جامعته يهتم بالتحصيل والاستفادة من وقت تحصيله ، فالذي يذهب لايعود / العامل في مكان عمله يؤديه بكل امانه " دون الحوجة لرقيب " .
اصحاح البيئة هو الاهم في المرحلة القادمة ، رغم انه واجب الحكومة القادمة ، الا الشعب ايضا له دور .
| |
 
|
|
|
|
|
|
|
 Re: أتمني نقل andquot; العاصمة andquot; من الخرطوم (Re: Hasheem Karouri)
|
سلام عليكم
اعتقد انو ممكن يكون فى فكره التخطيط لعواصم نوعيه يعنى عاصمه صناعيه وعاصمه زراعيه(القضارف او مدنى مثلا ) عاصمه اقتصاديه (الابيض مثلا)عاصمه ثقافيه فنيه وعاصمه سياحيه وهكذا على اساس مايميز المنطقه/الاقليم نشاط او ثروه طبيعيهوعليه تصبح الخرطوم عاصمه سياسيه فقط بعد استقطاب كل الموارد البشريه لمدن فى مختلف اطراف السودان كل حسب خبراتو. لكن فكره نقل العاصمه على الاطلاق سيجعل العاصمه الجديده تعانى من ماتعانى منو الخرطوم فى سنوات معدوده بالتالى تتم تنميه وازدهار مدن مدن عديده
| |
|
|
|
|
|
|
|
|
|
Re: أتمني نقل andquot; العاصمة andquot; من الخرطوم (Re: Asim Ali)
|
مرحب ياعاصم
يتحدثون عن الهامش والعاصمة هي ام الهامش نفسو . الفرق شنو بين الهامش وغير الهامش ؟
لو فرضنا جدلا ان الفرق هو الخدمات . طيب وينها الخدمات . وجودها زي عدمها .
العاصمة كما يسمونها ، محاطة بحزام بشري كثيف ، سكانه اضعاف سكان العاصمة . لو تم تاهيل هذه المناطق التي يعيشون فيها ، . ( مثلا سكان الثورات التي وصل عددها الي اكثر من 200 حارة علي ما اعتقد ) . لو تم تزويد هذه المناطق بالخدمات الاساسية : المرور / السجل المدني / بنوك وصرافات اليه / مستشفيات مؤهلة تستقبل كل الحالات / مدارس وجامعات / منتزهات واماكن للترفيه ، لا اعتقد انه يوجد سبب يدعوهم للحضور للمركز بالصورة الحالية ، وليس هذا معناه حرمانهم من الحضور .
هذا جزء من شمال امدرمان فقط . فما بالك بغربها وجنوبها ، والحزام الذي يحيط بالخرطوم وبحري ايضا .
| |
|
|
|
|
|
|
|
|
|
Re: أتمني نقل andquot; العاصمة andquot; من الخرطوم (Re: Hasheem Karouri)
|
الخرطوم أكبر هامش وأبو الهوامش ذاتو ..
الناس تكورك الخرطوم .. الخرطوم ..الخرطوم
التقول الساكنين في الخرطوم ديل جابوهم بي كرت دعوة ..
الداير يجي يسكن الخرطوم مايجي ! هل في زول مانعه ؟ ..
اليجوا يتكوموا مع المتكومين في الخرطوم ..
ويفكونا من نغمة هامش ومركز وأصلا هو أبو الهوامش ..
أثني أن تكون العاصمة بالتناوب بين المدن الرئيسية في السودان ..
على الأقل يتم عبر التنقل ده نقل الحضر للريف ..
سويسرا ونيجيريا مثالا ..
مالو المانع شنو ؟ .. لا مانع ..
على الأقل يريحوا تيفه من زحمة ناس الضهاري المجننو ديل ..
ويخلوا ليهو الخرطوم فاااضية يتضرع فيها بررراهو .. خخخخخ ..
ــــــــــــــــــــــــــــــــــــــــــــــــــــــــــــــــــــــــــ
أقترح نقل العاصمة لمدينة دنقلا ..... ....
| |
|
|
|
|
|
|
|
|
|
Re: أتمني نقل andquot; العاصمة andquot; من الخرطوم (Re: جمال ود القوز)
|
| Quote: اعتقد انو ممكن يكون فى فكره التخطيط لعواصم نوعيه يعنى عاصمه صناعيه وعاصمه زراعيه(القضارف او مدنى مثلا ) عاصمه اقتصاديه (الابيض مثلا)عاصمه ثقافيه فنيه وعاصمه سياحيه وهكذا على اساس مايميز المنطقه/الاقليم نشاط او ثروه طبيعيهوعليه تصبح الخرطوم عاصمه سياسيه فقط بعد استقطاب كل الموارد البشريه لمدن فى مختلف اطراف السودان كل حسب خبراتو. لكن فكره نقل العاصمه على الاطلاق سيجعل العاصمه الجديده تعانى من ماتعانى منو الخرطوم فى سنوات معدوده بالتالى تتم تنميه وازدهار مدن مدن عديده |
اظن دي الفكرة الافضل والقابلة للتحقيق
| |
|
|
|
|
|
|
|
|
Re: أتمني نقل andquot; العاصمة andquot; من الخرطوم (Re: Gafar Bashir)
|
هو البجيب الناس للعاصمة شنو؟
لو زرت اوتاوا عاصمة كندا او واشنطون عاصمة الولايات المتحدة بتلقاها مدن عادية جدا و ما في زول بمشي ليها الا الناس الشغالين في الحكومة.
تانيا لو توفرت معظم (ليس بالضرورة كل) الاساسيات قريبة من المناطق التي يعيش فيها السكان, ما في سبب بخلي زول يجي الخرطوم اصلا.
المشكلة في الاساس, التخطيط غير السليم و العقلية التي تمسك بمقاليد الامور و التي لا تنظر الي السودان الا في اطار العاصمة.
بدل التركيز علي بناء عاصمة اخرى و صرف بلايين الدولارات للتاسيس, يمكن وضع نفس الميزانية في تاسيس خدمات اساسية في اركان السودان الخمس:
مستشفيات تخصصية متكاملة في كل اقليم.
توفير طرق مرور سريع يربط السودان من كل الاقاصي
توفير كهرباء 24 في المدن الاساسية في كل اقليم و بالتالي تكون الخدمات الاساسية التي تعتمد علي الكهرباء متوفرة
اذا ده تم, بتتوفر العمالة في مناطق الانتاج و ما في سبب بخلي اى شخص يهاجر الي اوسخ مدينة في العالم ليعيش علي الكفاف.
| |
|
|
|
|
|
|
|
|
|
Re: أتمني نقل andquot; العاصمة andquot; من الخرطوم (Re: Mahjob Abdalla)
|
انسب عاصمة سياسية انيقة للسودان الجديد كوستي والمقترح ده قديم في البورد
وهي ايضا عاصمة مثلثة كوستي الجزيرة ابا ربك ولها قيمة روحية للمهدية
وبعدين العلاج المضوعي والعلمي لتكديس الناس في الخرطوم هي سياسيا المركز المجرمة عير كل الانقلابات 1958 و1969 و1989 هو الفدرالية الحقيقية
نرجع الاقاليم الخمسة فقط ونعمل فيها انتخابات حرة =تمثيل نسبي مشروحة في البورد كويس
حاكم اقليم+برلمان اقليم ورقة واحدة بس
حاكم الاقاليم ده يجي يقعد في القصر الجمهوري من ضمن المدنيين الخمسة 5+1+5...لاحظ منتخب غير معيين عشان نفرز الحركات المسلحة وحجمها في الارض السياسي
اذا استقرت الاقاليم بالديمقراطية والانتخابات تاني ما في زول برقص ويغطي دقنو ويقول انا الشعب والشعب انا خمسة حكام اقاليم منتخبين ووبرلمانات منتخبة تنتهي مشكلة السودان الاساسية (العجز عن الفدرالية )
%80 من ناس الخرطوم برجعو الاقاليم واصلو كان قاعدين على قاعة ذهب المضطر نحاس
| |
|
|
|
|
|
|
|
|
|
Re: أتمني نقل andquot; العاصمة andquot; من الخرطوم (Re: ترهاقا)
|
Quote: الداير يجي يسكن الخرطوم مايجي ! هل في زول مانعه ؟ ..
اليجوا يتكوموا مع المتكومين في الخرطوم .. |
مرحبا جمال .
اعتقد ان كثير من اهلنا في الولايات او الاقاليم لديهم فكرة مغلوطة عن " العاصمة " . وجهه نظرهم ان العاصمة تتمتع بوفرة كل شئ ، ولكنهم يتفأجون بعكس ماكانوا يتوقعون . يوجد ازدحام في كل شئ ، وغلاء فاحش ، وتردي في الخدمات .
وقد يجد البعض ضالته في المدينة الجديدة فيصارع مع المتصارعين املا بوجود " فرصة " تجعله مستقرا ، امنا ، ثم يقوم لاحقا باحضار باقي اسرته . ( لكن بمقارنة بسيطة يجد ان حاله في الماضي كان افضل من الان ) .
بعد اكتشاف ( الخدعة الكبيرة ) . يكون قد اسقط في يديه فلا يستطيع الرجوع مره اخري ، ولا يستطيع العيش في مدينته الجديدة فهي " قاسية " للغاية ، وتتطلب مجهودا جبارا حتي يوفر ادني احتياجاته . فينشأ هامش داخل الهامش .
الهجرة من الريف للحضر ( ليست نزهه ) . فيجد الانسان نفسه غريبا في هذا الوسط . الذي لايرحم . فيحدث التكدس ، والناس تتكوم امام ( ستات الشاي ) . منتظرين الفرج من الله .
| |
|
|
|
|
|
|
|
|
|
Re: أتمني نقل andquot; العاصمة andquot; من الخرطوم (Re: Hasheem Karouri)
|
محتاجين نتخلص من بعض المفاهيم قصه العاصمة السياسية هي الكل في الكل والاستسلام لانو الحاكم هو المتحكم ربما بدا من رواسب الخضوع لحقب استعمار وديكتاتوريات وفكره انو العاصمة (محل الرئيس بنوم والطيارة بتقوم وكانو ودي دلاله على تخلف البلد اللى ما فيها مطار بالمعايير الدولية الا قى العاصمة السياسية)! جعلتنا لا نستوعب بسهوله ان الرئيس او الملك او ما شئتم من تسميات هي تسميه لموظف هو رمز سيادة الدولة زيو وزى صقر الجديان إلفي الجواز وترويسه الأوراق الحكومية ورئيس الوزراء موظف خادم للشعب هو وطاقمو المعاون (مجلس الوزراء).
اذن انتقال العاصمة الى مدينه أخرى او بناء عاصمه جديده لن يغير من طالما لم تتغير العقليات والمفاهيم. (طبعا دا ذاتو مشكله لانو ناس فلم الهامش كل طرف ينازع عشان العاصمة تكون عندو.
تعبير العاصمة النوعية هو (التنمية) للإقليم/الولاية على أساس مواردها الطبيعية والبشرية وثرواتها. ويحتاج الموضوع لقرارات وخطه صارمه من الدولة بتشجيع نقل الخدمات زى الصحة والتعليم العالي (الخاص على وجه الخصوص وتشجيع التخصصات النوعية موارد الإقليم) للأقاليم بواسطة (التحفيز) بمنح قطع أراضي وتسهيلات في الإجراءات ودفع الضرائب بخطه بعيده المدى.
في كثير من الدول ونورد (امثله) للمدن بجانب دلهي وبومباي اما ليبيا بجانب طرابلس بنغازي وسرت والبريقة والمغرب الدار البيضاء ومراكش وآسفى واغادير وحتى الولايات المتحدة مدن مع تطورالانشطه الإنسانية ديترويت وميامي ولوس انجلس ولاس فيغاس وهلمجرا تجد المعروفة كمركز للترفيه او تلك للسياحة وإنتاج اللحوم وهلمجرا. نحنا في السودان ما ضروري ننتظر تطور يأخذ عقود من الزمن وانما نخطط تنمويا على الأساس دا (بعيدا عن تعقيد الفكرة بتسيسها).
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Hasheem Karouri
Asim Ali
جمال ود القوز
Mahjob Abdalla
adil amin
Mohamed Adam
ترهاقا
فيس بوك
تويتر
انستقرام
يوتيوب
بنتيريست