Post: #1
Title: يا اخوانا الاسمه التوم هجو داير يصل لي شنو...عالم وهم
Author: عادل شقاوة
Date: 08-13-2019, 05:56 PM
05:56 PM August, 13 2019 سودانيز اون لاين
عادل شقاوة-UK
مكتبتى
رابط مختصر
Quote: ده بيان من التوم هجو بالمناسبة :
الجبهة الثورية السودانية
بيان بخصوص فشل المفاوضات مع قوي الحرية والتغيير بالقاهرة
اولآ نزف التهاني والتبريكات لجماهير شعبنا الصابر علي النظم الديكتاتورية والإستبدادية منذ الحقب الاولي لتشكل الدولة السودانية الحديثة
والثائر علي آخر معاقل القتل والتهجير والإبادة الجماعية والتمييز العنصري نظام الجبهة الإسلامية البائد
جماهير شعبنا الشرفاء
ظلت الجبهة الثورية حريصة علي إقامة الدولة المدنية التي تعتمد العدالة والمساواة والحرية والديموقراطية وحقوق الإنسان قبل ان يبلغ مراهقي السياسة الحلم ادعياء النضال الذين ظنو إن النضال عبارة عن هتافات وساعات إعتقال وقيادة تظاهرات عبر مواقع التواصل الإجتماعي
ولا يعلمو إن الجبهة الثورية بجميع فصائلها قدمت فداء لنضالها الذي استمر عشرات السنين آلاف الشهداء والجرحي والمفقودين والمهجرين
ودفعت مهر دولة الحرية والمدنية قتالآ وإعتقالات وتعذيبآ وصبرآ في الاحراش إيمان بالقضية والهوية وما زالت علي عهدها مع شعبها ودماء شهداءها في دار فور وجبال النوبه والنيل الازرق
ايها الشرفاء
لقد تابعتم ما جري من مفاوضات خلال اليومين الماضيين بالعاصمة المصرية والتي ذهبنا إليها بعقل مفتوح نحمل معنا آمال وتطلعات شعبنا وامانة قضيته التي علي عاتفنا
وكلنا ثقة وطموح. في ان يكون رفقائنا من جانب الحرية والتغيير بقدر المسئولية والجدية في البحث عن مفاوضات تنهي المشكل السوداني من جذوره وتفتح ابواب التصافي والتعايش السلمي وبناء دولة الحرية والديموقراطية بمشاركة جميع ابناء السودان
بنات وابناء الشعب السوداني
يؤسفنا ان نعلن لكم الوجه الحقيقي لقوي الحرية والتغيير وظهور وجهها العنصري الحقيقي بعد إنقشاع وجه النضال وإدعاء الوطنية الزائف. والذي ظهر جليآ. في ما جري في المفاوضات التي جرت في اليومين الماضيين ومحاولة إملاء شروطهم وتجاهل مطالب الجبهة الثورية ومحاولة طمسها
في عملية لا تختلف كثيرآ عما كان يفعل نظام الجبهة الإسلامية البائد
شعبنا الابي
عهدنا معكم الا نبيع ولا يسيل لعابنا لبريق سلطة او مناصب يغرينا بها صبية قوي التغيير وهي ذات نفسها في حوجة لمن يتصدق عليها بما تحاول شراءنا به
إننا لن نبيع دماء شهداءنا ومعاناة شعبنا وقضية بلادنا
وإن كنا نبحث عن ذلك لاستجبنا لإغراءات نظام البشير البائد
شعبنا الابي
العهد الذي بيننا وبينكم اما إتفاق يقيم دولة المواطنة والقانون والمساواة بين الناس ومحاسبة المجرمين وإرجاع الحقوق إلي اهلها او لا إتفاق ومواصلة طرق النضال والكفاح بشقيه المدني والمسلح حتي تحقيق الغايات -
#الخلود لشهدائنا الابرار
#عاجل الشفاء للجرحي
#الثورة مستمرة حتي تحقيق غاياتها
التوم هجو
رئيس وفد الجبهة الثورية لمفاوضات القاهره |
|
Post: #2
Title: Re: يا اخوانا الاسمه التوم هجو داير يصل لي شنو
Author: علاء سيداحمد
Date: 08-13-2019, 06:00 PM
Parent: #1
Quote: الجبهة الثورية السودانية
بيان بخصوص فشل المفاوضات مع قوي الحرية والتغيير بالقاهرة |
سلام يا عادل
فعلاً عالم وهم .. بعد المحاصصة .. وبعد ان نالوا مقعد فى المجلس السيادى عايزين شنو تانى !؟
|
Post: #3
Title: Re: يا اخوانا الاسمه التوم هجو داير يصل لي شنو
Author: Hasheem Karouri
Date: 08-13-2019, 06:05 PM
Parent: #2
سلام
ممكن واحد يورينا التوم هجو ده شنو ؟
اول مره اسمع باسمو في الفترة الاخيرة . يتردد بقوة .
داير شنو هو ؟ داير يبقي عضو في مجلس السيادة . ولا داير يبقي وزير ؟
ولو بقي وزير بحقق للناس طموحاتها ولا ساي ؟
|
Post: #4
Title: Re: يا اخوانا الاسمه التوم هجو داير يصل لي شنو
Author: Asim Ali
Date: 08-13-2019, 06:22 PM
Parent: #2
| Quote: ومواصلة طرق النضال والكفاح بشقيه المدني والمسلح |
لمتين يظل التهديد بحمل السلاح وسيله للمشاركه السياسيه ؟؟
كلو من الكيزان خربو طبعهم واصبح حمل السلاح والحرب حتى لو على حساب شعبهم واستقرارو وسلامو لا لشىء الا لاجل انصبه فى الحكم..
المحاصصه فى المجلس التشريعىهى الواجب الوطنى الحقيقى فى المرحله ووالانصبه حسب الكتل الموقعه على اعلان الحريه والتغيير اما قصه انو مكون يحاول يحقق مكاسب منفرد . دا مؤشر لدور خطير يصب لصالح الثوره المضاده وربما احد المحاور الاقليميه.
التهافت على كراسى الحكم فى فتره انتقاليه هل هى محاوله تمكين خوفا من فشل قادم فى الانتخابات (ربما) لعدم وجود قاعده مؤيدين ؟؟؟
|
Post: #5
Title: التوم هجو هو نسخة من احمد بلال
Author: عادل شقاوة
Date: 08-13-2019, 06:34 PM
Parent: #4
التوم هجو هو نسخة من احمد بلال لا اكثر و لا اقل
|
Post: #6
Title: Re: يا اخوانا الاسمه التوم هجو داير يصل لي شنو
Author: عبد الصمد محمد
Date: 08-13-2019, 06:34 PM
Parent: #4
التوم هجو إتحادي. إنشق عن الحزب وانضم مع مجموعة قليلة جداً جداً إلى الجبهة الثورية
هذا حدث مع بداية تكوين الجبهة لأنه يقيم في أميركا في وضع مالي مريح للغاية
لم يكن لدي فيه رأي لا هو ولا مناوي
لكن عندما حاولوا مفاوضة المجلس العسكري بعد مجزرة القيادة وإتجاه المجلس
لتكوين حكومة إنتقالية لا تشمل قحت
سقط الإثنان في نظري فقد إتضح أنهم تجار سلطة
وما حدث من مفاوضة مع المجلس الكيزاني وتدبيج مقالات ضد قحت في وقت هي
تعاني من ضعف وإستهداف شديدين نزع من قلبي وعقلي أي ثقة فيهم
|
Post: #7
Title: Re: يا اخوانا الاسمه التوم هجو داير يصل لي شنو
Author: عبدالعظيم عثمان
Date: 08-13-2019, 06:35 PM
Parent: #4
البيان مضروب ما عنده علاقة بالتوم هجو
دا شغل ثورة مضادة
وشتل كيزان
|
Post: #8
Title: Re: يا اخوانا الاسمه التوم هجو داير يصل لي شنو
Author: كمال عباس
Date: 08-13-2019, 08:12 PM
Parent: #7
البيان منشور في موقع النيليين
https://www.alnilin.com/13069994.htmhttps://www.alnilin.com/13069994.htm
|
Post: #9
Title: Re: يا اخوانا الاسمه التوم هجو داير يصل لي شنو
Author: عبداللطيف حسن علي
Date: 08-13-2019, 08:17 PM
Parent: #8
التوم هجو هو نسخة من احمد بلال لا اكثر و لا اقل
ـــــــــــــــــــــــــــــ
كان عضوا في برلمان 1986 ويوزع سبح الصلاة علي الاعضاء !!!!
|
Post: #10
Title: Re: يا اخوانا الاسمه التوم هجو داير يصل لي شنو
Author: ترهاقا
Date: 08-13-2019, 09:47 PM
Parent: #9
Quote:
كان عضوا في برلمان 1986 ويوزع سبح الصلاة علي الاعضاء !!!!
|
بروفايل مدنكل، وفي مجال آخر ممكن يوزع الفودكا
|
|